ಯುವಕರಿಗೆ ವಿವೇಕಾನಂದರ ಸಂದೇಶವೇನಿತ್ತು?

ಯುವಶಕ್ತಿಗೆ  ವಿವೇಕಾನಂದರ ಸಂದೇಶಗಳು
ವಿವೇಕಾನಂದ ಎನ್ನುವ  ಹೆಸರಲ್ಲಿರುವ ವಿವೇಕದ ಆನಂದವನ್ನು ಯುವಶಕ್ತಿಯಲ್ಲಿ ಕಾಣುವುದೇ ಸ್ವಾಮೀಜಿಯ
ಮುಖ್ಯಗುರಿಯಾಗಿತ್ತು. ಅವರು ನೀಡಿದ ಪ್ರತಿಯೊಂದು ಸಂದೇಶದಲ್ಲಿಯೂ ರಾಜಯೋಗವನ್ನು ಕಾಣಬಹುದು.
ಯುವಕರು ಸ್ವಯಂ ಶಕ್ತಿಯಾಗಲು ಯೋಗದಿಂದ ಸಾಧ್ಯ ಎನ್ನುವ  ಯೋಗಿಗಳಾಗಿದ್ದ ವಿವೇಕಾನಂದರು ಅಂತಹ ಯೋಗ್ಯ ಶಿಕ್ಷಣವನ್ನು ಭಾರತದಲ್ಲಿ  ಜಾರಿಗೆ ತರುವ ನಿಟ್ಟಿನಲ್ಲಿ
ಬದಲಾವಣೆಗೆ  ಸ್ವಾಮಿ ವಿವೇಕಾನಂದರ ಕೆಲವು ಮುಖ್ಯವಾದ ಸಂದೇಶಗಳನ್ನು ಯುವಕರ ಮುಂದಿಡುವ  ಮೂಲಕ  ಭಾರತದ ಯುವಶಕ್ತಿಯನ್ನು ಎಚ್ಚರಿಸುವ ಕೆಲಸ ಇಂದಿಗೆ ಅಗತ್ಯವಾಗಿದೆ.
ವಿವೇಕಾನಂದರ  ಪ್ರಕಾರ ಶಿಕ್ಷಣವೆಂದರೆ
ನಮ್ಮ ಮೆದುಳಿನಲ್ಲಿ ತುಂಬಿರುವ‌ ಮಾಹಿತಿಗಳ ಮೊತ್ತವಲ್ಲ, ನಮ್ಮ ಜೀವನಕ್ಕೆ ಬೇಕಾದ್ದು ಜೀವನ - ನಿರ್ಮಾಣ, ಮನುಷ್ಯ- ನಿರ್ಮಾಣ, ಚಾರಿತ್ರ್ಯ ನಿರ್ಮಾಣ ಇವುಗಳ ಮೂಲಕ ಉದಾತ್ತ ಭಾವನೆಗಳನ್ನು ಕರಗತ ಮಾಡಿಕೊಂಡು, ಐದೇ ಐದು ಭಾವನೆಗಳನ್ನು ಅರಗಿಸಿಕೊಂಡು,ಅದನ್ನು ನಿಮ್ಮ ಬದುಕನ್ನಾಗಿ ಮತ್ತು ಚಾರಿತ್ರ್ಯ ವನ್ನಾಗಿಸಿಕೊಂಡರೆ ಇಡೀ ಗ್ರಂಥಾಲಯವೇ ಬಾಯಿಪಾಠ ಮಾಡಿದ ಯಾವುದೇ ವ್ಯಕ್ತಿಗಿಂತ ಎಷ್ಟೋ ಹೆಚ್ಚು ಶಿಕ್ಷಣ ಪಡೆದಂತೆ ಎಂದಿದ್ದರು.
ವಾಸ್ತವದ ಸ್ಥಿತಿಯಲ್ಲಿ  ಯುವಕರ ಪರಿಸ್ಥಿತಿ ಮನಸ್ಥಿತಿಯು
ಶಿಕ್ಷಣದಲ್ಲಿಯೇ ಹದಗೆಡುತ್ತಿದೆ ಎಂದಾಗ  ವಿವೇಕಯುಕ್ತ ವಿಷಯಗಳನ್ನು ಪಠ್ಯ ಪುಸ್ತಕವಾಗಲಿ, ಪೋಷಕರಾಗಲಿ, ಶಿಕ್ಷಣವಾಗಲಿ ಕೊಡಲು ಸೋತಿರುವುದಾಗಿದೆ. ಇದಕ್ಕಾಗಿ ಸಾಕಷ್ಟು  ತಯಾರಿಯೂ ಇಂದು ನಡೆಯುತ್ತಿದೆ. ಯುವ ಪೀಳಿಗೆಯು ಆದರ್ಶ ವನ್ನು ಸ್ವೀಕರಿಸಬೇಕಿದೆ.

ವಿವೇಕಾನಂದರು ರಾಜಕೀಯ ನಡೆಸಿರಲಿಲ್ಲ ರಾಜಯೋಗಿಗಳಾಗಿ  ಸ್ವತಂತ್ರ ಜ್ಞಾನಿಗಳಾಗಿ ಸಂನ್ಯಾಸಿಗಳಾಗಿದ್ದವರಲ್ಲಿದ್ದ ಅಧ್ಯಾತ್ಮ ಶಕ್ತಿಯನ್ನು  ಅರ್ಥ ಮಾಡಿಕೊಳ್ಳಲು  ಯೋಗದಿಂದ ಸಾಧ್ಯ. ಯೋಗವೆಂದರೆ
ಸೇರುವುದು ಕೂಡುವುದಾಗುತ್ತದೆ. ಪರಮಾತ್ಮನ ಜೀವಾತ್ಮ ಸೇರೋದು, ದೇಶದೊಳಗಿರುವ  ಪ್ರಜೆಗಳು ದೇಶಭಕ್ತಿಯಿಂದ ದೇಶವನ್ನರಿಯೋದಕ್ಕೆ ಯೋಗಬೇಕು.
ದುರ್ಭಲತೆಗೆ ಕಾರಣವೇ ಅಜ್ಞಾನ. ಅದರ ಬಗ್ಗೆ ಚಿಂತಿಸುತ್ತಾ ಕೂರದೆ‌ ಜ್ಞಾನಶಕ್ತಿಯೆಡೆಗೆ ಯುವಕರು ಒಗ್ಗಟ್ಟಿನಿಂದ ನಡೆದು
ಜನರನ್ನು  ಒಂದುಗೂಡಿಸಬೇಕು. 
ರಾಜಕೀಯಕ್ಕೆ ಇಳಿದಾಗ ನನ್ನ ಅಧಿಕಾರ ಸ್ವಾರ್ಥ ವೇ ಮುಖ್ಯವಾಗುತ್ತದೆ. ಅದಕ್ಕೆ ಬದಲಾಗಿ ನನ್ನ ಆತ್ಮರಕ್ಷಣೆಗಾಗಿ
ಸ್ವಾವಲಂಬನೆ, ಸರಳ‌ಜೀವನ,ಸ್ವಾಭಿಮಾನದ ಜೀವನ ನಡೆಸುವ‌ ಬಗ್ಗೆ ಯುವಕರು ಸ್ವತಂತ್ರ ಚಿಂತನೆ ನಡೆಸಿದರಾದರೆ ಇದು ಸಾಧ್ಯ. 
ದುರ್ಭಲ ಮನಸ್ಸನ್ನು ಯೋಗಸಾಧನೆಯಿಂದ ಸಬಲವಾಗಿಸಿಕೊಂಡರೆ ಮಾನವ ಪ್ರಕೃತಿಯನ್ನು ತನ್ನ ಹಿಡಿತದಲ್ಲಿಟ್ಟುಕೊಳ್ಳಬಹುದೆನ್ನುವ ಸತ್ಯ ವಿವೇಕಾನಂದರು ತಿಳಿಸುವುದರ ಮೂಲಕ  ಯುವಕರನ್ನು  ಬಡಿದೆಬ್ಬಿಸುವ ಕೆಲಸ ಅಂದೇ ಮಾಡಿದ್ದರು. 'ಅಮೃತ ರ     ನಮ್ಮೊಳಗೇ ಅಡಗಿರುವ  ಯಾವತ್ತೂ ಸಾಯದ ಆತ್ಮಶಕ್ತಿಯನ್ನು ಪಡೆದ ಮೇಲೆ  ಅಮೃತ ಕುಡಿದವರು ದೇವತೆಗಳು ,ದೇವರಪುತ್ರರು ದೈವತ್ವ ಪಡೆದವರಿಂದ ಎಲ್ಲಾ ಸಾಧ್ಯವಿದೆ ಎನ್ನಬಹುದು.
ಬಾಹ್ಯ ವಿಷಯಗಳನ್ನು ಕಲಿಯುವ ಬದಲಾಗಿ ಆಂತರಿಕ ವಿಜ್ಞಾನವನ್ನು ಅರ್ಥ ಮಾಡಿಕೊಳ್ಳಲು  ಯುವಕರಿಗೆ ಅಧ್ಯಾತ್ಮ ವಿದ್ಯೆ ಎಂದರೆ ತನ್ನ ತಾನಾಳಿಕೊಳ್ಳುವ ರಾಜಯೋಗವನ್ನು  ವಿವರಿಸಿದ್ದಾರೆ. ಇದು ಯಾವುದೇ ಅಗ್ನಿಪರ್ವತದ ಸ್ಪೋಟಕ್ಕಿಂತಲೂ,ಪ್ರಕೃತಿಯ ಯಾವುದೇ ‌ನಿಯಮಕ್ಕಿಂತಲೂ ಲಕ್ಷಾಂತರ ಪಟ್ಟು ಬಲಶಾಲಿಯಾಗಿರುವುದೆಂದು,ಒಬ್ಬ ಮನುಷ್ಯನಿಗೆ ತಾನು ಯಾರೆಂದು ಭೋದಿಸುವುದೆಂದು ತಿಳಿಸಿದ್ದರು.
ಭೌತಿಕ ವಿಜ್ಞಾನಕ್ಕಿಂತಲೂ ಅಧ್ಯಾತ್ಮ ವಿಜ್ಞಾನ ಲಕ್ಷಾಂತರ ವರ್ಷಗಳ ಪುರಾಣವಾಗಿದೆ. ಆದರೆ ಒಂದು ಸೂಕ್ಮಾತಿಸೂಕ್ಮ ಭಾಗವೂ ಇನ್ನೂ ಪ್ರಕಟವಾಗಿಲ್ಲದಿರುವುದಕ್ಕೆ ದುರ್ಭಲ ಮನಸ್ಸೇ ಕಾರಣ ಆ ಮನಸ್ಸೆಂಬ ಮರ್ಕಟನನ್ನು ಕಟ್ಟಿಹಾಕಲು ಯೋಗ ಮಾರ್ಗ ಒಂದೇ ದಾರಿ ಎನ್ನುವ ಸಂದೇಶವು ಇಂದಿಗೂ  ಯುವಜನತೆಗೆ  ತಿಳಿಸಿಹೇಳುವ ಪರಿಸ್ಥಿತಿ ಭಾರತಕ್ಕಿದೆ. ಕಾರಣ ಶಿಕ್ಷಣ ಪದ್ದತಿಯು ತನ್ನ ಮೂಲ ಸತ್ಯ,ಸತ್ವವನ್ನು ಕಳೆದುಕೊಂಡು ಪಾಶ್ಚಾತ್ಯ ರ ಅನುಕರಣೆಯ ವಶವಾಗಿರೋದಾಗಿದೆ. 
ಯುವಕರಿಗೆ ಎಲ್ಲಾ ತಿಳಿದರೂ ದಾರಿದೀಪವಾಗಿ  ನಿಲ್ಲುವ
ಪೋಷಕರು ಶಿಕ್ಷಕರು ಒಂದಾದರೆ ವಿವೇಕಾನಂದರ ಈ ಸಂದೇಶಗಳನ್ನು  ಯುವಪೀಳಿಗೆಗೆ ತಲುಪಿಸಿ ರಾಜಕೀಯಕ್ಕೆ ಬದಲಾಗಿ ರಾಜಯೋಗದ ಮೂಲಕ ದೇಶರಕ್ಷಣೆ ಮಾಡಲು
ಸಾಧ್ಯವಾದರೆ ಆತ್ಮನಿರ್ಭರ ಭಾರತ ಸಾಧ್ಯವೆನ್ನಬಹುದು.
ಸಾಕಷ್ಟು ಯುವ ದೇಶಭಕ್ತರು ರಾಜಕೀಯಕ್ಕೆ ದುಮುಕಿ ದೇಶದ ಪರ ನಿಂತ ಹಾಗೆ ಅಧ್ಯಾತ್ಮ ದೆಡೆಗೆ  ನಡೆಯುವುದು
ಅಗತ್ಯವಿದೆ.
ಧಾರ್ಮಿಕವಾಗಿ  ದೇಶವನ್ನು ನಡೆಸಲು ಯೋಗಿಯಾಗಬೇಕು
ರಾಜಕೀಯದಲ್ಲಿ ಭೋಗವಿದ್ದರೆ  ರೋಗವೇ ಹೆಚ್ಚುವುದು.
ಹಣದಿಂದ ದೇಶದ ಸಾಲ ತೀರಿಸುವ ಮೊದಲು ಹಣವನ್ನು
ಸುಜ್ಞಾನದಿಂದ ಸಂಪಾದಿಸುವ  ಮಾರ್ಗದರ್ಶಕರು ,ಗುರು ಹಿರಿಯರು,ಶಿಕ್ಷಕರು,ಪೋಷಕರು ಯುವಕರಿಗೆ ಸಿಕ್ಕಿದರೆ
ದೇಶದ ಸರ್ವತೋಮುಖ ಅಭಿವೃದ್ಧಿ ಯುವಕರಿಂದ ಸಾಧ್ಯವಿದೆಯಲ್ಲವೆ? 
ಅಧ್ಯಾತ್ಮದ  ಪ್ರಕಾರ ನಡೆದರೆ ರಾಜಯೋಗದ ಜೀವನ.
ವಿವೇಕಾನಂದರ ತತ್ವಜ್ಞಾನವನ್ನು ತಂತ್ರಜ್ಞಾನದಿಂದ ಅರ್ಥ ಮಾಡಿಕೊಳ್ಳಲು   ಸಾಧ್ಯವೆನ್ನುವರು ಯೋಗಿಗಳು.
ಧರ್ಮದ ವಿಚಾರದಲ್ಲಿ  ಅವರು " ಧರ್ಮವು ಹೊಸದೇನನ್ನನ್ನೂ ನೀಡೋದಿಲ್ಲ ಅದು ನಿನ್ನ ಮಾರ್ಗದಲ್ಲಿನ ಅಡೆತಡೆಗಳನ್ನು ನಿವಾರಿಸಿ ನಿನ್ನ ಆತ್ಮವನ್ನು ದರ್ಶಿಸುವಂತೆ ಮಾಡುತ್ತದೆ " ಎಂದಿದ್ದಾರೆ.
ವಾಸ್ತವದ ಸತ್ಯದಲ್ಲಿ  ದೇಶವೇ ಧರ್ಮದ ಹೆಸರಲ್ಲಿ ಒಡೆದಿದೆ
ಎಂದರೆ  ಯುವಕರಲ್ಲಿದ್ದ  ಆತ್ಮಬಲ ಕುಸಿದಿದೆ. ತಪ್ಪು ಗ್ರಹಿಕೆ, ತಪ್ಪು ದಾರಿಯ ನಡೆ ನುಡಿಯು  ದೇಶದ ಯುವಕರನ್ನು ವಿದೇಶದೆಡೆಗೆ  ನಡೆಸಿ ಸ್ವದೇಶ ಕಟ್ಟುವಲ್ಲಿ ಎಡವಿರೋದಕ್ಕೆ
ತತ್ವವರಿಯದ ತಂತ್ರಜ್ಞಾನವನ್ನು  ದುರ್ಭಳಕೆ ಮಾಡಿಕೊಂಡ
ಸಮಾಜ ನಿರ್ಮಾಣದ  ರಾಜಕೀಯತೆ,ಎಂದರೆ ತಪ್ಪಾಗಲಾರದು. ಸಾಧ್ಯವಾದವರು ಎಚ್ಚೆತ್ತುಕೊಂಡು ಇಂದಿನ‌ ಮಕ್ಕಳಿಗೆ  ಸಾತ್ವಿಕ ಶಿಕ್ಷಣ ನೀಡುವುದರ ಮೂಲಕ
ಮುಂದಿನ ಯುವಶಕ್ತಿಯನ್ನು ಕಟ್ಟಬೇಕಿದೆ.
ಇಂದಿನ‌ ಮಕ್ಕಳೇ ಮುಂದಿನ ದೇಶದ ಪ್ರಜೆಗಳು. ಇದರಲ್ಲಿ ಮುಂದಿನ ದೇಶವೆಂದರೆ ವಿದೇಶವಾಗಬಾರದಲ್ಲವೆ?
ಯುವಕರು ಎಲ್ಲೇ ಇರಲಿ ಚಾರಿತ್ರ್ಯ ವಿರಲಿ. ಚಾರಿತ್ರ್ಯ ಹೀನರಿಂದ ಧರ್ಮ ರಕ್ಷಣೆ ಅಸಾಧ್ಯ.ದೇಶರಕ್ಷಣೆಯೂ ಕಷ್ಟ.
ಒಟ್ಟಿನಲ್ಲಿ  ಚರಿತ್ರೆಯಿಂದ ಚಾರಿತ್ರ್ಯ ನಿರ್ಮಾಣವಾಗಿದ್ದರೆ ಅದು ವಿವೇಕದಿಂದ ಮಾತ್ರ ಸಾಧ್ಯ.ವಿವೇಕವಿದ್ದರೆ ಆನಂದ.
ವಿಚಾರವನ್ನು ವೇದ ಶಾಸ್ತ್ರ ಪುರಾಣದಿಂದ ಕಂಡು ಹಿಡಿದು ಆತ್ಮಾನಂದ ಪಡೆಯುವುದೇ ವಿವೇಕಾನಂದ.
ವಿಚಾರವನ್ನು ವೇದನೆಯಿಲ್ಲದೆ  ಕಾಣುವ ಆನಂದವೇ ವಿವೇಕಾನಂದ. 
ವಿವೇಕಾನಂದ ವ್ಯಕ್ತಿಯಲ್ಲ ಆಂತರಿಕ ಶಕ್ತಿಯಾಗಿದೆ ಎನ್ನಬಹುದು. ಅವರನ್ನುಪೂರ್ಣ ಪ್ರಮಾಣದಲ್ಲಿ ಅರ್ಥ ಮಾಡಿಕೊಳ್ಳಲು

ಯುವಕರು ಪುಣ್ಯಮಾಡಿರಬೇಕು.ಪುಣ್ಯ ಕಾರ್ಯ ರಾಜಯೋಗಿಗಳುಮಾ ಡುತ್ತಾರೆ . ಸ್ವಾಮೀಜಿಯವರು ರಾಜಯೋಗಿಗಳಾಗಿದ್ದುರಾಜಕೀಯಕ್ಕೆ ಇಳಿಯದೆ ದೇಶಭಕ್ತರಾಗಿದ್ದರು.