ರಾಜಯೋಗದಿಂದ ಧರ್ಮರಕ್ಷಣೆ ಸಾಧ್ಯ.

ಪುರಾಣ ಇತಿಹಾಸ ಭವಿಷ್ಯದ ಚಿಂತನೆಯಲ್ಲಿ ವಾಸ್ತವ ಸತ್ಯವನ್ನು ಮರೆತರೆ ಮಾನವನಿಗೆಕಷ್ಟ ನಷ್ಟ. ರಾಜರಕಾಲ ಹೋಗಿ ಪ್ರಜಾಪ್ರಭುತ್ವ ಬಂದು ಎಷ್ಟೋ ವರ್ಷ ವಾದರೂ ರಾಜರಂತೆ ಬದುಕಲು ಹೋಗುವವರು  ಸಾಮಾನ್ಯರನ್ನು ದಾರಿತಪ್ಪಿಸಿ ಆಳೋದನ್ನು ಈವರೆಗೆ ತಡೆಯಲಾಗಿಲ್ಲವೆಂದರೆ ಯಾವುದನ್ನು ತಡೆಯಬಹುದೋ ಅದನ್ನು ಬಿಟ್ಟು ಆಗಬಾರದ್ದನ್ನು ಮಾಡಿದರೆ ಆಗೋದೇಬೇರೆ. ಪರಮಾತ್ಮನ ಇಚ್ಚೆಯಿಲ್ಲದೆ ಒಂದು ಹುಲ್ಲು ಕಡ್ಡಿಯೂ ಅಲ್ಲಾಡದೆನ್ನುವ ಸತ್ಯವನ್ನು ಯಾರು ಕಂಡು ಆತ್ಮಸಾಕ್ಷಿಯಂತೆ ನಡೆದರೋ ಅವರನ್ನು ಕಾಣೋದು ಇಂದು ಕಷ್ಟವಿದೆ.ಆದರೆ ಅವರ ನಡೆ ನುಡಿಯಲ್ಲಿದ್ದ ತತ್ವಜ್ಞಾನ ಇಂದಿಗೂ ಮಾನವನಿಗೆ ಅಗತ್ಯವಿದೆ.

ತತ್ವಜ್ಞಾನದಿಂದ ರಾಜಯೋಗ ರಾಜಯೋಗದಿಂದ ಧರ್ಮ ರಕ್ಷಣೆ ಸಾಧ್ಯವೆನ್ನುವ ಸತ್ಯ  ಹಿಂದಿನ ದೇಶಭಕ್ತರು,ದೇವರ ಭಕ್ತರು ಅನುಭವದಿಂದ ತಿಳಿದು  ನಡೆದು ನುಡಿದಿದ್ದರು. ಇದು ಭಾರತೀಯ  ತತ್ವಶಾಸ್ತ್ರ. ಶಾಸ್ತ್ರ, ಸಂಪ್ರದಾಯ, ಇನ್ನಿತರ ಆಚಾರ,ವಿಚಾರ,ಪ್ರಚಾರಗಳು ಸಾಕಷ್ಟು ವರ್ಷದಿಂದ ನಡೆದಿದೆ.ಆದರೆ ಯಾಕೆ ಶಸ್ತ್ರ ಹಿಡಿದು ತನ್ನ ಜೀವರಕ್ಷಣೆ ಮಾಡಿಕೊಳ್ಳುವ  ಪರಿಸ್ಥಿತಿ ಬರುತ್ತಿದೆ? ಇದರಲ್ಲಿ ಯಾವುದೂ ಅತಿಯಾಗಬಾರದೆನ್ನುವ ಸಂದೇಶವಿದೆ. ಆಂತರಿಕ ಜ್ಞಾನಕ್ಕೆ ವಿರುದ್ದ ಭೌತಿಕ ವಿಜ್ಞಾನ ಬೆಳೆದಂತೆಲ್ಲಾ ಆತ್ಮಹತ್ಯೆಗಳಾದವು.

ಆತ್ಮಹತ್ಯೆಯ ಪಾಪಕ್ಕೆ  ಇನ್ನಷ್ಟು  ಅಗೋಚರ ಅತೃಪ್ತ ಆತ್ಮಗಳು  ಮಾನವನೊಳಗೆ ಹೊರಗೆ ಇದ್ದರೂ  ಕಾಣದೆ  ತಮ್ಮದೇ ಆದ ರಾಜಕೀಯ ತಂತ್ರದಿಂದ ಅತೃಪ್ತರನ್ನು ಆಳಲು ಹೊರಟು ತಮ್ಮ ರಾಜಯೋಗವನ್ನು ಅರ್ಥ ಮಾಡಿಕೊಳ್ಳಲು ಸೋತವರು  ಹೋರಾಟ,ಹಾರಾಟ, ಮಾರಾಟದಲ್ಲಿ

ಮೈಮರೆಯುವಂತಾಗುತ್ತಿದೆ. ಇದರಿಂದಾಗಿ ಯಾರಿಗೆ ಲಾಭ? ಯಾರಿಗೆ ನಷ್ಟ?

ಅಧ್ಯಾತ್ಮದ ಪ್ರಕಾರ ಭೂಮಿಗೆ ನಷ್ಟ ಮನುಕುಲಕ್ಕೆ ಕಷ್ಟ.ಲಾಭ ಯಾರಿಗೂ ಇಲ್ಲ.ಕಾರಣ ಇಲ್ಲಿ ನಡೆಸೋ ಶಕ್ತಿಯೇ ಬೇರೆ ನಡೆಯೋ ಶಕ್ತಿಯೇ ಬೇರೆ. ಒಬ್ಬರಿಗೊಬ್ಬರು  ಮುಖ ನೋಡಿಕೊಳ್ಳದಿದ್ದರೂ ವ್ಯವಹಾರಕ್ಕೆ ಇಬ್ಬರೂ ಬೇಕು. ಒಂದೇ ನಾಣ್ಯದ ಎರಡು ಮುಖಗಳ ವಿರುದ್ದ ದಿಕ್ಕಿನ ಚಲನೆಯು ಮಧ್ಯವರ್ತಿ ಮಾನವನಿಗೆ  ಕಾಣಿಸುತ್ತಿಲ್ಲ.ಇದನ್ನು ಕಂಡವರು ತತ್ವಜ್ಞಾನಿಗಳಾದರು, ಮಹಾತ್ಮರಾದರು,ದೇವರಾದರು. ರಾಜಯೋಗವೆಂದರೆ  ಆತ್ಮಾನುಸಾರ ನಡೆದು ಸ್ವತಂತ್ರ ಜ್ಞಾನದಿಂದ  ತನ್ನ ತಾನು ಆಳಿಕೊಂಡಿರುವ ಯೋಗಿಗಳು.

ಸ್ವಾಮಿ ವಿವೇಕಾನಂದರ ಪ್ರಕಾರ  ಭಾರತದ  ಶಿಕ್ಷಣದಲ್ಲಿಯೇ ರಾಜಯೋಗವಿತ್ತು. ಆದರೆ ಅದರೊಳಗಿದ್ದ ಹಲವು ರಾಜಕೀಯದಿಂದ  ಇಂದು  ಧರ್ಮ, ಸತ್ಯನ್ಯಾಯ,ನೀತಿ,ಸಂಸ್ಕೃತಿ, ಸಂಪ್ರದಾಯ, ಆಚರಣೆಯು ವೈಭೋಗದೆಡೆಗೆ  ನಡೆದಂತೆಲ್ಲಾ  ನಿಜವಾದ  ಹಿಂದೂಗಳು ಹಿಂದುಳಿದರು. 

ವರ್ಷಕ್ಕೊಂದರಂತೆ  ಪುಸ್ತಕ ರೂಪ ಪಡೆಯುತ್ತಿರುವ ಇಂತಹ ಲೇಖನಗಳು ಜನಸಾಮಾನ್ಯರ ಸಾಮಾನ್ಯಜ್ಞಾನಕ್ಕೆ ಅರ್ಥ ಆಗುತ್ತದೆನ್ನಬಹುದು. ಜನಸಾಮಾನ್ಯರ  ಜ್ಞಾನದಿಂದಲೇ ದೇಶ ನಡೆದಿರೋದು. ಒಬ್ಬೊಬ್ಬ ಪ್ರಜೆಯೂ ದೇಶದ ಒಂದು ಭಾಗ.ದೇಶಭಕ್ತಿಯು ಯೋಗದಿಂದ ಬೆಳೆಯುವುದೆ ಹೊರತು ಭೋಗದಿಂದಲ್ಲ. ಎಲ್ಲಾ ಒಂದೇ ಎನ್ನುವ ಬದಲಾಗಿ ಎಲ್ಲರಿಗೂ ಒಂದೇ ದೇಶ,ಧರ್ಮ, ನೆಲ ಜಲ ಎನ್ನುವ ಸತ್ಯ ತಿಳಿದರೆ  ಅದರ ಋಣ ತೀರಿಸಲು ಯೋಗ ಮಾರ್ಗ ಉತ್ತಮ

ಎಂದಿದ್ದಾರೆ ರಾಜಯೋಗಿಗಳು. ವಾಸ್ತವದಲ್ಲಿ  ನಮ್ಮ ಶಿಕ್ಷಣವೇ  ನಮ್ಮ ಜ್ಞಾನವನ್ನು ಗುರುತಿಸಲು ಸೋತಿರುವಾಗ ಎಲ್ಲಿಯ ಯೋಗಯೋಗವೆಂದರೆಸೇರುವುದು,ಕೂಡುವುದು,

ಒಂದಾಗುವುದು ಎಂದಾಗ ಒಳಗಿನ  ಜ್ಞಾನಶಕ್ತಿಗೆ ಹೊರಗಿನ‌ಜ್ಞಾನಶಕ್ತಿ ಕೂಡುವುದಾಗಬೇಕು. ವಿರುದ್ದವಾದರೆ ಯೋಗ ಕೂಡಿಬರದು.ಮೂಲದೆಡೆಗೆ ಸೇರೋದಿಲ್ಲ. ಕೆಲವರಿಗೆ ಸಾಧ್ಯವಾಗಿದ್ದರೆ ಹಲವರಿಗೆ ಸಾಧ್ಯವಾಗಿಲ್ಲದಿರೋದಕ್ಕೆ ಕಾರಣ ರಾಜಕೀಯದ ದುರ್ಭಳಕೆ.

ಈ ವರ್ಷದ ಹೊಸಪುಸ್ತಕ ರಾಜಯೋಗ- ಧರ್ಮ ರಕ್ಷಣೆಯು

ಇಂದು ಕೈ ಸೇರಿತು. ವಿಚಾರಗಳು  ಸಾಮಾನ್ಯವೆನಿಸಿದರೂ ಅನುಭವಕ್ಕೆ ಬರುವ ಸತ್ಯವಾಗಿದೆ. ಸತ್ಯವೇ ದೇವರಾದರೆ  ಸತ್ಯ -ಧರ್ಮದ ಯೋಗದಿಂದ  ಧರ್ಮ ರಕ್ಷಣೆ .ಸತ್ಯವೆ ಬೇರೆ ಧರ್ಮ ವೆ ಬೇರೆ ಆದರೆ ಅಧರ್ಮ .