ಜ್ಞಾನ ದೇವತೆ ಮತ್ತೆ ಭಾರತದ ಶಿಖರಕ್ಕೇರುವಳು.

ಭಾರತದ ಭೂಷಿರದ ಶಾರದಾ ಪೀಠದ ದಕ್ಷಿಣ  ದ್ವಾರದ ಮೂಲಕ ಶ್ರೀ ಆದಿ ಶಂಕರಾಚಾರ್ಯರು ಪ್ರವೇಶ ಮಾಡಿ ಧರ್ಮ ಪೀಠವಾದ ಸರ್ವಜ್ಞ ಪೀಠ ಏರಿದನ್ನು ನಾವು ಇಂದಿಗೂ ನೆನಪಿಸಿಕೊಂಡು  ಅಧ್ವೈತ ತತ್ವ ಪ್ರಚಾರದಲ್ಲಿದ್ದೇವೆ. ಭಾರತ ಮಾತೆಯ ಮೇಲಿನ ಕಾಶ್ಮೀರ ಶಾರದೆಯ ತವರೂರಾಗಿತ್ತು. ವಿದ್ವಂಸಕರು ಅವಳನ್ನು ಅಲ್ಲಿಂದ ಅಟ್ಟಿ ದೇಶವನ್ನು ಅಧರ್ಮದಿಂದ ಆಳಲು ಹೊರಟಿದ್ದರು. ಈಗ ಮತ್ತೆ ಆ ತಾಯಿಯ ವಿಗ್ರಹ ಮೂರ್ತಿ ದಕ್ಷಿಣದ ಶಾರದಾಪೀಠವಾಗಿರುವ ಶೃಂಗೇರಿಯಿಂದ  ಕಾಶ್ಮೀರದವರೆಗೆ ಹೊರಟಿರುವುದರ ಹಿಂದೆ ಜ್ಞಾನ ದೇವತೆಯು ಕೆಳಗಿನಂತೆ ಮೇಲಿನವರೆಗೆ  ಹೊರಟಿದ್ದಾಳೆನ್ನಬಹುದು. ಜ್ಞಾನವನ್ನು ಯಾರೂ ಕದಿಯಲಾಗದು. ಆ ದೇವತೆಯನ್ನು ಎಷ್ಟೇ ದೂರ ಮಾಡಿದರೂ ಅವಳಿಲ್ಲದ ಜೀವನವೇ ನರಕವಾಗಿರುತ್ತದೆ ಎನ್ನುವ ಸತ್ಯ ನಮ್ಮ ಹಿಂದೂ ಧರ್ಮ ತಿಳಿಸುತ್ತದೆ. ತಲೆಗೆ ಸಿಗದ ಜ್ಞಾನ ಕಾಲಿನವರೆಗೆ ಹೇಗೆ ಹರಿಯಬೇಕು? ಹೀಗಾಗಿ ಮಾನವನ ತಲೆಗೆ  ಜ್ಞಾನದ ಶಿಕ್ಷಣ ತುಂಬಿದಾಗಲೇ ಅವನ ನಡಿಗೆಯೂ  ಉತ್ತಮವಾಗಿರುತ್ತದೆ. ಕೇವಲ ಓದಿ ತಿಳಿದರೆ ಜ್ಞಾನಿಯಾಗೋದಿಲ್ಲ ಅದರ ತತ್ವ ಅಳವಡಿಸಿಕೊಂಡು ನಡೆದರೆ ಮಾತ್ರ ಮಾನವನಿಗೆ  ಸನ್ಮಾರ್ಗ  ಕಾಣುವುದು. ಹಿಂದೂ ಧರ್ಮದ ಬೇರು ಸಾತ್ವಿಕವಾಗಿರುವಾಗ  ಅದನ್ನು ಆಳವಾಗಿ ತಿಳಿದು ನಡೆಯುವುದಕ್ಕೆ  ನಮಗೆ ಶಾರದೆಯ ಕೃಪೆ  ಇರಲೇಬೇಕು. ಇದೀಗ  ಶಾರದೆಯ ಪ್ರತಿಮೆ ಶೃಂಗೇರಿ ಮಹಾಸಂಸ್ಥಾನದ ಜಗದ್ಗುರುಗಳಿಂದ ಪೂಜಿಸಲ್ಪಟ್ಟು  ಶಾರದೆಯ ತವರೂರಿಗೆ  ಕಳಿಸಲಾಗುತ್ತಿರುವುದು ಭಾರತ ಮಾತೆಯ ಶಿರಕ್ಕೆ  ಸಿಕ್ಕ ಜ್ಞಾನದ ಶಿಖರ. ತಾಯಿ ಶಾರದೆ, ಮೇಲೆ ನಿಂತು ನೋಡಿದಾಗಲೇ ಕೆಳಗಿಳಿದಿರುವ  ಜ್ಞಾನಶಕ್ತಿ ಮೇಲೇರಲು ಸಾಧ್ಯ. ತಾಯಿಯನ್ನೇ ಹೊರಗಟ್ಟಿರುವ ಅಸುರರನ್ನು ಸಂಹಾರ ಮಾಡಲು  ಜ್ಞಾನದಿಂದ ಮಾತ್ರ ಸಾಧ್ಯ.

 ಸತ್ಯ ಜ್ಞಾನವಿಲ್ಲದ  ಜಗತ್ತಿನಲ್ಲಿ  ಮಿಥ್ಯಜ್ಞಾನದ ರಾಜಕೀಯ ಬೆಳೆದರೆ  ಮಾನವನ ಅಜ್ಞಾನವೇ ಬೆಳೆಯುವುದು ಎನ್ನುವ ಸತ್ಯ ನಾವೀಗ ಕಾಣುತ್ತಿದ್ದೇವೆ .ಬದಲಾವಣೆ ಒಳಗಿನಿಂದ ನಡೆದಾಗಲೇ  ಹೊರಗೂ ಬದಲಾವಣೆ ಸಾಧ್ಯವಿದೆ. ಹಾಗೆಯೇ ಒಳಗಿನ ಜ್ಞಾನಶಕ್ತಿಯನ್ನು ಮೇಲ್ಮಟ್ಟಕ್ಕೆ ಏರಿಸಿದರೆ    ಮಾನವನಿಗೆ ಸಂಕಷ್ಟದಿಂದ ಮುಕ್ತಿ. ನಾವೇ ಹೊರಗಿನಿಂದ ಒಳಗೆಳೆದುಕೊಂಡ ಅಜ್ಞಾನವನ್ನು  ಹೊಡೆದೋಡಿಸಲು ಜ್ಞಾನದೇವತೆಯಿಂದಲೇ ಸಾಧ್ಯ.  ಇದೇ ನಿಜವಾದ ಜೀವನ.

ಮಾನವ ಎಷ್ಟೇ  ಅಜ್ಞಾನ,ಅಸತ್ಯ,ಅನ್ಯಾಯವನ್ನು  ಬೆಳೆಸಿ ಮೆರೆದರೂ ಜ್ಞಾನವಿಲ್ಲದೆ ಮುಕ್ತಿ ಮೋಕ್ಷ ಸಾಧ್ಯವಿಲ್ಲ ಎನ್ನುವ ಸತ್ಯ  ಮಾತ್ರ ಬದಲಾಗದುಕಾರಣ ಸತ್ಯ ಒಂದೇ ಇರೋದು.

ಮನೆಮನೆಯೊಳಗಿದ್ದ ಜ್ಞಾನ ದೇವತೆಯನ್ನು  ಹಣಸಂಪಾದನೆಗೆ  ಭೌತಿಕದಲ್ಲಿ ಬಳಸಿ ಆಂತರಿಕ ಜ್ಞಾನ ಕುಸಿಯಿತು. ಆದರೆ  ಎಲ್ಲಿ ಜ್ಞಾನವಿರುವುದೋ ಅಲ್ಲಿ ಸತ್ಯ ಧರ್ಮ ವಿರುತ್ತದೆ.ಹೀಗಾಗಿ ಅಜ್ಞಾನದ ಜೊತೆಗೆ ಅಸತ್ಯ ಅಧರ್ಮ ವೇ ಬೆಳೆದರೆ ಶಾಂತಿ ಸಿಗದೆ ಕ್ರಾಂತಿಯಿಂದ ಜೀವ ಹೋಗುವುದು. ಹೀಗೆಯೇ  ಯುಗಯುಗದಿಂದಲೂ ಈ ಭೂಮಿಯಲ್ಲಿ  ರಾಜಕೀಯವು ಅತಿರೇಖಕ್ಕೆ ಹೋಗಿರುವುದು ಅಜ್ಞಾನದಿಂದ. ಇದನ್ನು ಸರಿಪಡಿಸಲು ಮತ್ತೆ ಜ್ಞಾನ ಶಕ್ತಿಯ ಕಡೆಗೆ ಹೋಗುತ್ತೇವೆ. ಇದರ ಅರಿವಿದ್ದವರು  ಜ್ಞಾನದ ಮೂಲಕ ಸಮಾಧಾನಕರ ಜೀವನ ನಡೆಸುತ್ತಾರೆ. 

ಯಾವುದೂ  ಮೇಲಿನಿಂದ ಕೆಳಗಿಳಿದರೂ ಮತ್ತೆ ಮೇಲೆ ಹೋಗಲೇಬೇಕು. ಹಾಗೆ ಅಲ್ಲಿರುವುದು ನಮ್ಮನೆ ಇಲ್ಲಿ ಬಂದೆ ಸುಮ್ಮನೆ  ಎನ್ನುವರು.

ತಿಂದ ಮೇಲೆ ನೀರು ಕುಡಿಯಲೇಬೇಕು

ಇಷ್ಟು ವರ್ಷ ಸರ್ಕಾರ  ಕೆಲವರಿಗಷ್ಟೇ ಉಚಿತ ಸಾಲ,ಸೌಲಭ್ಯಗಳನ್ನು ನೀಡುತ್ತಿತ್ತು.ಈಗ ಎಲ್ಲರಿಗೂ ನೀರನ್ನು ಉಚಿತವಾಗಿ ನೀಡುವ ಭರವಸೆ ನೀಡಿದೆ. ತಿಂದ ಮೇಲೆ ನೀರು ಕುಡಿಯಲೇಬೇಕಲ್ಲವೆ?

ಕೆಲವರು  ಉಚಿತವಾಗಿ ತಿನ್ನುತ್ತಿದ್ದಾರೆನ್ನುವವರೂ ಮಧ್ಯದಲ್ಲಿ ನಿಂತು ತಮ್ಮ ಪಾಲನ್ನು ಹಂಚಿಕೊಂಡರು. ಈಗ ನೀರನ್ನು ಹಾಗೆ  ಮಾಡಲಾಗದು ಇದು ಹರಿದುಹೋಗಲೇಬೇಕು ಅದಕ್ಕೆ ಎಲ್ಲರಿಗೂ ನೀರು ಉಚಿತ. ನಮ್ಮ ಪ್ರಜಾಪ್ರಭುತ್ವ ಹೇಗಿದೆಯೆಂದರೆ ಪ್ರಕೃತಿಯಿಂದ  ಉಚಿತವಾಗಿ ಸಿಗುವ ನೆಲ ಜಲವನ್ನು  ಸರ್ಕಾರದಿಂದ ಪಡೆಯಬೇಕಾಗಿದೆ. ಅಂದರೆ ಇದು ನಗರ ಪ್ರದೇಶಗಳಿಗೆ ಅನಿವಾರ್ಯ ವಾಗಿರೋದು ದೊಡ್ಡ ದುರಂತ.

ಪ್ರಕೃತಿಯನ್ನು ವಿಕೃತವಾಗಿ ಬಳಸುತ್ತಾ  ಅದನ್ನು ವ್ಯವಹಾರಕ್ಕೆ ಸೀಮಿತಗೊಳಿಸಿದರೆ ಬೆಲೆ ಕಟ್ಟುವುದು ಹಣದಿಂದ ಮಾತ್ರ ಜ್ಞಾನದಿಂದ ಕಷ್ಟ. ಒಟ್ಟಿನಲ್ಲಿ  ಎಲ್ಲಾ ಉಚಿತವಾದಾಗ ರೋಗವೂ ಉಚಿತ ಔಷಧವೂ ಉಚಿತ.ಶಿಕ್ಷಣದಲ್ಲಿ ಮಾತ್ರ

ಬದಲಾವಣೆ ತರಲು ಸಾಧ್ಯವಾಗದಿದ್ದರೆ ಇದೇ ಆಗೋದಲ್ಲವೆ?

ನೀರಿಗಾಗಿ ಹೋರಾಟ  ನಡೆಸೋ ಬದಲಾಗಿ ಶಿಕ್ಷಣದ ಬದಲಾವಣೆಗೆ ಸ್ಪಂದಿಸುವತ್ತ ಜನರು  ನಡೆದರೆ ಯಾವುದೂ ಉಚಿತ  ಹಂಚುವ‌ ಮಧ್ಯವರ್ತಿಗಳೇ ಇರೋದಿಲ್ಲ.ಎಲ್ಲಾ ಸಮಾನರಾದ ಮಾನವರಾಗಿರಬಹುದು. ಎಷ್ಟು ಉಚಿತ ಪಡೆದರೂ ಸಾಲ ಮಾತ್ರ ಖಚಿತವಾಗಿ ಬೆಳೆಯುತ್ತದೆ. ಇದೇ ಅಧ್ಯಾತ್ಮ ಸತ್ಯ. ಅಗತ್ಯವಿದ್ದವರಿಗೆ ಚೇತರಿಸಿಕೊಳ್ಳಲು ಬೇಕು.

ಮಲಗಿದವರು ಎದ್ದು ಕೂರಲಿ ದುಡಿದು ಬಾಳಲಿ.

ಉತ್ತಮ ಶಿಕ್ಷಣದಿಂದ ಸತ್ತಂತಿರುವವರನ್ನು ಬಡಿದೆಬ್ಬಿಸಬೇಕಿತ್ತು.ಬದುಕಿದವರನ್ನು ಸಾಯಿಸುವ ಶಿಕ್ಷೆ ಬೇಕೆ?

 ಭೂ ಋಣ ತೀರಿಸಲು ಬಂದ ಜೀವಕ್ಕೆ ಇನ್ನಷ್ಟು ಋಣಭಾರ.

ಭಗವದ್ಗೀತೆಯಲ್ಲಿರುವ ಮೂಲ ಸತ್ಯ ಯಾವುದು ?

ಅರ್ಜುನನ ವಿಷಾಧ ಯೋಗದಿಂದ ಶ್ರೀ ಕೃಷ್ಣ ನ ಉತ್ತರ ಈಗಾಗಲೇ ಸತ್ತಿರುವವರನ್ನು ನೀನು ಸಾಯಿಸುತ್ತಿಲ್ಲ

.ಅಧರ್ಮವನಷ್ಟೇ ತಡೆಯುತ್ತಿರುವುದೆನ್ನುವುದಾಗಿತ್ತು.

ಆದರೆ ಭಗವದ್ಗೀತೆ ಇಂದಿಗೂ ಪ್ರಚಾರದಲ್ಲಿದೆ. ಭೂತದ ಬಾಯಲ್ಲಿ ಗೀತೆ ಎನ್ನುವುದೂ ಸತ್ಯವಾಗುತ್ತಿದೆ.  ಕೆಲವು ಪ್ರಚಾರ ಮಾಡುವವರಲ್ಲಿಯೇ  ಅಧರ್ಮದ ರಾಜಕೀಯವಿದೆ.ಇದನ್ನು ಧರ್ಮ ಮಾರ್ಗದಲ್ಲಿರುವವರು  ಕೇಳಿಕೊಂಡು ಅಧರ್ಮದ ರಾಜಕೀಯಕ್ಕೆ ಸಹಕಾರ ಕೊಡುತ್ತಾ ಮನೆಯಿಂದ ಹೊರಬಂದರೆ ಒಳಗಿದ್ದ ಅಲ್ಪ ಸ್ವಲ್ಪ ಧರ್ಮ ವೂ  ನಾಶವಾಗಬಹುದು.  ಆದರೂ  ಭಗವದ್ಗೀತೆ ಯ ಪಠಣ,ಶ್ರವಣವು ಮಾನವನಿಗೆ ಪುಣ್ಯ ಸಿಗುವಂತೆ ಮಾಡುತ್ತದೆ. ಜೀವನದಲ್ಲಿ ಕಷ್ಟಬಂದಾಗ ಪುಣ್ಯದ ಸಹಾಯದಿಂದ ಕಷ್ಟವನ್ನು ಅನುಭವಿಸುವ ಶಕ್ತಿ ಬರುತ್ತದೆ. ಈ ಕಾರಣದಿಂದಾಗಿ ಧಾರ್ಮಿಕ  ಸದ್ವಿಚಾರ ದ ಪ್ರವಚನ,ಪ್ರಚಾರ,ಆಚಾರ,ವಿಚಾರಗಳು ಬೆಳೆದಿವೆ.ಆದರೆ ಕೆಲವು ತತ್ವವು ಶ್ರವಣದಿಂದ ಅರ್ಥ ವಾಗದು ಮನನ ಮಾಡಿಕೊಂಡು ನಿಧಿದ್ಯಾಸನದಿಂದ ಸ್ಪಷ್ಟಪಡಿಸುವತ್ತ ನಡೆದವು. ಇದು ನಾವಿಂದು ಮಾಡಿಕೊಳ್ಳಲು ಉತ್ತಮ ಶಿಕ್ಷಣದ ಜೊತೆಗೆ ಗುರುವೂ ಬೇಕಾಗಿದೆ. ಶಾಲಾ ಪಠ್ಯಗಳಲ್ಲಿ ಈಗಾಗಲೇ ಅಳವಡಿಸಿದ್ದರೂ ಶಿಕ್ಷಕರಿಗೆ ಎಷ್ಟು ಇದರ ಸತ್ಯದ ಅನುಭವವಾಗಿದೆ? ಮಕ್ಕಳಿಗೆ ಯಾವ ರೀತಿಯಲ್ಲಿ ತಿಳಿಸುವ ಪ್ರಯತ್ನವಾಗಿದೆ ಎನ್ನುವುದರ ಮೇಲಿದೆ  ಧರ್ಮ ರಕ್ಷಣೆ.

ಹಾಗಾದರೆ  ಭಗವದ್ಗೀತೆ  ಬೇಡವೆ? ಭಗವಂತನ ವಾಣಿಯನ್ನು ಸರಿಯಾಗಿ ಅರ್ಥ ಮಾಡಿಕೊಂಡವರು ಈಗಿನ ರಾಜಕೀಯದ ವಿರುದ್ದವಿರುತ್ತಾರೆನ್ನಬಹುದು. ಕಾರಣ ಅಂದು ಕ್ಷತ್ರಿಯ ಧರ್ಮ ವಿತ್ತು.ಇಂದು ಪ್ರಜಾಧರ್ಮ ವಿದೆ. ಭಗವಂತನು ಅರ್ಜುನನಿಗೆ ಕ್ಷತ್ರಿಯನಾಗಿದ್ದು  ಅಧರ್ಮದ ವಿರುದ್ದ ಹೋರಾಡಿ  ಧರ್ಮ ರಕ್ಷಣೆ ಮಾಡಲು ತಿಳಿಸಿದ್ದರೆ ಇಂದಿನವರು  ಸಾಮಾನ್ಯರ ಸಾಮಾನ್ಯಜ್ಞಾನವನ್ನರಿಯದೆ

ವಿಶೇಷಜ್ಞಾನಿಗಳೆನ್ನುವ ಅಹಂಕಾರ ಸ್ವಾರ್ಥದಿಂದ ಜನರ ಜೀವನದ ಜೊತೆಗೆ  ಆಟವಾಡುತ್ತಾ ಸಂಸಾರದೊಳಗೇ  ಕ್ರಾಂತಿ ಎಬ್ಬಿಸುತ್ತಾ ಮಹಿಳೆ ಮಕ್ಕಳನ್ನು ರಾಜಕೀಯದೆಡೆಗೆ ತಂದು ಆಳುತ್ತಿರುವುದರ ಹಿಂದೆ  ಯಾವ ಧರ್ಮ, ಸಂಸ್ಕೃತಿ, ಭಾಷೆ ರಕ್ಷಣೆ ಆಗಿದೆ? ವ್ಯವಹಾರ ಮಾಧ್ಯಮಗಳು  ಶಾಂತಿಯ ಮಾತನಾಡದೆ ಕ್ರಾಂತಿಯ ವಿಷಬೀಜವನ್ನು ಬಿತ್ತಿ ಮನರಂಜನೆ ಕಡೆಗೆ ಮನುಕುಲ ಹೊರಟಿದೆ. ಆದರೆ ಆತ್ಮವಂಚನೆಯ ಫಲ ಇಡೀ ಭೂಮಿಯನ್ನು ದುರ್ಭಳಕೆ ಮಾಡಿಕೊಂಡು ಆಳುವ ಅಸುರಶಕ್ತಿ ಬೆಳೆಯುವಂತಾಗಿದೆ. ಭಗವದ್ಗೀತೆ ಒಂದು ಪವಿತ್ರ ಗ್ರಂಥ.ಇದರಲ್ಲಿ ಯೋಗವಿದೆ.ಅಂದರೆ ತತ್ವವಿದೆ. ಯೋಗವೆಂದರೆ ಕೊಡುವುದು ಸೇರುವುದಾದರೆ  ರಾಜಕೀಯ ಜನರನ್ನು ಯಾವುದಕ್ಕೆ ಸೇರಿಸುತ್ತಿದೆ?  ಪ್ರಜೆಗಳಿಗೆ ಜ್ಞಾನದ ಶಿಕ್ಷಣ ನೀಡದೆ ಯೋಗ ಹೇಗೆ ಬರುತ್ತದೆ? ಪರಮಾತ್ಮನ ಜೀವಾತ್ಮಸೇರುವುದೇ ಮಹಾಯೋಗ.ಇದನ್ನು ಮಾನವ ತನ್ನ ಸತ್ಯಜ್ಞಾನದಿಂದ, ರಾಜಯೋಗದಿಂದ, ಭಕ್ತಿಯೋಗದಿಂದ ಹಾಗುಸತ್ಕರ್ಮ ಯೋಗದಿಂದ  ಕಾಣುವ ಬದಲಾಗಿ  ಭೌತಿಕ ಸತ್ಯದೆಡೆಗೆ ನಡೆಯುತ್ತಾ ರಾಜಕೀಯದೆಡೆಗೆ ನಡೆಯುತ್ತಾ ದೇಶಭಕ್ತಿಯಿಲ್ಲದೆ, ಸ್ವಧರ್ಮ ಕರ್ಮದ ಅರಿವಿಲ್ಲದೆ  ಭಗವಂತನ  ಕಾಣಬಹುದೆ? 

ಧಾರ್ಮಿಕ ಕ್ಷೇತ್ರದ ಗುರು ಗಳು ಜನರ ಋಣವನ್ನು ಸಾಲವನ್ನು ತೀರಿಸುವ  ಆತ್ಮಜ್ಞಾನವನ್ನು ಶಿಕ್ಷಣದಲ್ಲಿಯೇ ಕೊಟ್ಟು  ಮುಂದೆ ನಡೆದವರು ಭಾರತೀಯ ಋಷಿಗಳು,

ಯೋಗಿಗಳು ಮಹಾತ್ಮರುಗಳಾಗಿದ್ದರು.ಆದರೆ ಈಗ  ಭ್ರಷ್ಟ ಸರ್ಕಾರದ  ವಶದಲ್ಲಿ ಜನರನ್ನು ಸೇರಿಸುವ ಕೆಲಸದಲ್ಲಿ  ಕೆಲವರು ಮಗ್ನರಾಗಿದ್ದು ಸಾಲ ತೀರಿಸುವ ಬದಲು ಸಾಲ ಏರಿಸುವತ್ತ ದೇಶ ನಡೆದಿದೆ. ಪ್ರತಿಯೊಬ್ಬ ಪ್ರಜಾಶಕ್ತಿ ಆತ್ಮಜ್ಞಾನದಿಂದ ಬೆಳೆಸುವ ಬದಲಾಗಿ ಹಣದಿಂದ ಕುಸಿದರೆ  ಭಗವಂತನಾದರೂ ಏನೂ ಮಾಡಲಾಗದು.

ಕಾರಣ ಗುರುವೇ ಪ್ರತ್ಯಕ್ಷ ದೈವ. ಹೀಗಿರುವಾಗ ಮೊದಲ ಗುರುವಾದ ತಾಯಿಗೆ ಆತ್ಮಜ್ಞಾನವಿಲ್ಲವಾದರೆ ಮಕ್ಕಳು ತಾಯಿಯ ಋಣ ತೀರಿಸಬಹುದೆ? ಕೊನೆಪಕ್ಷ ಭೌತಿಕ ಗುರುವಾದರೂ ಉತ್ತಮ ಸಂಸ್ಕಾರ ನೀಡಿ ಶಿಕ್ಷಣ ಕೊಟ್ಟಿದ್ದರೆ  ವಾಸ್ತವತೆಯನ್ನು ಅರ್ಥ ಮಾಡಿಕೊಂಡು ಸ್ವತಂತ್ರವಾಗಿರುವ ಸತ್ಯವನ್ನು ತಿಳಿದು ನಡೆಯಬಹುದು. ಕೆಲವರಿದ್ದರೂ ಅವರನ್ನು ಕೇವಲವಾಗಿ ಕಾಣುವವರಿದ್ದಾಗ ಸತ್ಯ ಕಾಣೋದಿಲ್ಲ. ಹೀಗಾಗಿ ಭಗವದ್ಗೀತೆ ಸರ್ವ ಕಾಲಿಕ ಸತ್ಯವಾಗಿದ್ದರೂ ಕಾಲವನ್ನರಿತು ಧರ್ಮ ರಕ್ಷಣೆ ಮಾಡೋದು  ಅಗತ್ಯವಿದೆ. ಇಲ್ಲಿ ಯಾರೂ ರಾಜರಿಲ್ಲ. ಯಾರೂ ಸೇವಕರೂ ಇಲ್ಲ.ಆದರೆ ಹಣ,ಅಧಿಕಾರ,ಸ್ಥಾನಕ್ಕೆ ಏರಿದ ಮನಸ್ಸಿಗೆ  ಅಹಂಕಾರ ಸ್ವಾರ್ಥ ವೇ  ಶತ್ರುವಾದರೂ ಅದನ್ನು ಬೆಳೆಸಿಕೊಂಡು ಜನರನ್ನು ದಾರಿತಪ್ಪಿಸಿ ಆಳಿದರೆ ಆಳಿದವನೂ ಆಳಾಗಿ ಜನ್ಮ ತಾಳುವನು.ಕರ್ಮಕ್ಕೆ ತಕ್ಕಂತೆ ಫಲ. ಅವತಾರ ಪುರುಷ ಸ್ತ್ರೀ ಗೇ  ಬಿಡದ ಕರ್ಮ ಫಲ ಸಾಮಾನ್ಯ ಮಾನವರಿಗೆ ಬಿಡುವುದೆ? ಒಟ್ಟಿನಲ್ಲಿ ಮುಕ್ತಿ ಮೋಕ್ಷವು ಮೋಹದಿಂದ ಕ್ಷಯವಾದವರಿಗೆ ಸಿಕ್ಕಿದೆ. ಮೋಹಪಾಶದೊಳಗಿದ್ದವರಿಗೆ ಸಿಕ್ಕಿಲ್ಲವೆನ್ನುವುದು ಸತ್ಯ.

ಈಗಲೂ  ರಾಜಕೀಯದ ವ್ಯಾಮೋಹ ರಾಜಕಾರಣಿಗಷ್ಟೆ ಅಲ್ಲದೆ ಪ್ರತಿಯೊಂದು ಕ್ಷೇತ್ರದ  ದುರಂತಕ್ಕೆ ಕಾರಣವಾಗಿದೆ. ಮೂಢ ಜನರು ಅದನ್ನು ಪ್ರಗತಿ ಎಂದು ಹಿಂದೆ ನಡೆಯುತ್ತಾ ತನ್ನೊಳಗೆ ಇರುವ ಸತ್ಯವನ್ನರಿಯದೆ ಅಧರ್ಮ ಕ್ಕೆ ಸಹಕಾರ ನೀಡುತ್ತಾ ಭ್ರಷ್ಟಾಚಾರ ಬೆಳೆದಿದೆ. ಯಾರಿಗೆ ಗೊತ್ತು ಯಾರ ದೇಹದಲ್ಲಿ ಯಾವ ದೇವರಿರುವರೋ ಅಸುರರೋ? 

ಸತ್ಯ ಬಿಟ್ಟು ನಡೆದರೆ ಅಸುರರೆ ಬೆಳೆಯೋದಷ್ಟೆ.ಹಾಗೆ ಅಧರ್ಮಕ್ಕೆ ತಕ್ಕಂತೆ ಶಿಕ್ಷೆಯಿದೆ. ಇದನ್ನು ಹಣದಿಂದ ತಪ್ಪಿಸಲಾಗದು. ದೇಶರಕ್ಷಣೆ,ಸ್ತ್ರೀ ರಕ್ಷಣೆ,ಭೂಮಿರಕ್ಷಣೆ ಮಾಡೋ ಮೊದಲು ಮಾನವ ಆತ್ಮರಕ್ಷಣೆ ಮಾಡಿಕೊಳ್ಳುವ ಜ್ಞಾನ ಪಡೆದರೆ ಧರ್ಮ ರಕ್ಷಣೆಯ ದಾರಿ ಕಾಣುತ್ತದೆ.

ಅಧರ್ಮದ ಶಿಕ್ಷಣ ಪಡೆದು ಆಳಿದರೆ ಅಧರ್ಮ ವೆ ಬೆಳೆಯೋದು. ಏನೂ  ಮಾಡದೆ  ತನ್ನ ತಾನರಿತು ಬದುಕೋದು ಕಷ್ಟ.ಇದರಿಂದ ಸಮಾಜಕ್ಕೆ  ತೊಂದರೆ ಯಾಗದು. ಆದರೆ  ಎಲ್ಲಾ ನಾನೇ ಮಾಡುವೆನೆಂದು ಅಸತ್ಯ ಅನ್ಯಾಯ,ಅಧರ್ಮದೆಡೆಗೆ ನಡೆದರೆ ಇಡೀ ಸಮಾಜವೇ ದಾರಿತಪ್ಪುತ್ತದೆ. ಅದಕ್ಕಾಗಿಹಿಂದಿನತಪಸ್ವಿಗಳು,ಯೋಗಿಗಳು,

ಸಂನ್ಯಾಸಿಗಳು ರಾಜಕೀಯ ಬಿಟ್ಟು ಸ್ವತಂತ್ರ ವಾಗಿದ್ದು  ಸತ್ಯದರ್ಶನ ಮಾಡಿಕೊಂಡಿದ್ದರು.ಕ್ಷತ್ರಿಯರಿಗೂ ಧರ್ಮದ ಬಗ್ಗೆ ಉಪದೇಶ ಮಾಡುತ್ತಾ ಭೂಮಿಯಲ್ಲಿ ಧರ್ಮ ರಕ್ಷಣೆ ಮಾಡಿದ್ದರು.ಇದಕ್ಕೆ ಭೂತಾಯಿ,ಸ್ತ್ರೀ ಶಕ್ತಿಯರೂ ಸಹಕಾರ ನೀಡಿದ ಪರಿಣಾಮ ಅಸುರ ಶಕ್ತಿಯನ್ನು ಸಂಹಾರ ಮಾಡಲಾಯಿತು.ಎಲ್ಲದ್ದಕ್ಕೂ ಸ್ತ್ರೀ ಸಹಕಾರ ಅಗತ್ಯ.ಅದಕ್ಕೆ ಮೊದಲು  ಸ್ತ್ರೀ ಗೆ ಆತ್ಮಜ್ಞಾನದ ನಂತರ ಭೌತಿಕ ಜ್ಞಾನವಿರಬೇಕು. ಯಾವುದೂ ಅತಿಯಾದರೆ ಕಷ್ಟ. ಓದಿದ್ದನ್ನು  ಅಳವಡಿಸಿಕೊಳ್ಳಲು  ಅವಕಾಶ,ಸಹಕಾರ ಬೇಕು.

ಗಣತಂತ್ರ ದಿನಾಚರಣೆ= ಗಣರಾಜ್ಯೋತ್ಸವ?

ಗಣರಾಜ್ಯೋತ್ಸವ ಗಣತಂತ್ರೋತ್ಸವಕ್ಕಿರುವ ವ್ಯತ್ಯಾಸ. 

ಜನರನ್ನು  ತಂತ್ರದಿಂದ ಆಳಿದವರು ಸ್ವತಂತ್ರ ಅಲ್ಲ. ಜನರು ಗಣಗಳಾಗಿ ಸಂಘ ಹಾಗು ಗುಂಪುಗಳನ್ನೆಲ್ಲ ಒಂದಾಗಿಸುತ್ತಾ ಉತ್ಸಾಹ ದಿಂದ ಉನ್ನತಮಟ್ಟದ ಗುರಿಯ ಕಡೆಗೆ ರಾಜ್ಯವನ್ನು ನಡೆಸುವುದೇ ಪ್ರಜಾಪ್ರಭುತ್ವದ ಪ್ರಗತಿ.ಅದರೆ ಇದುನಡೆದಿದೆಯೆ? ಎಲ್ಲಾ ಗುಂಪು,ಸಂಘದ ಗಣಗಳು ರಾಜ್ಯದ  ಬೊಕ್ಕಸಕ್ಕೆ  ಕನ್ನ ಹಾಕುವತ್ತ ವೈಭವದ ಉತ್ಸವಗಳಿಂದ ಜನರನ್ನು ಸುಲಿಗೆ ಮಾಡುತ್ತಾ ಸರ್ಕಾರದ ಹಿಂದೆ ಬೇಡಿಕೆಗಳ ಮಹಾಪೂರವನ್ನೇ ಸುರಿಸುತ್ತಾ ಜನರ ಹಣವನ್ನು  ದುರ್ಭಳಕೆ ಮಾಡಿಕೊಂಡು ಪರಕೀಯರ ಸಾಲ, ಬಂಡವಾಳವನ್ನು ರಾಜ್ಯಕ್ಕೆ ತಂದು  ತಮ್ಮ ಸ್ವಾರ್ಥ ಸುಖಕ್ಕೆ ಸಾಮಾನ್ಯರ ದಾರಿತಪ್ಪಿಸಿ ಆಳುವವರಿಗೆ ಇನ್ನಷ್ಟು  ಸಹಕಾರ ನೀಡಿ  ರಾಜ್ಯದ ಭಾಷೆ,ಸಂಸ್ಕೃತಿ, ಧರ್ಮ  ಬಿಟ್ಟು ನಡೆದವರಿಗೆ ಪ್ರಶಸ್ತಿ  ಸನ್ಮಾನ ಅದೇ ಅದನ್ನು ಉಳಿಸಿ ಬೆಳೆಸಿ ರಾಜ್ಯದೊಳಗಿದ್ದವರಿಗೆ ಅವಮಾನ ಅಸಹಕಾರ ತೋರುವ ಎಷ್ಟೋ ಸಂಘಟನೆಗಳು  ರಾಜ್ಯದ ಈ ಸ್ಥಿತಿಗೆ ರಾಜಕೀಯ ಕಾರಣವೆನ್ನಬಹುದು.ಆದರೆ ಆ ರಾಜಕೀಯ ನಮ್ಮೊಳಗೇ ಇರೋವ ಸತ್ಯವನ್ನು ಒಪ್ಪಿಕೊಳ್ಳದಿದ್ದರೆ  ಸತ್ಯ ಅಸತ್ಯವಾಗೋದಿಲ್ಲ.ಉಂಡೂ ಹೋದ ಕೊಂಡೂ ಹೋದ ಎನ್ನುವವರಿಂದ  ಯಾವ ರೀತಿಯ ಉಪಕಾರ,ಉಪಚಾರ ಉತ್ಸಾಹ ಕಾಣಬಹುದು. ಒಟ್ಟಿನಲ್ಲಿ ಎಲ್ಲರಿಗೂ ರಾಜ್ಯದ ಮೇಲೆ ಕಾಳಜಿಯಿದೆ.ಆದರೆ ರಾಜ್ಯದ ಮೂಲ ಶಿಕ್ಷಣದಲ್ಲಿಯೇ  ಜನರ ದಾರಿತಪ್ಪಿಸಿ  ಭಾಷೆ,ಸಂಸ್ಕೃತಿ ಯನ್ನು  ಆಟಕ್ಕುಂಟು ಲೆಕ್ಕಕ್ಕಿಲ್ಲ ಮಾಡಿದ್ದರೆ ಇದರ ಬಗ್ಗೆ  ಸರಿಯಾದ ಕ್ರಮ ಕೈಗೊಳ್ಳಲು  ಗುಂಪುಗಾರಿಕೆ,ಸಂಘಟನೆಗಳ ಸ್ವಾರ್ಥ ಬಿಡುತ್ತಿಲ್ಲ. ಹರಿದುಹೋಗುತ್ತಿರುವ ಹಣವೆಲ್ಲವೂ ಜನರಿಗೆ ಸೇರುವ‌ಮೊದಲೇ ಮಧ್ಯವರ್ತಿಗಳ ಪಾಲಾಗಿ ಸಾಲ ಮಾತ್ರ  ಬಡವರ ತಲೆಮೇಲೆ. ಬಡತನವನ್ನು ಜ್ಞಾನದಿಂದ ಓಡಿಸುವ ಶಿಕ್ಷಣ ನೀಡದ ಸಂಘಟನೆಗಳಿಂದ ರಾಜ್ಯದಲ್ಲಿ ಅಜ್ಞಾನ ಮಿತಿಮೀರಿದೆ.ಅಜ್ಞಾನವನ್ನು ಬಂಡವಾಳ ಮಾಡಿಕೊಂಡರೆ  ಇನ್ನಷ್ಟು ಅಜ್ಞಾನವೇ ಬೆಳೆಯೋದಷ್ಟೆ. ಶಾಂತಿ ಪ್ರೀತಿ,ವಿಶ್ವಾಸವನ್ನು  ಬೆಳೆಸಬೇಕಾದ ಗಣಗಳೀಗ ಗಣಿಗಳ ಕೈಕೆಳಗೆ ನಿಂತು ಬೇಡುವ ಸ್ಥಿತಿಗೆ ಬಂದಿರುವುದು ಪ್ರಜಾಪ್ರಭುತ್ವ ದ ರಾಜ್ಯಗಳನ್ನು ಬೇರೆ ಬೇರೆ ಮಾಡಿ ಆಳುವ ರಾಜಕೀಯವೆಂದರೆ ತಪ್ಪಿಲ್ಲ. ಒಂದು ದಿನದ ಕಾರ್ಯಕ್ರಮದ ಖರ್ಚು ವೆಚ್ಚ ಬರಿಸೋ ಶಕ್ತಿ ಇಲ್ಲದವರು ಹಣವನ್ನು ನೀರಿನಂತೆ ಬಳಸಿಕೊಂಡು  ನಾಟಕದಲ್ಲಿ ನಾಟಕವಾಡಿ ಜನರ ಮನಸ್ಸನ್ನು ಗೆದ್ದರೂ ಪರಮಾತ್ಮನ ಹೃದಯದಲ್ಲಿ ಸ್ಥಳವಿರದು. ಒಟ್ಟಿನಲ್ಲಿ ನಮಗೆ ಸ್ವಾತಂತ್ರ್ಯ ಸಿಕ್ಕಿ ಇಷ್ಟು ವರ್ಷ ವಾದರೂ ಗಣರಾಜ್ಯೋತ್ಸವ  ವೈಭವದಿಂದ ನಡೆದಿರವ ಹಿಂದೆ ನಮ್ಮ ಅಸಹಾಯಕತೆಯನ್ನು ಎತ್ತಿ ಹಿಡಿದಿದೆ.

ನೀವು ನಮಗೆ ಅಧಿಕಾರ ಕೊಟ್ಟರೆ ನಾನು ನಿಮ್ಮನ್ನು ಆಳುತ್ತೇವೆ ಎನ್ನುವ ಮಟ್ಟಿಗೆ  ರಾಜಕೀಯ ಬೆಳೆದರೂ ಜನರ ಜ್ಞಾನ ಕುಸಿದ ಪರಿಣಾಮ ಸರ್ಕಾರದ ಹಿಂದೆ ನಡೆಯುತ್ತಾ ನಮ್ಮ ಮೂಲದ ಆಸ್ತಿಯನ್ನು  ಸದ್ಬಳಕೆ ಮಾಡಿಕೊಳ್ಳದೆ  ಹಳ್ಳಿ ಬಿಟ್ಟು ನಗರಕ್ಕೆ ಬಂದವರು ಕೂಲಿಕಾರ್ಮಿಕರಾಗಿ ಪರಕೀಯರ  ಕೆಳಗೆ ಜೀವನ‌ನಡೆಸಿ ಸುಖವಾಗಿದ್ದೇವೆ ಎಂದರೆ ಭೂಮಿಯ ಋಣ ತೀರಿದಂತಾಗುವುದೆ?

ಗಣಪತಿಯನ್ನು ದೇವತೆಗಳ ಅಧಿಪತಿಯನ್ನಾಗಿಸಿ ಭೂಮಿಯ ಜನರ ಕಾರ್ಯ ನಡೆಸಲು  ಪ್ರಥಮ ಪೂಜೆಯ ಗಣನಾಯಕನನ್ನಾಗಿಸಿದಂತೆ  ಇಲ್ಲಿ ಪ್ರತಿಯೊಂದು ಕೆಲಸವು ಜನರ ಸಹಕಾರವಿಲ್ಲದೆ ನಡೆಯದು.ಆದರೆ  ಭ್ರಷ್ಟಾಚಾರ ದಲ್ಲಿ ಕೆಲಸವಾದರೆ ಭ್ರಷ್ಟರಿಗೆ ಶಕ್ತಿ. ಹೀಗಾಗಿ ರಾಜ್ಯದ ಉತ್ದವ ರಾಜ್ಯದ ಜನರ ಹಣದಲ್ಲಿ ನಡೆಸುವಾಗ  ಎಚ್ಚರವಾಗಿರಬೇಕು. ಇದಕ್ಕೆ ಸಹಕರಿಸುವಾಗಲೂ ಜ್ಞಾನಿಗಳು ಅರ್ಥ ಮಾಡಿಕೊಳ್ಳುವ ಜ್ಞಾನವಿರಬೇಕಿತ್ತು.ಜ್ಞಾನದ ಶಿಕ್ಷಣವೇ ಕೊಡದೆ ಆಳಿದವರೂ ಜೀವನದಲ್ಲಿ ಸೋತರು,ಆಳಿಸಿಕೊಂಡವರೂ ಸೋತರು.ಗೆದ್ದವರು ಮಧ್ಯವರ್ತಿಗಳಷ್ಟೆ.ಈಗಲಾದರೂ ಮಧ್ಯವರ್ತಿಗಳ ರಾಜಕೀಯ ತಿಳಿದು  ಸಜ್ಜನರನ್ನು ಗುರುತಿಸಿ   ಸಹಕರಿಸಿದರೆ ಉತ್ತಮ ಪ್ರಗತಿ.ಇಲ್ಲವಾದರೆ ಅಧೋಗತಿ

ಆತ್ಮನಿರ್ಭರ ಭಾರತ ರಾಜಕೀಯದಿಂದ ಸಾಧ್ಯವೆ?

ಅತಿಯಾದ ಶಾಂತಿ ಕ್ರಾಂತಿಗೆ ಕಾರಣವಾದಂತೆ ಅತಿಯಾದ ಕ್ರಾಂತಿ ಶಾಂತಿಗೆ ಕಾರಣವಾಗಿಲ್ಲ.ಕಾರಣ ಕ್ರಾಂತಿಯ ಹಿಂದೆ ರಾಜಕೀಯವಿರುತ್ತದೆ.ಶಾಂತಿಯ ಹಿಂದೆ ರಾಜಯೋಗವಿರುತ್ತದೆ. 

ವಿವೇಕಾನಂದರು ದೇಶವನ್ನು ಸ್ವತಂತ್ರ ಗೊಳಿಸುವ ರಾಜಯೋಗದ ಶಿಕ್ಷಣದಿಂದ ಯುವಕರನ್ನು  ಎಚ್ಚರಿಸಿದ್ದರೆ ಇಂದಿನ ಯುವಕರು   ಭ್ರಷ್ಟಾಚಾರದ ಮೂಲವನ್ನು ತಿಳಿಯದೆ ನೇರವಾಗಿ ರಾಜಕೀಯಕ್ಕೆ ಸಹಕರಿಸುತ್ತಾ ವಿದೇಶದವರೆಗೂ ಹೋಗುತ್ತಿದ್ದಾರೆ.  ಸರಳವಾಗಿದ್ದ ತತ್ವ ಬಿಟ್ಟು  ಅತಂತ್ರಗೊಳಿಸುವ ತಂತ್ರಜ್ಞಾನದಿಂದ ದೇಶ ಕಟ್ಟಲು  ಹಣಸಂಪಾದನೆಯೇ ಗುರಿಯಾಗಿಸಿಕೊಂಡು  ಸತ್ಯಜ್ಞಾನ ಕುಸಿದಿದೆ. ಬ್ರಿಟಿಷ್‌  ಸರ್ಕಾರವಾದರೂ  ವಿಜ್ಞಾನದಿಂದ ದೇಶವನ್ನು ಆರ್ಥಿಕವಾಗಿ ಸಬಲಗೊಳಿಸುವತ್ತ  ನಡೆದರು.ಆದರೆ, ಭಾರತೀಯರ ಆತ್ಮಜ್ಞಾನವೇ  ದುರ್ಭಳಕೆ  ಮಾಡಿಕೊಂಡರೆ  ನಷ್ಟ ಯಾರಿಗೆ?  

    ರಾಜಕೀಯ ಕಣ್ಣಿಗೆ ಕಾಣುತ್ತದೆ ರಾಜಯೋಗ ಕಣ್ಣಿಗೆ ಕಾಣೋದಿಲ್ಲ.ರಾಜಯೋಗ ಆಂತರಿಕ ಶಕ್ತಿಯಾದರೆ ರಾಜಕೀಯ ಭೌತಿಕ ಶಕ್ತಿ. ಭೌತಿಕದಲ್ಲಿ ಶಾಂತಿ ಕಂಡವರು ಯೋಗಿಗಳಷ್ಟೆ. ಯೋಗಿಗಳು ಆತ್ಮಜ್ಞಾನದಿಂದ ಸತ್ಯದೆಡೆಗೆ ನಡೆದು ಮುಕ್ತಿ ಪಡೆದರು.ಆದರೆ ಭೋಗದೆಡೆಗೆ ನಡೆದವರ ಜೀವನದಲ್ಲಿ ರೋಗವೇ ಹೆಚ್ಚಾಗಿ ಕೊನೆಗೆ ಕ್ರಾಂತಿಕಾರಿಗಳನ್ನು  ಬೆಳೆಸುವತ್ತ  ನಡೆಯುತ್ತಾರೆ. ದೇಶ ಯೋಗಿಗಳಿಂದ  ಆತ್ಮನಿರ್ಭರ ವಾಗಬಹುದೇ ಹೊರತು ರೋಗಿಗಳಿಂದ ಆಗದು.ಭ್ರಷ್ಟಾಚಾರ ರೋಗದ  ಹವಾ  ಜನರ ಉಸಿರುಗಟ್ಟಿಸಿ ಸಾಯುಸುವಾಗ ತಿರುಗಿ  ಜನ್ಮ ಪಡೆದಾಗಲೂ  ಅದೇ  ಗಾಳಿಯಲ್ಲಿ  ಜೀವಿಸಬೇಕೆಂದರೆ ಬದಲಾವಣೆ ಕಷ್ಟ. ಇದಕ್ಕೆ ಕಾರಣವಾಗಿರುವ ಶಿಕ್ಷಣದ ರಾಜಕೀಯ ಹೋಗಿ ಶಿಕ್ಷಣದಲ್ಲಿ ರಾಜಯೋಗದ ವಿಚಾರ ವಿದ್ದರೆ  ಬದಲಾವಣೆ ಆಂತರಿಕ ಶುದ್ದಿಯಿಂದ ಸಾಧ್ಯವಿದೆ. ಬೇಲಿಯೇ ಎದ್ದು ಹೊಲಮೇಯ್ದರೆ ಕಾಯೋರು ಯಾರು? ಮಧ್ಯವರ್ತಿಗಳ  ಅರ್ಧ ಸತ್ಯದ ರಾಜಕೀಯಕ್ಕೆ ದೇಶವೇ ತನ್ನ ಮೂಲವನ್ನು ಮರೆತು ನಡೆದಿದೆ. ಯಾರೂ ಯಾರನ್ನೂ ಬದಲಾಯಿಸೋ ಬದಲು ನಾವು ನಮ್ಮನ್ನು ಬದಲಾಯಿಸುವ ಸತ್ಯದೆಡೆಗೆ ನಡೆಯಲಾಗದಿದ್ದರೆ  ಇದಕ್ಕೆ ನಾವೇ ಕಾರಣ. ನಮ್ಮ ಸಹಕಾರವೇ  ಕ್ರಾಂತಿಕಾರಿ ಬೆಳವಣಿಗೆಗೆ ಕಾರಣ. ಯಾರಾದರೂ ಕ್ರಾಂತಿಯಿಂದ ಮುಕ್ತಿ ಪಡೆದಿದ್ದರೆ ಅದು ಕ್ಷತ್ರಿಯರಷ್ಟೆ.ಹಾಗಾದರೆ ಪ್ರಜಾಪ್ರಭುತ್ವದಲ್ಲಿ ಕ್ಷತ್ರಿಯರು ಯಾರು? ಸೈನಿಕರನ್ನು ಹೇಳಬಹುದು.ಆದರೆ ಅವರಿಗೆ ದೇಶ ಆಳುವ ಅಧಿಕಾರವಿಲ್ಲ.ದೇಶ ಕಾಯುವ ಅಧಿಕಾರವಿದ್ದರೂ ದೇಶದೊಳಗೆ ಶತ್ರುಗಳನ್ನು ಸ್ವಾಗತಿಸುತ್ತಾ ವಿದೇಶವನ್ನು ಬೆಳೆಸುವ  ತಂತ್ರವೇ ಇಂದು ಹೆಚ್ಚಾಗಿದ್ದರೆ ತತ್ವಜ್ಞಾನದಲ್ಲಿದ್ದ ಶಾಂತಿ ಅರ್ಥ ವಾಗದೆ ಜೀವ ಹೋಗುತ್ತದೆ. ಆತ್ಮರಕ್ಷಣೆ ಕಷ್ಟ.

 ಭೂಮಿ ಮೇಲಿರುವ ಸತ್ಯ ಓದಿ ತಿಳಿಸುವ ಅಗತ್ಯವಿಲ್ಲ.ಆದರೆ ಆಕಾಶದೆತ್ತರ  ಹಾರೋದಕ್ಕೆ ಭೂಮಿಯನ್ನು ದುರ್ಭಳಕೆ ಮಾಡಿಕೊಳ್ಳುವತ್ತ ನಡೆದಿರೋದು  ಮನುಕುಲಕ್ಕೆ  ಅಪಾಯ. ಇದರಲ್ಲಿ ಭೂಮಿ ಆಕಾಶದಲ್ಲಿದ್ದರೂ ಮನುಕುಲ ಇರೋದು ಭೂಮಿ ಮೇಲೆ ಎಂದಾಗ ನನಗೆ ಆಸರೆಯಾಗಿದ್ದವರನ್ನು ಆಳಾಗಿ ಕಂಡರೆ  ಜೀವಕ್ಕೆ ಮುಕ್ತಿ ಸಿಗುವುದೆ? ಸಾಮಾನ್ಯ ಮಾನವನಲ್ಲಿರಬೇಕಾದ ಸಾಮಾನ್ಯಜ್ಞಾನ  ಕುಸಿದಿರೋದಕ್ಕೆ ರಾಜಕೀಯ ಕಾರಣ. ರಾಜಕೀಯವನ್ನು ರಾ ರಾವಣ,ಕೀ ಕೀಚಕ, ಜ ಜರಾಸಂಧ, ಯ ಯಮ ಎನ್ನುವುದು ಯಾಕೆ?

 ರಾವಣನಂತಹ ಮಹಾಜ್ಞಾನಿ ಸ್ತ್ರೀ ಯನ್ನು ದುರ್ಭಳಕೆ ಮಾಡಿಕೊಳ್ಳಲು ಹೋಗಿ ಕೀಚಕನಾಗಿ  ಜರಾಸಂಧನಂತೆ ಮರಣ ಕಂಡು ಯಮಲೋಕ ತೋರಿಸಿದಂತೆ ಈಗಲೂ ಮಾನವರಾಗಿದ್ದವರು ಅಸುರ ಶಕ್ತಿಯ ರಾಜಕೀಯಕ್ಕೆ ಸಹಕರಿಸುತ್ತಾ ಸ್ತ್ರೀ ಯರಲ್ಲಿದ್ದ ಜ್ಞಾನವನ್ನು ದುರ್ಭಳಕೆ ಮಾಡಿಕೊಂಡು  ಜ್ಞಾನ ಬೇರೆ ವಿಜ್ಞಾನ ಬೇರೆ ಎನ್ನುವ ಹಂತ ತಲುಪಿ ಸಾಯುತ್ತಿರುವುದನ್ನು ಪ್ರಗತಿ ಎಂದರೆ ಅಜ್ಞಾನವಷ್ಟೆ.

ಮೂಲಾಧಾರ ಚಕ್ರವೇ ಶುದ್ದಿಗೊಳಿಸದೆ ಸಹಸ್ರಾರ ಚಕ್ರ ಶುದ್ದಿ ಸಾಧ್ಯವೆ? ಹೊರಗಿನ ‌ಮಂತ್ರ, ತಂತ್ರ,ಯಂತ್ರದ ಸುಳಿಯಲ್ಲಿ ಸ್ವತಂತ್ರ ಜ್ಞಾನವೇ ಹಿಂದುಳಿದಿರುವಾಗ  ಅತಂತ್ರಸ್ಥಿತಿಗೆ  ಜೀವನ ತಲುಪುವುದನ್ನು ಸರ್ಕಾರ ತಪ್ಪಿಸುವುದೆಂದರೆ  ಒಂದು  ವ್ಯಕ್ತಿ, ಪಕ್ಷ,ಜಾತಿ,ಧರ್ಮದಿಂದ  ಈ ಮನುಕುಲ  ಬೆಳೆದಿಲ್ಲ.ಆದರೆ ಒಂದೇ ಶಕ್ತಿಯ ಅಧೀನದಲ್ಲಿರುವ ಸತ್ಯ ಒಂದೇ .ಆ ಒಂದೇ ಸತ್ಯದಕಡೆಗೆ  ನಡೆಯುವುದೆ ಜೀವನದ ಗುರಿ. ಈ ಗುರಿ ತಲುಪಲು ಸಾವಿರಾರು ದಾರಿಯಿದ್ದರೂ ತತ್ವ ಒಂದೇ. ತತ್ವದೆಡೆಗೆ ನಡೆಯದೆ ತಂತ್ರದಿಂದ  ನಡೆದರೆ ಅಡ್ಡದಾರಿ ಹಿಡಿದವರಿಗೆ  ಗುರಿಗೆ ತಲುಪಲು ಕಷ್ಟ.ತಿರುಗಿ  ಸೀದಾ ರಸ್ತೆಗೆ ಬರಲು ಕಷ್ಟಪಡಬೇಕು. ಈ ಕಷ್ಟಪಟ್ಟು  ನಡೆದವರನ್ನು ಮಧ್ಯವರ್ತಿಗಳು ತಡೆದು ನಿಲ್ಲಿಸಿ ಉಚಿತವಾಗಿ  ಕೊಟ್ಟರೆ ಅಲ್ಲೇ ಸುಖವಿದೆ ಎಂದು ಮನಸ್ಸು ನಿಂತಾಗಲೇ ಮಧ್ಯವರ್ತಿಗಳು ಬೆಳೆಯುವುದು. ಯಾವಾಗ ಮಧ್ಯವರ್ತಿಗಳ ಅರ್ಧ ಸತ್ಯದ ವ್ಯವಹಾರಿಕ ರಾಜಕೀಯ ಭೂಮಿಯನ್ನು ಆಳುವುದೋ ಆಗಲೇ  ಜನಜೀವನದಲ್ಲಿ ಅಶಾಂತಿಯ ಹೋರಾಟ,ಹಾರಾಟ,ಮಾರಾಟದ ಜ್ಞಾನ ಹೆಚ್ಚಾಗಿ ಮೂಲದ ಧರ್ಮ ಕರ್ಮ ಕ್ಕೆ ದಕ್ಕೆ. ಎಲ್ಲಿಯವರೆಗೆ ಮೂಲ ಸೇರಲಾಗದೋ ಅಲ್ಲಿಯವರೆಗೆ  ಶಾಂತಿ,ತೃಪ್ತಿ, ಮುಕ್ತಿ ಇಲ್ಲ. ಹೀಗಾಗಿ ಹಿಂದಿನ ಮಹಾತ್ಮರುಗಳು ವಾಸ್ತವಸತ್ಯವ ತತ್ವದಿಂದ ತಿಳಿದು ಸ್ವತಂತ್ರ ಜೀವನ ನಡೆಸುತ್ತಾ ಜನರಿಗೆ ಮಾರ್ಗ ದರ್ಶಕರಾಗಿ  ಮುಕ್ತರಾದರು. ಈಗಿನ ಶಿಕ್ಷಣವೇ ಅತಂತ್ರಸ್ಥಿತಿಗೆ ತಲುಪಿರುವಾಗ ಅದನ್ನು ಒಳಗೆಳೆದುಕೊಂಡ ಯುವಜನರ ಗತಿ ಏನಾಗಿರಬೇಡ. ಇದನ್ನು ಧಾರ್ಮಿಕ ಗುರು ಹಿರಿಯರು ಚಿಂತನೆ ಮಾಡಬೇಕಿದೆ.  ಅವರೂ ರಾಜಕೀಯದ ಹಿಂದೆ ನಡೆದರೆ  ರಾಜಯೋಗದ ಗತಿ?

ದೃಷ್ಟಿ ದೋಷ ಸರಿಪಡಿಸುವುದು ಸಾಧ್ಯವೆ?

ಕಣ್ಣಿನ ದೃಷ್ಟಿ ಸರಿಯಿಲ್ಲ ಎನ್ನುವ ಕಾರಣಕ್ಕಾಗಿ ಹೊರಗಿನಿಂದ ನಾವು ಕಣ್ಣಿಗೆ ಕನ್ನಡಕ ಹಾಕಿಕೊಂಡು ದೃಷ್ಟಿ ಸರಿಪಡಿಸಿಕೊಳ್ಳುವುದು ಭೌತಿಕ  ವಿಜ್ಞಾನ. ಅದೇ ನಾವು ನೋಡುವ,ಕೇಳುವ,ಓದುವ,ಹೇಳುವ  ವಿಚಾರದಲ್ಲಿಯೂ ಒಬ್ಬೊಬ್ಬರ ದೃಷ್ಟಿಯಲ್ಲಿ ಒಂದೊಂದು ಸರಿತಪ್ಪು ಕಾಣುತ್ತದೆ. ಇದನ್ನು ಸರಿಪಡಿಸಲು ಭೌತಿಕ ವಿಜ್ಞಾನದಿಂದ ಅಸಾಧ್ಯ.ಇದನ್ನು ಅದ್ಯಾತ್ಮಿಕ ಜ್ಞಾನದಿಂದ ಮಾತ್ರ ನಮ್ಮ ದೃಷ್ಟಿ ದೋಷವನ್ನು ಸರಿಪಡಿಸಿಕೊಳ್ಳಲು ಸಾಧ್ಯವೆನ್ನುವರು ಮಹಾತ್ಮರುಗಳು. ಅದ್ಯಾತ್ಮದ ಪ್ರಕಾರ ಎಲ್ಲಾ ಒಂದೇ ಆದರೂ ಒಂದೇ ದೃಷ್ಟಿಯಿಂದ ನೋಡಲಾಗಿಲ್ಲ. ಒಂದೇ ದೇವರನ್ನು ಹಲವಾರು ರೀತಿಯಲ್ಲಿ ಕಾಣಲಾಗಿದೆ.ಒಂದೇ ಭೂಮಿಯಲ್ಲಿದ್ದರೂ ಎಲ್ಲರೂ ಭೂಮಿಯನ್ನು  ಸರಿಯಾಗಿ ಅರ್ಥ ಮಾಡಿಕೊಂಡಿಲ್ಲ.ಕಾರಣವಿಷ್ಟೆ  ನಮ್ಮ ಒಳದೃಷ್ಟಿಗೆ ಹೊರ ದೃಷ್ಟಿ  ಹೊಂದಿಕೆಯಾಗಿಲ್ಲ. ಹೊರಗಿನ ದೃಷ್ಟಿ ಬದಲಾದಂತೆ ಒಳಗಿನ ದೃಷ್ಟಿ ಬದಲಾಗದು.ಒಳ ದೃಷ್ಟಿ ಯ ಕಡೆಗೆ ಹೆಚ್ಚು ಗಮನಿಸಿದಾಗಲೇ ಹೊರಗಿನ ದೃಷ್ಟಿ ದೋಷ ನಿವಾರಣೆ ಸಾಧ್ಯ. ಇಂದು ಮನುಕುಲ ಸತ್ಯವನ್ನು ಹೊರಗೆ ಹುಡುಕುತ್ತಾ ಒಳಗಿನ ಸತ್ಯ ಹಿಂದುಳಿದಿರುವ ಕಾರಣ ಎಲ್ಲಾ ಸಮಸ್ಯೆಗಳಿಗೆ ಪರಿಹಾರವಿಲ್ಲದೆ ಹೊರಗಿನ ಪ್ರಯೋಗ ನಡೆದಿದೆ. ಹೊರಗೆ ಎಷ್ಟೇ ಪ್ರಯೋಗ ಮಾಡಿದರೂ ಅದು ಅಂತರಾತ್ಮನೆಡೆಗೆ  ಸಾಗುವಲ್ಲಿ ಸೋತರೆ ದೃಷ್ಟಿ ಹೀನರೆ ಹೆಚ್ಚಾಗಿ  ಭೂಮಿ ಮೇಲಿದ್ದರೂ ಆಕಾಶ ನೋಡಿಕೊಂಡು ಎಡವಿ ಬೀಳುವರು. ಬಿದ್ದವರು ಎದ್ದು ನಿಂತು ಭೂಮಿಯನ್ನು ಅರ್ಥ ಮಾಡಿಕೊಂಡರೆ  ಎಲ್ಲಾ ಭೂಮಿಯಲ್ಲಿ ಕಾಣುತ್ತದೆ. ಇಲ್ಲವಾದರೆ ಜನ್ಮ ಜನ್ಮಗಳವರೆಗೂ  ಹುಡುಕುತ್ತಲೇ ಇರಬೇಕು. ಈ ಕಾರಣಕ್ಕಾಗಿ ಅಧ್ಯಾತ್ಮ ಸಾಧಕರು ದ್ಯಾನದಿಂದ ಕಣ್ಣುಮುಚ್ಚಿಕೊಂಡು ಒಳಗಿನ ದೃಷ್ಟಿಯಿಂದ ಸತ್ಯ ತಿಳಿದು ಉನ್ನತಮಟ್ಟಕ್ಕೆ ಏರಿದ್ದರು. ನಮ್ಮ ಕಣ್ಣಿಗೆ ಅವರು ಕಾಣೋದಿಲ್ಲ.ಆದರೆ ಅವರ ಅರಿವಿನ ಸ್ವಲ್ಪ ಭಾಗ ನಮ್ಮೊಳಗೂ ಇದೆ.ಹುಡುಕಿಕೊಳ್ಳಲು  ಪ್ರಯತ್ಮಪಡಬೇಕು. ಸಿಕ್ಕಿದ ಮೇಲೇ ನಮ್ಮ ಆಂತರಿಕ ದೃಷ್ಟಿಯಿಂದ ಭೌತಿಕ ಜಗತ್ತನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯ. ಭೂಮಿಯ ಒಳಗೆ ಕತ್ತಲಿದೆ.ಕತ್ತಲಲ್ಲಿ ಬೆಳಕಿದೆ. ಭೂಮಿಯ ಮೇಲೆ ತಾತ್ಕಾಲಿಕ ಬೆಳಕಿದೆ.ಬೆಳಕಿನ ನಂತರ ಕತ್ತಲೂ ಇದೆ. ಕತ್ತಲಿನಿಂದ ಬೆಳಕಿನಕಡೆಗೆ ಹೋಗಲು ಆತ್ಮಜ್ಞಾನದ ಅಗತ್ಯವಿದೆ. ಆತ್ಮಜ್ಞಾನ ಒಳಗಿದೆ.ಒಳಗಿನ ದೃಷ್ಟಿಯಲ್ಲಿ  ಸತ್ಯವಿದೆ. ಸತ್ಯವೇ ದೇವರಾಗಿದೆ. ಹಾಗಾದರೆ ದೇವರು ಇರೋದೆಲ್ಲಿ?

ನಾವ್ಯಾರು? 

ಹೋರಾಟ  ಆಂತರಿಕ ದೃಷ್ಟಿಯಿಂದ ತಿಳಿದು ನಡೆಸಿದರೆ ಧರ್ಮ .ಯಾರೋ ಹೇಳಿದ್ದಷ್ಟೆ ಸತ್ಯವಲ್ಲ.ಹೇಳಿದ್ದನ್ನು ಕೇಳಿ ಪರಿಶೀಲನೆ ಮಾಡಿ ಆಂತರಿಕವಾಗಿ ಅನುಭವಿಸಿದವರಿಗೆ ದೃಷ್ಟಿ ದೋಷ ನಿವಾರಣೆ ಆಗಿದೆ.ನಮ್ಮದು ಅರ್ಧ ಸತ್ಯದ ದೃಷ್ಟಿ ಯಷ್ಟೆ. ಹೊರಗಿನ ಕನ್ನಡಕ ಹಾಕಿಕೊಂಡು ಒಳಗಿನ ಕನಸು ಕಾಣೋದಾಗಿದೆ.

ತಾಯಂದಿರನ್ನು ರಕ್ಷಿಸಲು ನಾವ್ಯಾರು?

ಭಾರತಾಂಬೆಯ ಮಕ್ಕಳಾಗಿರುವ ಭಾರತೀಯರಿಗೆ ತಾಯಿಯ ಜ್ಞಾನಶಕ್ತಿ ಅರ್ಥ ವಾಗದ ಶಿಕ್ಷಣ ನೀಡುತ್ತಾ ಆಳುವ ರಾಜಕಾರಣಿಗಳಿಗೆ ತಾಯಂದಿರನ್ನು ರಕ್ಷಣೆ ಮಾಡಲು ಕಷ್ಟ.ಇಷ್ಟಕ್ಕೂ ತಾಯಿಯೇ ದೇವರಾದಮೇಲೆ ದೇವರನ್ನು  ರಕ್ಷಣೆ ಮಾಡಲು ನಾವ್ಯಾರು? ಈ ಪ್ರಶ್ನೆಗೆ ಉತ್ತರ ರಾಜಕೀಯದಿಂದ ಸಿಗದ ಕಾರಣವೇ ಇಂದು ಜನರನ್ನು ಹಣದಿಂದ  ಆಳಲು ಹೊರಟವರು  ದೊಡ್ಡ ದೊಡ್ಡ ವ್ಯಕ್ತಿಗಳಾಗಿ ನಿಜವಾದ ಶಕ್ತಿಯನ್ನು ಕಳೆದುಕೊಂಡ ಜನರು ದಾರಿತಪ್ಪಿ ಹೊರನಡೆದಿರೋದಲ್ಲವೆ? ಒಟ್ಟಿನಲ್ಲಿ  ವ್ಯವಹಾರ ಜ್ಞಾನ ಧರ್ಮವನ್ನು ಅರ್ಥ ಮಾಡಿಕೊಳ್ಳಲು ಸೋಲುತ್ತದೆ. ಧರ್ಮರಕ್ಷಕರಲ್ಲಿ  ರಾಜಕೀಯತೆಯನ್ನು ನಾವು ಕಾಣುತ್ತಿದ್ದೇವೆ ಎಂದರೆ  ನಮ್ಮನ್ನು ಆಳುವವರಲ್ಲಿ ಕೇವಲ ರಾಜಕೀಯವಿದೆ ರಾಜಯೋಗವಿಲ್ಲ. ಇದರಿಂದ  ಯಾರಿಗೂ ನಷ್ಟವೂ ಇಲ್ಲ ಲಾಭವೂ ಇಲ್ಲ ಕಾರಣವಿಷ್ಟೆ ಭಾರತಮಾತೆಯೊಳಗಿರುವ ಅಸಂಖ್ಯಾತ ಜ್ಞಾನಿಗಳ ಶಕ್ತಿ ಇನ್ನೂ ಒಳಗಿದೆ. ಇದಕ್ಕೆ ಪೂರಕ ಶಿಕ್ಷಣ ನೀಡುವ ಕೆಲಸವೂ ಒಂದೆಡೆ ಆಗುತ್ತಿದೆ. ನಿಧಾನವಾಗಿ ಅಂತಹ ಮಕ್ಕಳು  ಬೆಳೆಯುವಾಗ ಶೀಘ್ರವಾಗಿ ಮೇಲೇರಿ ಕಣ್ಮರೆಯಾಗುವ ಅಜ್ಞಾನಿಗಳ ರಾಜಕೀಯವೂ ಅರ್ಥ ಆಗುತ್ತದೆ. ಹೀಗಾಗಿ ನಾವು ನಾವಾಗಿದ್ದರೆ ಪರರು ಯಾಕೆ ನಮ್ಮನ್ನು ಆಳುವರು? ಎಲ್ಲಾ ಶಕ್ತಿ ನಮ್ಮ ಭಾರತೀಯ ನಾರಿಯಲ್ಲಿತ್ತು,ಇದೆ,
ಇರುತ್ತದೆ. ಕಣ್ಣಿಗೆ ಕಾಣದ ಇದನ್ನು ಸ್ತ್ರೀ ಮನೆಯೊಳಗಿದ್ದೇ ಬೆಳೆಸಿಕೊಂಡರೆ ಯಾವ ರಾಜಕೀಯದ ಸಹಾಯ ಇಲ್ಲದೆಯೇ  ಸುರಕ್ಷಿತವಾಗಿರಬಹುದು. ಆದರೆ ಕೆಲವರಿಗೆ ಹೊರಗೆ ಹೋಗಿಯೇ  ತಮ್ಮ  ಸಂಸಾರ ನಡೆಸಲು ದುಡಿಯುವ ಪರಿಸ್ಥಿತಿ ಬಂದಿರುವುದು ಒಂದು ದುರಂತ. ಒಟ್ಟಿನಲ್ಲಿ ಸ್ತ್ರೀ ಶಕ್ತಿಯನ್ನು ಯಾವ ರಾಜಕೀಯ ಸಾಕುವ,ರಕ್ಷಿಸುವ ಅಗತ್ಯವಿಲ್ಲ.ಸ್ವಯಂ ಶಕ್ತಿಯನ್ನು ಭಾರತಮಾತೆ ಹೊಂದಿರುವಾಗ  ಹೊರಗಿನ ಭ್ರಷ್ಟಾಚಾರದ ಕೆಳಗೆ  ತಾನೇ ಸಿಲುಕಿರುವಾಗ ಹೇಗೆ ತಾನೇ  ದೇವರನ್ನು ತಾಯಿಯನ್ನು ಆಳಬಹುದು?
ಸ್ತ್ರೀ ಗೆ ಸ್ತ್ರೀ ವೈರಿಯಾದರೆ ಯಾರೂ ರಕ್ಷಣೆ ಮಾಡಲಾಗದು.
ಭೌತಿಕದಲ್ಲಿ ಹೆಸರು ಮಾಡಿದವರಿಗೆ ಅಧ್ಯಾತ್ಮದ ಸತ್ಯದ ಅರಿವಿದ್ದರೆ ಉತ್ತಮ ಸಾಧನೆ ಸಾಧ್ಯವಿದೆ.
ಸ್ತ್ರೀ ಶಕ್ತಿಯಿಲ್ಲದೆ ಭೂಮಿಯಿಲ್ಲ.ತಾಯಿಯಿಲ್ಲದೆ ಜನ್ಮವಿಲ್ಲ. ಜನನವಿಲ್ಲದೆ ಜೀವನವೇ ಇಲ್ಲ. ನಾವು ಜೀವಿಸುತ್ತಿರುವುದೆ ಜನನಿಯ  ಆಸರೆಯಿಂದ ಎಂದಾಗ ಅಂತಹ ಜನನಿಯನ್ನು ನಾನು ರಕ್ಷಿಸುವೆ ಎನ್ನುವ ವ್ಯಕ್ತಿಯ ಅಗತ್ಯವಿದೆಯೆ? ಇದ್ದರೂ ವ್ಯಕ್ತಿಯ ಹಿಂದಿನ ಶಕ್ತಿ ಯಾವುದು? ನಮ್ಮದೇ ಇರೋವಾಗ  ಇದರಲ್ಲಿ ರಾಜಕೀಯವಿದ್ದರೆ ನಾವು ನಮ್ಮ ಸ್ವಂತ ಶಕ್ತಿ ಕಳೆದುಕೊಂಡು  ಜೀವನದ ಉದ್ದೇಶ ಮರೆತು ನಡೆದಿರುವುದು ಸತ್ಯ. ಒಳಗೇ ಅಡಗಿರುವ ಅಮೃತವಾದ ಜ್ಞಾನ ಬಿಟ್ಟು ಹೊರಗಿನ ಸತ್ತ ಸತ್ಯವನ್ನು ನಂಬಿದರೆ ಸಿಗೋದು ಸಾವಷ್ಟೆ. ಎಲ್ಲರಿಗೂ  ಬರೋದನ್ನು  ತಡೆಯಲು ಅಸಾಧ್ಯ.ಹೀಗಿರುವಾಗ ಇದ್ದಾಗಲೇ ಆತ್ಮಜ್ಞಾನದೆಡೆಗೆ ,ಸತ್ಯದ ಕಡೆಗೆ  ಸ್ವತಂತ್ರ ವಾಗಿ  ನಡೆಯಲು ಸಾಧ್ಯವಾದರೆ ಇದೇ ನಾವು ಆ ತಾಯಿಗೆ ಕೊಡುವ ಗೌರವವಾಗುತ್ತದೆ. ನಾನೇ ದೇಶಕ್ಕಿಂತ ವಿದೇಶದ ವ್ಯಾಮೋಹದಲ್ಲಿ,ವಿದೇಶಿಗಳ ಸಹಕಾರದಲ್ಲಿ,ವಿದೇಶಿಗಳ ಬಂಡವಾಳದಲ್ಲಿ,ಸಾಲದಲ್ಲಿ ಜೀವನ ನಡೆಸಿರುವಾಗ ಸ್ವದೇಶದ ಋಣ ತೀರಿಸಲು ಕಷ್ಟ.ಅದರಲ್ಲೂ ತಾಯಿಯ ಋಣ ತೀರಿಸಲು  ಜ್ಞಾನವೇ ಬಂಡವಾಳ. ಜ್ಞಾನದಿಂದ ಕಷ್ಟಪಟ್ಟು ಸಂಪಾದಿಸಿದ ಹಣವು ಧರ್ಮ ರಕ್ಷಣೆಗೆ ಬಳಸಿದರೆ ಋಣ ತೀರುವುದು.
ಹಿಂದಿನ ನಾಲ್ಕು ವರ್ಣಗಳ ಪ್ರಕಾರ ಮೇಲಿನವರ ಆತ್ಮಜ್ಞಾನವು ಕ್ಷತ್ರಿಯರಿಗೆ ಧರ್ಮ ದ ಕಡೆಗೆ ನಡೆಸಿತ್ತು, ಧರ್ಮದ ವ್ಯವಹಾರದಿಂದ ಸಮಾಜದಲ್ಲಿ  ಆರ್ಥಿಕವಾಗಿ ಸಬಲರಾಗಿದ್ದರು ಮುಂದೆ ಅದೇ ಸೇವಾಕಾರ್ಯ ವಾಗಿ ಸಮಾಜದಲ್ಲಿನ  ಸಮಾನತೆಯೆಡೆಗೆ ಕಾಯಕವೇ ಕೈಲಾಸ ಎನ್ನುವ ಮಂತ್ರವಾಯಿತು. ದಾಸ,ಶರಣರ ತತ್ವ ಬೇರೆಯಲ್ಲ ವೇದಸಾರಗಳ ತತ್ವ ಬೇರೆಯಲ್ಲ.ಯಾವಾಗ ಈ ತತ್ವಗಳು ತಂತ್ರವಾಗಿ ಬಳಸಿ ಜನರನ್ನು ಆಳಲು ಹೊರಟವೋ ರಾಜಕೀಯವು ರಾಜಯೋಗವನ್ನು ಮೆಟ್ಟಿ ನಿಂತಿತು.ಈಗಲೂ ನಾವು ಕಾಣುತ್ತಿರುವ ಸತ್ಯ ಇದೇ ಆಗಿದೆ.ಆದರೆ ಆ ಸೂಕ್ನ ಸತ್ಯವನ್ನು ಕಾಣುವ ಜ್ಞಾನ ಕಳೆದುಕೊಂಡಿರುವ ಜನರಿಗೆ ತಿಳಿಸಿ ಹೇಳುವವರಿಲ್ಲದೆ ದೇಶವೇ  ಅಧರ್ಮದವರ ಕೈ ಸೇರಿ ಹಿಂದುಳಿದರೆ ಇದಕ್ಕೆ ಕಾರಣವೇ ನಮ್ಮವರ ಸಹಕಾರವು ಅಧರ್ಮದ ರಾಜಕೀಯದ ವಶವಾಗಿರೋದು. ಇದರಿಂದ ನಮ್ಮದೇ ಜ್ಞಾನ ಕುಸಿದರೆ ನಮಗೇ ನಷ್ಟ ಎನ್ನುವ ಸತ್ಯಕ್ಕೆ ಸಾವಿಲ್ಲ. ಸತ್ಯ ಎಷ್ಟೇ ತಿರುಚಿದರೂ ಮೂಲಕ್ಕೆ ಚ್ಯುತಿ ಬರೋದಿಲ್ಲ. ಆಳವಾಗಿರುವ ಬೇರನ್ನು  ಕೀಳುವ ಶಕ್ತಿ ರೆಂಬೆಕೊಂಬೆಗಳಿಗೆ ಇರೋದಿಲ್ಲವಲ್ಲ.ಹಾಗೆಯೇ ಪರರು ಎಷ್ಟೇ  ಮೇಲಿನ ರಾಜಕೀಯ ನಡೆಸಿದರೂ ಒಳಗಿರುವ ರಾಜಯೋಗದ ಕಡೆಗೆ ನಡೆಯುವುದು ಕಷ್ಟ. ಹೀಗಾಗಿ  ಮಾನವರು ಅದರಲ್ಲೂ ಭಾರತೀಯರು ವಿವೇಕಾನಂದರ ರಾಜಯೋಗವನ್ನು ಸರಿಯಾಗಿ ಅರ್ಥ ಮಾಡಿಕೊಂಡರೆ ನಮಗೆ ಸ್ವಾತಂತ್ರ್ಯ ರಾಜಯೋಗದಲ್ಲಿ ಸಿಗುತ್ತದೆ. ಈಗ ನಮ್ಮವರೆ ನಮಗೆ ಶತ್ರುಗಳಾಗಿರೋದೆ ಅಜ್ಞಾನದ ಶಿಕ್ಷಣದ ಪ್ರಭಾವ. ಶಿಕ್ಷಣವೇ ರಾಜಕೀಯದ ವ್ಯವಹಾರಕ್ಕೆ ಇಳಿದರೆ ಜ್ಞಾನ ಎಲ್ಲಿರುತ್ತದೆ?
ರಾಜಕೀಯವು ಯೋಗಿಗಳ ದೇಶವನ್ನು ರೋಗಿಗಳ ದೇಶ ಮಾಡುತ್ತಾ ತಾಯಿಯನ್ನೇ ಆಳಲು ಹೊರಟಿದೆ ಎಂದರೆ ಇದು ಜ್ಞಾನವೆ? ಅಜ್ಞಾನವೆ?
ಅವರವರ ತಾಯಿಯ ಜ್ಞಾನಶಕ್ತಿಯನ್ನು  ತಿಳಿಯದೆ  ಮುಂದೆ ನಡೆದವರಿಗೆ ವಿಜ್ಞಾನ ಜಗತ್ತು ಮಾತ್ರ ಕಾಣುತ್ತದೆ. ಅಧ್ಯಾತ್ಮ ಜಗತ್ತಿನಲ್ಲಿ  ತಾಯಿಯೇ ಮೊದಲ ಗುರು.ವಿಪರ್ಯಾಸವೆಂದರೆ ನಮ್ಮ ಭಾರತದಲ್ಲಿ  ಆ ಶಕ್ತಿಗೆ  ಬಂಧನವಿದ್ದು  ಅವಳನ್ನು ಆಳಲು ಹೊರಟವರಿಗೆ ಅಧಿಕಾರ ಸ್ಥಾನಮಾನ ಹೆಚ್ಚಾಗಿ  ಗಣಿದಣಿಗಳಾಗಿದ್ದರೂ ಚಿನ್ನದಂತ ಶುದ್ದ ಮನಸ್ಸಿಲ್ಲದೆ  ಹಣದಿಂದ  ಭೂಮಿಯನ್ನು ಆಳಲು ಹೊರಟವರೆ ಹೆಚ್ಚು. ಇದಕ್ಕೆ ನಮ್ಮ ದೇಶದ ಸ್ಥಿತಿ ಹೀಗಿದೆ.
ಇಂದು ಜನರಿಗೆ  ತಮ್ಮದೇ ಆದ  ರೀತಿಯಲ್ಲಿ ಎಲ್ಲಾ ಪಕ್ಷಗಳು ಉಚಿತಗಳ ಭರವಸೆಯನ್ನು ಉಚಿತವಾಗಿ ಕೊಡುತ್ತಿವೆ. ಈ ಉಚಿತ ಕೊಡಲು ತಾವೆಷ್ಟು ದುಡಿದು ಗಳಿಸಿರುವರೆನ್ನುವ ಜ್ಞಾನವಿಲ್ಲದವರಿಂದ ಜನರು ಉಚಿತ ಪಡೆದಷ್ಟೂ ತಮ್ಮ ಸಾಲದ ಹೊರೆ ತಾವೇ ಹೊತ್ತು ಹೋಗುವುದಂತೂ ಖಚಿತ ಎನ್ನುವ ಜ್ಞಾನವಿದ್ದವರು ಸರ್ಕಾರದ ಹಿಂದಿರುವ ಉದ್ದೇಶ ಅರ್ಥ ವಾಗುತ್ತದೆ. ಎಲ್ಲಿಯವರೆಗೆ ಕೊಡುವವರಿರುವರೋ ಅಲ್ಲಿಯವರೆಗೆ ಪಡೆಯುವವರೂ ಇರುತ್ತಾರೆ. ಎಷ್ಟು ಪಡೆಯುವರೋ ಅಷ್ಟು ಸಾಲ ಪಡೆಯುವರು.
ಹಿಂದೆ ರಾಜಪ್ರಭುತ್ವ ವಿತ್ತುಇಂದುಪ್ರಜಾಪ್ರಭುತ್ವವಿದೆ.ಅಂದು ಕ್ಷಾತ್ರ ಧರ್ಮವಿತ್ತು,ಇಂದು ಪ್ರಜಾಧರ್ಮ ವಿದೆ.ಅಂದು ಧಾರ್ಮಿಕ ಶಿಕ್ಷಣವಿತ್ತು.ಇಂದು ಭೌತಿಕ ಶಿಕ್ಷಣವೇ ಜನರನ್ನು ಆಳುತ್ತಿದೆ. ಅಂದಿನ ಜ್ಞಾನ ಆಂತರಿಕ ಶುದ್ದಿಮಾಡಿತ್ತು.ಇಂದು ಭೌತಿಕ ಶುದ್ದಿಗೆ ಹೆಚ್ಚು ಹಣ ವ್ಯಯಿಸುತ್ತಿದೆ.
ಇದರಲ್ಲಿನ  ಅಧ್ವೈತ ತತ್ವವನ್ನು ರಾಜಯೋಗದಿಂದ ಮಾತ್ರ ತಿಳಿಯಬಹುದು. ಅಂದರೆ ಯಾವ ಪ್ರಜೆಗಳು ಸ್ವತಂತ್ರ ಜ್ಞಾನದಿಂದ  ದೇಶವನ್ನು  ಕಾಣುತ್ತಿರುವರೋ ಅವರಿಗೆ ಸತ್ಯ ಅರ್ಥ ವಾಗುತ್ತದೆ. ಪೂರ್ಣ ಸತ್ಯ ತಿಳಿಯದೆ ಮಧ್ಯವರ್ತಿ ಆಗಿರುವವರಿಗೆ  ವ್ಯವಹಾರವೇ ಮುಖ್ಯವಾಗುತ್ತದೆ. ವ್ಯವಹಾರದಲ್ಲಿ ಹಣವೇ ಮುಖ್ಯ.ಆತ್ಮ ಜ್ಞಾನವಲ್ಲ. ಇದು ಎಲ್ಲಾ ಕ್ಷೇತ್ರವನ್ನು  ರಾಜಕೀಯದೆಡೆಗೆ ನಡೆಸಿದರೆ ರಾಜಯೋಗ ಹಿಂದುಳಿದು ಹಿಂದೂ ಧರ್ಮ ಹಿಂದುಳಿದ ಧರ್ಮ ಆಗುವುದು ಸಹಜ. ನಮ್ಮ ಹಿಂದಿನ ಮಹಾತ್ಮರ  ಹಿಂದಿನ ಉದ್ದೇಶ  ಜೀವನ್ಮುಕ್ತಿ ಆಗಿದ್ದ ಕಾರಣ ತಮ್ಮ ಕರ್ಮ ವನ್ನು ಸತ್ಯ ಧರ್ಮದಿಂದ ತಿಳಿದು ನಡೆದು ನಡೆಸಿಕೊಂಡು ಬಂದ ಹಣವನ್ನು ಪರಮಾತ್ಮನ ಸೇವೆಗಾಗಿ ಪ್ರತಿಫಲಾಪೇಕ್ಷೆ ಇಲ್ಲದೆ ಬಳಸಿದ್ದರು. ಭಗವದ್ಗೀತೆ ಯೂ ಇದನ್ನು ತಿಳಿಸಿದೆ ಹಾಗಾದರೆ ಎಷ್ಟು ಭಾರತೀಯರು ಈ ಮಾರ್ಗ ಹಿಡಿದು ದೇಶ ಸೇವೆ ಮಾಡಿದ್ದಾರೆ.ಸರಳ ಜೀವನ, ಸ್ವಾವಲಂಬನೆ, ಸತ್ಯ ಧರ್ಮ, ನ್ಯಾಯ,ನೀತಿ,ಸಂಸ್ಕೃತಿ, ಸದಾಚಾರದಿಂದ ಆತ್ಮ ನಿರ್ಭರ ಭಾರತ ಸಾಧ್ಯವಾದರೂ ಅದು  ಆಂತರಿಕ ಜ್ಞಾನದಿಂದ  ಬೆಳೆದಾಗಲೇ ಸಾಧ್ಯ. ಹೊರಗಿನ ವಿಜ್ಞಾನದಿಂದ ತಾತ್ಕಾಲಿಕ  ಬದಲಾವಣೆ ಆದರೂ ಮೂಲ ಶುದ್ದಿಯಾಗದೆ ಸ್ವಚ್ಚಭಾರತ ಸಾಧ್ಯವೆ?  ಇದಕ್ಕಾಗಿ ಪ್ರಜೆಗಳೆ ಹಿಂದಿರುಗಿ ಒಳಹೊಕ್ಕು ಸತ್ಯ ತಿಳಿಯುವುದು ಅಗತ್ಯವಿತ್ತು. ಆದರೆ ಈ ಸತ್ಯ ಕಣ್ಣಿಗೆ ಕಾಣೋದು ಕಷ್ಟವಾಗಿ ನಮ್ಮವರೆ ನಮಗೆ ಶತ್ರು ಆದರೆ ನಮಗೆ ನಾವೇ ಶತ್ರುಗಳಷ್ಟೆ. ಇದಕ್ಕೆ ಪರಿಹಾರ ಹಣವಲ್ಲ.ಜ್ಞಾನದ ಶಿಕ್ಷಣ. ನಿಮ್ಮ ನಿಮ್ಮ ಮನೆಯ ಸಂತೈಸಿಕೊಳ್ಳಿ ನಿಮ್ಮ ನಿಮ್ಮ ತನುವ ಸಂತೈಸಿಕೊಳ್ಳಿ.

ಗೊತ್ತಿಲ್ಲದೆ ಮಾಡಿದ ಪಾಪಕ್ಕೆ ಕ್ಷಮೆಯಿದೆ.ಗೊತ್ತಿದ್ದೂ ಮಾಡಿದ ಪಾಪಕ್ಕೆ ಶಿಕ್ಷೆಯಿದೆ.

ಬಡತನ ಅಜ್ಞಾನದಿಂದ ಬೆಳೆದಿದೆಯೆ?

ಹಿಂದೂಗಳು ಹಿಂದುಳಿದೇ  ಬಡವರಾದರೆ?
ಹಿಂದೂ ಧರ್ಮದಲ್ಲಿ ಬಡತನವನ್ನು  ಜ್ಞಾನದ ಆಧಾರದ ಮೇಲೆ ತಿಳಿಯುವುದಿತ್ತು . ಜ್ಞಾನ ಸಂಪಾದನೆಗೆ ಹಣವನ್ನು ದಾನ ಧರ್ಮಕ್ಕೆ ಬಳಸಬೇಕಿತ್ತು. ಹೀಗಾಗಿ ದಿನನಿತ್ಯದ ಕಾಯಕದ ಹಣದಿಂದಲೇ ಮಹಾಬ್ರಾಹ್ಮಣರಾದವರು  ಜೀವನ ನಡೆಸಿ ,ಸಂಗ್ರಹಣೆ ಮಾಡುತ್ತಿರಲಿಲ್ಲ.ಹಾಗೆಯೇ ಕಾಯಕ ಯೋಗಿ ರೈತನೂ ತನ್ನ ಜೊತೆಗೆ ಸುತ್ತಮುತ್ತಲಿನವರಿಗೂ ದವಸ ಧಾನ್ಯಗಳನ್ನು ಹಂಚಿಕೊಂಡು  ಅತಿಯಾದ ಸಂಗ್ರಹಣೆಯಿಲ್ಲದೆ ನೆಮ್ಮದಿ ಯಾಗಿದ್ದ.  ಆ ನೆಮ್ಮದಿ ಶಾಂತಿ ತೃಪ್ತಿಯ ಅನುಭವವಿಲ್ಲದ ಹೊರಗಿನವರು  ಬಡ ಬ್ರಾಹ್ಮಣ, ಬಡ  ಸೈನಿಕ, ಬಡ ವ್ಯಾಪಾರಿ,ಬಡ ಶಿಕ್ಷಕ,ಬಡ ರೈತನೆಂದು ಕರೆದು  ಸಾಲದ. ಹಣ ಕೊಟ್ಟು ಮೇಲೆತ್ತುವ  ಮೂಲಕ ಮೂಲದ  ಭೂಮಿ ಮಾರಿ ಹೊರಬಂದವರು ಹಣ  ಪಡೆದರು, ಕಾಲಾನಂತರ ಬಡತನ  ಹಣದಿಂದ ಅಳೆಯುವತ್ತ ನಡೆಯಿತು. ಭೂಮಿಯಲ್ಲಿ ಸಾಕಷ್ಟು ಸಮೃದ್ದಿ ಇದೆ, ಜ್ಞಾನದಿಂದ ಸದ್ಬಳಕೆ ಮಾಡಿಕೊಂಡವನು ಭೂಮಿಯ ಒಡೆಯನಾಗುತ್ತಾನೆ. ಅಂದರೆ ಸ್ತ್ರೀ ಶಕ್ತಿಯನ್ನು ಪ್ರಕೃತಿಯನ್ನು
ಜ್ಞಾನದಿಂದ ಉಳಿಸಿ ಬೆಳೆಸುವುದೇ ನಿಜವಾದ ಮಾನವ ಧರ್ಮ.
ಮನುಕುಲಕ್ಕೆ ಆಸರೆಯಾಗಿರುವ ಈ ಭೂಮಿ ತಾಯಿ ಬಡವಳೆ? ಕಲಿಗಾಲದ ಪ್ರಭಾವ ಎಷ್ಟು ಅಜ್ಞಾನವನ್ನು ಎತ್ತಿಹಿಡಿದು ಮನುಕುಲವನ್ನು ಹಾಳುಮಾಡಿದೆ ಎನ್ನುವುದನ್ನು ಕೇವಲ  ಬಾಹ್ಯಚಕ್ಷುವಿನಿಂದ ಅಳೆದರೆ ಸಾಲದು. ಸಾಲದ ಹೊರೆ ಹೊತ್ತು ಹೋಗುತ್ತಿರುವ ಜೀವಕ್ಕೆ ಮುಕ್ತಿ ಸಿಗುವುದು ಜ್ಞಾನದಿಂದ ಮಾತ್ರ ಎನ್ನುವ ಹಿಂದೂ ಧರ್ಮದ ತಿರುಳನ್ನು ಸರಿಯಾಗಿ ತಿಳಿಯದ ಮಧ್ಯವರ್ತಿಗಳು  ಸ್ತ್ರೀ ಯನ್ನು ಭೂಮಿಯನ್ನು ಆಳೋದಕ್ಕೆ   ತತ್ವ ಬಿಟ್ಟು ತಂತ್ರದಿಂದ ಹಣಸಂಪಾದನೆಗಿಳಿದರು.ಇದರ ಪರಿಣಾಮವೇ ಸ್ತ್ರೀ ಶೋಷಣೆ. ಶೋಷಣೆಯ ಪರಿಣಾಮ ಸ್ತ್ರೀ ಮಾರಿಯಾಗಿ ಹೊರಬಂದು ಜೀವ ಹೊತ್ತು ನಡೆದಿರೋದು.ಇವೆಲ್ಲವೂ ಅಧ್ಯಾತ್ಮ ಸತ್ಯವಾದರೂ ಅದ್ಯಾತ್ಮ ವರ್ಗದವರೆ ವಿರೋಧ ವ್ಯಕ್ತಪಡಿಸಿದರೆ ಬೇಲಿಯೇ ಎದ್ದು ಹೊಲ ಮೇಯ್ದಂತೆ.ಹಾಗೆ ಶ್ರೀಮಂತ ಸ್ತ್ರೀ ಯರೂ ಇದಕ್ಕೆ ಸಹಕರಿಸಿದರೆ ಭೂಮಿಗೇ ನಷ್ಟ. ಇಲ್ಲಿ ಭೂ ತಾಯಿಯ ಶ್ರೀಮಂತಿಕೆಯು  ಅವಳ ಗರ್ಭದಲ್ಲಿದ್ದ ಚಿನ್ನ ದಲ್ಲಿರಲಿಲ್ಲ. ಅದನ್ನು ಹೊರತೆಗೆದವರಿಗೆ ಸ್ತ್ರೀ ಸಹಕಾರ ಹೆಚ್ಚಾದಂತೆ  ಭೂಮಿಯ ಸತ್ಯ,ಸತ್ವ,ತತ್ವವೂ ಕೆಳಗಿಳಿಯಿತು. ಈಗಲೂ ನಾವು ಕಾಣುವ ಕೋಟ್ಯಾಧೀಶರು
ದೇವಸ್ಥಾನ‌ಮಠಗಳಿಗೆ ಕೊಡುವ‌ ದಾನದಿಂದ ಯಾವ ಧರ್ಮ ಉಳಿಯಿತೋ  ಅಳಿಯಿತೋ ಒಟ್ಟಿನಲ್ಲಿ ಕೋಟ್ಯಾಧೀಶ್ವರರು ಇನ್ನಷ್ಟು ಚಿನ್ನದ ಗಣಿಮಾಲೀಕರಾದರು. ಇದೊಂದು ಉದಾಹರಣೆ ಅಷ್ಟೆ.
ಇಲ್ಲಿ ಪ್ರತಿಮೆಯಲ್ಲಿರುವ ಜ್ಞಾನ ದೇವತೆಗೆ ಚಿನ್ನ ಬೆಳ್ಳಿ ಯ ,ಒಡವೆ,ವಸ್ತ್ರ,ಅಲಂಕಾರ ಮಾಡಿದವರಲ್ಲಿ ಜ್ಞಾನ ಬೆಳೆದರೆ ಉತ್ತಮ ಬದಲಾವಣೆ.ಆದರೆ ಅದಕ್ಕೆ ಬದಲಾಗಿ ರಾಜಕೀಯವೇ ಬೆಳೆದು ಕಣ್ಣಿಗೆ ಕಾಣುವ ಸ್ತ್ರೀ ಶಕ್ತಿಯನ್ನು ದುರ್ಭಳಕೆ ಮಾಡಿಕೊಂಡರೆ  ಇದರರ್ಥ  ಅಜ್ಞಾನದ ಸಂಪಾದನೆಯು ದೇವಿ ಸ್ವೀಕರಿಸಿಲ್ಲವೆಂದು.
ಸಾಮಾನ್ಯ ಜನತೆಗೆ ವೈಭವ ಮಾತ್ರ ಕಾಣುತ್ತದೆ .ಹೀಗಾಗಿ ಮಧ್ಯವರ್ತಿಗಳ ಅಜ್ಞಾನದ ವ್ಯವಹಾರ ಕಾಣದೆ ಇನ್ನಷ್ಟು ಭ್ರಷ್ಟಾಚಾರ  ದೇವರ ಹೆಸರಲ್ಲಿ,ಧರ್ಮದ ಹೆಸರಲ್ಲಿ,ಜಾತಿ, ಸಂಸ್ಕೃತಿ, ಭಾಷೆ,ದೇಶದವರೆಗೆ ಹರಡುತ್ತಾ ಕೊನೆಗೆ ಜನ ಸಾಮಾನ್ಯರನ್ನೇ ಆಳುವ ಹಂತಕ್ಕೆ ಬಂದರೆ ಭಾರತ ಮಾತೆ ಬಡವಳೆ? ಸ್ತ್ರೀ ಜ್ಞಾನ  ಕೀಳುಮಟ್ಟದ್ದೆ? ಸ್ತ್ರೀ ಯನ್ನು ಯಾವ ರೀತಿಯಲ್ಲಿ ಗೌರವಿಸಿ ಜೀವಿಸಬೇಕೆಂಬ ಜ್ಞಾನಿಗಳಿಗೆ ಮಾತ್ರ ನಿಜವಾದ ದೈವತ್ವ ಸಿಗೋದು. ಈ ಕಾರಣಕ್ಕಾಗಿ ಹಿಂದಿನ ಮಹರ್ಷಿಗಳು  ತಮ್ಮ ಜ್ಞಾನವನ್ನು ಲೋಕಕಲ್ಯಾಣಕ್ಕೆ ಬಳಸಿ ಸ್ವತಂತ್ರ ಜೀವನ ನಡೆಸಿ ಮುಕ್ತಿ ಪಡೆದರು.ಇದಕ್ಕೆ ಸ್ತ್ರೀ ಸಹಕಾರವೂ ಇತ್ತು ಕಾರಣ ಅಲ್ಲಿ ಸ್ತ್ರೀ ಗೂ ವೇದ ಪಾರಂಗತೆ ಆಗುವ ಅವಕಾಶವಿತ್ತು.
ಹಿಂದೂ ಧರ್ಮವು ಬೆಳೆದಿರೋದೆ ಸ್ತ್ರೀ ಯರ ಆತ್ಮಜ್ಞಾನದಿಂದ ಎಂದಾಗ ಭೂಮಿ ನಡೆದಿರೋದೆ ಸ್ತ್ರೀ ಸಹಕಾರದಿಂದ. ಇದು ಜ್ಞಾನದಿಂದ ಬೆಳೆದರೆ ಧರ್ಮದ ಸಂಪತ್ತು, ಅಜ್ಞಾನದಿಂದ ಬೆಳೆದರೆ ಅಧರ್ಮದ ಆಪತ್ತು ಸ್ತ್ರೀ ಅನುಭವಿಸುವ ಜೊತೆಗೆ ಇಡೀ ಸಂಸಾರ,ಸಮಾಜ,

ದೇಶ,ವಿಶ್ವವೇ ಅನುಭವಿಸುತ್ತದೆ.ಅಂದರೆ‌ಜ್ಞಾನಕ್ಕೆ ಲಿಂಗ ಬೇಧ ವಿಲ್ಲ.ತತ್ವಕ್ಕೆ  ಧರ್ಮ ಬೇಧವಿಲ್ಲ, ಈ ಬೇಧಬಾವವೇ ಬಡತನವನ್ನು ಬೆಳೆಸುತ್ತದೆ. ಬಡತನವು ಅಜ್ಞಾನದಲ್ಲಿ ಕಂಡಾಗ ಹಣವೇ ಸರ್ವ  ಶ್ರೇಷ್ಠ ವೆನಿಸಿದರೆ,ಜ್ಞಾನಿಗಳಿಗೆ  ಸತ್ಯಜ್ಞಾನವೇ ಶ್ರೇಷ್ಠ.
ವಿಪರ್ಯಾಸವೆಂದರೆ ಈಗಿನ ಭಾರತದಲ್ಲಿ ಜ್ಞಾನದ ಶಿಕ್ಷಣ ನೀಡದೆ  ಅಜ್ಞಾನದ ರಾಜಕೀಯಕ್ಕೆ ಸಹಕರಿಸುತ್ತಾ ದೇಶಕ್ಕೆ ವಿದೇಶದಿಂದ ಸಾಲ,ಬಂಡವಾಳದ ಮೂಲಕ ವ್ಯವಹಾರಕ್ಕೆ  ಕರೆತಂದು  ಹೊರಗಿನ ಆಚರಣೆಯು ವೈಭವದಲ್ಲಿದೆ. ಜನರ ಸಾಲ ಮಿತಿಮೀರಿದೆ, ದೈವತ್ವ‌ಕುಸಿದಿದೆ, ಅಸುರ ಶಕ್ತಿ ದಿನದಿಂದ ದಿನಕ್ಕೆ ತನ್ನ ಪ್ರಭಾವ ತೋರಿಸುತ್ತಿದೆ. ಆದರೂ  ಮಧ್ಯವರ್ತಿಗಳು  ಇದಕ್ಕೂ ನಮಗೂ ಏನೂ ಸಂಬಂಧವಿಲ್ಲ
ಎನ್ನುವಂತೆ  ಭ್ರಷ್ಟಾಚಾರದ ಮಧ್ಯೆ ಇದ್ದು  ಮನರಂಜನೆಯಲ್ಲಿ, ಸಮಾವೇಶದಲ್ಲಿ ಜನರು ಮೈ ಮರೆಯುವಂತೆ ಮಾಡಿಕೊಂಡು  ದೇಶವನ್ನು ಲೂಟಿ ಮಾಡಿಯಾದರೂ ತಮ್ಮ ಅಧಿಕಾರ, ಸ್ಥಾನಮಾನ ಉಳಿಸಿಕೊಂಡು ಆಳೋರಿಗೆ  ಸಹಕರಿಸುತ್ತಿರುವುದು ದೊಡ್ಡ ದುರಂತ.
ಭೂಮಿಯ ಋಣ ತೀರಿಸಲು ಬಂದ ಸಣ್ಣ ಜೀವ  ಉಳಿಸಲು ಸರ್ಕಾರದ ಸಹಾಯಕ್ಕಾಗಿ ಬೇಡೋರಿಗೆ ಸರಿಯಾದ ಜ್ಞಾನ ನೀಡಿ ಸ್ವತಂತ್ರ ವಾಗಿ ಜೀವಿಸಲು ಅವಕಾಶ ನೀಡುವ ಬದಲಾಗಿ ಇನ್ನಷ್ಟು ಸಾಲದ ಹೊರೆ ಹಾಕಿ  ರೋಗದಿಂದ ಜೀವ ಹೋಗುವಷ್ಟು  ಅಜ್ಞಾನ ತುಂಬುತ್ತಿರುವ ಹಿಂದಿನ
ಶಕ್ತಿ  ಬಡತನವನ್ನು  ದುರ್ಭಳಕೆ ಮಾಡಿಕೊಂಡಿಲ್ಲವೆ?
ಕೆಲವರು  ಉತ್ತಮ ಶಿಕ್ಷಣದ ಮೂಲಕ ಜನರಲ್ಲಿ ಅರಿವು ಮೂಡಿಸುವ ಕೆಲಸ ಮಾಡಿರಬಹುದು.ಆದರೆ ದೇಶದ ಈ ಸ್ಥಿತಿಗೆ ಕಾರಣವಾಗಿರುವ ಅಜ್ಞಾನದ ಶಿಕ್ಷಣವು ಮುಂದಿನ ಪೀಳಿಗೆಗೆ ಯಾರಿಗೆ ದಾರಿದೀಪವಾಗಬಹುದು? ಒಳಗೇ ಇರುವ‌  ಅಮೃತವಾದ ಜ್ಞಾನ ಸಂಪತ್ತನ್ನು ಬಿಟ್ಟು ಹೊರಗಿನ
ಹಣದ ಸಂಪತ್ತನ್ನು  ಪಡೆದಷ್ಟೂ  ಅಜ್ಞಾನವೇ ಹೆಚ್ಚುವುದು.
ಮೂಲದ ಜ್ಞಾನವೇ ಬಂಡವಾಳ, ಅದರ ಪ್ರಕಾರ ಧರ್ಮದಿಂದ ಕರ್ಮ ಮಾಡಿದಾಗಲೇ ಮುಕ್ತಿ ಎನ್ನುವ ಹಿಂದೂ ಧರ್ಮವು ಇಂದು ಹೊರಗಿನ‌ ಜ್ಞಾನದಿಂದ ಮುಂದೆ ನಡೆದು  ಹಿಂದುಳಿದು  ತಿರುಗಿ ಹಿಂದೆ ಬರುವ ಪ್ರಯತ್ನ ಮಾಡಿರುವುದೂ ಒಂದು ಸಣ್ಣ ಬದಲಾವಣೆ ಆದರೆ, ಇಲ್ಲಿ ಬಡವರ ಜ್ಞಾನ ಶ್ರೀಮಂತ ರ ಹಣಕ್ಕೆ ಮಾರಾಟವಾದರೆ ಅಧರ್ಮ. ಶ್ರೀಮಂತ ದೇವತೆಗಳು‌ಬಡ ದೇವತೆಗಳನ್ನು ಕೇವಲವಾಗಿ ಕಂಡರೆ ಸರಿಯೆ? ಹಾಗೆಯೇ ಪ್ರಜಾಪ್ರಭುತ್ವದ ಎಲ್ಲಾ ಪ್ರಜೆಗಳಲ್ಲಿ ಅಡಗಿರುವ ವಿಶೇಷವಾದ ಜ್ಞಾನಶಕ್ತಿ ಸದ್ಬಳಕೆ ಮಾಡಿಕೊಳ್ಳುವ ಸ್ವಾತಂತ್ರ್ಯ ಕೊಡದೆ ಅವರನ್ನು ಅಜ್ಞಾನಕ್ಕೆ ತಳ್ಳಿ ನಾನೇ ದೇವರು ಎನ್ನುವ‌ಹಂತಕ್ಕೆ ಬಂದರೆ
ದೇವರು ವ್ಯಕ್ತಿಯೆ? ಶಕ್ತಿಯೆ? ಅಗೋಚರ ಶಕ್ತಿಯನ್ನು ಎಷ್ಟೇ ದುರ್ಭಳಕೆ ಮಾಡಿಕೊಂಡರೂ ಅದಕ್ಕೆ ತಕ್ಕ ಶಿಕ್ಷೆಯಿದೆ.ಇದನ್ನು ಕರ್ಮಫಲವೆಂದರು. ಹೀಗಿರುವಾಗ ಹಿಂದೂ ಧರ್ಮದ ಆಳ ಅಗಲ ನೋಡದೆ ಹಿಂದುಳಿದ ಧರ್ಮ ಎಂದು ಹಣದಿಂದ  ಬೆಳೆಸುವ ಪ್ರಯತ್ನ ನಡೆಸಿದರೆ ಅಜ್ಞಾನವಷ್ಟೆ.
ಹಣವಿಲ್ಲದೆ ಏನೂ ವ್ಯವಹಾರ ಮಾಡಲಾಗದು.ಹಾಗೆಯೇ ಜ್ಞಾನವಿಲ್ಲದೆ ಯಾವ ಧರ್ಮ ರಕ್ಷಣೆಯೂ ಆಗದು.
ಧರ್ಮ ವಿಲ್ಲದ ವ್ಯವಹಾರದಿಂದ  ಋಣ ತೀರದು. ಋಣ ತೀರದೆ ಶಾಂತಿ ತೃಪ್ತಿ ಮುಕ್ತಿ  ಸಿಗದು.
ಭಾರತಮಾತೆಯ ಮಕ್ಕಳಲ್ಲಿ ಹೆಣ್ಣಿನ ಜ್ಞಾನವೇ ಸಂಸಾರಕ್ಕೆ ಬಂಡವಾಳವಾಗಿತ್ತು.ಯಾವಾಗ ಜ್ಞಾನದಿಂದ ವಂಚಿತಗೊಳಿಸಿ ಆಳಿದರೋ ಆಗಲೇ ಅಧರ್ಮ ಪ್ರಾರಂಭ
ಈಗಲೂ ಸ್ತ್ರೀ ಶಕ್ತಿಯ ಒಗ್ಗಟ್ಟು ಏನನ್ನಾದರೂ ಬದಲಾವಣೆ ಮಾಡಬಹುದು.ಆದರೆ ಇದು ಆಂತರಿಕ ಶುದ್ದಿಯಿಂದ ಆದರೆ ಮಾತ್ರ ಸಾಧ್ಯ.ಕಾರಣ ಅಧ್ಯಾತ್ಮ ಬಿಟ್ಟು ಭೌತಿಕದೆಡೆಗೆ ಸ್ತ್ರೀ ಹೊರ ನಡೆದಂತೆಲ್ಲಾ  ರಾಜಕೀಯ ಬೆಳೆಯುತ್ತದೆ.ರಾಜಯೋಗ ಹಿಂದುಳಿದರೆ ಪರಮಾತ್ಮನ ಶಕ್ತಿ ಹಿಂದುಳಿದು  ತಾತ್ಕಾಲಿಕ ಪರಿಹಾರವಾಗಿರುತ್ತದೆ. ಅವರವರ ಕರ್ಮಕ್ಕೆ ತಕ್ಕಂತೆ ಫಲ ಕೊಡುವಾಗ ಅಸತ್ಯ,ಅನ್ಯಾಯ, ಭ್ರಷ್ಟಾಚಾರದ ಸುಳಿಯಲ್ಲಿ ರುವವರ ಹಣ,ಅಧಿಕಾರ,ಸ್ಥಾನವೂ ಭ್ರಷ್ಟರ ಬಂಡವಾಳ. ಒಟ್ಟಿನಲ್ಲಿ ಬದಲಾವಣೆಗೆ ಸತ್ಯಜ್ಞಾನ ಬೇಕು.ಸತ್ಯಕ್ಕಿಂತ ದೊಡ್ಡ ಸಂಪತ್ತು ಯಾವುದಿಲ್ಲ.ಅದು ಆತ್ಮಸಾಕ್ಷಿ ಎಂದರೆ ಸರಿಯಾಗಬಹುದು.
ನಾನು ಜೀವಿಸಬೇಕು ನಿಜ ಆದರೆ ನನ್ನ ಜೀವನದಿಂದ ಬೇರೆಯವರ ಜೀವನ‌ಹಾಳಾಗಬಾರದಷ್ಟೆ.ನಾನು ಆತ್ಮಜ್ಞಾನಿ ಆಗೋದಕ್ಕೆ ಒಳಗಿರುವ  ಜ್ಞಾನಸಂಪತ್ತನ್ನು ಸರಿಯಾಗಿ ಬಳಸಿದರೆ ಉತ್ತಮ. ಈ ವಿಚಾರದಲ್ಲಿ ಸಾಕಷ್ಟು ಗೊಂದಲ ಹುಟ್ಟಿರುವುದು ಹೊರಗಿನ ರಾಜಕೀಯದಿಂದ ಮಾತ್ರ. ನಾನು ಇದನ್ನೇ ನೋಡಬೇಕು,ಹೇಳಬೇಕು,ಕೇಳಬೇಕು,ಓದಬೇಕು  ತಿಳಿಯಬೇಕೆಂಬುದು ನಮ್ಮ ಶಿಕ್ಷಣ ತಿಳಿಸಿದೆ.ಈ ಕಾರಣಕ್ಕಾಗಿ
ನಮ್ಮ‌ಮಕ್ಕಳ ಆತ್ಮಜ್ಞಾನ ಬೆಳೆಯದೆ ಭೌತಿಕವಿಜ್ಞಾನದಲ್ಲಿ ಸಾಧಕರಾಗಿ ಹಣಸಂಪಾದಿಸಿ ವಿದೇಶದೆಡೆಗೆ ಹೋಗಿ ಅಲ್ಲಿ ಸೇವೆ ಮಾಡುತ್ತಾ ನಾನು ಭಾರತೀಯನು ಎನ್ನುವುದು  ನಮ್ಮ  ಗೌರವವಾದರೆ ಇದರಲ್ಲಿ ನಮ್ಮ ದೇಶದ ಗೌರವ ಎಲ್ಲಿದೆ? ನಿಜ ವಿದೇಶಿಗರು ಭಾರತೀಯರನ್ನು ಗೌರವಿಸಲು ಕಾರಣ  ಅವರ ಜ್ಞಾನ.ವಿದಗಯಾವಂತ ಬುದ್ದಿವಂತ ಪ್ರಜೆಗೆ ದೇಶದೊಳಗೆ ಸೇವೆ ಮಾಡುವ ಅವಕಾಶವಿಲ್ಲ. ಅವಕಾಶ ಕೊಟ್ಟರೂ ಕೆಲವರಿಗೆ ವಿದೇಶಿ ವ್ಯಾಮೋಹವೇ ಹೆಚ್ಚಾಗಿ ಹೊರಹೋಗಿ ಅಲ್ಲಿಯ ಋಣ ತೀರಿಸುತ್ತಿದ್ದಾರೆ.ನಮ್ಮ ಒಳಗಿನ ವಿಷಯ  ನಮ್ಮನ್ನು ನಡೆಸಿದೆ. ಇದರಲ್ಲಿ ಧರ್ಮ ಸತ್ಯ,ನ್ಯಾಯ,ನೀತಿ,ಸಂಸ್ಕೃತಿ ನಮ್ಮದಾಗಿದ್ದರೆ ನಾವು ಆತ್ಮಜ್ಞಾನಿಗಳೆ. ಪರಕೀಯರದ್ದಾದರೆ ? ಹೀಗಾಗಿ ಪೋಷಕರ ಸಮಸ್ಯೆ ಬೆಳೆಯುತ್ತಿದೆ.ನಮ್ಮ‌ಮಕ್ಕಳ ಜ್ಞಾನಕ್ಕೆ ತಕ್ಕಂತೆ ಶಿಕ್ಷಣ ನೀಡದೆ ಹೊರಗೆ ಕಳಿಸಿದರೆ ಅವರ ಮನಸ್ಸು ಹೊರಮುಖ ಆಗಿರುವಾಗ ಒಳಗಿನ ಸತ್ಯಜ್ಞಾನ ಎಲ್ಲಿರಬೇಕು? ಹಿಂದುಳಿದವರು ಅವರೆ ಆದರೂ, ಹಣದ ಹಿಂದೆ ನಡೆದರೆ ಶ್ರೀಮಂತ ನಾಗಬಹುದೆನ್ನುವ  ಮಾನವನಿಗೆ ನಿಜವಾದ ಶ್ರೀಮಂತ ರು ಯಾರು ಬಡವರು ಯಾರೆಂಬುದನ್ನು ತಿಳಿಸಿ ಹೇಳಲಾಗದು.ಅನುಭವಿಸಿಯೇ ತೀರಬೇಕು.ಇದೊಂದು ಪ್ರಾರಬ್ದ ಕರ್ಮ. ಇದನ್ನು ಹಿಂದಿನ ಮಹಾತ್ಮರುಗಳು ತಿಳಿದು ತಿಳಿಸುತ್ತಾ ಪರಮಾತ್ಮನೆಡೆಗೆ ಹೋಗಲು ಜ್ಞಾನ ಪಡೆದು ಹಣವನ್ನು ದಾನಧರ್ಮಕ್ಕೆ ಕೊಡುತ್ತಾ  ಒಳಗಿರುವ ಯೋಗ ಶಕ್ತಿಯಿಂದ ಮುಕ್ತರಾದರು. ಈಗ ಅವರ ಪ್ರತಿಮೆಗಳು ಬಂಡವಾಳವಾಗಿದೆ.ತತ್ವ ಬಿಟ್ಟು ತಂತ್ರ ಬೆಳೆದಿದೆ. ತಂತ್ರದ ಸಹಕಾರದಿಂದ ಸಾಕಷ್ಟು ಹಣಗಳಿಸಿದರೂ ಸದ್ಬಳಕೆ ಮಾಡಿಕೊಳ್ಳಲು ಜ್ಞಾನವಿಲ್ಲದೆ ಇನ್ನಷ್ಟು ಸಾಲದ ಕಡೆಗೆ ಮಾನವ ನಡೆದಿರೋದು ಕಾಲದ ಮಹಿಮೆ. ಒಟ್ಟಿನಲ್ಲಿ ಭಾರತ ವಿಶ್ವಗುರು ಆಗಿದ್ದು ಅಧ್ಯಾತ್ಮ ದಿಂದ. ಈಗಲೂ ಅಧ್ಯಾತ್ಮ ಪ್ರಚಾರವಿದೆ.ಆದರೆ ಮಧ್ಯವರ್ತಿಗಳ ಕುತಂತ್ರದಿಂದ ಸ್ವತಂತ್ರ ಜ್ಞಾನದವರೆಗೆ ತಲುಪದೆ ಅತಂತ್ರಸ್ಥಿತಿಗೆ ತಲುಪುತ್ತಿದೆ. ಬದಲಾವಣೆಗೆ ಮಾನವನೆ ಸಹಕರಿಸದಿದ್ದರೆ  ದೇವರಾದರೂ ಏನೂ ಮಾಡಲಾಗದು. ಇಲ್ಲಿ ದೇವರು ಮಾನವರು ಅಸುರರು  ಇದ್ದರೂ ಮಧ್ಯವರ್ತಿ ಮಾನವನಲ್ಲಿರುವ ದೈವಗುಣಕ್ಕೆ ಶಿಕ್ಷಣ ನೀಡದೆ ಆಳುವವರು ಯಾರು? ಸರ್ಕಾರದ ಹಣ ಜನರ ಋಣ.
ಯಾರೂ ಯಾರದ್ದೋ ಋಣ ತೀರಿಸಲಾಗದ ಮೇಲೆ ಅದರ ಮೂಲ ತಿಳಿದು ತೀರಿಸುವ ಜ್ಞಾನ ಪಡೆಯುವುದೇ ಪರಿಹಾರ
ಬ್ರಹ್ಮಜ್ಞಾನವೆಂದರೆ ಬ್ರಹ್ಮನೊಳಗಿರುವ ಜ್ಞಾನ.ಬ್ರಹ್ಮನ ಸೃಷ್ಟಿ ಯ ಜೊತೆಗೆ  ಆ ದೇವಿ ಜ್ಞಾನವನ್ನು ಕೊಟ್ಟಿರುವಾಗ ನಾವೇ ಒಳಗಿನ‌ಜ್ಞಾನಕ್ಕೆ ಸೂಕ್ತ ಶಿಕ್ಷಣ ನೀಡುವ ಗುರುವಾದರೆ ಉತ್ತಮ.ಪೋಷಕರು ಮಕ್ಕಳ ಆಸಕ್ತಿ,ಪ್ರತಿಭೆಜ್ಞಾನವನ್ನು ಗುರುತಿಸಿ ಬೆಳೆಸುವ ಗುರುವಾಗಿದ್ದರೆ  ಮಕ್ಕಳಿಗೆ ಮನೆಯಲ್ಲಿ ಗುರುದರ್ಶನ. ಇಲ್ಲ ಪೋಷಕರೆ ಜ್ಞಾನಕ್ಕೆ ವಿರುದ್ದ ನಿಂತು ಹೊರಗಿನ ಶಿಕ್ಷಣ ನೀಡಿದರೆ ಪೋಷಕರೆ ಮಕ್ಕಳ ಶತ್ರುವಾಗಲೂಬಹುದು.ಹೀಗಾಗಿ ಪೋಷಕರು ಅದ್ಯಾತ್ಮ ಸತ್ಯ ತಿಳಿಯುವುದೇ ನಿಜವಾದ ಸಂಪತ್ತು. ಇದು ಎಲ್ಲಾ ಆಪತ್ತಿನಿಂದ ಪಾರುಮಾಡುತ್ತದೆ.

ಭಾರತೀಯರು ಸ್ವತಂತ್ರ ರೆ ಅತಂತ್ರರೆ?

ಸ್ವಾತಂತ್ಯ  ಹೋರಾಟಗಾರರಲ್ಲಿಯ ಹಲವು ತಾತ್ವಿಕ ವಿಚಾರಗಳನ್ನು ತಂತ್ರಜ್ಞಾನಿಗಳು ವಿರೋಧಿಸಿ ನಡೆದಿರೋದರಲ್ಲಿ ರಾಜಕೀಯ ಶಕ್ತಿಯನ್ನು ಕಾಣಬಹುದು.

ದೇಶದ ಸ್ವಾತಂತ್ರ್ಯ ಕ್ಕಾಗಿ ಹೋರಾಟ ಮಾಡಿದ ಅಂದಿನ ದೇಶಭಕ್ತರಿಗೂ ದೇಶವನ್ನೇ ತಂತ್ರಜ್ಞಾನದಿಂದ ವಿದೇಶ ಮಾಡಿ ರಾಜಕೀಯ ನಡೆಸುವ ಇಂದಿನವರಿಗೂ ಬಹಳ ವ್ಯತ್ಯಾಸವಿದೆ.

ಅಂದಿನ  ದೇಶಭಕ್ತರಿಗೆ ತತ್ವಜ್ಞಾನವಿತ್ತು.ಇಂದಿನವರಲ್ಲಿ ವಿದೇಶಿ ತಂತ್ರಜ್ಞಾನವೇ ತುಂಬಿಕೊಂಡಿದೆ.ಅಂದಿನ ಶಿಕ್ಷಣವು ದೇಶದ ಪರವಾಗಿತ್ತು.ಇಂದಿನ ಶಿಕ್ಷಣವೇ ವಿದೇಶಿಗರ ವಶವಾಗಿ  ಜನರನ್ನು ಆಳುತ್ತಿದೆ. 

ಅಂದಿನ‌ ಮಹಾತ್ಮರುಗಳಲ್ಲಿದ್ದ ನಿಸ್ವಾರ್ಥ ನಿರಹಂಕಾರದ ಜ್ಞಾನ  ಶಿಕ್ಷಣದ ಮೂಲಕ ಜನಸಾಮಾನ್ಯರವರೆಗೆ ಕೊಡಲಾಗುತ್ತಿತ್ತು. ಇಂದಿನ ಜ್ಞಾನಿಗಳಲ್ಲಿರುವ ವಿಶೇಷ ಜ್ಞಾನ  ಕೇವಲ ಕೆಲವು ಜನರಿಗೆ ಸೀಮಿತವಾಗಿ ಸತ್ಯವಿಲ್ಲದ ಧರ್ಮ ಬೆಳೆದಿದೆ. 

ಪುರಾಣ ಇತಿಹಾಸದ ಕಥೆಯು ರಾಜರ ಕಾಲದ ಸತ್ಯವಾಗಿದ್ದರೆ, ಇಂದಿನ ಕಥೆ ಪ್ರಜಾಪ್ರಭುತ್ವದ ವ್ಯಥೆಯಾಗಿದೆ.

ಅಂದರೆ, ಯುಗಯುಗದಿಂದಲೂಭೂಮಿಯಿದೆ,ಮನುಕುಲವಿದೆ, 

ಜೀವರಾಶಿಗಳಿವೆ,ಧರ್ಮ ವಿದೆ,ಸತ್ಯವಿದೆ,ನ್ಯಾಯ,

ನೀತಿ,ಸಂಸ್ಕೃತಿ, ಸಂಪ್ರದಾಯದ ಆಚರಣೆಯಿದೆ.ಆದರೆ ಅಂದಿನ ತತ್ವಕ್ಕೂ ಇಂದಿನ ತಂತ್ತಕ್ಕೂ ಅಜಗಜಾಂತರ 

ವ್ಯತ್ಯಾಸವಿದೆ. ಈ ವ್ಯತ್ಯಾಸವು ಅಸಮಾನತೆಗೆ ಕಾರಣವಾಗಿದೆ.ಅಸಮಾನತೆಯನ್ನು ತತ್ವದ ಮೂಲಕ ಸರಿಪಡಿಸದೆ ತಂತ್ರದ ರಾಜಕೀಯದಿಂದ ಸರಿಪಡಿಸಲು ಹೊರಟು ಇನ್ನಷ್ಟು ಅಜ್ಞಾನವೇ ಬೆಳೆದು ನಿಂತಿದೆ. ಅಜ್ಞಾನಕ್ಕೆ ಪರಿಹಾರ ಜ್ಞಾನದ ಶಿಕ್ಷಣ. ಇದನ್ನು ಕೊಡದೆ  ಜನರನ್ನು ಮನೆಯಿಂದ ಹೊರತಂದು ಆಳುವ ರಾಜಕೀಯದಿಂದ ಶಾಂತಿ ಸಿಗುವುದೆ? 

ಹಿಂದಿನವರಲ್ಲಿದ್ದ ಒಗ್ಗಟ್ಟು ಶಾಂತಿ,ಸಮಾಧಾನ,ತೃಪ್ತಿ ಯ ಜೀವನ ಇಂದಿಲ್ಲ. ಅಂದರೆ ತತ್ವಗಳು ಒಗ್ಗಟ್ಟನ್ನು ಬೆಳೆಸುವತ್ತ ನಡೆದಿದ್ದವು ಇಂದಿದು  ತಂತ್ರದೆಡೆಗೆ ನಡೆದು ಬಿಕ್ಕಟ್ಟಿನ ಅಶಾಂತಿ ಭಿನ್ನಾಭಿಪ್ರಾಯ, ದ್ವೇಷದಿಂದ ದೇಶವನ್ನೇ  ಛಿದ್ರ ಛಿದ್ರ ಮಾಡಿದರೂ ಹೇಳೋರಿಲ್ಲ ಕೇಳೋರಿಲ್ಲ.ಕಾರಣ ಯಾರಿಗೂ  ನಮ್ಮ ಸಹಕಾರವೇ ಇದಕ್ಕೆಲ್ಲ ಕಾರಣ ಎನ್ನುವ ಸತ್ಯಜ್ಞಾನವಿಲ್ಲವಾದರೆ ಸತ್ಯ ಅರ್ಥ ಆಗೋದಿಲ್ಲ.

ಒಟ್ಟಿನಲ್ಲಿ ಮಹಾತ್ಮರನ್ನು ಅರ್ಥ ಮಾಡಿಕೊಳ್ಳಲು ಮಹಾತ್ಮರೆ ಆಗಬೇಕು.ಅಂದರೆ ಆತ್ಮಾನುಸಾರ ಅಧ್ಯಾತ್ಮ ಸತ್ಯ ತಿಳಿದರೆ ಸಾಧ್ಯ. ಇದು ಮಕ್ಕಳ ಮಹಿಳೆಯರ ಶಿಕ್ಷಣದಲ್ಲಿಯೇ ಮರೆಯಾಗಿದ್ದರೆ  ಮೊದಲ ಗುರುವೇ ಅಜ್ಞಾನದ ರಾಜಕೀಯದ ವಶದಲ್ಲಿದ್ದರೆ ರಾಜಯೋಗದ ಅರ್ಥ ವಾಗದು.

ಸ್ವಾಮಿ ವಿವೇಕಾನಂದರು ದೇಶದ ಆಸ್ತಿಯಾಗಿ ಯುವಶಕ್ತಿಯನ್ನು ಸದೃಢಗೊಳಿಸಲು ಅಧ್ಯಾತ್ಮ ದ ರಾಜಯೋಗದ  ಕ್ಷಾತ್ರ ಧರ್ಮದ ಶಿಕ್ಷಣಕ್ಕೆ  ಒತ್ತುಕೊಡಲು ಹೇಳಿದ್ದರೆ ,ಇಂದಿನ ಯುವಕರಿಗೆ ವಿದೇಶಿ ವ್ಯಾಮೋಹದ ಶಿಕ್ಷಣ ಕೊಟ್ಟು ರಾಜಕೀಯಕ್ಕೆ ಬಳಸಿಕೊಂಡಿರುವುದನ್ನು ನೋಡಿದರೆ ಭಾರತದ ಭವಿಷ್ಯ ವಿದೇಶದಲ್ಲಿದೆಯೆ? ಅಥವಾ ಸ್ವದೇಶದಲ್ಲಿತ್ತೆ?

ಯುವಕರ ಮನಸ್ಥಿತಿ ಹದಗೆಟ್ಟು  ಹೋಗಿದ್ದರೂ ಅದನ್ನು ಸರಿಯಾದ  ಮಾರ್ಗದಲ್ಲಿ  ಸರಿಪಡಿಸುವ ಶಕ್ತಿ ಪೋಷಕರಲ್ಲಿಲ್ಲ. ಶಿಕ್ಷಕರಂತೂ ತಮ್ಮ‌ ಜೀವನಕ್ಕಾಗಿ ಉದ್ಯೋಗದಲ್ಲಿರುವುದು ಹೆಚ್ಚಾಗಿದೆ, ಸಣ್ಣ ಮಕ್ಕಳ ಮುಗ್ದ ಮನಸ್ಸು ಒಣಗಿ ಪ್ರಭುದ್ದತೆಯ ವಿಷಯಗಳಿಂದ ಮಲಿನವಾಗಿದೆ. ಹಾಗಾದರೆ  ದೇಶದ ಆರ್ಥಿಕ ಸ್ಥಿತಿ ಹಣದಿಂದ ಸುಧಾರಿಸುವುದಾಗಿದ್ದರೆ ಯಾಕಿಷ್ಟು ಸಾಲದ ಹೊರೆ? ಯಾಕಿಷ್ಟು ರೋಗದ ಜನತೆ? ಯಾಕಿಷ್ಟು ಕ್ರಾಂತಿ?

ಯಾಕಿಷ್ಟು ರಾಜಕೀಯ ಹೋರಾಟ,ಹಾರಾಟ,ಮಾರಾಟ? ಭಾರತೀಯರ  ಆಸ್ತಿ ಆತ್ಮಜ್ಞಾನವಾಗಿತ್ತು.ಇದು ಆತ್ಮನಿರ್ಭರ ಭಾರತ ಮಾಡಿತ್ತು. ವಿಶ್ವಗುರು ಸ್ಥಾನಕ್ಕೆ ಏರಿಸಿತ್ತು. ಆದರೆ ಈಗ  ತಂತ್ರಜ್ಞಾನದ ಮಿತಿಮೀರಿದ ಬಳಕೆಯಿಂದ ತತ್ವಜ್ಞಾನವೇ ಹಿಂದುಳಿದಿದೆ. ಜ್ಞಾನಿಗಳು ಬಡವರಾಗಿ ಕಂಡು ಸರ್ಕಾರದ ಸಾಲ,ಸೌಲಭ್ಯಗಳನ್ನು ಪಡೆಯುತ್ತಾ  ಇನ್ನಷ್ಟು ಅಜ್ಞಾನದೆಡೆಗೆ ನಡೆದಾಗ  ದೇಶದ ಧರ್ಮದ ಗತಿ?

ಮಂತ್ರ,ತಂತ್ರ,ಯಂತ್ರಗಳು ಸ್ವತಂತ್ರ ಭಾರತವನ್ನು ಕಟ್ಟಬೇಕು.ಇವುಗಳ ನಡುವಿರುವ ಅಂತರಗಳೇ ಅತಂತ್ರಸ್ಥಿತಿಗೆ  ದೇಶವನ್ನು ನಡೆಸಿದರೆ  ಇದು ಪ್ರಗತಿಯೆ?

ಮನೆಯೊಳಗೆ ಸುರಕ್ಷಿತವಾಗಿ ಸುಶಿಕ್ಷಿತರಾಗಿದ್ದ ಮಹಿಳೆಯರು

ಹೊರಗೆ ಬಂದು ದುಡಿದು ಸಂಸಾರ ನಡೆಸೋ ಪರಿಸ್ಥಿತಿಯಿದೆ ಎಂದರೆ  ಇದು ಪ್ರಗತಿಯೆ? ಮಕ್ಕಳಿಗಾಗಿ ಹೊಟ್ಟೆ ಬಟ್ಟೆ ಕಟ್ಟಿ ಓದಿಸಿ ಬೆಳೆಸಿದ ಪೋಷಕರು ಕೊನೆಗಾಲದಲ್ಲಿ ವೃದ್ದಾಶ್ರಮ ಸೇರಿದರೆ ಪ್ರಗತಿಯೆ?  ಬಿಕ್ಷುಗಳ ದೇಶದಲ್ಲಿ ಬಿಕ್ಷುಕಾಶ್ರಮ ಬೆಳೆದರೆ ಪ್ರಗತಿಯೆ?  ಸರಳಜೀವನ,ಸತ್ಯಾಗ್ರಹ,ಉಪವಾಸ ಮಾಡಿ ಸ್ವಾತಂತ್ರ್ಯ ಕ್ಕಾಗಿ ಹೋರಾಟ ನಡೆಸಿದವರನ್ನೇ ಪ್ರಶ್ನೆ ಮಾಡುತ್ತಾ  ಸರಿಯಿಲ್ಲವೆನ್ನುವವರು ಬೆಳೆದಿರೋದು ಪ್ರಗತಿಯೆ? ಮನರಂಜನೆಯೆಂದು ಆತ್ಮವಂಚನೆಯ ಕಾರ್ಯ ಕ್ರಮದಲ್ಲಿ ಮುಳುಗಿರುವ  ಪ್ರಜೆಗಳಿಂದ ಆತ್ಮನಿರ್ಭರ ಭಾರತ ಸಾಧ್ಯವೆ? ಪ್ರತಿಯೊಂದು ವಿಚಾರದಲ್ಲೂ ಎರಡು ಸತ್ಯವಿದೆ ಅಧ್ಯಾತ್ಮ ಹಾಗು ಭೌತಿಕ ಸತ್ಯ. ಯಾವಾಗ ಕಾಣದ ಅಧ್ಯಾತ್ಮ ಬಿಟ್ಟು ಕಾಣುವ ಭೌತಿಕದೆಡೆಗೆ ಮಾನವ ನಡೆದನೋ ಆಗಲೇ ಅವನ  ಅವನತಿಗೆ ಅವನೇ ಕಾರಣನಾದ. ಈಗಲೂ ನಮ್ಮ ಜೀವ ಒಳಗಿದೆ ಅದನ್ನು ಹೊರಗಿನ ಸರ್ಕಾರ ಉಳಿಸಬೇಕು ಎನ್ನುವವರು ಸಾಕಷ್ಟಿದ್ದರೂ ಅದು ಅವರ ತಪ್ಪಲ್ಲ. ಅಂತಹ ಆಶ್ವಾಸನೆ ಕೊಡುತ್ತಾ  ತಮ್ಮೆಡೆ ಸೆಳೆದುಕೊಂಡು  ಆಳುವ ರಾಜಕೀಯವೆ ಕಾರಣ. ಎಲ್ಲಾ ರಾಜಕೀಯ  ಮಾನವನಿಗೆ ದುರಂತವನ್ನೇ  ಕೊಟ್ಟಿದೆ ಎನ್ನುವ ಸತ್ಯ ಹಿಂದಿನ ಯುದ್ದ ತಿಳಿಸುತ್ತದೆ. ಹಾಗಂತ ಹಿಂದಿನ ಧರ್ಮ ಯುದ್ದ ಇಂದಿಲ್ಲ.ಅಂದಿನ ಕ್ಷತ್ರಿಯರು ಇಂದಿಲ್ಲ.ಅಂದಿನ‌ ಯೋಗಿಗಳು ಇಂದಿಲ್ಲ,ಅಂದಿನ ದೇಶಭಕ್ತರು ಇಂದಿಲ್ಲ, ಅಂದಿನ  ರಾಜಪ್ರಭುತ್ವ ಇಂದಿಲ್ಲವೆಂದಾಗ ಈಗಿರುವವರು ಯಾರು?

ಮಾನವರಷ್ಟೆ.ಮಾನವ ಮಾನವನನ್ನೇ ಆಳುತ್ತಿದ್ದಾನೆ. ಇದೂ ಅಧರ್ಮದಿಂದ ಅನ್ಯಾಯ,ಅಸತ್ಯ,ಭ್ರಷ್ಟಾಚಾರ ದಿಂದ ಆಳಿ ಅಳಿಸುತ್ತಿದ್ದಾನೆಂದರೆ ಒಪ್ಪಲು ಕಷ್ಟ. ಕಾರಣ ನಾವು ಅವರಿಗೆ ಅಧಿಕಾರ,ಸ್ಥಾನಮಾನ,ಸನ್ಮಾನ,ಪದವಿ,ಪಟ್ಟ ಕೊಟ್ಟಿರುವಾಗ

ಇದು ಅವರ ತಪ್ಪಲ್ಲ. ಕೊಡುವಾಗ ನಮ್ಮಲ್ಲಿ ಜ್ಞಾನವಿದ್ದರೆ ಜ್ಞಾನಿಗಳೇ  ದೇಶವಾಳುತ್ತಿದ್ದರು. ಜ್ಞಾನದಿಂದ ಧರ್ಮ ರಕ್ಷಣೆ ಸಾಧ್ಯವಿತ್ತು. ಒಟ್ಟಿನಲ್ಲಿ  ಇಲ್ಲಿ  ನಾವೆಲ್ಲರೂ  ಆಟಕ್ಕುಂಟು ಲೆಕ್ಕಕ್ಕಿಲ್ಲದ ಸಾಮಾನ್ಯರಷ್ಟೆ.ನಮ್ಮಲ್ಲಿ ಸಾಮಾನ್ಯಜ್ಞಾನ

ವಿದ್ದರೂ ವಿಶೇಷ ಜ್ಞಾನಿಗಳ  ರಾಜಕೀಯಕ್ಕೆ ನಮ್ಮತನ ನಮ್ಮ ಜ್ಞಾನ ಹಿಂದುಳಿದಿದೆ. ಸ್ವಂತ ಬುದ್ದಿಯಿಲ್ಲದೆ ಪರರ ಹಿಂದೆ ನಡೆದರೆ ನಾವೇ ಪರಕೀಯರಾಗೋದು. ಪರಕೀಯರ  ವಶದಲ್ಲಿ ದೇಶವಿದೆ. 

ದೇಶಭಕ್ತರು,ಜ್ಞಾನಿಗಳು,ಮಹಾತ್ಮರು,ಇನ್ನಿತರ ತತ್ವಜ್ಞಾನಿಗಳ ಪ್ರತಿಮೆಯನ್ನು  ಮಧ್ಯವರ್ತಿಗಳು ಬಳಸಿಕೊಂಡು ಜನರ ಪ್ರತಿಭೆ,ಜ್ಞಾನವನ್ನು  ಬೆಳೆಸಿದರೆ? ಅಳಿಸಿದರೆ? ಇದರ ಬಗ್ಗೆ ಜನರೆ ಚಿಂತನೆ ನಡೆಸಿದರೆ ನಮ್ಮನ್ನು ದೇವರು ಆಳುತ್ತಿರುವುದೆ? ಅಸುರರೆ? ಎನ್ನುವ ಸತ್ಯದರ್ಶನ ವಾಗುತ್ತದೆ. ದೇವರೂ ಇದ್ದರೂ ಮಾನವನಲ್ಲಿ ದೈವತ್ವದ ಕೊರತೆಯಿದೆ. ಇದಕ್ಕೆ ಕಾರಣವೇ ತತ್ವವನ್ನು ತಂತ್ರದಿಂದ ಬಳಸಿಕೊಂಡು ರಾಜಕೀಯ ನಡೆಸಿದ ಮಧ್ಯವರ್ತಿಗಳು.

ಮಧ್ಯವರ್ತಿಗಳ ತಂತ್ರಗಾರಿಕೆಯು ದೇಶವನ್ನು, ಪ್ರಜೆಗಳನ್ನು ಸ್ವತಂತ್ರಗೊಳಿಸಿದೆಯೆ? ಅತಂತ್ರಸ್ಥಿತಿಗೆ ತಂದಿದೆಯೆ?

ಈ ಸತ್ಯ ತಿಳಿದವರು ವಿರೋಧಿಸುವ ಅಗತ್ಯವಿಲ್ಲ.ಕಾರಣ ಇಲ್ಲಿ ನಮ್ಮ ಸಹಕಾರದಿಂದ  ಎಲ್ಲಾ ನಡೆದಿದೆ.ನಮ್ಮದೇ ಅಜ್ಞಾನಕ್ಕೆ ತಕ್ಕಂತೆ  ರಾಜಕೀಯ ಬೆಳೆದಿದೆ. ಅಸಹಕಾರ ಚಳುವಳಿಯಲ್ಲಿ ಅಂದು ಬ್ರಿಟಿಷ್ ಸರ್ಕಾರದ  ಯಾವುದೇ ವಸ್ತು,ವಿಷಯ,ಕಾನೂನಿಗೆ  ಸಹಕರಿಸದೆ  ಅವರ ಶಕ್ತಿಕ್ಷೀಣವಾಗಿ ದೇಶ ಬಿಟ್ಟು ಹೋದರೋ ಹಾಗೆ ಭ್ರಷ್ಟಾಚಾರಕ್ಕೆ,ಭ್ರಷ್ಡರಿಗೆ ಸಹಕರಿಸದಿದ್ದರೆ ಭ್ರಷ್ಟರೂ ಬೆಳೆಯುತ್ತಿರಲಿಲ್ಲ.  

ಭ್ರಷ್ಟಾಚಾರದ ನಿಯಂತ್ರಣದ ಹೋರಾಟದಲ್ಲಿ ಭ್ರಷ್ಡರೆ ಇದ್ದರೆ ಇದೊಂದು  ರಾಜಕೀಯನಾಟಕವಲ್ಲವೆ?

ನಾಟಕವಾಡಿದವರ ಹಿಂದೆ ನಿಂತು  ಬೇಡಿದರೆ ಭ್ರಷ್ಟರ ಹಣ ಇನ್ನಷ್ಟು ಸಂಕಷ್ಟ ತರುತ್ತದೆ. ಸಮಾ,ವೇಶ ಮಾಡಿಕೊಂಡು ಜನರನ್ನು ಮನೆಯಿಂದ ಹೊರತಂದು ಮನೆಯೊಳಗೆ  ಶತ್ರುಗಳ ಪ್ರವೇಶವಾದರೂ  ಅವರವರ ಕರ್ಮಫಲವನ್ನು ಅವರೆ ಅನುಭವಿಸಬೇಕು.ಹಾಗೆ ದೇಶದಿಂದ ಹೊರ ನಡೆದವರು ದೇಶದ ವಿಚಾರದಲ್ಲಿ ಮೂಗು

ತೂರಿಸಿಕೊಂಡು ವಿದೇಶಿಗಳನ್ನು  ದೇಶದೊಳಗೆ ಬೆಳೆಸಿದರೆ  ನಂತರ‌ ಅವರ ಆಳಾಗಿ ದುಡಿಯಬೇಕೆನ್ನುವ ಸಾಮಾನ್ಯಜ್ಞಾನವಿದ್ದರೆ  ನಾವೆಲ್ಲರೂ ಎಲ್ಲಿ ಎಡವಿದ್ದೇವೆನ್ನುವ ಸತ್ಯದರ್ಶನ ಸಾಧ್ಯವಿದೆ. ಯಾರನ್ನೂ ಯಾರೋ ಆಳೋದಕ್ಕೆ ಸಾಧ್ಯವೆ?  ಸಾಧ್ಯವಾಗಿದ್ದರೆ ಇದು ಅಜ್ಞಾನದಿಂದ ಸಾಧ್ಯವಷ್ಟೆ.

ದೇಶದ ಆರ್ಥಿಕಾಭಿವೃದ್ಧಿ  ಜನತೆಯ ಜ್ಞಾನದಲ್ಲಿತ್ತು.

ಕಾಯಕವೇ ಕೈಲಾಸವೆನ್ನುವ‌ ಮಂತ್ರದಲ್ಲಿತ್ತು. ರಾಜಯೋಗದಲ್ಲಿತ್ತು. ಸಾತ್ವಿಕತೆಯನ್ನು ಬಿಟ್ಟು ರಾಜಕೀಯತೆ ಬೆಳೆದು ಜನರ ತಾಮಸಿಕತೆ ಬೆಳೆದರೆ ಯೋಗವಲ್ಲ ರೋಗವೇ ಬೆಳೆಯುತ್ತದೆ. ಇದಕ್ಕೆ ತಕ್ಕಂತೆ ಔಷಧಾಲಯ,ವೃದ್ದಾಶ್ರಮ, ಅನಾಥಾಶ್ರಮ, ಅಬಲಾಶ್ರಮ,ಬಿಕ್ಷುಕರ ಆಶ್ರಮ

ವಿದೇಶಿಗಳ ಬಂಡವಾಳ,ಸಾಲ,ವಿಜ್ಞಾನದಿಂದ  ಬೆಳೆಸಿದರೆ ಆತ್ಮದುರ್ಭಲ ಭಾರತ. ಈವರೆಗೆ ಶಿಕ್ಷಣವೇ ನಮ್ಮನ್ನು ಆಳುತ್ತಿದೆ.ಈ ಶಿಕ್ಷಣದಲ್ಲಿ ರಾಜಯೋಗವಿತ್ತೆ? ರಾಜಕೀಯವಿತ್ತೆ? ನಮ್ಮದೆ ಜ್ಞಾನವೇ ? ಪರಕೀಯರದ್ದೆ? 

ಹೆಸರುವಾಸಿಯಾಗೋದು ಹೇಗೆ?

ಹೆಸರು ಮಾಡಬೇಕೆಂದರೆ ಹಣವಿರಬೇಕು, ಹಣಮಾಡಬೇಕೆಂದರೆ  ಕಷ್ಟಪಟ್ಟು ದುಡಿಯಬೇಕು, ಕಷ್ಟಪಟ್ಟಷ್ಟೂ ಜ್ಞಾನ ಬರುತ್ತದೆ. ಜ್ಞಾನ ಬಂದ ಮೇಲೆ ಹೆಸರಿನ ಹಿಂದೆ ಹೋಗುವ ಮನಸ್ಸಾಗದು. ಮನಸ್ಸಿಲ್ಲದ ಮೇಲೆ  ಹೆಸರೂ ಮಾಡಲಾಗದು.ಹೆಸರು ಮಾಡದವರನ್ನು ಜನರು ಗುರುತಿಸರು. ಜನರು ಗುರುತಿಸದಿರುವ ಜ್ಞಾನಿಗಳಿಂದ ಲೋಕ ರಕ್ಷಣೆ ಆಗಬಹುದೆ? ಒಂದನ್ನು ಬಿಟ್ಟು ಇನ್ನೊಂದು ಇಲ್ಲ.

ಹಾಗೆ ಪರಮಾತ್ಮನಿಲ್ಲದೆ ಜೀವಾತ್ಮನಿಲ್ಲ, ಜೀವಾತ್ಮನಿಲ್ಲದೆ ಪರಮಾತ್ಮನ ಗುರುತಿಸುವವರಿಲ್ಲ.  ಭೂಮಿಯಲ್ಲಿ ಧರ್ಮ ರಕ್ಷಣೆ ಮಾಡಲು ಪರಮಾತ್ಮನ ಅವತಾರವಾದಂತೆ ಅವನ ಸಹಕಾರಕ್ಕೆ ಜೀವಾತ್ಮರೂ ನಿಂತಾಗಲೇ ಧರ್ಮ ರಕ್ಷಣೆ. ಇಲ್ಲ ಜೀವಾತ್ಮರಿಂದಲೇ ಧರ್ಮ ರಕ್ಷಣೆ ಎನ್ನುವವರು ಬೆಳೆದರೆ  ಪರಮಾತ್ಮನ ಸಹಕಾರವಿದ್ದರೂ ನಾನೇ ದೇವರೆನ್ನುವ ಅಹಂ

ತನ್ನ ಹೆಸರನ್ನು ಬೆಳೆಸಿಕೊಳ್ಳಲು ಮುಂದಾಗಿ ನಾನು ನಾನೇ ಆದಾಗ  ನಾನೆಂಬುದಿಲ್ಲ ನಾನು ಹೆಸರಿಗಷ್ಟೆ ಎನ್ನುವ ಸತ್ಯದ ಅರಿವಾಗದೆ ಜೀವ ಹೋಗುತ್ತದೆ. ಹೀಗಾಗಿ ಸಾಕಷ್ಟು ಜ್ಞಾನಿಗಳು  ಅವರ ಹೆಸರಿಗಾಗಿ ಜೀವನ ನಡೆಸದೆ ಅವರ ತತ್ವಜ್ಞಾನದಿಂದ ಹೆಸರುಗಳಿಸಿದ್ದರು. ಹೆಸರುವಾಸಿಯಾದವರೆಲ್ಲರೂ ಜ್ಞಾನಿಗಳಾಗಿಲ್ಲ.

ಜ್ಞಾನಿಗಳಾದವರೆಲ್ಲರೂ ಹೆಸರಿಗಾಗಿ ವಾಸವಾಗಿರಲಿಲ್ಲ. ಹೀಗಾಗಿ ಈಗ ನಾವು ಹೆಸರುವಾಸಿಗಳ ಹಿಂದೆ ನಡೆಯೋ ಮೊದಲು ಅವರಲ್ಲಿನ ಜ್ಞಾನವನ್ನು  ಅರ್ಥ ಮಾಡಿಕೊಂಡರೆ ನಮ್ಮ ಹೆಸರಿಗೂ ಚ್ಯುತಿ ಬರದಂತೆ ಜೀವನ ನಡೆಸಬಹುದು. ಶಾಶ್ವತವಾಗಿರುವ ಜ್ಞಾನದಿಂದ ಹೆಸರು ಬರುವುದಕ್ಕೂ, ಅಜ್ಞಾನದಿಂದ ಹೆಸರುಗಳಿಸುವುದಕ್ಕೂ ವ್ಯತ್ಯಾಸ ವಿಷ್ಟೆ. ಒಂದು ರಾಜಯೋಗ ಇನ್ನೊಂದು ರಾಜಕೀಯ. ರಾಜಯೋಗದಿಂದ ಧರ್ಮ ರಕ್ಷಣೆ ಸಾಧ್ಯ.

ರಾಜಕೀಯದಿಂದ ಅಧರ್ಮದ ದ್ವೇಷವೇ ಬೆಳೆದಿದೆ,

ಬೆಳೆಯುತ್ತಿದೆ,ಬೆಳೆಯುತ್ತದೆ ಎನ್ನುವ ಕಾರಣಕ್ಕಾಗಿ ಮಹಾತ್ಮರುಗಳು ಹೆಸರಿಗಾಗಿ ಯಾವುದೇ ಅಧ್ಯಾತ್ಮ ಸಾಧನೆ ಮಾಡಲಿಲ್ಲ.  ಹೆಸರುಗಳಿಸಿದವರ ಜ್ಞಾನ, ಹೆಸರುಗಳಿಸದಿರುವ ಜ್ಞಾನವೆಲ್ಲವೂ ಒಂದೇ ಆಗಿದ್ದರೂ  ಜನ ಗುರುತಿಸುವುದಕ್ಕೆ ಹೆಸರಿನ ಅಗತ್ಯವಿದೆ ಎಂದ ಮಾತ್ರಕ್ಕೆ ನಮ್ಮ ಹೆಸರಿನಿಂದ   ಎಲ್ಲಾ ನಡೆಯುತ್ತದೆಯೆ? .

ದೇಶದ ಪ್ರಶ್ನೆ ಬಂದಾಗ ಹೊರಗಿನಿಂದ ಬಂದವರು ಹೆಸರು ಮಾಡಿದರೆ  ಅವರನ್ನು ಬೆಳೆಸುವುದು ಅಜ್ಞಾನ.ಹಾಗೆಯೇ ಒಳಗಿರುವವರು ಹೆಸರಿಗಾಗಿ ಹೋರಾಟನಡೆಸಿದರೂ ಅಜ್ಞಾನ. ಮಧ್ಯವರ್ತಿಗಳು  ಹೆಚ್ಚು  ಸಹಕರಿಸುವುದು ಹೆಸರು ಮಾಡಿದವರಿಗಷ್ಟೆ.ಹಾಗಾಗಿ  ಅಜ್ಞಾನವನ್ನು ಎಲ್ಲೆಡೆಯೂ ಹರಡಿಕೊಂಡು ವ್ಯವಹಾರದ ರಾಜಕೀಯದಲ್ಲಿ ಹೆಸರು ಸಿಲುಕಿ  ನಿಜವಾದ ಸತ್ಯ ಹಿಂದುಳಿದಿದೆ. ಸತ್ಯಕ್ಕೆ ಹೆಸರು ಇರುವುದೆ? ಒಂದೇ ಹೆಸರು ಸತ್ಯ ಯಾವತ್ತೂ ಸತ್ಯವಾಗಿರುತ್ತದೆ.ಮಿಥ್ಯಕ್ಕೆ ನಾನಾ ಹೆಸರುಗಳಿವೆ. ಒಂದೆಡೆ ನಿಂತು ಸತ್ಯ ಕಂಡುಕೊಳ್ಳಲು  ಕಷ್ಟವಾಗಿ ನಾನಾ ಕಡೆ ತಿರುಗಿ ಹೆಸರು ಮಾಡುವ ಮಾನವನಿಗೆ ತನ್ನ ಹೆಸರೇ ತನಗೆ ಮೋಸ ಮಾಡುತ್ತಿರುವ ಸತ್ಯಜ್ಞಾನವಿದ್ದರೆ ಉತ್ತಮ ಬದಲಾವಣೆ ಸಾಧ್ಯ. 

ವಿಶ್ವವಿಖ್ಯಾತಿಯಾಗೋದಕ್ಕೆ  ವಿಶ್ವ ಮಟ್ಟದ ಹೆಸರುಗಳಿಸಬೇಕು. ವಿಶ್ವೇಶ್ವರನ ತಿಳಿಯುವುದಕ್ಕೆ ಆಂತರಿಕ ಅರಿವು ಇರಬೇಕು. ಇವೆರಡರ ಮಧ್ಯೆ ನಿಂತು ಹೆಸರು ಮಾಡಿ ಹೋದವರೆ ಮಾನವರು. ಮಧ್ಯವರ್ತಿ ಮಾನವ ಆಟಕ್ಕುಂಟು ಲೆಕ್ಕಕ್ಕಿಲ್ಲದ ಕಾರಣಮಾತ್ರದ ಜೀವಾತ್ಮನಾಗಿ ಪರಮಾತ್ಮನ ಹೆಸರಿನಲ್ಲಿ ತನ್ನ ಜೀವನ ನಡೆಸುವಾಗ ನನ್ನ ಹೆಸರಿನಲ್ಲೇನಿದೆ ? 

ಇತ್ತೀಚೆಗೆ ಬಹಳಷ್ಟು ಜನರಿಗೆ ಹೆಸರು ಮಾಡುವ ಆಸೆ.ಆದರೆ ಇದಕ್ಕೆ ಅಂತ್ಯವಿಲ್ಲ. ಆದರೆ ನಮ್ಮ ಜೀವನಕ್ಕೆ ಅಂತ್ಯವಿದೆ. ಹಾಗಾಗಿ ಎಲ್ಲರ ಹೆಸರಿನಲ್ಲಿ ಅಡಗಿರುವ ಪರಮಾತ್ಮನ ಕಂಡರೆ  ಉತ್ತಮ. ಇಲ್ಲಿ ಯಾರೂ ದೇವರಲ್ಲ.ಆದರೆ ಎಲ್ಲರಲ್ಲಿಯೂ ದೇವ ಗುಣವಿದೆ. ಹಾಗೆ ಅಸುರರೂ ಅಲ್ಲ.ಎಲ್ಲರಲ್ಲಿಯೂ ಅಸುರಗುಣವಾದ ಅಹಂಕಾರ ಸ್ವಾರ್ಥ ಮಿತಿಮೀರಿದರೆ ಅಸುರರೆ ಹೆಚ್ಚು ಹೆಸರುಗಳಿಸುವುದಲ್ಲವೆ? ನಮ್ಮ ಸಹಕಾರ ಯಾರಿಗೆ ಕೊಟ್ಟರೆ ನಮ್ಮ ಹೆಸರಿಗೆ ಬೆಲೆ ಬರುತ್ತದೆ?  ಸಾಮಾನ್ಯ ಜ್ಞಾನವಿದ್ದವರು ಉತ್ತರಿಸಬಹುದು. ಕಾರಣ ಇಲ್ಲಿ ದೇವತೆಗಳೂ ಅಸುರರೂ ತಮ್ಮ ಹೆಸರಿಗಾಗಿ ಜನರನ್ನು ದುರ್ಭಳಕೆ ಮಾಡಿಕೊಂಡು ಆಳುತ್ತಿರುವಾಗ  ಯಾರು ದೇವರೆನ್ನುವ ಸತ್ಯ  ನಮ್ಮ ಸಾಮಾನ್ಯಜ್ಞಾನದಿಂದಲೇ ತಿಳಿಯಬಹುದು.ಒಟ್ಟಿನಲ್ಲಿ ಯಾರೂ ಶಾಶ್ವತವಲ್ಲ.ಇನ್ನು ಹೆಸರು ಶಾಶ್ವತವೆ? 

ಮುಂದಿನ ಜನ್ಮದಲ್ಲಿ ನಾನೇ  ಮಾಡಿಕೊಂಡ ಹೆಸರಿಗೆ ನಾನೇ ಗೌರವಿಸದಿರಬಹುದು.ಕಾರಣ ಅದು ಭ್ರಷ್ಟಾಚಾರದ ಮಾರ್ಗ ಆಗಿದ್ದರೆ  ವ್ಯರ್ಥ ವಾಗಿರುತ್ತದೆ. 

ಯಾರದ್ದೋ ದುಡ್ಡು ಯಲ್ಲಮ್ಮನ ಜಾತ್ರೆ ಎಂದಂತೆ.

ಭೂಮಿಯಲ್ಲಿ ಜೀವನ‌ನಡೆಸುವುದಕ್ಕೆ ದೇಹಕ್ಕೆ ಒಂದು ಹೆಸರಿನ ಅಗತ್ಯವಿದೆ.ಆದರೆ ಅದರ ಒಳಗಿರುವ ಆತ್ಮನಿಗೆ ಹೆಸರಿದೆಯೆ? ಸತ್ಯವೇ ದೇವರೆಂದರೆ ಸತ್ಯಕ್ಕೆ ಒಂದೇ ಹೆಸರು.ಭೂಮಿಗೆ ಒಂದೇ ಹೆಸರು,ದೇಶಕ್ಕೆ ಒಂದೇ ಹೆಸರು ಆ ಹೆಸರನ್ನು ಉಳಿಸುವುದೇ ನಿಜವಾದ ಧರ್ಮ .