ಜನಸಂಖ್ಯೆಯಲ್ಲಿ ಜ್ಞಾನಿಗಳ ಸಂಖ್ಯೆ ದೊಡ್ಡದಿರಬೇಕು

ದೇಶದ ತುಂಬಾ ಜನಸಂಖ್ಯೆ ಇದ್ದರೂ ಜನರಲ್ಲಿ ದೇಶಭಕ್ತಿಯೇ ಇಲ್ಲವಾದರೆ ವ್ಯರ್ಥ. ಹಾಗೆ ಮನೆತುಂಬ ಜನರಿದ್ದರೂ ಜನರೊಳಗೆ ಸತ್ಯಜ್ಞಾನವೇ ಇಲ್ಲವಾದರೆ ವ್ಯರ್ಥ. ಇದು ದೇವಸ್ಥಾನ ಮಠ ಮಂದಿರ ಚರ್ಚ್ ಮಸೀದಿಯವರೆಗೂ ಜನಸಂಖ್ಯೆ ಬೆಳೆಸುವತ್ತ ನಡೆದು  ಒಳಗೇ  ಇದ್ದ ದೈವತ್ವಕ್ಕೆ ಕೊರತೆಯಾದಾಗಲೇ ಅಸುರಿ ಶಕ್ತಿ‌ಜಾಗೃತವಾಗಿ ಆಳೋದು. ಇದನ್ನು ಪುರಾಣಗಳೇ ತಿಳಿಸಿವೆ.

ದೇವತೆಗಳು ಸ್ವರ್ಗದಲ್ಲಿ ಮೈ‌ಮರೆತಾಗ ಅಸುರರು ಆಕ್ರಮಣ ಮಾಡಿ ಸ್ವರ್ಗದಿಂದ ಓಡಿಸಿದರಂತೆ‌ ಸುರರು ಬ್ರಹ್ಮಾದಿ ದೇವರುಗಳ ಮೊರೆ ಹೋಗಿ ಯುದ್ದ ಮಾಡಿ ಅಸುರರ ಸಂಹಾರವಾಯಿತಂತೆ, ಧರ್ಮ ಕ್ಕೆ ಜಯದೊರೆಯಿತಂತೆ... ಹೀಗೇ ಎಷ್ಟೋ ಪುರಾಣ ಕಥೆಗಳ ಹಿಂದೆ ‌ಇರುವ ಸತ್ಯವನ್ನು  ವಾಸ್ತವದಲ್ಲಿ ಅರ್ಥ ಮಾಡಿಕೊಳ್ಳಲು  ಒಳಗಿರುವ  ಆತ್ಮಸಾಕ್ಷಿ   ಅಗತ್ಯವಿದೆ.

ನಾನೇ ಎಲ್ಲಾ ನನ್ನಿಂದಲೇ‌ಎಲ್ಲಾ ನನಗಾಗಿಯೇ ಎಲ್ಲಾ ಎನ್ನುವಾಗಲೇ ಅಲ್ಲ ಅಲ್ಲ ಎನ್ನುವವರು  ಬೆಳೆಯೋದು. ಹಾಗಾದರೆ ನಾನಲ್ಲ ಎಂದರೆ ಸರಿಯೆ?  ಪ್ರಶ್ನೆಗೆ ಉತ್ತರ ಒಂದೇ ನಾನೆಂಬುದಿಲ್ಲ. ನಾನೆಂಬ ಅಹಂಕಾರ ಹೋಗಿ ಆತ್ಮವಿಶ್ವಾಸ ದೆಡೆಗೆ  ನಡೆದವರನ್ನು ಮಹಾತ್ಮರೆಂದರು.

ಮಹಾತ್ಮರ ಸಂಖ್ಯೆ ಬೆಳೆಯಲು  ಅಂತಹ ಜ್ಞಾನದ ಶಿಕ್ಷಣ ಕೊಡಬೇಕು. ಮಕ್ಕಳೇ ಬೇಡ ಎನ್ನುವ ಸ್ಥಿತಿಗೆ ತಲುಪಿರುವಾಗ  ,ಸಂಸಾರವನ್ನು ಬಿಟ್ಟು ಹೊರಬಂದವರು ಬೆಳೆದಿರುವಾಗ  ಸತ್ಯ ಸತ್ವ ತತ್ವದ ಬಗ್ಗೆ  ಸ್ತ್ರೀ ತಿಳಿಸಬಹುದೆ?

ತಿಳಿಸಿದರೂ ಸಮಾಜ ಒಪ್ಪುವುದೆ? ಹಿಂದಿನಿಂದಲೂ  ಸ್ತ್ರೀ ಜ್ಞಾನ ದೇವತೆ ಎಂದವರೆ ಜ್ಞಾನದಿಂದ ದೂರವಿಟ್ಟವರು ಹೊರಗೆ  ರಾಜಕೀಯದಲ್ಲಿ ಬೆಳೆದರು. ಆದರೆ ರಾಜಕೀಯದಲ್ಲಿ ಸತ್ಯವಿರದು. ಹೀಗಾಗಿ ಅಸತ್ಯ ಅನ್ಯಾಯ ಅಧರ್ಮ ವೂ ಜೊತೆಯಾಗಿ ಬೆಳೆಯಿತು.  ಬೆಳೆದು ನಿಂತ ಮೇಲೆ ಸರಿಪಡಿಸಲಾಗದು. ಹಾಗಾಗಿ ಗಿಡವಾಗಿರುವಾಗಲೇ ಸತ್ವಯುತ ಆಹಾರ ಫೋಷಣೆ ಮಾಡಿದರೆ ಉತ್ತಮ ಫಲ ಕೊಡುತ್ತದೆ. ಈಗಲೂ ಮಕ್ಕಳಿಗೆ ಕೊಡಲೇಬೇಕಾದ ಸಂಸ್ಕಾರದ ಶಿಕ್ಷಣ ಮನೆಯೊಳಗೆ ಹೊರಗೆ ಕೊಟ್ಟರೆ  ಮಕ್ಕಳು ಮಹಾತ್ಮರಾಗಬಹುದು. ಅತಿಯಾದ ಜ್ಞಾನವೂ ಅಹಂಕಾರ ಆಗಬಹುದು.ಅಜ್ಞಾನದಿಂದ ಜನ್ಮ ಪಡೆದ ಅಹಂಕಾರ ವನ್ನು ಸರಿಪಡಿಸಬಹುದು.ಆದರೆ ಅರ್ಧ ಸತ್ಯ ತಿಳಿದು ನಡೆದವರ ಅಹಂಕಾರ  ವಿನಾಶಕ್ಕೆ ಕಾರಣವಾಗಬಹುದು.

ಎಲ್ಲಿಯವರೆಗೆ  ಜ್ಞಾನಿಗಳ ಸಂಖ್ಯೆ ಬೆಳೆಯದೋ ಅಲ್ಲಿಯವರೆಗೆ ಅಜ್ಞಾನಿಗಳೇ ಭೂಮಿ ಆಳೋದು. ಭೂ ಭಾರ ಹೆಚ್ಚಾದಾಗ  ಭೂಕಂಪ ಪ್ರಳಯ . ಯುದ್ದ ರೋಗ.ದಂತಹ ಪ್ರಕೃತಿ ವಿಕೋಪದಲ್ಲಿ ಜೀವಹೋಗೋದು.

ನಿರಂತರವಾಗಿ ನಡೆದು ಬಂದಿರುವ ಈ ಮನುಕುಲವನ್ನು ನಡೆಸಿರೋದೆ ಮಾನವನ ಧರ್ಮ ಕರ್ಮ ಫಲವಾಗಿದೆ.

ಸಾಲ ಅಥವಾ ಋಣ ತೀರಿಸಲು ಸ್ವಧರ್ಮ, ಸತ್ಕರ್ಮ,ಸ್ವಾಭಿಮಾನ ಸ್ವಾವಲಂಬನೆ ಸತ್ಯಜ್ಞಾನದ ಶಿಕ್ಷಣವೇ ಮೂಲಧಾರ. ಇದೇ ಮಹಾತ್ಮರ ಜೀವನ.

ಸಮ್ಮಿಶ್ರ ಸರ್ಕಾರ ಅಂದರೆ‌ ಮಿಶ್ರಣಕ್ಕೆ ನೀಡಿದ ಸಹಕಾರ

ಮಿಶ್ರ ತುಪ್ಪದ ವಿಚಾರದಲ್ಲಿ ತೆಗೆದುಕೊಂಡ ನಿರ್ಧಾರವನ್ನು ಎಲ್ಲಾ   ವಿಚಾರದಲ್ಲಿ ತೆಗೆದುಕೊಂಡರೆ  ಈ ಮಿಶ್ರ ಜಾತಿ,ವರ್ಣ, ಧರ್ಮ, ದೇಶ ಸಮ್ಮಿಶ್ರ ಸರ್ಕಾರವೇ ಇಲ್ಲದೆ ಸ್ವತಂತ್ರ ವಾಗಿ  ತಮ್ಮನ್ನು ತಾವು ಆಳಿಕೊಳ್ಳುವ ಜ್ಞಾನವಿರುತ್ತಿತ್ತು ಮಾನವನಿಗೆ. ಎಲ್ಲಾ ಕಲಬೆರೆಕೆಯ ಜೀವನದಲ್ಲಿ ಶುದ್ದವಾಗಿರೋದು ಯಾರು?

ಹೊರಗೆ ತಳುಕುಬಳುಕು ಒಳಗೆ ಹುಳುಕು.

ಪರಮಾತ್ಮನೊಬ್ಬನೆ ಶುದ್ದ ಆದ್ದರಿಂದ ಶುದ್ದ ಸತ್ಯ ಧರ್ಮ ಆಚಾರ ವಿಚಾರ ಪ್ರಚಾರ ಶಿಕ್ಷಣದ ಕಡೆಗೆ ನಡೆಯೋದೆ ಯೋಗ ಮಾರ್ಗ. ಹೊರಗೆ ನಡೆದು  ತಿಂದಷ್ಟೂ ರೋಗ. 

ಏನೇ  ತಿಂದರೂ ಪರಮಾತ್ಮನ ಪ್ರಸಾದ ಎನ್ನುವ ಭಕ್ತರು ಇದ್ದರೆ  ಪರಮಾತ್ಮನ ರಕ್ಷಣೆ ಇರುವುದಂತೆ ಹಾಗಾಗಿ ಹೊರಗಿನ  ಪ್ರಸಾದಕ್ಕಾಗಿ ಕಾದು ನಿಲ್ಲುವರು.  ಪಾಪಕ್ಕೆ ತಕ್ಕಂತೆ ಫಲವಿರುತ್ತದೆ.ಪ್ರಸಾದವೇ ಭ್ರಷ್ಟರ ವಶವಾದರೆ  ಗೋವಿಂದನೇ ಗತಿ.

ಸಾಕಾರದಿಂದ ನಿರಾಕಾರದೆಡೆಗೆ ನಡೆದ  ಧರ್ಮ ಇಂದು ಸರ್ಕಾರದ ಹಿಂದೆ ನಡೆದಿದೆ ಎಂದರೆ  ದಾರಿತಪ್ಪಿದೆಯೆ?

ಸ್ವಚ್ಚ ಭಾರತಕ್ಕೆ  ಸ್ವಚ್ಚ ಜ್ಞಾನದ ಶಿಕ್ಷಣ ಕೊಡದೆ ಉಚಿತವಾಗಿ ತಿನ್ನಿಸಿದರೆ  ದೇವರು ಕಾಣೋದಿಲ್ಲ. ಅತೃಪ್ತ ಆತ್ಮಗಳೇ ಕಾಣೋದು.

ಆಹಾರವಿಲ್ಲದೆ ತಪಶ್ಯಕ್ತಿಯಿಂದ ಸಾವಿರ ವರ್ಷ ಬದುಕಿದ ತಪಸ್ವಿಗಳ  ದೇಶದಲ್ಲಿ  ತಾಮಸಗುಣದವರು  ಬೆಳೆಯಲು ಕಾರಣವೇ ಅಜ್ಞಾನ. ಪರಮಾತ್ಮನಿಗೆ ತಲುಪದ ಕರ್ಮ ವೇ ಅಕರ್ಮ, ವಿನಯವನ್ನು ಬೆಳೆಸದ ವಿದ್ಯೆಯೇ ಅವಿದ್ಯೆ.

ಸತ್ಯವನ್ನು ತಿಳಿಸದ  ತಿಳುವಳಿಕೆಯೇ ಅಜ್ಞಾನ.

ಹಿಂದೆ  ಅವರವರ ಜನ್ಮದ‌ಮೂಲ ಧರ್ಮ/ ಕರ್ಮಕ್ಕೆ‌ತಕ್ಕಂತೆ ಜೀವನ ನಡೆಸುತ್ತಾ ಸಮಾಜದ ಒಂದು ಹಿತದೃಷ್ಟಿಯಿಂದ ಸಂಸಾರದಲ್ಲಿ ಒಗ್ಗಟ್ಟು ಇತ್ತು. ಈಗಿದು ವಿರುದ್ದವಾಗಿದ್ದು ಹೊರಗಿನವರ ಜೊತೆಗೆ ಬೆರೆತು ಒಳಗಿನವರನ್ನೇ‌ಮರೆತು  ಅಂತರ ಬೆಳೆಸಿಕೊಂಡರೆ  ಜೀವನಕ್ಕೆ ಅರ್ಥ ವಿರದು ಜೀವಕ್ಕೆ ಶಾಂತಿ ಸಿಗದು. ಇದೇ ಎಲ್ಲಾ ಅನರ್ಥಗಳಿಗೆ ಅವಾಂತರಕ್ಕೆ ಕಾರಣ.

ಜ್ಞಾನ ಬೇರೆ ವಿದ್ಯೆ‌ಬೇರೆಯೆ?

ನಾವು ಈವರೆಗೆ ಕಲಿತಿರೋದು ಜ್ಞಾನವಲ್ಲ ವಿದ್ಯೆ ಎಂದರೆ ಅರ್ಥ ವಾಗದು.

ಇಲ್ಲಿ ಜ್ಞಾನ ಆಂತರಿಕ ವಾಗಿರುವ ಶಕ್ತಿ ವಿದ್ಯೆ ಹೊರಗಿನ ಶಕ್ತಿ. ಅದನ್ನು ಯಾರು ಸದ್ಬಳಕೆ ಮಾಡಿಕೊಂಡು ಜೀವನದ ಸತ್ಯ ತಿಳಿದು ನಡೆಯುವರೋ ಅವರು ಜ್ಞಾನಿಗಳು ಎಂದರ್ಥ.

  ಜ್ಞಾನ ಎಂದರೆ ತಿಳುವಳಿಕೆ ವಿಜ್ಞಾನ ವಿಶೇಷವಾದ ತಿಳುವಳಿಕೆ.ಇದರಲ್ಲಿ ಅಧ್ಯಾತ್ಮ ವಿಜ್ಞಾನ ಭೌತವಿಜ್ಞಾನ ಒಂದೇ ನಾಣ್ಯದ ಎರಡು ಮುಖ. ಮಾನವನಲ್ಲಿ ಸಾಮಾನ್ಯ ಜ್ಞಾನ ಅಡಗಿದೆ. ಇತಿಮಿತಿಯಲ್ಲಿ ಜ್ಞಾನ ವಿಜ್ಞಾನವನರಿತವರು ಜೀವನದಲ್ಲಿ ಸಾಧನೆ ಮಾಡಿರುವರು. ಅಂದರೆ ಎರಡೂ ಸಮಾನವಾಗಿ ಬಳಸುವಾಗ  ಸ್ಥಿತಪ್ರಜ್ಞಾವಂತರಾಗಿರಬೇಕು.

ಅತಿಯಾಗಿ ತಿಂದರೂ ಕಷ್ಟ ತಿನ್ನದೆ ಬಿಟ್ಟರೂ ಕಷ್ಟ. ಹಾಗೆ ಹಸಿದವನಿಗೆ ಅನ್ನದಾನ ಮಾಡಿದರೆ ಪುಣ್ಯ ಹೊಟ್ಟೆ ತುಂಬಿದವನಿಗೆ ಅತಿಥಿಸತ್ಕಾರವೂ  ಪಾಪವಾಗಬಹುದು.

ಅತಿಯಾದ ಬಡತನ ಅತಿಯಾದ ಸಿರಿತನ ಮಾನವನಿಗೆ ಶಾಪವಾಗುತ್ತದೆಂದರ್ಥ.

ವಾಸ್ತವದಲ್ಲಿ ನಾವೆಲ್ಲರೂ ಪುರಾಣ ಇತಿಹಾಸ ಶಾಸ್ತ್ರ ಕಥೆಗಳನ್ನು ತಿಳಿದು  ವಿದ್ಯಾವಂತರೆನಿಸಿದ್ದರೂ  ನಮ್ಮ ಈಸ್ಥಿತಿಗೇ  ಏನು ಕಾರಣವೆನ್ನುವ ಸತ್ಯದ ಅರಿವಿಲ್ಲವಾದರೆ ನಾವು ಜ್ಞಾನಿಗಳಲ್ಲ. ನಮ್ಮ ಸಮಸ್ಯೆಯ ಮೂಲವೇ ಅಜ್ಞಾನದ ನಡೆನುಡಿಯ  ಕರ್ಮ ವಾಗಿದೆ. ಆ ಕರ್ಮ ವೇ ಹಿಂದಿರುಗಿ ಬಂದು ಫಲ ನೀಡುತ್ತಿದೆ. ಹಣವಿದ್ದರೂ ಸಾಲದ ಹೊರೆ ಎಂದಾಗ ಯಾವುದಕ್ಕಾಗಿ ಸಾಲ ಮಾಡಿದ್ದೆವು? 

ಇತ್ತೀಚಿನ ದಿನಗಳಲ್ಲಿ ಪುಟ್ಟ ಮಕ್ಕಳ ಶಿಕ್ಷಣಕ್ಕೆ ಲಕ್ಷಾಂತರ. ರೂ ಕಟ್ಟುವರೆಂದರೆ ಆ ಶಿಕ್ಷಣದಲ್ಲಿ ಜ್ಞಾನವಿತ್ತೆ? ಅದೇ ಮುಂದೆ ಮಕ್ಕಳ ತಲೆಯ ಮೇಲಿನ ಸಾಲವಾಗಬಾರದೆಂದರೆ ಶಿಕ್ಷಣದವಿಷಯದಲ್ಲಿ ಸತ್ಯ ಜ್ಞಾನವಿರಲಿ. ಆಗ ಸಾಲದ ಅರ್ಥ ಋಣ ತೀರಿಸುವ ಜ್ಞಾನ ಬರುತ್ತದೆ.

ದೇಶದ ಒಳಗಿದ್ದು  ದೇಶ ಬೇರೆ  ನಾನೇ ಬೇರೆ ದೇವರು ಬೇರೆ ನಾನೇ ದೇವರು ಎಂದರೆ  ಸತ್ಯವಿರದು.

ನನ್ನೊಳಗೆ ದೇವಶಕ್ತಿ ಇದ್ದರೂ ದೈವೀಕ ಗುಣಜ್ಞಾನದಿಂದ ಬೆಳೆಯದಿದ್ದರೆ  ದೇವರನ್ನು ನಂಬಲಾಗದು. ಇದಕ್ಕಾಗಿ ನಮ್ಮ ಶಿಕ್ಷಣದಲ್ಲಿಯೇ  ಸತ್ವಯುತ ವಿಷಯ ಗಳನ್ನು ತಿಳಿಸಿದರೆ ಮಕ್ಕಳು ಮಹಾತ್ಮರಾಗಿ  ಋಣಮುಕ್ತರಾಗಬಹುದು.

ಕಷ್ಟ ವಿದೆ. ಹಾಗಂತ ಅಸಾಧ್ಯವಲ್ಲ.ನಮ್ಮ ಹಿಂದಿನ ಮಹಾತ್ಮರುಗಳೆ ಇದಕ್ಕೆ ಸಾಕ್ಷಿ.

ದೇವರಾಗದಿದ್ದರೂ ಸರಿ ಅಸುರರ ವಶವಾಗದಿದ್ದರೆ ಉತ್ತಮ.

ಎಲ್ಲಿ ಸತ್ವ ಸತ್ಯ ತತ್ವ ಜ್ಞಾನವಿರುವುದೋ ಅಲ್ಲಿ ದೇವರಿರುವರು.ಶಾಂತಿಯಿರುವುದು. ಶಾಂತಿಯಿಂದ ಆತ್ಮಜ್ಞಾನ ಪ್ರಾಪ್ತಿ. ಆತ್ಮಜ್ಞಾನದ ನಂತರವೆ ಆತ್ಮಕ್ಕೆ ತೃಪ್ತಿ ಮುಕ್ತಿ ಇದು ಅಧ್ಯಾತ್ಮ ಸತ್ಯ.

ಭೌತಿಕದಲ್ಲಿ ಇದನ್ನು ಕಾಣಲಾಗದು. ಹಾಗಂತ ಭೌತವಿಜ್ಞಾನದಿಂದ ಮಾನವ ದೂರವಾಗಿರೋದು ಕಷ್ಟ.

ಜ್ಞಾನವಿಜ್ಞಾನವು ಒಂದೇ ನಾಣ್ಯದ ಎರಡು ಮುಖ. ಒಂದು ಬಿಟ್ಟರೆ ಇನ್ನೊಂದು ಮುಂದೆ ನಡೆಯುತ್ತದೆ. ಎರಡನ್ನೂ ಸದ್ಬಳಕೆ ಮಾಡಿಕೊಂಡು ನಡೆದರೆ ಸ್ಥಿತಪ್ರಜ್ಞಾವಂತ

ಆಗಬಹುದು.ಅಂದರೆ ನಮ್ಮ ಸ್ಥಿತಿಗೆ ‌ನಾನೇ ಕಾರಣವೆನ್ನುವ ಸತ್ಯ ತಿಳಿದು ನನ್ನನ್ನು ನಾನರಿತು ನಡೆಯಬಹುದು. ಇದು ರಾಜಯೋಗದ ವಿಚಾರ.

ಇಂದು ಭೋಗದ ರಾಜಕೀಯವನ್ನು ಎತ್ತಿ ಹಿಡಿದು ಶಿಕ್ಷಣವನ್ನು ವ್ಯಾಪಾರ ಮಾಡಿಕೊಂಡಿರುವವರ ಹಿಂದೆ ನಡೆದವರು ಸಾಲದ ಸುಳಿಯಲ್ಲಿ ಸಿಲುಕಿ ಸಾಲ ತೀರಿಸಲು ಯಾವ ಕೆಲಸವಾದರೂ ಸರಿ ಯಾವ ದೇಶವಾದರೂ ಸರಿ ಎನ್ನುವ ಮಟ್ಟಿಗೆ ಪರಿಸ್ಥಿತಿ ಇದೆ. ಆದರೆ,ಒಳಜಗತ್ತಿನ ಸಾಲ ತೀರಿಸಲು ಸದ್ವಿದ್ಯೆಯಿಂದ ಸುಜ್ಞಾನದಿಂದ ಮಾತ್ರ ಸಾಧ್ಯ ಎನ್ನುವಾಗ ಅದನ್ನು ಶಿಕ್ಷಣದಿಂದಲೇ ಕೊಡುವುದು ಧರ್ಮ.

ಇದಕ್ಕೆ ವಿರೋಧಿಸುವ ಪೋಷಕರಿರುವವರೆಗೂ ವಿದ್ಯೆ ಅವಿದ್ಯೆಯಾಗೇ ಇರುತ್ತದೆ.

ಶಿಕ್ಷಕರಾಗಲಿ ಗುರುವಾಗಲಿ‌ ನಿಸ್ವಾರ್ಥ, ನಿರಹಂಕಾರ ,ಪ್ರತಿಫಲಾಪೇಕ್ಷೆ ಯಿಲ್ಲದ ಸೇವೆ ಮಾಡುವ‌ ಪರಮಾತ್ಮನ ದಾಸರು. ಹಾಗಾಗಿ ಗುರುವನ್ನು ದೇವರೆಂದರು.  ಇವರಲ್ಲಿ ಸ್ವಾರ್ಥ ಅಹಂಕಾರವಿರದಿರಲು ಕಾರಣವೇ ತತ್ವಜ್ಞಾನ. ಎಲ್ಲರಲ್ಲೂ ಆ ಪರಾಶಕ್ತಿ ಪರಮಾತ್ಮಶಕ್ತಿ  ಕಾಣೋದಕ್ಕೆ ಕಷ್ಟಪಟ್ಟು ಅಧ್ಯಾತ್ಮ ಸಾಧನೆ ಮಾಡಿದವರು ಗುರುವಾಗಬಹುದು. 

ಒಳಗಿರುವ ಅರಿವೇ ಗುರುವಾದಾಗ ದೇಹವೇ ದೇಗುಲ ಆಗುತ್ತದೆ. ಎಲ್ಲಿ ಹೋದರೂ  ದೇವರಿರುವರು. ನಿರಾಕಾರ ಬ್ರಹ್ಮನ್  ಕಡೆಗೆ ನಡೆಸೋ ಗುರುವೇ ನಿಜವಾದ ಜ್ಞಾನಿ ವಿಜ್ಞಾನಿ  ಎಂದಿರುವರು. ಯಾರಿಗೆ ಗೊತ್ತು ನಮ್ಮೊಳಗೆ  ದೇವರಿರುವರೋ ಅಸುರರೋ?

ಗುಣಜ್ಞಾನದಿಂದಲೇ ಜೀವನ ನಡೆದಿರೋದು. ವ್ಯಕ್ತಿಗಿಂತ ವ್ಯಕ್ತಿತ್ವ ಶ್ರೇಷ್ಠ. ಹಾಗೆ ವಿದ್ಯೆಗಿಂತ ಜ್ಞಾನವೇ ಶ್ರೇಷ್ಠ ವೆನ್ನುವರು.

ಇತರರ ಒಳಿತಿಗಾಗಿ ಬದುಕೋದು ದೇವರು

ತನ್ನ ಜೊತೆಗೆ ತನ್ನವರ ಒಳಿತನ್ನು ಬಯಸೋದು ಮಾನವ

ಕೇವಲ ತನ್ನ ಸ್ವಾರ್ಥ ಅಹಂಕಾರಕ್ಕೆ ಇತರರನ್ನು ಬಲಿಕೊಡೋದೆ  ಅಸುರ ಬುದ್ದಿ..ಎಷ್ಟು ವರ್ಷ ಬದುಕಿದರೂ ಸೂಕ್ಮ.  ಜ್ಞಾನವಿಲ್ಲವಾದರೆ ಅತಂತ್ರಸ್ಥಿತಿಯೇ ಗತಿ.

ವಿದ್ಯಾವಂತರೆಲ್ಲ ಜ್ಞಾನಿಗಳಾಗಿಲ್ಲ.ಜ್ಞಾನಿಗಳಾದವರೆಲ್ಲರೂ ವಿದ್ಯೆ  ಕಲಿತಿರಲಿಲ್ಲ. ಆದರೆ ಈಗ  ಎಲ್ಲಾ ಮಿಶ್ರ.

ಅದ್ವೈತ ದ ಆಳ ಅಗಲ ಅಳೆಯಲಾಗದು.ಅರ್ಥ ವಾಗಬಹುದು

ಇದು ಅದ್ವೈತ. ಆಳವಾದ ಅರಿವು ಎಂದರೆ ನಾನು ಹೋಗಿ ನೀನೇ ಎನ್ನುವ ಶರಣಾಗತಿಯಲ್ಲಿ ಜೀವಿಸೋದಾಗಿತ್ತು. ವಾಸ್ತವದಲ್ಲಿ ನಾವು ಬದುಕಿದ್ದೇವೆಯೇ ಸತ್ತಿರುವೆವೆ ಎನ್ನುವ ಪ್ರಶ್ನೆಗೆ ಉತ್ತರ ಒಳಗಿದೆ.ಹೊರಗಿನಿಂದ ಬದುಕಿದಂತೆ ಕಂಡರೂ ಒಳಗಿನ‌ಮನಸ್ದು ಸತ್ತಂತಿರುತ್ತದೆ.ಎಲ್ಲಾ ಸತ್ಯ ತಿಳಿದರೂ ತಿಳಿಸೋಹಾಗಿಲ್ಲ.ತಿಳಿಸಿದರೂ  ಅರ್ಥ ವಾಗಲ್ಲ ಎನ್ನುವವರ ಜೊತೆಗೆ ಸತ್ಸಂಗ  ನಡೆಸಿದರೂ ಸತ್ಯವಿಲ್ಲದೆ ನಾನೇ ಮಾಡುತ್ತಿರೋದು ನಾನೇ ಹೇಳುತ್ತಿರೋದು ನಾನೇ ಎಲ್ಲಾ ಎನ್ನುವವರ ಜೊತೆಗೆ  ನಾನಿರುವಾಗ ನಾನೆಂಬುದಿಲ್ಲ ಎನ್ನುವ ಅದ್ವೈತ ಭಾವನೆ ಇರೋದಿಲ್ಲ.ಹಾಗಾಗಿ ಭೂಮಿ ನಡೆದಿರೋದು ದ್ವೈತದಲ್ಲಿ .ಈ ದ್ವೈತ ಹೊರಗೆ ಬಂದಷ್ಟೂ ಭಿನ್ನವೆ  ಒಂದಾಗೋದು‌ಕಷ್ಟ.ಇದು ಎಲ್ಲಾ ಯುಗಯುಗದ ಕಥೆಯಾಗಿರುವಾಗ ಕಲಿಯುಗದಲ್ಲಿ ಇದನ್ನು ವಿರೋಧಿಸಿದರೆ ಅದ್ವೈತವಾಗದು.ಒಟ್ಟಿನಲ್ಲಿ ಒಂದನ್ನೊಂದು ಸೇರಿದರೆ‌ ಒಗ್ಗಟ್ಟು  ಇಲ್ಲವಾದರೆ ಬಿಕ್ಕಟ್ಟು.

ಭಾರತೀಯರ ಒಂದು ಸಮಸ್ಯೆ ಮೂಲ ಜ್ಞಾನವನ್ನು ಮರೆತು ಹೊರಗೆ ಬಂದು ರಾಜಕೀಯ ನಡೆಸಿರೋದು.ಎಷ್ಟೋ ರಾಜಾಧಿರಾಜರು ದೇಶ ಆಳಿದ್ದರೂ ಅವರ ಶ್ರೇಷ್ಠ ಜ್ಞಾನ ಅರಿಯದೆ ಕೇವಲ ಅವರನ್ನು ಪ್ರತಿಮೆಯ ರೂಪದಲ್ಲಿ ಕೂರಿಸಿ  ಜನರನ್ನು ಆಳಿರೋದು. ಇಂದಿಗೂ ಒಳಗೆ ಹುಳುಕು ಹೊರಗೆ ತಳುಕು ಬಳುಕಿನ ಜೀವನವೇ ಜನಸಾಮಾನ್ಯರ ಸಾಮಾನ್ಯಜ್ಞಾನವನ್ನು ನಿರ್ಲಕ್ಷ್ಯ ಮಾಡಿದೆ .ಪ್ರಜಾಪ್ರಭುತ್ವ ವ್ಯವಸ್ಥೆಯ ಅವಸ್ಥೆ ಗೆ  ಈ ನಾನೇ ಎನ್ನುವ ಅಹಂಕಾರ ಕಾರಣವೆಂದಾಗ ನಾನು ಹೋದರೆ ಸ್ವರ್ಗಕ್ಕೆ ಹೋಗಬಹುದು ಎಂದಿರುವ ದಾಸರ ಯೋಗ ಅರ್ಥ ವಾಗದು.

 

ಜನಸಾಮಾನ್ಯರ ಸಹಕಾರವಿಲ್ಲದೆ ನಾನು ಬೆಳೆದಿಲ್ಲವೆಂದರೆ ಇದಕ್ಕೆ ಕಾರಣವೇ ಜನಸಾಮಾನ್ಯರ ಅಜ್ಞಾನದ ಸಹಕಾರ.

ಅಜ್ಞಾನಕ್ಕೆ ಕಾರಣವೇ ಶಿಕ್ಷಣದ ವಿಷಯ. ಶಿಕ್ಷಣದಿಂದ ಹಣಗಳಿಸಿದ್ದರೂ  ಹಣದ ದುರ್ಭಳಕೆ ಮಾಡುವ ಅಜ್ಞಾನ ಹೋಗದೆ  ಒಳಗಿನ ಜ್ಞಾನ  ಸಿಗದು.

ಎಷ್ಟೋ ಮಹಾತ್ಮರುಗಳ ಸಂದೇಶ ಹಿಡಿದು ಜನರನ್ನು ಮನೆಯಿಂದ ಹೊರಗೆಳೆದು ಹಣ ಅಧಿಕಾರ ಸ್ಥಾನಮಾನ ಗಳಿಸಿ ಕೊನೆಗೆ ಜನರನ್ನೇ ಸೇವಕರಂತೆ ಕಾಣುವ ಅಸುರ ಶಕ್ತಿ ಗಮನಿಸುವ ಬುದ್ದಿವಂತಿಕೆ ಇದ್ದರೆ  ಗಂಜಿಅನ್ನ ತಿಂದಾದರೂ ಅಂಜಿಕೆಯಿಲ್ಲದೆ ಜೀವನ ನಡೆಸಬಹುದು.

ಇದು ಸಾಧ್ಯವಾಗಬೇಕಾದರೆ ಮೊದಲು ಮನೆಯೊಳಗೆ ತನ್ನ ಅನ್ನ ತಾನೇ ಬೇಯಿಸಿಕೊಂಡು ತಿನ್ನುವ ಸ್ವಾಭಿಮಾನ ಅಗತ್ಯ.

ಸಂಸಾರಕ್ಕೆ ಬಂದ ಮೇಲೆ ಸಂಸಾರದ ಜವಾಬ್ದಾರಿ ಹೊತ್ತು ನಡೆಯೋದು ಧರ್ಮ .ಅದನ್ನು ಏನೇ ಸಾಧನೆ ಮಾಡಿದಂತೆ ಹೇಳಿದರೆ  ನಡೆಸೋ ಶಕ್ತಿಯನ್ನು ಅರ್ಥ ಮಾಡಿಕೊಂಡಿಲ್ಲ ಎಂದರ್ಥ.

ಒಟ್ಟಿನಲ್ಲಿ ಭೂಮಿಯ ಆಸರೆ ಸಹಕಾರ ಸಹಾಯವಿಲ್ಲದೆ ಯಾವ ಜೀವಿಯೂ ಇಲ್ಲಿ ಬದುಕಲಾಗದು.ಹೀಗಾಗಿ ಭೂ ಋಣ ತೀರಿಸಲು ಪರಮಾತ್ಮನ ಸೇವೆ ನಿಸ್ವಾರ್ಥ ನಿರಹಂಕಾರ ದಲ್ಲಿ ಸ್ವತಂತ್ರ ಜ್ಞಾನದಿಂದ ಸತ್ಯ ಧರ್ಮ ದಿಂದ ನಡೆದವರಿಗಷ್ಟೆ  ನಾನೆಂಬುದಿಲ್ಲ ಎನ್ನುವ ಅದ್ವೈತ ಸತ್ಯದ ಅರಿವಿಗೆ ಬಂದಿದೆ.ಹಾಗಂತ ಇದು ಎಲ್ಲರಿಗೂ ಬರೋದಿಲ್ಲ.ಬಂದರೆ ಸಂಸಾರವೇ ಇರೋದಿಲ್ಲ.ಎಲ್ಲಾ ಸಂನ್ಯಾಸಿಗಳಾಗಲು ಸಾಧ್ಯವೆ?

ಆದರೆ ಸಂನ್ಯಾಸಿಯ ವೇಷಧರಿಸಿ ಅಧರ್ಮ ಅನ್ಯಾಯ ಅಸತ್ಯದ ರಾಜಕೀಯದೆಡೆಗೆ ಹೊರಟರೆ  ಭ್ರಷ್ಟಾಚಾರ.

ಕಾಲ ಸರಿಯಿಲ್ಲ  ಕಾಲು ಸರಿಯಿಲ್ಲ ಹಾಗಾದರೆ ತಲೆ ಸರಿಯಿದೆಯೆ? ತಲೆಗೆ ತುಂಬಿರುವ ವಿಷಯದಲ್ಲಿ ವಿಷ ಇದ್ದರೆ ದ ಅಮೃತಜ್ಞಾನ  ಹಿಂದುಳಿಯುವುದು ಸಹಜ.

ಈಗಲೂ ಕಾಲಮಿಂಚಿಲ್ಲ.ಸತ್ಯ ಎಲ್ಲಿಂದಲಾದರೂ ಯಾವ ರೂಪದಲ್ಲಾದರೂ ಹರಿದು ಬರುತ್ತಿರುವುದು.ಆದರೆ ನಾವು ನಮ್ಮ ಸ್ವಾರ್ಥ ಚಿಂತನೆಯಿಂದ  ಹೊರಬರದೆ ಅದರೊಳಗೇ ಇದ್ದು ನನಗೇನು ಲಾಭ ಎಂದರೆ ನಷ್ಟ ಕಟ್ಟಿಟ್ಟ ಬುತ್ತಿ.

ಒಂದು ಮಗು ಜ್ಞಾನದೆಡೆಗೆ ನಡೆದರೂ ಭವಿಷ್ಯ ಉತ್ತಮ.

ಅದೇ ಮಗು ಅಜ್ಞಾನದೆಡೆಗೆ ನಡೆದಷ್ಟೂ ಭವಿಷ್ಯ ಅಧಮ.

ಅಸುರರೊಳಗೇ ಸುರ ಅಡಗಿದ್ದರೂ ಆ ಶಕ್ತಿಯನ್ನು ಗುರುತಿಸುವ ಶಿಕ್ಷಣ ಕೊಡದಿದ್ದರೆ ಅಸುರರೆ ಸುರರನ್ನು ಆಳೋದು.

ಮೇಲಿರುವ  ಆ ಭಗವಂತನಿಗೇನೂ ನಷ್ಟವಿಲ್ಲ ಕಾರಣ ಇಲ್ಲಿ ಜೀವಾತ್ಮರ ಸಾಮ್ರಾಜ್ಯ ವಿದ್ದರೂ ಅದರೊಳಗಿರುವ ಧರ್ಮ ಕರ್ಮದ ಫಲ ಅದೇ ಜೀವವೇ ಅನುಭವಿಸಲೇಬೇಕೆಂಬ ವಿಧಿ‌ನಿಯಮವನ್ನು ಸ್ವಯಂ ಅವತಾರ ಪುರುಷರೆ ತಡೆಯಲಾಗಿಲ್ಲವೆಂದರೆ  ಇದರ‌ಮೂಲ ಒಳಗಿರುವ ಧರ್ಮ ಕರ್ಮಕ್ಕೆ ಅಂಟಿಕೊಂಡಿದೆ ಎಂದರ್ಥ.

ಭಾರತ ಸ್ವಾತಂತ್ರ್ಯ ಗಳಿಸಿ ಇಷ್ಟು ವರ್ಷ ಕಳೆದರೂ ನಮ್ಮನ್ನು ಆಳುತ್ತಿರುವುದು ಪರಕೀಯರೆ ಎನ್ನುವ ಸತ್ಯ ಇಂದಿಗೂ ಹಸಿರಾಗಿದೆ.ಕಣ್ಣಿಗೆ ಕಾಣುತ್ತಿಲ್ಲವಷ್ಟೆ.

ವಿದೇಶಿ ಕಂಪನಿಗಳ ಸಾಮ್ರಾಜ್ಯವನ್ನು ಸ್ವತಃ ರಾಜಕಾರಣಿಗಳೆ ಸ್ವಾಗತಿಸಿರುವಾಗ ಆಳುವವರ ಅಜ್ಞಾನವನ್ನು ಎತ್ತಿ ಏರಿಸಿರುವ ಪ್ರಜಾಪ್ರಭುತ್ವ ಆಟಕ್ಕುಂಟು ಲೆಕ್ಕಕ್ಕಿಲ್ಲ.

ಪ್ರಜೆಗಳ  ಅಜ್ಞಾನಕ್ಕೆ ಸರಿಯಾದ ಹಣಸಂಪಾದನೆ. ಹಣದ ದುರ್ಭಳಕೆ ಯಾದಷ್ಟೂ ಸಾಲದ ಹೊರೆ. ಸಾಲ ಬೆಳೆದಷ್ಟೂ ತೀರಿಸಲು ಅಡ್ಡದಾರಿಹಿಡಿಯೋದು ಸಹಜ. ಅಡ್ಡ ದಾರಿ ಹಿಡಿದ‌ಮೇಲೆ ಸೀದಾ ಬರೋದು ಬಹಳ‌ಕಷ್ಟ.ಕಷ್ಟಪಡದೆ ಸುಖ  ಅನುಭವಿಸಿದವರಿಗಂತೂ ಸತ್ಯ ಅರ್ಥ ವಾಗದು.

ಹೀಗೇ ಒಂದನ್ನೊಂದು ಸೇರಿಕೊಂಡು ಮೇಲ್ಮಟ್ಟಕ್ಕೆ ಏರಿ ಒಮ್ಮೆ ಕೆಳಗೆ ಬಿದ್ದು ಹೋಗುವ ಜೀವಕ್ಕೆ  ಬೆಲೆಯಿಲ್ಲ. ಸತ್ತ ಹೆಣಕ್ಕೆ ಬೆಲೆಕೊಟ್ಟು ಖರೀದಿಸುವಷ್ಟು  ಸತ್ಯಕ್ಕೆ ಬೆಲೆಕೊಡದ ಅಸುರ ಗುಣ  ದೈವತ್ವದೆಡೆಗೆ ಹೋಗೋದು ಕಷ್ಟ.ಇದಕ್ಕೆ ಕಾರಣ ಅಹಂಕಾರ ಸ್ವಾರ್ಥ ದ ಜೀವನ ಎನ್ನುವ ಕಾರಣದಿಂದ  ಮಹಾತ್ಮರುಗಳು ಅಹಂ‌ಬ್ರಹ್ಮಾಸ್ಮಿ ಎಂದರು.

ನಾನು ಬ್ರಹ್ಮನ ಒಂದು ಅಂಶವಾದ್ದರಿಂದ ನನ್ನೊಳಗೆ ಬ್ರಹ್ಮನಿರೋವಂತೆ ನಾನು ಬ್ರಹ್ಮನಾಗಬಹುದು. 

ಮೂಲ ಬ್ರಹ್ಮನಾಗೋದು ಅಸಾಧ್ಯ. ಹೇಗೆ ವಿಷ್ಣುವಿನವತಾರ ನಡೆದಿದೆಯೋ ಹಾಗೆಯೇ ದೇವಾನುದೇವತೆಗಳ ಅವತಾರವಾಗಿದೆ.ಅದರಲ್ಲಿ ಸ್ತ್ರೀ ಶಕ್ತಿಯೂ ಅಡಗಿರುವಾಗ ಅವಳನ್ನು ನಿರ್ಲಕ್ಷ್ಯ ಮಾಡಿದಷ್ಟೂ ಭೂಮಿಯ ಸತ್ಯ ಸತ್ವ ತತ್ವ ಕುಸಿಯುತ್ತದೆ.

ಇದನ್ನರಿತವರು  ವಿರಳ.ಒಟ್ಟಿನಲ್ಲಿ ಭೂಮಿಯಲ್ಲಿ ನಾನಿದ್ದೇನೆ .ಆ ನಾನು ಹೋದ ಮೇಲೆ ಭೂಮಿಯಿಂದ ಮುಕ್ತಿ. ಹಾಗಾದರೆ ಭೂಮಿ ಮೇಲಿರುವಾಗಲೇ ನಾನೆಂಬ ಅಹಂಕಾರ ತೊಲಗಿದವರು ಮಹಾತ್ಮರಾಗಿರುವರಲ್ಲವೆ?

ಅವರ ತತ್ವಜ್ಞಾನದಿಂದ ಒಗ್ಗಟ್ಟು ಏಕತೆ ಐಕ್ಯತೆ ಸಮಾನತೆ ಬೆಳೆದಿದೆಯೆ? ಇಲ್ಲವೆಂದರೆ ಪ್ರಚಾರ ಮಾಡಿದವರಲ್ಲಿ ನಾನೆಂಬ ಅಹಂಕಾರ ವಿತ್ತು. ಒಬ್ಬ ಗುರು ಅಥವಾ ಶಿಕ್ಷಕನಾಗಲು ಅಹಂಕಾರ ಸ್ವಾರ್ಥ ವಿರಬಾರದು.ಇಲ್ಲಿ ಅಧ್ಯಾತ್ಮ ಸತ್ಯ ಭೌತಿಕ ಸತ್ಯದ ನಡುವಿನ ಅಂತರದಿಂದ  ದ ಸಮಸ್ಯೆ ಮಧ್ಯೆ ಬೆಳೆದಿದೆ. ನಾನೂ ಇದ್ದರೂ ಪರಮಾತ್ಮ ನಿಲ್ಲದೆ ನಾನಿಲ್ಲವೆಂದಾಗ ಪರಮಸತ್ಯ ಪರಮಶಕ್ತಿ  ನನ್ನ ಒಳಗೇ ಬೆಳೆಸುವ ಶಿಕ್ಷಣ ನಾನೂ ಪಡೆದು ಎಲ್ಲರಿಗೂ ಕೊಡುವವರೆ ನಿಜವಾದ ಗುರು ಅಥವಾ ಶಿಕ್ಷಕ. ನಾನ್ಯಾರು ಎನ್ನುವ ಪ್ರಶ್ನೆ ಒಳಗಿನಿಂದ ಜನ್ಮ ಪಡೆದಾಗಲೇ  ಅದ್ವೈತ ದರ್ಶನ. ಶ್ರೀ ಶಂಕರಾಚಾರ್ಯರು ಶ್ರೀ ಮಧ್ವಾಚಾರ್ಯರು ಶ್ರೀ ರಾಮಾನುಜಾಚಾರ್ಯರು ಇಂದಿಗೂ ಸ್ಮರಣೀಯರು.

ಅವರು ಕಾಲಮಾನವನರಿತು ಜನರನ್ನು ಒಂದು ಮಾಡುವ ತತ್ವಜ್ಞಾನಕ್ಕೆ ಒತ್ತುಕೊಟ್ಟು ಧರ್ಮ ಸೂಕ್ಮದ ಕಡೆಗೆ ನಡೆಸಿದ ಸ್ವಯಂ ಭಗವಂತನ ಅವತಾರಿಗಳು ಗುರುಗಳು. ಆದರೆ ಇಂದು ಇದರಲ್ಲಿ ತಂತ್ರವೇ ಹೆಚ್ಚಾಗಿ ಕಂಡಾಗ ಜನರಲ್ಲಿ ಸತ್ಯ ಹಿಂದುಳಿಯುವುದು ಸಹಜ. ದೈವತ್ವದೆಡೆಗೆ ನಡೆಯಲು ತತ್ವ ಅಗತ್ಯ.ಹಿಂದಿನವರಷ್ಟು ನಮ್ಮಲ್ಲಿ ಜ್ಞಾನವಿಲ್ಲ ವಿಜ್ಞಾನವಿದೆ.ವಿಜ್ಞಾನ ಹೊರಗಿನ ಸತ್ಯವಾಗಿದೆ. ಹೊರಗಿನ ಸತ್ಯ ತಾತ್ಕಾಲಿಕ ವಾಗಿರುವ ಬದಲಾಗುವ ಕಾರಣದಿಂದ ಜೀವಕ್ಕೆ ತೃಪ್ತಿ ಸಿಗದು. ಹೀಗಾಗಿ ಜೀವಾತ್ಮ ಪರಮಾತ್ಮನ ಕಡೆಗೆ ನಡೆಯದೆ ಪರಕೀಯರ ವಶವಾಗಿ ಮುಂದೆ ನಡೆದಿದೆ.

ಹಿಂದುಳಿದವರನ್ನು ಕಡೆಗಣಿಸಿದಷ್ಟೂ ಹಿಂದೂ ಬೆಳೆಯೋದಿಲ್ಲ. ಹಿಂದಿನ ಸತ್ಯವೇ ಬೇರೆ  ವಾಸ್ತವ ಸತ್ಯವೇ ಬೇರೆ.ಹಿಂದೆ ರಾಜಯೋಗದ ಜೀವನಕ್ಕೆ ಪೂರಕ ಶಿಕ್ಷಣವಿತ್ತು.ಈಗ ರಾಜಕೀಯಕ್ಕೆ ಒತ್ತುಕೊಡುವ ಶಿಕ್ಷಣವಿದೆ.

ರಾಜಕೀಯ ಒಬ್ಬರನ್ನು ಆಳೋದು ಗುರಿ ಎಂದರೆ ರಾಜಯೋಗ ನಿನ್ನ ನೀ ಅರಿತು ನಿನ್ನ ನೀ ಆಳಿಕೊಂಡಿರೋದೆ ಗುರಿ ಎನ್ನುತ್ತದೆ.

ವಿವೇಕವನ್ನು ಅಧ್ಯಾತ್ಮ ದಿಂದರಿತು ನಡೆದರೆ ವಿವೇಕದ ಆನಂದ.

ಜ್ಞಾನವಿಜ್ಞಾನದ‌ನಡುವಿರುವ ಸಾಮಾನ್ಯ ಜ್ಞಾನದ ಸದ್ಬಳಕೆ ಆದರೆ ಮಾನವನಾಗಿ ಮಹಾತ್ಮರಾಗೋದು.ಎಲ್ಲಾ ಭೂಮಿಯ ದಾಸರೆ ಆಳೋದಕ್ಕೆ ಹೋಗಿ ಆಳಾಗಿದ್ದವರೆ. ಆದರೂ  ಅವರಲ್ಲಿದ್ದ ಯೋಗದಿಂದ ಮುಕ್ತಿಗಳಿಸಿ ಇಂದಿಗೂ ಮಹಾತ್ಮರಾಗಿರುವರು ದೇವರಾಗಿರುವರು..ದೇವನೊಬ್ಬನೆ ನಾಮ ಹಲವು ಎಂದಂತೆ  ಒಂದೇ ಸತ್ಯ ಒಂದೇ ದೇವರು ಒಂದೆ ದೇಶವನ್ನು  ಒಬ್ಬೊಬ್ಬರು ಒಂದೊಂದು ಕಡೆಗೆ ಎಳೆದರೆ  ಅದರೊಳಗೆ ಹೋರಾಟ ಹಾರಾಟ ಮಾರಾಟದ ರಾಜಕೀಯ ಬೆಳೆಯೋದು. ರಾಜಯೋಗವಲ್ಲ. ಇದನ್ನು ದುರ್ಭಳಕೆ ಮಾಡಿಕೊಳ್ಳುವ ಅಸುರಶಕ್ತಿಗೆ  ಮನರಂಜನೆಯಷ್ಟೆ. 

ಆತ್ಮವಂಚನೆಯಲ್ಲಿ ಮನರಂಜನೆಯಿದ್ದರೆ  ಧರ್ಮವಲ್ಲ.

ಎಲ್ಲಾ ನಕಾರಾತ್ಮಕ ಚಿಂತನೆ  ಎಂದರೆ  ಹಿಂದಿನ ಮಹಾತ್ಮರ ದೃಷ್ಟಿ ಕೋನವೇ ನಕಾರಾತ್ಮಕ ವಾಗಿ ಕಾಣುತ್ತದೆ.ಕಾರಣ ಅವರು ಕಣ್ಣಿಗೆ ಕಾಣದ ಸತ್ಯವನ್ನು ಬಿಚ್ಚಿಟ್ಟರು ಇದನ್ನು ವಿರೋಧಿಸಿ‌ ನಡೆದವರೆ ಅಸುರರಾದರು.ಈಗಲೂ ಇದೇ ನಮ್ಮನ್ನು ನಡೆಸಿದೆ ವಿರೋಧಿಗಳೂ ನಮ್ಮನ್ನು ಆಳುತ್ತಿವೆ ಎಂದರೆ ನಮ್ಮ ಸಹಕಾರ ಒಳಗಿಲ್ಲ ಹೊರಗಿದೆ ಎಂದರ್ಥ.

ಶ್ರೀ ಕೃಷ್ಣ ಪರಮಾತ್ಮನೆ ತಿಳಿಸಿರುವಂತೆ ನಾವೆಲ್ಲರೂ ಸತ್ತವರೆ.

ಯುಗಯುಗದಿಂದಲೂ ಇದೇ ಭೂಮಿಯಲ್ಲಿ ಜನ್ಮ ಪಡೆದು ಹೋರಾಟ ಹಾರಾಟ ಮಾರಾಟದಲ್ಲಿ ಜೀವನ‌ಕಟ್ಟಿಕೊಂಡು ಜನನ ಮರಣವನ್ನು ತಡೆಯಲಾಗದ ನಿಶ್ಯಕ್ತ ಜೀವಾತ್ಮರು‌ ನಾವೇ ಆದಾಗ ಜ್ಞಾನಸಂಪಾದನೆಯ‌ನಂತರವೇ ಜೀವಕ್ಕೆ ಮುಕ್ತಿ .ಇದಕ್ಕಾಗಿ ಶಿಕ್ಷಣದಲ್ಲಿ ಬದಲಾವಣೆ ಅಗತ್ಯವಿತ್ತು.ರಾಜಕೀಯದ ಗುದ್ದಾಟದಲ್ಲಿ  ಪ್ರಜಾಪ್ರಭುತ್ವ ‌ತನ್ನ ಸ್ವಂತ ಜ್ಞಾನ ಬಿಟ್ಟು ಹೊರಗೆ ಬಂದರೆ  ಯಾರ ತಪ್ಪು?

ನಮ್ಮ ಅಜ್ಞಾನಕ್ಕೆ ನಮ್ಮದೇ ಸಹಕಾರವಿದ್ದಾಗ ಸರ್ಕಾರ ಏನು ಮಾಡಿದರೂ  ತಪ್ಪು ಕಾಣುತ್ತದೆ.ಅತಿಯಾದ ಪರಾವಲಂಬನೆ  ಪರಮಾತ್ಮನಿಂದ ದೂರ ಮಾಡಿಸಿದ್ದರೂ ಅವನೊಳಗೇ ಇರೋದು ಸತ್ಯ.ತಲೆಯನರಿಯದಿದ್ದರೂ ಕಾಲು ನಡೆಯದೆ ಇರದು. ಹೀಗಾಗಿ ನಮ್ಮ ಸೇವೆ ಉತ್ತಮ ಗುರುಗಳ ಸನ್ನಿದಿಯಲ್ಲಿ ನಡೆದರೂ  ಮುಕ್ತಿ ಮೋಕ್ಷದೆಡೆಗೆ ನಿಧಾನವಾಗಿ ನಡೆಯುವುದು. ಸದ್ಗುರುಗಳ  ಕೃಪೆ ಆಶೀರ್ವಾದ ಸಹಕಾರವಿಲ್ಲದೆ  ಏನೂ ನಡೆಯದು.ಇದು ಧರ್ಮ ಅಧರ್ಮ ಬೆಳೆಯಲು ಕಾರಣ. ಅಧರ್ಮದೊಳಗೇ ಧರ್ಮ, ಅಜ್ಞಾನದೊಳಗೇ ಜ್ಞಾನ,ಅಸತ್ಯದೊಳಗೆ ಸತ್ಯ,ವಿಜ್ಞಾನದೊಳಗೆ ಜ್ಞಾನ,ವಿದೇಶದೊಳಗೆ ದೇಶ ಅಡಗಿರುವಂತೆ ಅದ್ವೈತ ದೊಳಗೇ ದ್ವೈತ ವಿದೆ.ಒಳಹೊಕ್ಕು ತನ್ನ ತಾನರಿಯುವ ಪ್ರಯತ್ನಪಟ್ಟರೆ ಬಿಡುಗಡೆ ಸಾಧ್ಯವೆನ್ನುವರು. ಪ್ರಯತ್ನ ನಮ್ಮದು ಫಲ ಭಗವಂತನದು.

ಮಂತ್ರ ತಂತ್ರ ಯಂತ್ರದಿಂದ ಸ್ವತಂತ್ರ ಜ್ಞಾನ ಒಳಗೇ ಬೆಳೆಸುವ ಶಿಕ್ಷಣ ನೀಡುವ ಗುರುಪರಂಪರೆ ನಮ್ಮ ಭಾರತವನ್ನು ಆತ್ಮನಿರ್ಭರ ಭಾರತ ಆಗಿಸುತ್ತದೆ.ಆದರೆ ಕುತಂತ್ರವಿದ್ದರೆ ಆತ್ಮದುರ್ಭಲ ಭಾರತವಾಗೋದನ್ನು ತಡೆಯಲಾಗದು.

ಹೊರಗಿನ ಯುದ್ದ ಸಂಧಾನ ದಿಂದ ತಡೆಯಬಹುದು.ಆದರೆ ಒಳಗಿನ ಧರ್ಮ ಯುದ್ದ ತಡೆಯಲಾಗದು. ವ್ಯವಹಾರಿಕ  ಸಂಬಂಧ ತಾತ್ಕಾಲಿಕ ತೃಪ್ತಿ ನೀಡಿದರೂ ಸಾಲ ಖಚಿತ.

ಧಾರ್ಮಿಕ ಸಂಬಂಧ ದಿಂದ  ಋಣ ತೀರಿಸಿದರೆ ಮುಕ್ತಿ ನಿಶ್ಚಿತ.

ಸಾಧ್ಯವಾದಷ್ಟು ಧಾರ್ಮಿಕ ಗುಂಪಿಗೆ ಹಂಚಿಕೊಂಡು ದೇಶದ ಋಣ ತೀರಿಸುವ ಜ್ಞಾನ ಬೆಳೆದರೆ ಅದೇ ನಮ್ಮ ಪುಣ್ಯವಷ್ಟೆ.

ಯಾರ ಋಣ ಯಾರೋ ತೀರಿಸಲಾಗದು. ಅವರವರ ಕರ್ಮಕ್ಕೆ ತಕ್ಕಂತೆ ಫಲ ನೀಡೋ ಶಕ್ತಿ ಒಳಗೇ ಇರೋವಾಗ ಒಳಗಿನ ಸತ್ಯ ಧರ್ಮ ಬೆಳೆದರೆ ಅದ್ವೈತ. ಅದು ಹೊರಗೆ ಕಾಣೋದಿಲ್ಲ.

ದೇವರು ಎಲ್ಲವನ್ನೂ ತಿಳಿದುಕೊಳ್ಳುವ ಶಕ್ತಿಕೊಟ್ಟು ಏನೂ ಮಾಡದಿರುವ ಪರಿಸ್ಥಿತಿ ತಂದಿಡುವವನೂ ಅವನೇ ಎಂದರೆ ದೇವರನ್ನು  ಅರ್ಥ ಮಾಡಿಕೊಳ್ಳಲು ಕಷ್ಟವಿದೆ. ಸತ್ಯವೇ ದೇವರೆನ್ನುವರು ಸತ್ಯ ತಿಳಿದ ಮೇಲೆ ದೇವರೆ ಇಲ್ಲವೆನ್ನುವರು.

ಅಂದರೆ ಸತ್ಯ ಎರಡೂ ಕಡೆಯಿದೆ ಒಳಸತ್ಯ ಹೊರಸತ್ಯ.ಎರಡರ ನಡುವೆ ಇರೋರು ಮಾನವರಷ್ಟೆ. ಮಾನವನೊಳಗಿರುವ ದೇವಾಸುರರ ಶಕ್ತಿಯ ಪ್ರೇರಣೆಯಂತೆ ಜಗತ್ತು ನಡೆದಿದೆ ಇದು  ತನ್ನ ಮನಸ್ಸಿಗೆ ಸತ್ಯ ಅರ್ಥ ವಾಗದಿದ್ದರೆ ತಪ್ಪು ಮನಸ್ಥಿತಿ ಯದ್ದಾಗಿದೆ. ಸ್ಥಿತಿಗೆ ಕಾರಣ ನಾನೇ ಆದಾಗ  ನಾನು ಹೋದರೆ ಸ್ಥಿತಿ ಚೆನ್ನಾಗಿ ಇರುವುದು. ನಾನೇ ಕಾರಣವಾದಾಗ  ನಾನು ಕಾರಣಕರ್ತ ನಷ್ಟೆ ಎನ್ನುವ ಸತ್ಯದ ಅರಿವಾಗದು. 

 ಮಠದಿಂದ ಹಿಡಿದು ಎಲ್ಲಾ ಕಡೆ ಸಂಘ ಶಾಲೆ ಕಾಲೇಜ್ ಸಂಸ್ಥೆ ಸಂಘಟನೆಯೂ ದೇಶದಲ್ಲಿ  ಶಾಂತಿ ಸ್ಥಾಪನೆಗಾಗಿ  ಧಾರ್ಮಿಕ ಕೆಲಸಮಾಡಿದ್ದರೂ ಅಧರ್ಮ  ಮುಗಿಲುಮುಟ್ಟಲು ಕಾರಣ   ನಮ್ಮ ಸ್ವಾರ್ಥ ಪೂರ್ಣ ಅಹಂಕಾರದ ರಾಜಕೀಯ ಸಹಕಾರವಾದಾಗ  ನನ್ನ ಈ ಸಹಕಾರವಿಲ್ಲದೆ  ಏನೂ ನಡೆದಿಲ್ಲ ಬೆಳೆದಿಲ್ಲವೆಂದರೆ  ಇದು ನಿಸ್ವಾರ್ಥ ನಿರಹಂಕಾರ ಪ್ರತಿಫಲಾಪೇಕ್ಷೆ ಇಲ್ಲದೆ ನಡೆದಿದೆಯೆ?

ಪ್ರತಿಯೊಬ್ಬರೂ ಆತ್ಮಾವಲೋಕನ ಮಾಡಿಕೊಳ್ಳಲು ಅಧ್ಯಾತ್ಮ ಅಗತ್ಯವಿದೆ.ಅಧ್ಯಾತ್ಮ ಶಕ್ತಿ ಒಳಗಿದೆ. ಒಳಗಿದ್ದೇ ಹುಡುಕಿಕೊಂಡು ಆತ್ಮನಿರ್ಭರ ಭಾರತ ಮಾಡಬೇಕು.ಹೊರಗೆ ಬಂದಷ್ಟೂ ಅತಂತ್ರಭಾರತ. ಆದರೂ ಭಗವಂತನ ಮುಂದೆ ಎಲ್ಲಾ ನಗಣ್ಯ. ಜನಸಹಕಾರದಿಂದಗಣ್ಯವ್ಯಕ್ತಿಯಾಗಬಹುದು.ಜನ ಹೋದ ಮೇಲೆ ನಗಣ್ಯರೆ ಎಲ್ಲಾ.  ನಾನಿದ್ದಾಗ ದೇವರು ಕಾಣೋದಿಲ್ಲ.ನಾನು ಹೋದ ಮೇಲೆ ದೇವರಿರೋದಿಲ್ಲ ಎಂದರೆ ದೇವರು ನಿರಾಕಾರಶಕ್ತಿಯಾಗಿ ನನ್ನೊಳಗೇ ಹೊರಗೆ ಇದ್ದರೂ ನನಗೆ ಕಾಣೋದಿಲ್ಲವೆಂದರೆ ನನ್ನದೆ ದೃಷ್ಟಿ ಸರಿಯಿಲ್ಲವೆಂದರ್ಥ.  ಏನೂ ಮಾಡದಿರೋದಕ್ಕೂ ನನ್ನ ಬಿಡೋದಿಲ್ಲ.ಮಾಡಿದರೂ ನಾನು ಮಾಡಿರೋದಲ್ಲ ಇದೇ ಅಧ್ವೈತಾನುಭವದ ಸತ್ಯ.

ಇದನ್ನು ಪ್ರತಿಯೊಬ್ಬರೂ ಅನುಭವಿಸುವರು  ಆದರೆ ಒಳ್ಳೆಯದಾದರೆ ನಾನು ಮಾಡಿದ್ದು ಕೆಟ್ಟದ್ದಾದರೆ ಬೇರೆಯವರು ದೇವರು ಮಾಡಿಸಿದ್ದು ಎನ್ನುವುದು ಬಿಡೋದಿಲ್ಲ.ಅದಕ್ಕೆ ಬಿಡುಗಡೆಯಿಲ್ಲದ ಬದುಕು ನಡೆಯುತ್ತದೆ. ಬರವಣಿಗೆಯ ಹಿಂದೆ ಇರುವ ಶಕ್ತಿ ಕಾಣೋದಿಲ್ಲ‌ನಾನು ಕಾಣುತ್ತೇನೆಂದರೆ ವಿರೋಧಿಗಳೆ ಹೆಚ್ಚು.

ಇದರಿಂದಾಗಿ  ನಮ್ಮ ಕರ್ಮ ನಾವೇ ಮಾಡೋದು . ಫಲ ಭಗವಂತನೇ ಕೊಡೋದು. ಒಳ್ಳೆಯವರಿಗೆ ಕಷ್ಟ ಕೆಟ್ಟವರಿಗೆ ಸುಖ ಎಂದರೆ ಕೆಟ್ಟದ್ದಕ್ಕೆ ಸಹಕಾರಕೊಟ್ಟರೆ ಹಣಗಳಿಸಿ ಶ್ರೀಮಂತ ನಾಗಬಹುದು. ಅದೇ ಶ್ರೀಮಂತ ನನ್ನ ಆಳುವನೆಂದರೂ ನನ್ನ ಸಹಕಾರವಿದ್ದರೆ  ಕರ್ಮಕ್ಕೆ ತಕ್ಕಂತೆ ಫಲ. ಇದನ್ನು ದೇವಾನುದೇವತೆಗಳೆ ಸಾಕ್ಷಿಭೂತರಾಗಿದ್ದಾರೆ.

ಎಷ್ಟು ಅಸುರರ ಹಿಂದೆ ನಡೆದರೂ ಅಥವಾ ವಿರೋಧಿಸಿದರೂ  ಸತ್ಯ ಒಂದೇ ಇರೋದು.

ಅನ್ಯಧರ್ಮ ದವರನ್ನು ದೇವರನ್ನು ವಿರೋಧಿಸಿ ಅವರ ಕಂಪನಿ,ದೇಶ ಭಾಷೆ ಶಿಕ್ಷಣ ವ್ಯವಹಾರಕ್ಕೆ ಕೈಜೋಡಿಸಿದರೆ ದೇವರು ಮೆಚ್ಚುವನೆ? ಸತ್ಯ ಎಲ್ಲರೊಳಗೂ ಇದ್ದರೂ ಗುರುತಿಸಿ ಬೆಳೆಸುವ‌ಜ್ಞಾನದ ಶಿಕ್ಷಣವೇ ಕೊಡದಿದ್ದರೆ ಅಜ್ಞಾನ.

ಆಧ್ಯಾತ್ಮಿಕ ಚರ್ಚೆ ಭೌತಿಕ ವಾದ ಎರಡೂ ಒಂದೇ?

ಹಿಂದಿನ ಕಾಲದಲ್ಲಿ ಆಧ್ಯಾತ್ಮಿಕ ಚರ್ಚೆ ವಾದಗಳು  ಜ್ಞಾನಿಗಳ ನಡುವೆ ನೇರವಾಗಿ ನಡೆಯುತ್ತಿತ್ತು. ಇಂದು ಇದಕ್ಕೆ ಅವಕಾಶ ಕೇವಲ ಹೆಚ್ಚುಹಣ ಹೆಚ್ಚು ಓದಿದವರಿಗೆ ಹಾಗು ಅಧಿಕಾರ ಇದ್ದವರಿಗಷ್ಡೆ ಅವಕಾಶವಿರುವ‌ಕಾರಣ ಎಷ್ಟೋ ಸತ್ಯಗಳು ಸತ್ತು ಹೋಗುತ್ತಿದೆ. ಸತ್ಯ ಸಾಯೋದಿಲ್ಲವೆನ್ನುವುದೂ ಸತ್ಯ.

ಯಾವಾಗ ಅಸತ್ಯ ಮುಂದೆ ನೆಡೆಯುವುದೋ ಸತ್ಯ ಹಿಂದುಳಿಯುವುದು. ಹಿಂದುಳಿಯುವುದು ಎಂದರೆ ಒಳಗೇ ಇರುವುದೆಂದು. ಒಳಗೇ ಸತ್ಯ ಹಿಡಿದಿಟ್ಟುಕೊಂಡರೂ ಒಮ್ಮೆ ಸಾವು ಬಂದಾಗ  ಹೊರಬರಲೇಬೇಕಷ್ಟೆ.ಅದಕ್ಕೆ ಹೇಳೋದು ನಾನಿರುವಾಗ ದೇವರು ಕಾಣಲ್ಲವೆಂದು.ಸತ್ಯವೇ ದೇವರು. ಎಷ್ಟೋ ಮಹಾತ್ಮರುಗಳು ಭೂಮಿಯಲ್ಲಿದ್ದರೂ  ಸತ್ಯ ಕಾಣದು. ಸತ್ಯವೆನ್ನುವುದು ಒಂದೇ ಇರೋದರಿಂದ ಅದನ್ನು ಒಂದು  ಮಾಡೋದರ ಅಗತ್ಯವಿಲ್ಲ.ಎರಡು ಮೂರು.....ಇದ್ದರೆ ಜೋಡಿಸುವ‌ಕೆಲಸವಾಗುತ್ತದೆ.ಆದರೆ ಅದು ಒಂದೇ ಸತ್ಯದ ಕವಲುಗಳಷ್ಟೆ ಎನ್ನುವುದೆ ಸತ್ಯ.

ಒಂದು ತಾಯಿಗೆ ಅನೇಕ ಮಕ್ಕಳು ಇದ್ದರೂ ತಾಯಿ ಒಬ್ಬಳೆ ಹಾಗೆ ತಂದೆಯೂ ಒಬ್ಬನೆ. ಇವರಿಬ್ಬರೂ ದೇವಸ್ವರೂಪರು ಎಂದರೆ ಸತ್ಯ. ಇದನ್ನು  ಯಾರಾದರೂ ಅಸತ್ಯ ಎಂದರೆ ನಂಬುವ ಜನರಿದ್ದಾರೆ.ಕಾರಣ ಪರಮಾತ್ಮನು ಒಬ್ಬನೆ ಎನ್ನುವ ಮಹಾಸತ್ಯದ ಮುಂದೆ ಇದು‌ನಗಣ್ಯ. ಆದರೆ ಭೂಮಿಯಲ್ಲಿ ನಾನಿದ್ದೇನೆಂದರೆ ಇದರ‌ಮೂಲ ತಂದೆತಾಯಿಯಲ್ಲವೆ?

ಯಾರೋ ಪ್ರವಚನ ಮಾಡುವಾಗ ಕೇಳಿದ ಮಾತಿದು.ಪರಮಾತ್ಮ ನೊಬ್ಬನೆ ಸತ್ಯವೆಂದು ಆ ಪರಮಾತ್ಮನ ತಿಳಿಯಲು  ಜೀವಾತ್ಮರು  ಇಲ್ಲವೆ? ಲೋಕ ನಡೆದಿರೋದು ಜೀವಾತ್ಮರಿಂದಲೇ ಎನ್ನುವ ಸತ್ಯ ಕಣ್ಣಿಗೆ ಕಾಣುತ್ತದೆ. ಆದರೆ ಇದು ಅಸತ್ಯವೆಂದರೆ ನಾನಿಲ್ಲವೆ? ನಾನಿದ್ದರೆ‌ ನಾನ್ಯಾರು?

ಜಗತ್ ಮಿಥ್ಯ ಎಂದಿದ್ದಕ್ಕೆ  ಸಾಕಷ್ಟು ವಾದವಿವಾದಗಳಾಗುತ್ತದೆ. ಹಾಗಾದರೆ ಜಗತ್‌ಮಿಥ್ಯ ಎನ್ನುವ ಸತ್ಯವನ್ನು  ಪರಮಾತ್ಮನೊಬ್ಬನೆ  ಎನ್ನುವ ಅದ್ವೈತ ತಿಳಿಸಿದೆ.

ಏನೇ ಆದರೂ ಈ ವಾದ ವಿವಾದಗಳಿಗೆ‌ಮನುಕುಲಕ್ಕೆ ಆಸರೆ ಆಗಿರುವ ಭೂ ಲೋಕದಲ್ಲಿ ಚರ್ಚೆ ವಾದ ವಿವಾದವಿಲ್ಲದೆ‌ನಡೆದಿಲ್ಲ,ನಡೆಯೋದಿಲ್ಲ,ನಡೆಯಲಾಗದು.

ನಿರಂತರವಾಗಿ ಚಲನೆಯಲ್ಲಿರುವ ಸತ್ಯಾಸತ್ಯತೆಯನ್ನು ‌ಕೇವಲ ಕಣ್ಣಿನಿಂದ ಅಳೆಯಲಾಗದು .ಕಾಲಮಾನಕ್ಕೆ ತಕ್ಕಂತೆ ಬದಲಾವಣೆ ಆಗುವ ಪ್ರತಿಯೊಂದು  ಪೂರ್ಣ ಸತ್ಯವಿರದು. ಹಾಗಾಗಿ ಒಂದೇ ಸತ್ಯದೆಡೆಗೆ ಒಳಹೊಕ್ಕಿದವರಿಗೆ ಪರಮಾತ್ಮ ನ ದರ್ಶನ ವಾಗಿದೆ.  

ದೇವನೊಬ್ಬನೆ ನಾಮ‌ಹಲವು, ದೇಶ ಒಂದೇ ರಾಜ್ಯ ಹಲವು ಈ ಹಲವುಗಳ ನಡುವಿರುವ ಭಿನ್ನಾಭಿಪ್ರಾಯ ದಿಂದ ಸತ್ಯ‌ ಮರೆಯಾಗಿದೆ  ಸತ್ತಿಲ್ಲ.

ಅಧ್ಯಾತ್ಮ ಆಂತರಿಕ ಶಕ್ತಿಯಾಗಿದೆ.

ಯಾವಾಗ ನನ್ನೊಳಗೇ ಅಧ್ಯಾತ್ಮಿಕ ವಿಚಾರಗಳು ಬರತೊಡಗಿತೋ ಆಗಲೇ ಗೊತ್ತಾಗಿದ್ದು ಸತ್ಯ ಬನ ಒಳಗೇ ಇದೆ ಹೊರಗಿಲ್ಲವೆಂದು. ಇದನ್ನು ಹೊರಹಾಕಲು ಪ್ರಾರಂಭಿಸಿ್ ‌ಮೇಲೇ ತಿಳಿದದ್ದು ಶತ್ರು ಒಳಗಿಲ್ಲ ಹೊರಗೇ ಇರೋದೆಂದು. ಹಾಗಂತ ನಮ್ಮ ಶತ್ರುವಾಗಿರುವ ಅಹಂಕಾರ ಸ್ವಾರ್ಥ ಬೆಳೆಸಿಕೊಂಡರೆ  ಹೊರಗೆ ಗೆಲ್ಲಬಹುದು ಒಳಗೆ ಸೋಲುವುದು ಖಚಿತವಾದ್ದರಿಂದ ಒಳಗಿದ್ದೇ ಹೊರಗಿನ ಸತ್ಯಾಸತ್ಯತೆಯನ್ನು  ತಿಳಿದು ನಡೆಯುವುದೇ ಉತ್ತಮ ಎನ್ನುವ  ಹಂತಕ್ಕೆ  ಬಂದಾಗ ಯಾವುದೇ ಸಹಕಾರ ಸಹಾಯ ಆಶೀರ್ವಾದ ಇಲ್ಲದೆ ಒಬ್ಬಂಟಿ ಆದರೂ  ಪರಮಶಕ್ತಿಯ ಪ್ರೇರಣೆಯಿಂದ  ದೂರವಿರುವುದಿಲ್ಲ. ಇದನ್ನು ಅದ್ವೈತ ಎನ್ನಬೇಕೋ ದ್ವೈತ ವೋ ವಿಶಿಷ್ಟಾದ್ವೈತ ವೋ ಒಟ್ಟಿನಲ್ಲಿ ನಮ್ಮಿಂದ  ಆಗಬೇಕಾದ ಕೆಲಸ ಕಾರ್ಯ  ನಡೆಯುತ್ತಲೇ ಇರುತ್ತದೆ.ಅದರಲ್ಲಿ ನಾನು ಬೆಳೆದರೆ  ಜನಬಲ ಹಣಬಲ ಅಧಿಕಾರಬಲವೂ ಸೇರಿ   ಆತ್ಮನಿರ್ಭರ ಭಾರತವಾಗಲೂಬಹುದು. ದುರ್ಭಲವೂ ಆಗಬಹುದು.

ಎಷ್ಟೇ  ಸತ್ಯ  ತಡೆದರೂ  ಒಂದಲ್ಲ ಒಂದು ರೀತಿಯಲ್ಲಿ ಹೊರಬರೋದು ಸತ್ಯ ವೇ ಎನ್ನುವಂತೆ  ಕಣ್ಣಿಗೆ ಕಾಣುತ್ತಿರುವ ಶಿಕ್ಷಣದ ಭ್ರಷ್ಟಾಚಾರ ಮಾತ್ರ ಜನಸಾಮಾನ್ಯರ ಅರಿವಿಗೆ ಬರದಂತೆ ತಡೆಯುತ್ತಿರುವ  ತಂತ್ರಜ್ಞಾನದಿಂದ  ಮಕ್ಕಳ ಭವಿಷ್ಯವನ್ನು ತಡೆಯಲಾಗದು. ಅತಿಯಾದರೆ ಗತಿಗೇಡು.

ತತ್ವ ಬಿಟ್ಟು ತಂತ್ರದ ದುರ್ಭಳಕೆ ಆದಷ್ಟೂ ಅತಂತ್ರ ಜೀವನ.

ಹಿಂದೆ ಯಾವುದೇ ತಂತ್ರಜ್ಞಾನವಿಲ್ಲದೆ ಸ್ವತಂತ್ರ ಜ್ಞಾನದಿಂದ ಜೀವನ‌ನಡೆಸಿದ್ದರು. ಈಗ ಮೊದಲೇ ತಂತ್ರಕ್ಕೆ ಸಿಲುಕಿ ಅತಂತ್ರಸ್ಥಿತಿಗೆ ಜೀವನ ತಲುಪಿದರೆ  ಇದಕ್ಕೆ ಕಾರಣ ಶಿಕ್ಷಣವೆ ಆಗಿರುತ್ತದೆ.

ಶಿಕ್ಷಣದ ವಿಷಯಕ್ಕೆ ಬಂದಾಗ  ಸಾಕಷ್ಟು ಬದಲಾವಣೆ ಆಗಬೇಕಿದೆ. ಆದರೂ  ಬದಲಾವಣೆಗೆ ಪೋಷಕರ ಸಹಕಾರ ಗುರುಹಿರಿಯರ ಸಹಕಾರ ವಿಲ್ಲವಾದರೆ ಏನೂ ಮಾಡಲು ಕಷ್ಟ. ಪತ್ರಿಕೆ ನಡೆಸುವಾಗ ತಡೆಯಲು ಅಸಹಕಾರ ತೋರಿಸಿದವರು  ಈಗ ಅದೇ ವಿಚಾರದಲ್ಲಿ ಚರ್ಚೆ ನಡೆಸುವರು.ಅಂದರೆ  ಪೋಷಕರ ಸಮಸ್ಯೆ ಪೋಷಕರಾಗಿಯೇ ಅರ್ಥ ಮಾಡಿಕೊಳ್ಳಲು ಸಾಧ್ಯ. ಮೇಲಾಧಿಕಾರಿಗಳಾಗಿ ನಿಂತು ಮಕ್ಕಳು ಪೋಷಕರು ಸರಿಯಿಲ್ಲವೆನ್ನುವ ಬದಲು ಕೆಳಗಿಳಿದು ವಾಸ್ತವತೆಯನ್ನು ಅರ್ಥ ಮಾಡಿಕೊಂಡರೆ ಭೂಮಿಯಲ್ಲಿ ಹೇಗೆ ಬದುಕಬಹುದೆನ್ನುವುದರ ಅರಿವಿರುತ್ತದೆ. ಒಟ್ಟಿನಲ್ಲಿ ಮೇಲೇರಿದವರಿಗೆ ಕೆಳಗಿನವರ ಸಹಕಾರ ಸಹಾಯ ಹೆಚ್ಚು.ಅದೇ ಕೆಳಗಿದ್ದವರಿಗೆ ಮೇಲಿನವರ ಸಹಾಯವಿದ್ದರೆ ಎರಡೂ ಕಡೆ ಸಮಾನತೆಯ ಶಾಂತಿ.ಶಾಂತಿ ಒಳಗಿದ್ದೇ ಪಡೆಯಲು  ಹೊರಗಿನವರ ಸಹಕಾರದ ಅಗತ್ಯವಿಲ್ಲ. ಆದರೆ ಭೌತಿಕದಲ್ಲಿರುವಾಗ  ಬದಲಾವಣೆಗೆ  ಅಗತ್ಯವಿದೆ. ತಿಳಿದವರಿಗೆ ಹೇಳೋ ಅಧಿಕಾರವಿಲ್ಲ.ಹೇಳೋರಿಗೆ ಸತ್ಯದ ಅರಿವಿಲ್ಲವಾದರೆ‌ಮಧ್ಯದಲ್ಲಿರುವ ಮಕ್ಕಳ ಭವಿಷ್ಯ ಅತಂತ್ರ.

ಗೃಹಿಣಿ ಮನೆಯೊಳಗೆ ಇದ್ದು ಸಂಸಾರ ನೋಡಿಕೊಂಡರೆ ಗೌರವವಿಲ್ಲ. ಅದೇ ಹೊರಗೆ ಹೋಗಿ ದುಡಿದು ಬಂದರೆ ಮಕ್ಕಳನ್ನು ಗಮನಿಸುವ ಸಮಯವಿರದು. ಹಾಗೆ ಯಾರಲ್ಲಿ ಏನಿದೆಯೋ ಅದೇ ಬೆಳೆಯೋದು.ನಾವಲ್ಲ.

ಸಂಸ್ಕಾರದ ಶಿಕ್ಷಣದಿಂದ ಮಹಾತ್ಮರಾಗಬಹುದು

ಸಾಮಾನ್ಯವಾಗಿ ನಾವು ಕಾಣುವ ಸತ್ಯದಲ್ಲಿ ಯಾರ ಮಕ್ಕಳು ಸಣ್ಣವರಿರುವಾಗಲೇ ಸಂಸ್ಕಾರಯುತ ಶಾಸ್ತ್ರೀಯ ವಿದ್ಯೆ ಕಲಿತಿರುವರೋ ಅವರು ನಿರಹಂಕಾರದಿಂದ  ವಿದ್ಯಾ ದಾನದ ಮಹತ್ವವರಿತು ಸಜ್ಜನರಾಗಿರುವರು. ಆದರೆ ಯಾವ ಮಕ್ಕಳು ಪೋಷಕರ ಹೆಸರು ಹಣ ಅಧಿಕಾರ ಸ್ಥಾನಮಾನದಿಂದ ಒಮ್ಮೆಲೆ ‌ಮೇಲೇರಿರುವರೋ ಅವರಿಗೆ ಅಹಂಕಾರ ಸ್ವಾರ್ಥ ಹೆಚ್ಚಾಗಿ ಜನರನ್ನು ತನ್ನ ವಶದಲ್ಲಿಟ್ಟುಕೊಳ್ಳುವ ಕೊಳ್ಳುಬಾಕ ಸಂಸ್ಕೃತಿಗೇ ಹೆಚ್ಚಿನ ಮಹತ್ವ ಕೊಟ್ಟಿರುವರು.

ಅದಕ್ಕೆ ಮಕ್ಕಳಿಗೆ ಸಂಸ್ಕಾರಯುತ ವಿದ್ಯೆ‌ನಿಧಾನವಾದರೂ ಸರಿ ಮನೆಯೊಳಗಿನಿಂದ ಯಾವುದೇ ಒತ್ತಡವಿಲ್ಲದೆ ಕಲಿಸಿದರೆ ಉತ್ತಮ ಭವಿಷ್ಯವಿದೆ.

ಆದರಿದು‌ಎಲ್ಲರಿಗೂ ಕಷ್ಟ.ವ್ಯವಹಾರದ ಜಗತ್ತಿನಲ್ಲಿ  ಹೆಚ್ಚು ಹೆಸರು ಮಾಡಿದವರಿಗೆ ಸಮಯವಿರದು. ಹೆಚ್ಚು ಸಮಯವಿದ್ದವರ ವಿದ್ಯೆಗೆ ಬೆಲೆಕೊಡೋರು ವಿರಳ.

ಕೆಲವು ಪೋಷಕರು  ವಿದ್ಯೆ ಕಲಿಸೋ‌ ಮೊದಲೇ ಕೇಳುವರು ನಮ್ಮ ಮಗುವಿಗೆ ಯಾವಾಗ  ಸ್ಟೇಜ್ ಕಾರ್ಯಕ್ರಮ ಕೊಡಿಸುವಿರಿ?.  ಕೆಲವರು  ಹಾಗಿಲ್ಲ.ಅಂದರೆ ವಿದ್ಯೆ ತೋರುಗಾಣಿಕೆಯಾದಷ್ಟೂ  ಜ್ಞಾನ ಕುಸಿಯುತ್ತದೆ ಜೊತೆಗೆ  ಅಹಂಕಾರ ಸ್ವಾರ್ಥ ‌ಬೆಳೆಯುತ್ತದೆ.

ಹಿಂದೆ ಎಷ್ಟೋ ಮಹಾರಾಜರುಗಳು  ಅತ್ಯುತ್ತಮ ಕಲಾವಿದರನ್ನು ಗೌರವಿಸಲು ಇದ್ದಲ್ಲಿಯೇ ಹೋಗಿ ಕಲೋಪಾಸಕರಾಗಿದ್ದರು.ಕಾರಣ ಕಲಾಸೇವೆ ಪರಮಾತ್ಮನಿಗೆ ಮೀಸಲಿಟ್ಟ ಮಹಾತ್ಮರುಗಳಿಗೆ ಹೆಸರು ಹಣ ಪ್ರತಿಷ್ಟೆ ಪದಕ ಸನ್ಮಾನದ ಹಂಗಿರಲಿಲ್ಲ. 

 ಈಗ ಕಾಲಬದಲಾಗಿದೆ. ಮಕ್ಕಳಿಗೆ ಆತ್ಮವಿಶ್ವಾಸ  ಹೆಚ್ಚಿಸುವ ಶಿಕ್ಷಣವಿರಲಿ ಅಹಂಕಾರ ದ ಶಿಕ್ಷಣದ ಅಗತ್ಯವಿಲ್ಲ..

ಸ್ಪರ್ಧೆ ನಡೆಸೋದಾದರೆ  ಅಧ್ಯಾತ್ಮ ದಲ್ಲಿ ರಲಿ. ನಾನು ಸತ್ಯ ಬಿಡೋದಿಲ್ಲ ಧರ್ಮ ಬಿಡೋದಿಲ್ಲ  ನ್ಯಾಯದಲ್ಲಿರುವೆ ಭ್ರಷ್ಟರಿಂದ ದೂರವಿರುವೆ, ರಾಜಕೀಯದಿಂದ ದೂರವಿರುವೆ..ಕಲಬೇಡ ಕೊಲಬೇಡ.......ಅಂತರಂಗ ಶುದ್ದಿಯ ನಂತರವೇ ಆತ್ಮಜ್ಞಾನದ ಆತ್ಮವಿಶ್ವಾಸ,.. ಅಲ್ಲಿಯವರೆಗೂ ಕೇವಲ ಶ್ವಾಸವಿರುತ್ತದೆನ್ನುವರು. ಶ್ವಾಸವನ್ನು ವಿಶೇಷವಾಗಿ ಹಿಡಿದುಕೊಂಡು  ನಡೆಯೋ ಮಾರ್ಗ ವೇ ಯೋಗ ಮಾರ್ಗ ವಾಗಿತ್ತು.ಈಗಂತೂ ಮಕ್ಕಳಿಗೆ ಉಸಿರಾಡೋದಕ್ಕೆ ಸಮಯವಿಲ್ಲ.ಅಷ್ಟು ಕಲಿಕೆ.ಆದರೆ ಕಲಿತಿರುವ ವಿಷಯದಲ್ಲಿ ಸಂಸ್ಕಾರವಿದೆಯೆ ಸಂಸ್ಕೃತಿಯಿದೆಯೆ ಗುರುತಿಸುವುದು ಗುರುಗಳ ಧರ್ಮವಾಗಿದೆ. ಮೊದಲ ಗುರು ತಾಯಿಂದ ಹಿಡಿದು ಹೊರಗಿರುವ ಎಲ್ಲರಿಗೂ ಒಂದೇ  ಜ್ಞಾನವಿರೋದಿಲ್ಲವಲ್ಲ.ಅದಕ್ಕೆ ಹೊರಗಿನ ವಿದ್ಯೆಗೂ ಒಳಗಿನ ಜ್ಞಾನಕ್ಕೂ  ಅಂತರ ಬೆಳೆದು ಅವಿದ್ಯೆ ಹೆಚ್ಚಾಗಿ ಅಹಂಕಾರ ಬೆಳೆದಿದೆ.

ಯೋಗದಿಂದ ಮಾಡಿದ ಕರ್ಮ ದಿಂದ ಮುಕ್ತಿ ಮೋಕ್ಷ

ನಾವು ಏನೇ ಸತ್ಯಾಸತ್ಯತೆಯನ್ನು ಪ್ರಚಾರ ಮಾಡಿ ಹೆಸರು,ಹಣ,ಅಧಿಕಾರ ಪಡೆದರೂ  ಅದೊಂದು ರಾಜಕೀಯವಾಗಿ  ಧಾರ್ಮಿಕ ಪ್ರಜ್ಞೆ ಹಿಂದುಳಿಯುತ್ತದೆ. ಭಗವದ್ಗೀತೆ ಯಲ್ಲಿ ಶ್ರೀ ಕೃಷ್ಣ ಪರಮಾತ್ಮ ಇದನ್ನು ತಿಳಿಸಿದ್ದಾನೆ. ಪ್ರತಿಫಲಾಪೇಕ್ಷೆ ಇಲ್ಲದ ನಿಸ್ವಾರ್ಥ ನಿರಹಂಕಾರದ ಕರ್ಮದಿಂದ ಮಾತ್ರ ಧರ್ಮ  ರಕ್ಷಣೆ. ಭಾರತದಲ್ಲಿ  ಇದನ್ನು ಗಮನಿಸದೆ ರಾಜಾರೋಷವಾಗಿ ಪ್ರಚಾರ ನಡೆಯುತ್ತಿದೆ. ಆತ್ಮಾವಲೋಕನ ಅಗತ್ಯವಾಗಿದೆ. ಯಾವುದೇ ಸರ್ಕಾರ ಬಂದರೂ ಜನರಲ್ಲಿ  ಸತ್ಯದ ಅರಿವಿಲ್ಲವಾದರೆ ವ್ಯರ್ಥ. ಹಿಂದಿನ ಸರ್ಕಾರ ಕ್ಕೆ ಬೆಂಬಲ ನೀಡಿದವರೆ ಇಂದಿನ ಸರ್ಕಾರದ ಪರವಿರೋದು.ಇಂದಿನ ಸರ್ಕಾರದ ವಿರೋಧಿಗಳೂ ಮುಂದೆ ತಿರುಗಿ ನಿಲ್ಲುವುದು.ಕಾರಣ ಸರ್ಕಾರ ಕೊಡುವ ಹಣ,ಸಾಲ,

ಸೌಲಭ್ಯಗಳ ಆಧಾರದ ಮೇಲೆ ಪ್ರಜೆಗಳ ಸಹಕಾರವಿದೆ.

ಸಮಾ'ವೇಷ ' ಮಾಡಿದರೆ ಮರುಳಾಗುವ ಅಜ್ಞಾನಿಗಳಿಗೆ ಜ್ಞಾನವೇ  ಇಲ್ಲದೆ  ಮುಕ್ತಿ ಸಿಗುವುದೆ?  ಹಾಗಾದರೆ ಆ ಸಾಲ,ಸೌಲಭ್ಯಗಳನ್ನು ಪಡೆದವರ  ಧಾರ್ಮಿಕ ಜ್ಞಾನ ಬೆಳೆದಿದೆಯೆ? ಆತ್ಮಜ್ಞಾನದ ಶಿಕ್ಷಣವನ್ನೇ ಕೊಡದೆ ಆಳಿದ ಸರ್ಕಾರದಿಂದ ದೇಶದ ಸಾಲದ ಜೊತೆಗೆ  ಜ್ಞಾನದ ಬಡತನವೇ  ಹೆಚ್ಚಾಗುತ್ತಿದ್ದರೆ  ಇದರಿಂದಾಗಿ  ಯಾರಿಗೆ ಮುಕ್ತಿ ಸಿಗುವುದು?ಹಿಂದಿನ ಭಾರತೀಯ ಶಿಕ್ಷಣದ ವಿಷಯಗಳಿಂದ ಅಮೃತಪುತ್ರರು  ಹೆಚ್ಚಾಗಿ ಮಹಾತ್ಮರ ದೇಶ ಯೋಗಿಗಳ ದೇಶ ವಾಗಿತ್ತು. ಈಗಿನ ಶಿಕ್ಷಣದ ವಿಷಯದಲ್ಲಿಯೇ ವಿಷ ಇರುವ ರಾಜಕೀಯದಿಂದ  ಆಂತರಿಕ ಶಕ್ತಿ  ಕುಗ್ಗಿ ಪರಾವಲಂಬಿಗಳು  ಪರಮಾತ್ಮನ ಮರೆತು ಪರಕೀಯರ ವಶದಲ್ಲಿದ್ದೂ ನಾನೇ  ರಾಜ ಎಂದರೆ ಸತ್ಯವೆ? ಇದನ್ನು ಸಾಮಾನ್ಯಜ್ಞಾನವುಳ್ಳವರು ಅರ್ಥ ಮಾಡಿಕೊಂಡರೆ  ನಮ್ಮ ಹತ್ತಿರವಿರುವ ಒಳಗಿನ ಸತ್ಯದಿಂದ ಹಿಂದಿರುಗಬಹುದು. ಯಾರ ಜೀವವೂ ಶಾಶ್ವತವಲ್ಲ.ಯಾರ ಅಧಿಕಾರವೂ ಶಾಶ್ವತವಲ್ಲ.ನಮ್ಮ ನಮ್ಮ ಆತ್ಮ ಶಾಶ್ವತ.

ದೇಶದ ಪ್ರಜೆಗಳು ಆತ್ಮಾವಲೋಕನ ಮಾಡಿಕೊಳ್ಳಲು ರಾಜಕೀಯ ಬಿಡದೆ ಅಸಾಧ್ಯ. ಇದನ್ನು ಸ್ವಾಮಿ ವಿವೇಕಾನಂದರು  ಅಧ್ಯಾತ್ಮ ಶಿಕ್ಷಣದ ಮೂಲಕ ದೇಶ ಕಟ್ಟುವ  ರಾಜಯೋಗದಲ್ಲಿ  ತಿಳಿಸಿದ್ದರು.ಆದರೆ ಅವರ ಹೆಸರಲ್ಲಿ ರಾಜಕೀಯ ಬೆಳೆದು ಅಮೇರಿಕಾದಂತಹ ಮಹಾದೇಶ ಅವರ ವಿಚಾರವನ್ನು ಅರ್ಥ ಮಾಡಿಕೊಳ್ಳಲು ಪ್ರಯತ್ನಪಟ್ಟಿದೆ ಭಾರತವೇ ಹಿಂದುಳಿದು ಅಮೇರಿಕಾವನ್ನು ಬೆಳೆಸಲು ಹೊರಟಿದೆ ಎಂದರೆ ನಮ್ಮವರೆ ನಮಗೆ ಶತ್ರುಗಳೆ?

ಕಲ್ಲು ಮೂರ್ತಿಯಾದರೆ ದೇವರು ಮೆಟ್ಟಿಲಾದರೆ ?

ಒಂದು ಕಲ್ಲು ಮೆಟ್ಟಿಲಾಗುವುದು ಸಹಜ ಆದರೆ  ಮೂರ್ತಿಯಾಗೋದು ಕಷ್ಟ. ಮೂರ್ತಿ ದೇವರಾಗಲೂಬಹುದು  ಆದರೆ ಮೆಟ್ಟಿಲು ಹತ್ತದೆ ಮೇಲಿರುವ  ಮೂರ್ತಿಯನ್ನು ನೋಡುವುದು ಕಷ್ಟ.

ಇಲ್ಲಿ ಮೂರ್ತಿ  ಮಾಡೋರಿಗೆ  ಹಣ ಗೌರವ  ಹೆಚ್ಚಾಗಿ ಸಿಗುತ್ತದೆ ಆದರೆ‌ಮೆಟ್ಟಿಲು ಮಾಡಿದವರು ಲೆಕ್ಕಕ್ಕಿಲ್ಲ. 

ಆದರೆ  ಇಂದು ಪರಮಾತ್ಮನಿರೋದು‌ಮೆಟ್ಟಿಲುಗಳ ಮೇಲೇ ಮೇಲಿನ ಮೂರ್ತಿಯಲ್ಲಿ  ಇದ್ದಾನೋ ಇಲ್ಲವೋ  ಎನ್ನುವುದೇ ಸಂಶಯ.ಕಾರಣ ಮೂರ್ತಿ ನೋಡಲು ಸರದಿ ಸಾಲಿನಲ್ಲಿ ಮೆಟ್ಟಿಲುಗಳಲ್ಲಿ ಸಾಕಷ್ಟು ಭಕ್ತರಿರುವರು. ಅದೇ ಮೂರ್ತಿ ನೋಡಲು ಹಣವಂತರುಪ್ರತಿಷ್ಟಿತರು ಬೇರೆ ಮಾರ್ಗದಲ್ಲಿ ಮೇಲಕ್ಕೆ ಹೋದಾಗ ಮೆಟ್ಟಿಲಲ್ಲಿ ನಿಂತಿರುವ ಎಲ್ಲಾ ದೈವಭಕ್ತರ ದರ್ಶನವೇ ಆಗದು.

 ಹೀಗೇ ನಾವು ಹಣವನ್ನು ಸಂಪಾದನೆ ಮಾಡುವಾಗಲೂ ಸ್ವಧರ್ಮ ಸತ್ಕರ್ಮ, ಸ್ವಾಭಿಮಾನ ಸ್ವಾವಲಂಬನೆ ಯ ಕಡೆಗೆ ಗಮನಹರಿಸಿದರೆ ಒಂದೊಂದು ಮೆಟ್ಟಿಲು ಹತ್ತಿ ಹೋಗೋದು  ಕಷ್ಟವೆನಿಸಿದರೂ ಗುರಿ ತಲುಪಬಹುದು. ಆದರೆ ಅವಸರದಲ್ಲಿ  ಅಡ್ಡದಾರಿಹಿಡಿದಷ್ಟೂ ಕೆಳಗಿಳಿಯೋದು ಸತ್ಯ.

ಎಷ್ಟು ಹಣ ಗಳಿಸಿದರೂ  ಅದರ ಹಿಂದೆ  ಯಾರಿದ್ದರು? ಯಾವ ಧರ್ಮ ವಿದೆ ಯಾವ ಸತ್ಯವಿದೆ ಎನ್ನುವ ಜ್ಞಾನ ಅಗತ್ಯವಿದೆ.

ಬಿಕ್ಷುಗಳಿಗೂ ಬಿಕ್ಷುಕರಿಗೂ ವ್ಯತ್ಯಾಸವಿದೆ. ಬಿಕ್ಷುಗಳಲ್ಲಿ  ಜ್ಞಾನದ ಹಸಿವಿದ್ದು ನಿಧಾನವಾಗಿ ದೈವತ್ವದೆಡೆಗೆ ಜೀವನ ನಡೆಸುವರು.ಆದರೆ ಬಿಕ್ಷುಕರ ಹೊಟ್ಟೆಯ ಹಸಿವಿನಲ್ಲಿ ಅನ್ನ ಸಿಕ್ಕರೆ  ಅದೇ ಸ್ವರ್ಗ ಅದೇ ದೇವರು. ಮೆಟ್ಟಿಲಕೆಳಗೇ ಇರುವರು.ಆದರೂ  ಇಬ್ಬರಲ್ಲೂ ಅಹಂಕಾರ ವಿರದು .

ಹೊಟ್ಟೆ ತುಂಬಿದ್ದರೂ ಹಸಿದವರ ಪಾಲನ್ನೂ ಕಸಿಯುವ ಭ್ರಷ್ಟರಿಗೆ  ಮೂರ್ತಿ ಮಾತ್ರ ಕಾಣೋದು ಅದರೊಳಗೆ ಅಡಗಿರುವ ದೈವಶಕ್ತಿ ಕಾಣೋದಿಲ್ಲ.ಹೀಗಾಗಿ  ಅಡ್ಡದಾರಿ ಹಿಡಿದು ಮೇಲಕ್ಕೆ ಹೋಗೋರು  ಹೆಚ್ಚಾಗಿ ದೇವರನ್ನು ಬೇಡೋದು ಅಧಿಕಾರ ಹಣವನ್ನೇ. ಇದರಿಂದಾಗಿ ಅಜ್ಞಾನ ಬೆಳೆದು ಅಹಂಕಾರ ಸ್ವಾರ್ಥ ಆವರಿಸಿ  ಅಸುರಶಕ್ತಿಯ. ವಶವಾಗಿರುವುದು ಜೀವಾತ್ಮ.

ಇವರಿಗೆ ಸಹಕಾರ ಕೊಟ್ಟವರು  ಅಸುರರ ಗುಲಾಮರು.

ಭೂಮಿಯಲ್ಲಿರುವ ಮೂರೂ ಶಕ್ತಿಯಲ್ಲಿ ಮಾನವ ಶಕ್ತಿ ಮಧ್ಯವರ್ತಿ. ದೇವರಾಗಲಿ ಅಸುರರಾಗಲಿ ಕಲ್ಲಿನಲ್ಲಿ  ಕಾಣುವ  ಬುದ್ದಿ  ಬೆಳೆದು  ಒಳಗಿದ್ದ  ಸತ್ಯ ಧರ್ಮ ಅರಿಯದೆ ಇದ್ದರೆ  ಮೆಟ್ಟಿಲಿನ ಮಹತ್ವವರಿಯದೆ  ಹೋಗುವುದು ಜೀವ.

ಹಿಂದೂಗಳು ಹಿಂದುಳಿದವರೆ?

ಯಾಕಿಷ್ಟು ಹಿಂದೂಗಳು ಹಿಂದುಳಿದರೆನ್ನುವ ಪ್ರಶ್ನೆಗೆ ಉತ್ತರ ಒಗ್ಗಟ್ಟಿನ‌ಕೊರತೆ, ಮನೆಯೊಳಗಿನ ರಾಜಕೀಯ ಬುದ್ದಿವಂತಿಕೆ, ಹೊರಗಿನವರೊಂದಿಗೆ ವ್ಯವಹಾರ, ನಮ್ಮವರೆ  ನಮಗೆ ಶತ್ರುವಾಗಿ  ವಿರೋಧಿಯಾಗಿ ಆಳಲು ಹೊರಟಿರೋದು, ಅತಿಯಾದ ಭೌತಿಕ ಆಸ್ತಿ ಸಂಪಾದನೆಗಾಗಿ ಅಧ್ಯಾತ್ಮ ದಿಂದ ದೂರವಾಗಿರೋದು,‌ಪರರನ್ನು ದ್ವೇಷ ಮಾಡಿ  ಅವರ ವ್ಯವಹಾರ ಬಿಡದಿರೋದು, ಅಸತ್ಯ ಅನ್ಯಾಯ  ಅಧರ್ಮ ವನ್ನು ಹಣದಿಂದ ಅಳೆದಿರೋದು, ಲಿಂಗತಾರತಮ್ಯದಿಂದಾದ ಜೀವಹತ್ಯೆ, ಅಂತರಗಳಿಂದ ಸೃಷ್ಟಿ ಆಗಿರುವ ಅರ್ಧ ಸತ್ಯದ ಮಧ್ಯವರ್ತಿಗಳಿಗೆ ಕೊಟ್ಟಿರುವ ಸ್ಥಾನಮಾನ , ಇವೆಲ್ಲದರ ಮೂಲವೇ ನಮ್ಮದಲ್ಲದ ಶಿಕ್ಷಣ ಪದ್ದತಿಯನ್ನು  ಪ್ರೀತಿಯಿಂದ ಸ್ವೀಕರಿಸಿ ನಮ್ಮ ಶಿಕ್ಷಣವನ್ನು ವಿರೋಧಿಸಿ ಹೊರಗೆ ನಡೆದಿರೋದಾಗಿದೆ. ಒಟ್ಟಿನಲ್ಲಿ ಪ್ರತಿಯೊಂದು ಸಮಸ್ಯೆಯ ಮೂಲವೇ  ಅಜ್ಞಾನ. ಅಜ್ಞಾನಕ್ಕೆ ಕಾರಣವೇ ಶಿಕ್ಷಣ ಶಿಕ್ಷಣವನ್ನು ಕೊಡಬೇಕಾದವರೆ ಅವಿದ್ಯೆ ಗೆ ಶರಣಾಗಿ ದಾಸರಾಗಿದ್ದರೆ ಬೇಲಿಯೇ ಎದ್ದು ಹೊಲಮೇಯ್ದರೆ ಕಾಯೋರಿಲ್ಲ.

ಹಿಂದಿನ ಯುಗಗಳಿಂದಲೂ ಈ ತಾರತಮ್ಯವಿತ್ತು.ಈಗಲೂ ಇದೆ ಮುಂದೆಯೂ ಇರುತ್ತದೆ.ಕಾರಣ ಅಜ್ಞಾನ ಹೋಗದೆ ಜೀವನ್ಮುಕ್ತಿ ಸಿಗದು.ಜನ್ಮಜನ್ಮಗಳ ಪಾಪ ಪುಣ್ಯದ ಕರ್ಮ ಫಲ ಅನುಭವಿಸಲು ಜನ್ಮ ಪಡರಯಲೇಬೇಕೆನ್ನುತ್ತದೆ ಹಿಂದೂ ಸಮಾಜ. ಇದಕ್ಕೆ ವಿರುದ್ದವಿರುವ ಅನ್ಯಧರ್ಮದ ಪ್ರಕಾರ ಇದ್ದಾಗಲೇ ಸುಖ ಅನುಭವಿಸೋದೆ ಧರ್ಮ ಎನ್ನುತ್ತದೆ.

ಸನಾತನಧರ್ಮದ ಸುಖ ಅಧ್ಯಾತ್ಮ ದೆಡೆಗಿದ್ದರೆ ಅನ್ಯಧರ್ಮದ ಸುಖ ಹೊರಗಿದೆ. ಇವೆರಡರ ಮಧ್ಯೆ ನಿಂತ ಮನುಕುಲವನ್ನು  ಎರಡೂ ಕಡೆಯಿಂದ ಎಳೆದು ಆಳುವ ಅರಸರೆ ಮಧ್ಯವರ್ತಿಗಳು. ತಾವೂ ಅತಂತ್ರ ತಮ್ಮವರೂ ಅತಂತ್ರ.ಹೀಗಾಗಿ ಅತೃಪ್ತ ಆತ್ಮಗಳ ಸಾಮ್ರಾಜ್ಯ ದಲ್ಲಿ ಸ್ವತಂತ್ರ  ಎಲ್ಲಿರುವುದು? ಒಟ್ಟಿನಲ್ಲಿ  ನಾವು ನಾವಾಗಿರೋದೆಂದರೆ ನಮ್ಮ ಒಳಗಿರುವ ಸ್ವತಂತ್ರ ಜ್ಞಾನವನ್ನು ಸದ್ಬಳಕೆ ಮಾಡಿಕೊಂಡು ತಾವೂ ಬದುಕಿ ಇತರರನ್ನು ಬದುಕಲು ಬಿಡೋದಷ್ಟೆ.ಅವರವರ ಕರ್ಮಕ್ಕೆ ತಕ್ಕಂತೆ ಫಲ ಮೇಲಿನ ಶಕ್ತಿ ಕಾಲಕಾಲಕ್ಕೆ ನೀಡುವುದು  ನಿರಂತರವಾಗಿ ನಡೆಯುತ್ತದೆ.

ಯಾರಾದರೂ ಸೃಷ್ಟಿ ಸ್ಥಿತಿ ಲಯವನ್ನು ತಡೆಯಬಹುದೆ?

ಬ್ರಹ್ಮ ವಿಷ್ಣು ,ಮಹೇಶ್ವರರನ್ನು ಕಂಡಿರುವರೆ? ಅವರೊಳಗೇ ಇರೋವಾಗ ಕಾಣಲಸಾಧ್ಯ.ಒಳಹೊಕ್ಕಿ ನೋಡಿದವರಿಗೆ ಅರ್ಥ ವಾಗಿದೆ ಎಂದರೆ ನಿರಾಕಾರ ಬ್ರಹ್ಮನ್ ಸತ್ಯ.ಸಾಕಾರ ಬ್ರಹ್ಮನ್‌ಮಿಥ್ಯ.

ವ್ಯಕ್ತಿ ಮಿಥ್ಯ ವ್ಯಕ್ತಿತ್ವ ಸತ್ಯ. ಹೀಗೇ ಹಿಂದೂಗಳಾದವರು ತಮ್ಮ ಒಳಗೆ ಸತ್ಯ ಹುಡುಕಿಕೊಂಡಿದ್ದರೆ ತತ್ವದ ಮೂಲಕ ಧರ್ಮ ರಕ್ಷಣೆ ಹೊರಗೆಳೆದಷ್ಟೂ ಮಿಥ್ಯವೇ ಆಳೋದು.ಆಳಿದವರು ಅಳುವ ಪರಿಸ್ಥಿತಿ ಬರಬಹುದು. ಇಲ್ಲಿ ಯಾರೂ ಆಳೂ ಇಲ್ಲ ಅರಸರೂ ಇಲ್ಲ.ಎಲ್ಲಾ ಪರಮಾತ್ಮನ ದಾಸರು ಶರಣರಷ್ಟೆ.

ಆದರೆ ನಮ್ಮ ‌ಹಿಂದಿನ ದಾಸ ಶರಣರ ಜ್ಞಾನ ನಮ್ಮಲ್ಲಿಲ್ಲ ಎಂದರೆ ಹಿಂದುಳಿಯಲು ಕಾರಣ ತತ್ವ ಬಿಟ್ಟು ತಂತ್ರ ಹಿಡಿದು ಮುಂದೆ  ಹೊರಗೆ ಬಂದಿರೋದು.ಒಳಗೆ ಸೇರೋವರೆಗೂ ಆತ್ಮಕ್ಕೆ ತೃಪ್ತಿ ಸಿಗದು.ಅದಕ್ಕೆ ಜನಸಂಖ್ಯೆ ಬೆಳೆದರೂ  ಅಧ್ಯಾತ್ಮ ಬೆಳೆದಿಲ್ಲ. ತನ್ನ ತಾನರಿತು ನಡೆಯಲು ಹೊರಗಿನ ರಾಜಕೀಯ ಬಿಡದು. ರಾಜಕೀಯ ವಿರಲಿ ಅದರಲ್ಲಿ ಧರ್ಮ ವಿರಲಿ.ಸತ್ಯವಿಲ್ಲದ ಧರ್ಮ ಕುಂಟುತ್ತಿದೆ.ಧರ್ಮ ವಿಲ್ಲದ ಸತ್ಯ ಕುರುಡುರನ್ನು ಸೃಷ್ಟಿ ಮಾಡುತ್ತಿದೆ.ಇದೇ ಕಲಿಯುಗ

ಕಲಿಯುವುದು ಬಹಳಷ್ಟಿದೆ ಕಲಿತದ್ದನ್ನು ಸದ್ಬಳಕೆ ಆಗಬೇಕಿದೆ ಕಲಿತಿರೋದೆ ಸರಿಯಿಲ್ಲವಾದಾಗಲೇ ಸಮಸ್ಯೆ ಒಳಗೇ ಬೆಳೆದಿರುತ್ತದೆ.ಒಳಗೆ ಶುದ್ದಿಯಾಗುವ ಸಂಸ್ಕಾರ ಇದ್ದರೆ ಅದೇ ಜೀವನವಾಗುತ್ತದೆ. ಸಂಸ್ಕಾರ ವೇ ಸರಿಯಿಲ್ಲವಾದರೆ  ಹೊರಗಿನಿಂದ ತೇಪೆ ಹಾಕುವ ಕೆಲಸವಾಗುತ್ತದೆ. ಒಟ್ಟಿನಲ್ಲಿ ಎಲ್ಲರೂ ಹೊರಗಿನಿಂದ ತೇಪೆ ಹಾಕಿಕೊಂಡು ಮುಂದೆ ಮುಂದೆ ನಡೆದ ಹಿಂದೂಗಳೆ  ಅದರಲ್ಲಿ ಹಿಂದೆ ಹಿಂದೆ ನಡೆದವರಿದ್ದರೆ  ಮೂಲ ಸರಿಯಾಗಿರುತ್ತದೆ. ಮೂಲ ಸರಿಯಾಗದೆ ರೆಂಬೆಕೊಂಬೆಗಳು ಸರಿಯಾಗದು. ಆತ್ಮಕ್ಕೆ ಯಾವುದೇ ಬೇದವಿರಲಿಲ್ಲ ಶುದ್ದವಾಗೇ ಇರುತ್ತದೆ. ಮನಸ್ಸಿನ ಶುದ್ದತೆಗೆ ಬೇಕಿದೆ ಮನುಷ್ಯತ್ವ. ಮೊದಲು ಮಾನವನಾಗು ನಂತರ‌ಮಹಾತ್ಮನಾಗುವೆ ಎಂದಂತೆ ಇಂದು‌ನಾವು ಮಕ್ಕಳನ್ನು ಮಾನವರಾಗಿಸಬೇಕಿದೆ. ಮಾನ ಉಳಿಸಿಕೊಳ್ಳಲು ತತ್ವಜ್ಞಾನ ಅರ್ಥ ವಾಗಬೇಕು. ತಂತ್ರದಿಂದ  ಅತಂತ್ರ ‌ಕುತಂತ್ರ ಬೆಳೆದರೆ ಸ್ವತಂತ್ರ ಜ್ಞಾನದ ಗತಿ ಅಧೋಗತಿ. 

ಸಾಮಾನ್ಯರ ಜ್ಞಾನಕ್ಕೆ ಬೆಲೆಯಿಲ್ಲ ವಿಶೇಷಜ್ಞಾನಕ್ಕೆ ನೆಲೆಯಿಲ್ಲ.

ಒಂದು ಕಡೆ ನಿಂತು ಚಿಂತನೆ ಮಾಡೋದಕ್ಕೆ ಸಮಯವೇ ಇಲ್ಲ.ಎಲ್ಲಾ ಎಲ್ಲರನ್ನೂ ನಡೆಸೋರೆ ಆದರೆ ಕುಳಿತು ಅರ್ಥ ಮಾಡಿಕೊಳ್ಳುವುದು ಕಷ್ಟ. ಒಟ್ಟಿನಲ್ಲಿ ಒಂದೆಡೆ ಕುಳಿತು ದ್ಯಾನ ಮಾಡೋದೆಂದರೆ  ಮಹಾಸಾಧನೆ ಎನ್ನಬಹುದು.ಆದರೆ ಆ ಧ್ಯಾನದಿಂದ ಯಾರಿಗೆ ಸುಖ ಸಿಗುತ್ತದೆ ಎಂದಾಗ ನನಗೇ ಅಲ್ಲವೆ? ನನಗಾಗಿ ದ್ಯಾನ ಮಾಡೋದು ಸಾಧನೆಯಾದರೆ ಪರಮಾತ್ಮನ ದ್ಯಾನ ಮಾಡೋದು ಉನ್ನತ ಸಾಧನೆ.ಇದು ಪರರಿಗೆ ಒಳ್ಳೆಯದಾಗಲಿ ಎನ್ನುವುದಾಗಿದ್ದರೆ  ಹಿಂದೂ ಧರ್ಮ ಉನ್ನತಮಟ್ಟಕ್ಕೆ ಬೆಳೆಯುತ್ತದೆ. ಪರರನ್ನು ಸೋಲಿಸಿ ಮುಂದೆ ನಡೆಯೋ ದ್ವೇಷ ಪೈಪೋಟಿಯೇ ಮುಖ್ಯವಾದರೆ ಅದೇ ಇನ್ನಷ್ಟು ಕೆಳಗಿಳಿಸುತ್ತದೆ.

ಆದರೆ, ಎದುರಿದ್ದವರ ಉದ್ದೇಶ  ಏನಾಗಿದೆ ಎನ್ನುವ ಬಗ್ಗೆ ಅರಿವಿದ್ದರೆ ಯಾರನ್ನು ದ್ವೇಷ ಮಾಡಬೇಕು.ಪ್ರೀತಿ ಮಾಡಬೇಕು ಸಹಕಾರ ಕೊಡಬೇಕು ಎಂಬ ಸತ್ಯಜ್ಞಾನದಿಂದ ನಮ್ಮ ಧರ್ಮ ನಾವು ಅನುಸರಿಸಬೇಕಷ್ಟೆ. ಯಾರದ್ದೋ ಹಿಂದೆ ನಮ್ಮವರು ಹೋಗುತ್ತಿದ್ದರೂ ಇವರು ನಮ್ಮವರು ಎಂದು  ಅವರ ಹಿಂದೆ ನಡೆದಷ್ಟೂ  ದೂರವಾಗುತ್ತದೆ ಧರ್ಮ.

ಕಲಿಯುಗದ ಧರ್ಮ ಕರ್ಮ ಸತ್ಯಯುಗದ ಧರ್ಮ ಕರ್ಮಕ್ಕೆ ವಿರುದ್ದ ಕಾಣಿಸುತ್ತದೆಂದರೆ ಇಲ್ಲಿ ಅಸತ್ಯವನ್ನು ಸತ್ಯವೆಂದು ವಾದ ಮಾಡುವವರು ಹೆಚ್ಚು. ತತ್ವಕ್ಕಿಂತ ತಂತ್ರವೇ ಮೇಲು ಎನ್ನುವ ಜನ ಹೆಚ್ಚು.ಆದರೂ ಬದುಕಬೇಕು ಬಾಳಬೇಕು ಈಸಬೇಕು ಇದ್ದು ಜೈಸಬೇಕು. ಅದರಲ್ಲಿ ಸತ್ಯ ಧರ್ಮ ವಿದ್ದರೆ ಜೀವನ್ಮುಕ್ತಿ.ಇಲ್ಲವಾದರೆ ಪುನರ್ಜನ್ಮ .ಇದನ್ನು ಯಾರಾದರೂ ತಪ್ಪು ಎನ್ನುವವರಿದ್ದರೆ  ಯಾವುದೆಂದು ತಿಳಿಸಿದರೆ ಒಳ್ಳೆಯದು. ತಪ್ಪಿಲ್ಲವೆಂದರೆ ಹಿಂದೆ ನಡೆದು ಸತ್ಯ ತಿಳಿಯುವುದು ಧರ್ಮ. ಇಲ್ಲಿ ಯಾರನ್ನೂ ಯಾರೂ ನಡೆಸುತ್ತಿಲ್ಲ.ಒಬ್ಬ ಹೀರೋ ಮಗ ವಿಲನ್ ಆಗಬಹುದು.ವಿಲನ್ ಮಗ ಹೀರೋ ಆಗಿ ನಟಿಸಬಹುದು.ಆದರೆ ನಿಜವಾದ  ಸತ್ಯ ಬಣ್ಣಕಳಚಿದಾಗ ಕಾಣೋದಷ್ಟೆ. ನಾವೆಲ್ಲರೂ ಬಣ್ಣಬಳಿದುಕೊಂಡಿರುವ  ನಾಟಕದ ಪಾತ್ರಧಾರಿಗಳಷ್ಟೆ.ಪರಮಾತ್ಮನ ದೃಷ್ಟಿಯಲ್ಲಿ  ಯಾರ ಪಾತ್ರ ಉತ್ತಮ ಅಧಮವೆಂದು ತಿಳಿಯುವುದು ಅಗತ್ಯವಿದೆ.

ವೈದೀಕ ಪರಂಪರೆಯನ್ನು ಹೀನಾಯವಾಗಿ ಕಾಣುವುದು ಅಜ್ಞಾನ. ಅದಕ್ಕೆ ಸರಿಯಾಗಿ ಸಹಕಾರ ನೀಡುವುದು ಅಧರ್ಮ. ಅಧರ್ಮಕ್ಕೆ ತಕ್ಕಂತೆ ಜನ್ಮ.ಹೀಗಾಗಿ ಹಿಂದೂಗಳ ಸಂಖ್ಯೆ ಕುಸಿದಿದೆ  ಬಿಟ್ಟುಮುಂದೆ ಹೋದವರ ಜನ್ಮ ಹೆಚ್ಚಾಗಿದೆ. ಇದರಲ್ಲಿ ತಪ್ಪು ಯಾರದ್ದು? ನಮ್ಮದೇ ಸಹಕಾರದಿಂದ ಬೆಳೆದಿರುವಾಗ ಅದರ ಪ್ರತಿಫಲ ಹಿಂದಿರುಗಿ ಬರೋದು ಸಹಜ. ದೈವತ್ವ ಬೆಳೆಸುವ ಶಿಕ್ಷಣವಿಲ್ಲದೆ ದೇವರನ್ನು ಹೊರಗೆಳೆದು ವ್ಯವಹಾರ ನಡೆಸಿ  ಜನರನ್ನು ಆಳೋದರಿಂದ ಜನರಲ್ಲಿ ಜ್ಞಾನ ಬರುವುದಾಗಿದ್ದರೆ ಭಾರತ ಈ ಸ್ಥಿತಿಗೆ ಬರುತ್ತಿರಲಿಲ್ಲ. ಸ್ಥಿತಿಗೆ ಕಾರಣ ಸೃಷ್ಟಿ. ಸೃಷ್ಟಿ ಚೆನ್ನಾಗಿ ಇದ್ದರೆ ಪರಿಸ್ಥಿತಿ ಚೆನ್ನಾಗಿರುತ್ತದೆ.

ಮನೆಮನೆಯೊಳಗೆ ರಾಮಾಯಣ ಮಹಾಭಾರತ ಪ್ರಸಾರ ಆಗುತ್ತದೆ.ಅದರೊಳಗಿನ ಧರ್ಮ ಸೂಕ್ಷ್ಮ ಎಷ್ಟು ಜನರಿಗೆ ಅರ್ಥ ವಾಗಿರಬಹುದು?  ವಿನಾಶಕಾಲೇ ವಿಪರೀತ ಬುದ್ದಿ.

ಬುದ್ದಿವಂತರ ಮುಂದೆ ಜ್ಞಾನ ಕುಸಿದಿದೆ. ಹಿಂದೂಗಳೇ  ಹಿಂದಿನ ಸತ್ಯ ಅರ್ಥ ಮಾಡಿಕೊಳ್ಳಲು ಸೋತರೆ ಅನ್ಯರು ಅರ್ಥ ಮಾಡಿಕೊಳ್ಳಲು ಸಾಧ್ಯವೆ?

ಈ ಕೆಳಗಿನ‌ಪುಸ್ತಕದಲ್ಲಿ 18 ವರ್ಷದ ಸಂಶೋಧನೆಯ ಸತ್ಯ ಅಡಗಿದೆ. ಸತ್ಯ ಯಾವತ್ತೂ ಹಿಂದುಳಿಯುವುದರಿಂದ ಧರ್ಮ ವೂ ಹಿಂದೆಯೇ ಇರುತ್ತದೆ. ಇದನ್ನು ಖರೀದಿಸಿ ಓದುವ‌

ಮನಸ್ಸು  ಕೆಲವರಿಗಷ್ಟೆ ಇರುತ್ತದೆ. ಅವರು ಮೇಲಿರುವ ದೇವರಿಗಷ್ಟೆ ಕಾಣುವರು.ಕೆಳಗಿರುವವರಿಗೆ ಕಾಣೋದಿಲ್ಲ.

ಜ್ಞಾನಯೋಗ,ರಾಜಯೋಗ,ಭಕ್ತಿ ಯೋಗ,ಕರ್ಮ ಯೋಗವನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಲು ಒಳಗಿನ ಯೋಗ ಬೇಕು.ಯೋಗವೆಂದರೆ ಸೇರುವುದು.

ಒಂದು ಕುಟುಂಬದಲ್ಲಿ ಜನ್ಮ ಪಡೆದೆವೆಂದರೆ ಅದರ ಗುರುಹಿರಿಯರ ಜ್ಞಾನ ಧರ್ಮ ಕರ್ಮದೊಂದಿಗೆ ನಾವು ಸೇರಿದ್ದರೆ ಶಾಂತಿ.ವಿರುದ್ದವಿದ್ದರೆ ಅಧರ್ಮಕ್ಕೆ ಜಯ. ಇಲ್ಲಿ ನಮ್ಮ ತಪ್ಪನ್ನು ಸರ್ಕಾರದ ಮೇಲೆ ಹೋರಿಸಿಕೊಂಡು ಮುಂದೆ ಹೋದವರೆ ಹೆಚ್ಚಾದ ಕಾರಣ ಸರ್ಕಾರ ಸರಿಯಿಲ್ಲ ಎನ್ನಬಹುದು. ಅಂದರೆ ನಮ್ಮ ಸಹಕಾರವೇ ಸರಿಯಿರಲಿಲ್ಲ.

ನಾನು ಇಷ್ಟೆಲ್ಲಾ  ಇಷ್ಟು ವರ್ಷದಿಂದಲೂ ಬರೆದು ಹಾಕಿದ್ದರೂ ಈವರೆಗೆ ಯಾವುದೇ ಮಠಾಧೀಶರು,ಜ್ಞಾನಿಗಳು,ಸಾಹಿತಿಗಳು ದೇಶಭಕ್ತರು  ಯಾಕೆ ಹೀಗೆ ಬರೆದಿರೋದೆಂದುಪ್ರಶ್ನೆ ಮಾಡಿಲ್ಲ.

ನನ್ನ ಉದ್ದೇಶ  ತಪ್ಪಿದ್ದರೆ ತಿಳಿಸಲೆಂದಾಗಿತ್ತು. ಇದರಿಂದಾಗಿ  ಸತ್ಯ ಇದೇ ಎಂದು‌ಮುಂದೆ ಬಂದಂತೆಲ್ಲಾ  ಅಸತ್ಯ ಎದುರಿಗೆ ಬರುತ್ತಿತ್ತು. ಅದರೊಂದಿಗೆ  ವಾದ ಮಾಡಿದರೂ  ಸತ್ಯದಿಂದ ಸಿಗುವ ತೃಪ್ತಿ ನೆಮ್ಮದಿಯನ್ನು ಹಿಡಿದು ಹಿಂದೆ ನಿಲ್ಲಬೇಕಾಯಿತು. ಅಂದರೆ ಹಿಂದಿನ ಎಷ್ಟೋ ಆಚಾರ ವಿಚಾರ  ಪ್ರಚಾರದಲ್ಲಿ ಅಸತ್ಯವೂ ಇತ್ತು.ಆದರೆ ಅದರಿಂದ ಧರ್ಮ ರಕ್ಷಣೆಯಾಗಿತ್ತು. ಹೀಗಾಗಿ ಸತ್ಯಾಸತ್ಯತೆಯನ್ನು ಕಾಲಕ್ಕೆ ತಕ್ಕಂತೆ ಅನುಭವಿಸಿ ತಿಳಿಯುವುದು ಅಗತ್ಯವಿದೆ.

ಹೇಳಿದ ಮಾತ್ರಕೆ ನಂಬದಿರು ಸ್ವತಃ ಚಿಂತಿಸಿ ತಿಳಿದು ನಡೆ..

ಕಾಲಪ್ರಭಾವದಲ್ಲಿ ಹುಲುಮಾನವರಿಗೆ  ಮನಸ್ಸು ಹಾಳಾಗಿದೆ.

ಮನಸ್ಸಿನ ರೋಗಕ್ಕೆ ದೇಹಕ್ಕೆ ಔಷಧ ಕೊಡುವವರು ಬೆಳೆದಿದ್ದಾರೆ. ದೇಹ ಔಷಧದಿಂದ  ಶಕ್ತಿಹೀನವಾದಾಗ  ಆತ್ಮಸಾಕ್ಷಿಯ ಕಡೆಗೆ ಹೋಗದು. ಇದರಿಂದಾಗಿ ಆತ್ಮವಿಶ್ವಾಸ ಕಳೆದುಹೋಗುತ್ತದೆ. ಒಂದಕ್ಕೊಂದು ಜೋಡಿಸಿಕೊಂಡಿರುವ ಕೊಂಡಿಯನ್ನು ಮಧ್ಯವರ್ತಿಗಳು  ಮಧ್ಯೆ ಪ್ರವೇಶ ಮಾಡಿ ಕಳಚಿದರಂತೂ ಮುಗಿಯಿತು ಕಥೆ. ಅತಂತ್ರ ‌ಜೀವನ.

ಇದಕ್ಕೆ ಒಗ್ಗಟ್ಟು ಏಕತೆ,ಐಕ್ಯತೆ,ಸಮಾನತೆಯ ಮಂತ್ರ ಬೆರೆಸಿ ಜಾತ್ಯಾಂತರ,ಮತಾಂತರ, ಧರ್ಮಾಂತರ,ಪಕ್ಷಾಂತರಗಳು ಬೆಳೆದು  ಅವಾಂತರ ಸೃಷ್ಟಿ ಮಾಡಿ ಆಳೋದು. ಈಗಲೂ  ಬದಲಾವಣೆಗೆ ಅವಕಾಶವಿದೆ,ಸ್ವತಂತ್ರ ವಿದೆ, ಜ್ಞಾನವಿದೆ.ಮನಸ್ಸು  ನಾವೇ ಮಾಡಿಕೊಳ್ಳಬೇಕಷ್ಟೆ.ಇದು ನಮ್ಮ ಕರ್ಮಫಲವಷ್ಟೆ. 

ಹಿಂದೂಗಳಾದವರು ಹಿಂದಿನವರ ಧರ್ಮ ಕರ್ಮದ ಮೇಲೆ ದೃಷ್ಟಿ ಹರಿಸದೆ  ಮುಂದೆ ಹೋದವರ ಮೇಲೆ ದೃಷ್ಟಿ ಹರಿಸಿ ಸರಿಯಿಲ್ಲವೆಂದರೆ  ಅದೇ ಒಳಗೆ ಸೇರುತ್ತದೆ. ಮೊದಲು ನಮ್ಮ ಮಕ್ಕಳ ದೃಷ್ಟಿ ದೋಷ ಸರಿಪಡಿಸುವ ಶಿಕ್ಷಣ ಕೊಟ್ಟರೆ ಧರ್ಮ. ನಿಧಾನವಾದರೂ ಸರಿ ಹೆಜ್ಜೆಯಿಟ್ಟರೆ  ಜೀವನದಲ್ಲಿ ಬದಲಾವಣೆ  ಇದ್ದಲ್ಲಿಯೇ ಆಗಬಹುದು. 

ನಿಧಾನವೇ ಪ್ರಧಾನ. ಎಷ್ಟು ರೆಂಬೆಕೊಂಬೆ ಕಡಿದರೂ ಬೇರು ಗಟ್ಟಿಯಿದ್ದರೆ  ಮರ ಸುರಕ್ಷಿತ. ಉದುರಿಹೋಗುವ ಎಲೆಗಳಿಗೆ ಆಯಸ್ಸು ಇರೋದಿಲ್ಲ.ಹಾಗೆ ನಾವೆಲ್ಲರೂ ಆ ಪರಮಾತ್ಮನ ಎಲೆಯಾಗಿದ್ದರೂ ಉತ್ತಮ ಬೇರಿನ ಒಂದು ಸಣ್ಣ ಭಾಗ.ಇದ್ದಾಗಲೇ ಸತ್ಯ ತಿಳಿಸಿ ಹೋದರೆ  ಧರ್ಮ ಸುರಕ್ಷಿತ.

ಆದರೆ,  ಪರಮಸತ್ಯ  ಆಳವಾಗಿರುವಾಗ ಒಳಹೊಕ್ಕಿ ನೋಡಿದವರಿಗೆ ಅರ್ಥ ವಾಗಿದೆ. ಹೊರಗಿನ‌ ಮಿಥ್ಯ ಜಗತ್ತಿನಲ್ಲಿ ಸತ್ಯ ಕಾಣುತ್ತಿಲ್ಲ. ಅಸತ್ಯದೊಳಗೆ ಅಡಗಿದೆ. ಅಧರ್ಮದೊಳಗೆ ಧರ್ಮ ಸಿಲುಕಿದೆ, ಅಜ್ಞಾನದೊಳಗೆ ಜ್ಞಾನ ಮರೆಯಾಗಿದೆ.ಕಣ್ಣಿನ ಪೊರೆ ಕಳಚಿದರೆ ಸ್ವಚ್ಚವಾಗುತ್ತದೆ.

ಎರಡೂ ಕಣ್ಣಿನ ಸತ್ಯ ಮೂರನೆ ಕಣ್ಣಿಗೆ ವಿರುದ್ದವಿದ್ದರೆ ಅಸತ್ಯ.

ಪಿತೃಋಣ ತೀರಿಸಲು ಪಿತೃಪಕ್ಷ

ವರ್ಷದಲ್ಲಿ ಬರುವ ಪಿತೃಪಕ್ಷದ ಬಗ್ಗೆ ಅರಿವಿದ್ದವರು ಭೂಮಿಗೆ  ಬರಲು ಕಾರಣರಾಗಿರುವ ಪಿತೃಗಳನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯ. ಹೋದ ಮೇಲೆ ಮಾಡುವ ಶ್ರಾದ್ಧ ಕರ್ಮ ಕ್ಕೂ ಇದ್ದಾಗಲೇ ನಡೆಸುವ ಶ್ರದ್ಧೆಯ ಧಾರ್ಮಿಕ ದೇವತಾರಾಧನೆಗೂ ಅಂತರವಿದ್ದರೂ  ಇದ್ದಾಗ ಮಾಡುವ ಕ್ರಿಯೆಯಿಂದ  ಜೀವಾತ್ಮನಿಗೆ ಮುಕ್ತಿ ತೃಪ್ತಿ ಸಿಕ್ಕಿರುವುದನ್ನು ಅನುಭವಿಸಬಹುದು. ಹೋದ ಮೇಲೆ ಯಾರೋ ಮಾಡುವ ಶ್ರಾಧ್ದ ಕರ್ಮ ದ ಫಲ ಪಿತೃಗಳ ತೃಪ್ತಿ ಹೊಂದಿದ್ದರೆ ಸಿಗುವುದು.ಆದರಿದು ತಿಳಿಯುವುದು ಕಷ್ಟ.

ಹೋದ ಜೀವ ಮರಳಿಬರದಿದ್ದರೂ  ಮರುಜನ್ಮ ದ ಬಗ್ಗೆ ಹಿಂದೂಗಳ ನಂಬಿಕೆಯಿದೆ. ಇದು ಪುರಾಣಗಳಲ್ಲಿಯೇ ತಿಳಿಸಿದ್ದಾರೆ.  ಅಷ್ಟೇ ಯಾಕೆ ಸ್ವಯಂ ಶ್ರೀ ಕೃಷ್ಣಪರಮಾತ್ಮನೇ ಭಗವದ್ಗೀತೆ ಯಲ್ಲಿ ತಿಳಿಸಿರುವಾಗ ಜನ್ಮವೇ ಇಲ್ಲ ಎನ್ನುವುದು ಅಸತ್ಯ.

ಒಂದು ಜನ್ಮದಿಂದ ಇನ್ನೊಂದು ಜನ್ಮಕ್ಕೆ ಅಂತರವಿರಬಹುದಷ್ಟೆ.ಆ ಅಂತರದಲ್ಲಿ ಪಿತೃ ಲೋಕದಲ್ಲಿ  ಜೀವಾತ್ಮನಿಗೆ  ಸ್ಥಾನವೆಂದು ತಿಳಿಸುವ ವೈದೀಕರಿಗೆ  ಅಲ್ಲಿನ ಪಿತೃಗಳ ಆಶೀರ್ವಾದ ದೇವತೆಗಳಿಗಿಂತ ದೊಡ್ಡದು. ಕಾರಣ ಮಧ್ಯವರ್ತಿ ಯಾಗಿರುವವರ ಸಹಕಾರವಿಲ್ಲದೆ ಯಾವುದೇ ಕೆಲಸ ಕಾರ್ಯ  ನೇರವಾಗಿ ನಡೆಯದು. ಹೀಗಾಗಿ ಮಧ್ಯವರ್ತಿ ಗಳೇ ಅತಂತ್ರಸ್ಥಿತಿಗೆ ತಲುಪಿದ್ದರೆ  ಜೀವನ ಅತಂತ್ರವೆ.

ಅತಂತ್ರಸ್ಥಿತಿಗೆ ತಲುಪಲು ಕಾರಣವೇ ಅಧರ್ಮ ಅನ್ಯಾಯ ಅಸತ್ಯದ ನಡೆ ನುಡಿ.ಅದಕ್ಕೆ ಹೇಳೋದು ಸ್ವತಂತ್ರ ವಾಗಿ ಸತ್ಯದ ಕಡೆಗೆ ನಡೆದವರಿಗಷ್ಟೆ ಮುಕ್ತಿ ಮೋಕ್ಷವೆಂದು. 

ತಾಯಿತಂದೆಯರಬಿಟ್ಟುಜಪವ‌ಮಾಡಲುಬಹುದು,ದಾಯಾದಿ ಬಂಧುಗಳ ಬಿಡಲು ಬಹುದೂ ಆದರೆ ಹರಿಯನ್ನು ಬಿಟ್ಟು ಬಿಡಲಾಗದೆನ್ನುವುದು ಮಹಾಯೋಗಿಗಳ ಅನುಭವ.

ಸರ್ಕಾರದ ಹಿಂದೆ ನಡೆದಿರುವ ಇಂದಿನ ಪರಿಸ್ಥಿತಿ ಯಲ್ಲಿ  ಮನೆ ಮನೆಯ ಸಾಲ ತೀರಿಸಲು ಸರ್ಕಾರಕ್ಕೆ ಅಸಾಧ್ಯ. ಕಾರಣ ಇಲ್ಲಿ ಹೊರಗಿನಿಂದ ಸಾಲ ಬೆಳೆದಿದೆ. ಮೂಲ ಶಕ್ತಿ ಮರೆತು ದೂರ ಹೋದವರ ಹಿಂದೆ ನಡೆದವರ ಸಾಲ ತೀರಿಸಲು ಮೂಲದಲ್ಲಿಯೇ ಶಕ್ತಿಯಿಲ್ಲವಾದಾಗ ಹೊರಗೆ ಹೋಗಿ ಶಕ್ತಿಮೀರಿ ದುಡಿದು ಸಾಲ ತೀರಿಸುವುದು ಅಗತ್ಯ. ಹೀಗಾಗಿ ಎಷ್ಟು ಆಸ್ತಿಯಿದ್ದರೂ ಸಾಲ ಮಾಡೋದು ತಪ್ಪಿಲ್ಲ.

 ದಾಸ ಶರಣರು ಮಹಾತ್ಮರುಗಳು ತಮ್ಮೆಲ್ಲಾ ಭೌತಿಕ ಆಸ್ತಿ ಬಿಟ್ಟು ಪರಮಾತ್ಮನ ದಾಸರಾಗಿ  ಸಂಸಾರದಿಂದ ದೂರವಾದರು ಎಂದರೆ ಎಲ್ಲಾ ನಿನ್ನದೇ ನನ್ನದೇನಿಲ್ಲ ಎನ್ನುವ ಶರಣಾಗತಿ ಭಾವ ದಾಸ ಪ್ರಜ್ಞೆ ಮಹಾತ್ಮರಲ್ಲಿತ್ತು. ಈಗಿನ ಹೊರಗಿನ  ವ್ಯವಹಾರ  ಒಳಗಿನ ಧರ್ಮ ಬಿಟ್ಟು ನಡೆಸಿದೆ.

 ಯಾವಾಗ ಸಾಮಾನ್ಯರಿಗೆ ಸಂಬಂಧ ಒಂದು ವ್ಯವಹಾರವಾಗಿ ,ಎಲ್ಲಿಯವರೆಗೆ ಹಣವಿರುವುದೋ ಹೆಣವಾದರೂ ಬೆಲೆ.ಆದರೆ ಜ್ಞಾನ ಮಾತ್ರ ಅಮರ.

ಜನ್ಮದ ಮೂಲಕವೇ ಪಿತೃಗಳ ಋಣವಿರೋವಾಗ ಅವರ ಧರ್ಮ ಕರ್ಮ ವೂ ಮಕ್ಕಳಿಗೆ ತಿಳಿಸಿ ಕಲಿಸುವುದು ಪೋಷಕರ ಧರ್ಮ. ಪಿತೃಗಳ ಭೌತಿಕ ಆಸ್ತಿ ಬೇಕು  ಅವರ ಋಣ ಬೇಡವೆಂದರೆ  ಅಜ್ಞಾನವಷ್ಟೆ. ಒಟ್ಟಿನಲ್ಲಿ ಯಾವುದೋ ರೂಪದಲ್ಲಿ ಋಣ ಸಂದಾಯವಾಗಲೇಬೇಕೆನ್ನುತ್ತದೆ ಸನಾತನ ಧರ್ಮ. ಇದು ಪರಮಾತ್ಮನದ್ದಾಗಿದೆಯೋ ಪರಕೀಯರದ್ದಾಗಿದೆಯೋ  ಎಲ್ಲಾ ಸತ್ಕರ್ಮ ಸ್ವಧರ್ಮ ಸುಜ್ಞಾನದ ಮೂಲಕವೇ ಕಳೆಯೋದು. ಹೀಗಾಗಿ ಎಷ್ಟು ಹಣಗಳಿಸಿದರೂ  ಅದರ ಹಿಂದಿನ  ಧರ್ಮ ಕರ್ಮ ದ ಮೇಲೇ ಋಣ ಅಥವಾ ಸಾಲದ ಲೆಕ್ಕಾಚಾರದಿಂದ ಮೇಲಿರುವ  ಜಗತ್ತನ್ನು  ಅರ್ಥ ಮಾಡಿಕೊಂಡರು ಮಹಾತ್ಮರುಗಳು.

ಆತ್ಮನಿರ್ಭರ ಭಾರತ ಅಧ್ಯಾತ್ಮ ಸಂಶೋಧನೆಯಿಂದ ಸಾಧ್ಯ.

"ನೀನ್ಯಾಕೋ ನಿನ್ನ ಹಂಗ್ಯಾಕೋ ನಿನ್ನ ನಾಮವೊಂದಿದ್ದರೆ ಸಾಕೋ " ಎಂದಿದ್ದಾರೆ ದಾಸಶ್ರೇಷ್ಟರು.

ಮೂಲವನ್ನರಿತರೆ ಮೂಲ ತಲುಪಬಹುದು. ಮೂಲಾಧಾರದ ಶುದ್ದತೆಗೆ ಮೂಲಶಿಕ್ಷಣ ಶುದ್ದವಿರಬೇಕು. ಇದು ಭಾರತೀಯ ಶಿಕ್ಷಣದ ಮೂಲವಾಗಿದೆ. ಸಾತ್ವಿಕ ಶಿಕ್ಷಣ  ಗುರುವಾಗಿಸಿದರೆ ರಾಜಸಿಕ ಶಿಕ್ಷಣ ರಾಜಕೀಯಕ್ಕೆ ಇಳಿಸುತ್ತದೆ. ಆದರೆ ರಾಜಕಾರಣಿಗಳೇ ಗುರುವನ್ನು  ಆಳುತ್ತಿದ್ದರೆ ಅಧರ್ಮ ವಷ್ಟೆ.

ಹಾಗೆ ಪೋಷಕರನ್ನು ಶೋಷಣೆ ಮಾಡುವುದೂ ಅಧರ್ಮ.

ಇದಕ್ಕೆ  ಪೋಷಕರು ನೀಡಿದ  ಶಿಕ್ಷಣವೂ ಕಾರಣವಾಗಬಹುದು.  ಯಾರೂ  ವಯಸ್ಸಿನಿಂದ ಹಿರಿಯರಲ್ಲ ಕಿರಿಯರಲ್ಲ.ಅವರವರ ಜ್ಞಾನದ ಮೇಲೇ ಎಲ್ಲಾ ನಡೆದಿರೋದು. ಜ್ಞಾನ ಒಳಗಿದೆ ವಿಜ್ಞಾನ ಹೊರಗಿದೆ. ಸತ್ಯದ ವಿಜ್ಞಾನ ಒಳಜಗತ್ತನ್ನು ಆಳುತ್ತಿದೆ.ಮಿಥ್ಯದ ವಿಜ್ಞಾನ ಹೊರಜಗತ್ತನ್ನು ಆಳುತ್ತಿದೆ.ಇವೆರಡ ನಡುವಿನ ಮಾನವನಲ್ಲಿ ಸಾಮಾನ್ಯಜ್ಞಾನವಿದ್ದರೆ ಎರಡರ ಸದ್ಬಳಕೆ ಆಗಬಹುದು.

ಅದ್ವೈತ ದಿಂದ ದ್ವೈತ ಹೊರಬಂದರೆ ಎಲ್ಲಾ ದ್ವೈತ ವೆ

ಅದ್ವೈತ ದರ್ಶನವಾದಾಗ ದ್ವೈತ ಬೇರೆ ಎನಿಸುತ್ತದೆ. ಯಾವಾಗ ಬೇರೆಕಾಣುತ್ತದೋ ಅದೇ ದ್ವೈತವಾಗುತ್ತದೆ. ಹಾಗೆ ಆಕಾಶದೆತ್ತರ ಬೆಳೆದವನಿಗೆ ಭೂಮಿ ಬೇರೆಯಾದರೂ ಭೂಮಿ ಬಿಟ್ಟು ಜೀವವಿರದು ಎನ್ನುವ ಸತ್ಯ ತಿಳಿದರೆ ಎರಡೂ ಅರ್ಥ ವಾಗೋದು.

ಇದನ್ನು ಯಾವುದೇ ಪುರಾಣ ಇತಿಹಾಸದ ರಾಜಕೀಯದಿಂದ ತಿಳಿಯಲಾಗದು.ಸಂಸಾರದೊಳಗೆ ಪ್ರವೇಶ ಮಾಡಿದ ಜೀವಕ್ಕೆ ಭೂಮಿಯ ಆಸರೆಯಿಲ್ಲದೆ ಏನೂ ಮಾಡಲಾಗದು.

ಯಾವುದೇ ಸಂಶೋಧನೆಯಾಗಲಿ ಭೂಮಿ ಮೇಲಿದ್ದೇ ನಡೆಸಿರೋದು.ಇದಕ್ಕೆ  ಪರಮಾತ್ಮನ ಸಹಕಾರವೂ ಇದೆ.ಹಾಗಾದರೆ ಪರಮಾತ್ಮ ಬೇರೆಯಾಗಲು ಸಾಧ್ಯವೆ?

ಜೀವಾತ್ಮನ  ಒಳಗೆ ಹೊರಗೆ  ಆವರಿಸಿರುವ ಈ ಶಕ್ತಿಯನ್ನು ಅರಿತು ನಡೆಯುವುದೇ ಅಧ್ಯಾತ್ಮ ಸಂಶೋಧನೆ.

ಇದನ್ನು ದುರ್ಭಳಕೆ ಮಾಡಿಕೊಂಡಷ್ಟೂ ಆತ್ಮಹತ್ಯೆ ಎನ್ನಬಹುದು. 

ಏನೂ ಅರಿಯದ ಮಕ್ಕಳಿಗೆ ಕಲಿಸಬಹುದು

ಎಲ್ಲಾ ತಿಳಿದವರಿಗೆ ತಿಳಿಸೋ ಅಗತ್ಯವಿರದು

ಅರ್ಧ ತಿಳಿದು ತಿಳಿಸುವವರನ್ನು ತಡೆಯಲಾಗದು.

ಸತ್ಯವಿರದ ಧರ್ಮ ಕ್ಕೆ ವಿರುದ್ದವಿರುವ ಎಲ್ಲಾ ಕರ್ಮ  ಅಕರ್ಮ ವಾಗಿರುತ್ತದೆನ್ನುವರು ಮಹಾತ್ಮರುಗಳು.

ಅದ್ವೈತ ದೊಳಗೇ ದ್ವೈತ ವಿದ್ದಂತೆ ಪರಮಾತ್ಮನೊಳಗೇ ಜೀವಾತ್ಮನಿರೋದು. ಒಂದೇ ನಾಣ್ಯದ ಎರಡು ಮುಖವು ವ್ಯವಹಾರಕ್ಕೆ ಇಳಿದಾಗ ಹಣಸಂಪಾದನೆಯೇ ಗುರಿಯಾಗಿಸಿ ಜ್ಞಾನದ ನಷ್ಟವಾಗುತ್ತದೆ. ಧರ್ಮ ನಾವಂದುಕೊಂಡಂತಿಲ್ಲ  ಹೀಗಾಗಿ ಧರ್ಮ ಕುಸಿದಿದೆ. ಸತ್ಯ ನಾವು ಸರಿಯಾಗಿ ತಿಳಿದಿಲ್ಲ ಅದಕ್ಕೆ ಅಸತ್ಯ ಬೆಳೆದಿದೆ. ಹಾಗೆ ಭೂಮಿ ನಮ್ಮನ್ನೇನೂ ಕೇಳುತ್ತಿಲ್ಲವಾದರೂ ಭೂಮಿಯನ್ನು ಆಳುವುದೇ ಪ್ರಗತಿ ಎನ್ನುವ  ಅಜ್ಞಾನ ಮಿತಿಮೀರಿದೆ.ಆಳೋದಕ್ಕೆ ನಾವ್ಯಾರು? ಈ ಪ್ರಶ್ನೆಗೆ  ಒಂದೇ ಉತ್ತರ ನಾನೆಂಬುದಿಲ್ಲ ಇದು ಅದ್ವೈತ, ನಾನಿದ್ದೇನೆ ದ್ವೈತ ನಾನೇ ಎಲ್ಲರಲ್ಲೂ ಇರೋನು ವಿಶಿಷ್ಟಾದ್ವೈತ. ಎಲ್ಲವನ್ನೂ ತನ್ನೊಳಗೇ ಇಟ್ಟುಕೊಂಡು ಅವರವರ ಹಿಂದಿನ ಋಣ ಕರ್ಮಕ್ಕೆ ತಕ್ಕಂತೆ ನಡೆಸೋ ಶಕ್ತಿ ನಾನೇ ಎಂದರೆ ನಾನ್ಯಾರು? ದೇವರೆ? ಅಸುರರೆ? ಮಾನವರೆ? ನಿರಾಕಾರ ಬ್ರಹ್ಮನೇ ನಾನು. ಸೃಷ್ಟಿಯ ರಹಸ್ಯವರಿತು ಸ್ಥಿತಿಗೆ ಕಾರಣ ತಿಳಿದು ಲಯಕಾರಕನಿಗೆ ಶರಣಾಗೋದು ಜೀವಾತ್ಮವೇ ನಾನು. ನಾನು ಹೋದರೆ ಸ್ವರ್ಗ. ಇದ್ದರೆ ನರಕ ಎಂದರು ಮಹಾತ್ಮರು.

ಹಿಂದೂ ಹಾಳಾಗಿರೋದೆ ಹಿಂದೂ ಧರ್ಮ ವೆ?

ಹಿಂದೂ ಧರ್ಮ ಹಾಳಾಗುತ್ತಿದೆ ಹಿಂದುಳಿಯುತ್ತಿದೆ ಇದಕ್ಕೆ ಕಾರಣ ಅನ್ಯಧರ್ಮದವರು ಎನ್ನುವವರೊಮ್ಮೆ‌ ಚಿಂತನೆ ನಡೆಸಿದರೆ  ಅನ್ಯರ ಮಾತಿಗೆ ಬೆಲೆಕೊಟ್ಟು ಅವರ ಶಿಕ್ಷಣ,ಧರ್ಮ ಕ್ಕೆ ಸಹಕರಿಸಿ ವಿದೇಶದವರೆಗೂ ನಡೆದವರು ಯಾರು? ವಿದೇಶಕ್ಕೆ ಹೋದವರನ್ನು ಎತ್ತಿ ಏಣಿಗೇರಿಸಿದ ಪೋಷಕರು ಯಾರು? ದೇಶದೊಳಗೇ ಇದ್ದು ದೇಶಕ್ಕೂ‌ನನಗೂ ಸಂಬಂಧ ವಿಲ್ಲವೆಂದಂತೆ  ಜೀವನ ನಡೆಸಿದವರು ಯಾರು? ನಮ್ಮನ್ನು ಆಳಿದವರ  ವ್ಯವಹಾರಿಕ ಶಿಕ್ಷಣವನ್ನು ಪಡೆದವರು ಯಾರು? ನಮ್ಮೊಳಗೇ ಅಡಗಿದ್ದ ಸತ್ಯ ಧರ್ಮ ಕ್ಕೆ ವಿರುದ್ದ‌ನಡೆದವರು ಯಾರು? ಸರ್ಕಾರದ ದಾರಿ ತಪ್ಪಿಸಿ  ಜನರಲ್ಲಿ ಭಯ ಹುಟ್ಟಿಸಿ ಇಲ್ಲಸಲ್ಲದ ವಿಚಾರಗಳನ್ನು ಚರ್ಚಿಸುತ್ತಾ ಮನರಂಜನೆಯಲ್ಲಿ ಮೈಮರೆತವರು ಯಾರು? ಸಂಸ್ಕೃತಿ ಸಂಪ್ರದಾಯ ಆಚಾರ ವಿಚಾರದಲ್ಲಿ  ತಮ್ಮವರೊಂದಿಗೆ  ಬೆರೆಯಲಾಗದೆ ದ್ವೇಷ ಬೆಳೆಸಿಕೊಂಡವರು ಯಾರು? ಪುಣ್ಯ ಭೂಮಿಯಲ್ಲಿ ಪಾಪಿಷ್ಟರು ಬೆಳೆದಿರುವುದು ಪಾಪ ಮಾಡಿದವರಿಗೆ ಸಹಾಯ ಮಾಡಿರುವುದು  ರಾಜಕೀಯಕ್ಕೆ ಸಹಕರಿಸಿ ರಾಜಯೋಗದಿಂದ ದೂರವಾಗಿರುವುದು ಕಲಿಕೆಯ ಪ್ರಭಾವ.ಶಿಕ್ಷಣ ಸರಿಯಿಲ್ಲವೆಂದು ತಿಳಿದರೂ ಅದೇ ಶಿಕ್ಷಣಕ್ಕೆ ಪ್ರಜೆಗಳು ದಾಸರಾಗಿ ಸಾಲ ಮಾಡಿ ಹೊರಗೆ ದುಡಿಯಲು ಹೊರಟರೆ ಮನೆಯೊಳಗೆ ಸೇರೋದು ಅನ್ಯರೆ ಆಗುವರು. ಭಾರತದ ಈ ಸ್ಥಿತಿಗೆ  ಕಾರಣ ಅಜ್ಞಾನ.ಅಜ್ಞಾನ ಎಂದರೆ ಸತ್ಯವಿಲ್ಲದ ವಿಷಯ ತಿಳಿಯುವುದು.ಹಾಗಾದರೆ ನಾವು ಕಲಿತ ವಿಷಯದಲ್ಲಿ ಸತ್ಯವಿರಲಿಲ್ಲವೆ? ಕಾಲಮಾನಕ್ಕೆ ತಕ್ಕಂತೆ ವಿಷಯಗಳಲ್ಲಿ ಬದಲಾವಣೆ ಆಗುತ್ತಲೇ ಇರುತ್ತದೆ.ಆದರೆ ಸತ್ಯ ಯಾವತ್ತೂ ಒಂದೇ ಇರುತ್ತದೆನ್ನುವುದು ಅಧ್ಯಾತ್ಮ. ಆ ಒಂದು ಸತ್ಯವರಿತು ಉಳಿದ ಸತ್ಯವನ್ನು ಅರ್ಥ ಮಾಡಿಕೊಂಡರೆ ವಾಸ್ತವದಲ್ಲಿ ಬದುಕಿ ಪುರಾಣ ಇತಿಹಾಸ ತಿಳಿದು ಭವಿಷ್ಯ ಅರ್ಥ ವಾಗುತ್ತದೆ. ಯಾವುದೂ ನಮ್ಮ ಕೈಯಲ್ಲಿ ಇಲ್ಲ ಇದು ಸತ್ಯ.ಆದರೆ ಎಲ್ಲಾ ನಮ್ಮ ಕೈಯಿಂದಲೇ ಆಗಬೇಕಿದೆ ಇದೂ ಸತ್ಯ.ಕೈ ಕೆಸರಾದರೆ ಬಾಯಿ ಮೊಸರು ಇದು ಸತ್ಯ .ಕೈಗೆ ಕೆಲಸವೇ ಕೊಡದೆ ತಿನ್ನಿಸಿದರೆ ?  

ನಮ್ಮ ಇಂದಿನ‌ಮಕ್ಕಳಿಗೆ ಕೊಡುತ್ತಿರುವ ಶಿಕ್ಷಣದಲ್ಲಿ ಸತ್ಯಕ್ಕೆ ಸ್ಥಾನಮಾನವಿಲ್ಲ. ಕುಳಿತಲ್ಲಿಯೇ ಎಲ್ಲಾ  ಸೌಕರ್ಯ ಕೊಟ್ಟು ತಿನ್ನಿಸಿ ಬೆಳೆಸಿದ ಪೋಷಕರ ಸ್ಥಿತಿ ಕೊನೆಯಲ್ಲಿ ಕಾಣುತ್ತಿದೆ.

ಎಲ್ಲರೂ ಹಣದ ಶ್ರೀಮಂತ ರೆ ಆದರೆ ಅದರೊಂದಿಗೆ ಸಾಲವೂ  ಬೆರೆತಿದೆ. ದೇಶದ ತುಂಬಾ  ಸಂಪತ್ತಿದೆ ಆದರೆ ದೇಶ ಆಪತ್ತಿನಲ್ಲಿದೆ. ರಾಜಕೀಯಕ್ಕೂ ಧರ್ಮ ಕ್ಕೂ ಯಾವ ಸಂಬಂಧ ವಿಲ್ಲವೆಂದವರು ರಾಜಕೀಯದೆಡೆಗೆ ನಡೆಯೋ ಪರಿಸ್ಥಿತಿ ಬಂದಿದೆ. ಯಾವಾಗ ಹೊರಗಿನ ಸತ್ಯ ಪ್ರಚಾರ ಹೆಚ್ಚುವುದೋ ಒಳಗಿನ ಸತ್ಯ ಅರ್ಥ ವಾಗದೆ ಹಿಂದುಳಿಯುತ್ತದೆ.

ಅಸುರರೊಳಗೇ ಸುರರು, ವಿದೇಶದೊಳಗೇ ದೇಶ, ಅಧರ್ಮದೊಳಗೇ ಧರ್ಮ, ಅಜ್ಞಾನದೊಳಗೇ ಜ್ಞಾನ ಅವಿದ್ಯೆ ಒಳಗೆ ವಿದ್ಯೆ ಹುಡುಕುವುದು ಕಷ್ಟವಿದೆ. ಕಾರಣ ಇದು ಒಳಗೇ ಅಡಗಿರುವಾಗ ಹೊರಗೆ ಹುಡುಕಿದರೆ ಸಿಗೋದಿಲ್ಲ. ಒಳಗಿನವರೆ ಸಹಕಾರ ಕೊಡದಿದ್ದರೆ  ಹೊರಗಿನವರು ಕೊಡುವರೆ? ಹೀಗಾಗಿ ಒಳಗಿನ ಸ್ವಚ್ಚತೆಗೆ ಒಳಗಿನ ಶಿಕ್ಷಣ ಕೊಟ್ಟು  ಹೊರಗೆ ಬರೋದೇ ಸರಿಯಾದ  ಪರಿಹಾರ.ಈಗ ಮನೆಯೊಳಗೆ ಕೂತರೆ ಸಂಸಾರ ನಡೆಸೋದೆ ಕಷ್ಟ ಎನ್ನುವ ಪರಿಸ್ಥಿತಿ ಇದೆ ಕಾರಣ ಅತಿಯಾದ ಸಾಲದ ಹೊರೆ. 

ಸರ್ಕಾರ ಕೊಡುವ ಸಾಲ ಸೌಲಭ್ಯಗಳನ್ನು ಸದ್ಬಳಕೆ ಮಾಡಿಕೊಳ್ಳದೆ  ಸಾಲಮನ್ನಾ ಮಾಡಿಸಿಕೊಂಡವರೂ ಮೇಲಿನ ಶಕ್ತಿಯ ಸಾಲಮನ್ನಾ ಆಗೋದಕ್ಕೆ ಸತ್ಕರ್ಮ, ಸ್ವಧರ್ಮ, ಸುಶಿಕ್ಷಣ,ಸುಜ್ಞಾನ,ಸತ್ಯವೇ ಬಂಡವಾಳವಾಗಿದೆ.

ಈಗಲೂ  ಕಾಲಮಿಂಚಿಲ್ಲ.ಯಾರನ್ನು ದ್ವೇಷ ಮಾಡಿದರೂ ಅದರಲ್ಲೂ ಪರಮಾತ್ಮನೇ ಇರೋವಾಗ  ದ್ವೇಷದಿಂದ ದೇಶ ಕಟ್ಟಲು ಕಷ್ಟ. ಹಾಗೆ ಸಂಸಾರದಲ್ಲಿ ಮುಳುಗಿರುವ ಎಷ್ಟೋ ಜೀವಾತ್ಮರಿಗೆ ಪರಮಾತ್ಮನ ತೋರಿಸುವ‌ಗುರುವಿನ ಅಗತ್ಯವಿದೆ. ಒಳಗೇ ಇರುವ ಗುರುವನ್ನು ತಿರಸ್ಕರಿಸಿ ಹೊರಗೆ ಹೊರಟವರ ಗತಿ ಅಧೋಗತಿ.ತಾಯಿಯ ಋಣ ತಂದೆಯ ಋಣ ತೀರಿಸಲು ಅವರ ಧರ್ಮ ಕರ್ಮ ಅರ್ಥ ವಾಗಬೇಕು.

ಅನ್ಯರ ಹಿಂದೆ ನಡೆದರೆ ಹಣ ಸಿಗಬಹುದು ಜ್ಞಾನದ ನಷ್ಟವನ್ನು ತುಂಬಲು ಅಧ್ಯಾತ್ಮ ಅಗತ್ಯ.ಇಲ್ಲಿ ಅಧ್ಯಾತ್ಮ ಎಂದರೆ ಪುರಾಣ ಇತಿಹಾಸವಲ್ಲ ತನ್ನ ತಾನರಿತು ಆತ್ಮರಕ್ಷಣೆಯ ಕಡೆಗೆ ನಡೆಯೋದು. ಇದು ಕಣ್ಣಿಗೆ ಕಾಣದ ಜಗತ್ತು.ಕತ್ತಲಿನಲ್ಲಿರುವ ಬೆಳಕನ್ನು ಕಾಣುವ ಜ್ಞಾನಸಂಪತ್ತು.

ಅನ್ಯರನ್ನು ಶಿಕ್ಷಣದೊಳಗೇ ವ್ಯವಹಾರದೊಳಗೇ ಭಾಷೆ ಸಂಸ್ಕೃತಿ ,ದೇಶದೊಳಗೇ  ಅತಿಥಿಸತ್ಕಾರ ಮಾಡುವಾಗ ನಮ್ಮವರ ಸ್ಥಿತಿಗತಿಯ ಬಗ್ಗೆ ಎಚ್ಚರವಿರದು.ಯಾವಾಗ ಅವರು ನಮ್ಮ ತಿಥಿ ಮಾಡಲು ಮನೆಯೊಳಗೆ ಇರುವರೋ ಆಗ ಎಚ್ಚರವಾದರೆ  ಏನೂ ಉಪಯೋಗವಿಲ್ಲ. ಇದು ಇಂದಿನ ಭಾರತೀಯರ ಸ್ಥಿತಿ ಗೆ ಕಾರಣ.

ಭಾರತೀಯ ವಿಧ್ಯಾವಂತ ಬುದ್ದಿವಂತ ಜ್ಞಾನಿಗಳು ವಿದೇಶದಲ್ಲಿ ಬೆಳೆದಿದ್ದಾರೆ. ಅಲ್ಲಿದ್ದ ಅಜ್ಞಾನಿಗಳು ವ್ಯವಹಾರಕ್ಕೆ ನಮ್ಮಲ್ಲಿ ಬಂದು ನೆಲೆಸಿ ಹಣಕ್ಕಾಗಿ  ಜ್ಞಾನವನ್ನು ತಿರಸ್ಕರಿಸಿ ಧರ್ಮ ಭ್ರಷ್ಟರಾಗಿರುವರು.ಇದಕ್ಕೆ ಸಹಕಾರ ಕೊಟ್ಟ ಪ್ರಜಾಪ್ರಭುತ್ವ ದ ಜನರ ಗೋಳು ದೇವರಿಗೂ ಕೇಳದು.ದೈವತ್ವ ತತ್ವದಲ್ಲಿತ್ತು  ಆದರಿದು ತಂತ್ರದ ವಶವಾಗಿದೆ.ಸ್ವತಂತ್ರ ಭಾರತವನ್ನು ಸ್ವತಂತ್ರ ಜ್ಞಾನದಿಂದ  ಆತ್ಮನಿರ್ಭರ ಮಾಡಬೇಕಿದೆ. ಇದು ಸಾಧ್ಯವೆ? ಇದರ ಬಗ್ಗೆ ಚರ್ಚೆ ನಡೆಸಿದರೆ ನಮ್ಮ ಆತ್ಮಕ್ಕೆ ನಾವೇ ದ್ರೋಹವೆಸಗಿ ಯಾರದ್ದೋ ದೋಷ ಎತ್ತಿ ಹಿಡಿಯುವ ರಾಜಕೀಯ ದರ್ಶನ ಆಗುತ್ತದೆ.

ಒಟ್ಟಿನಲ್ಲಿ ರಾಜಕೀಯದಿಂದ  ರಾಜಯೋಗಿಯಾಗೋದಿಲ್ಲ.

ಅಧ್ಯಾತ್ಮ ದಿಂದ ಮಾತ್ರ ಯೋಗಿಯಾಗಿರೋದನ್ನು ಪುರಾಣ ತಿಳಿಸಿದೆ.ಪುರಾಣದ ರಾಜಕೀಯದಲ್ಲಿ ಧರ್ಮ ತತ್ವವಿತ್ತು ಗಮನಿಸಿ ತಮ್ಮ ಆತ್ಮರಕ್ಷಣೆಗಾಗಿ  ತಾವೇ ಎಚ್ಚರವಾಗೋದು ಅಗತ್ಯವಿದೆ. 

ಶ್ರೀ ಕೃಷ್ಣ ಪರಮಾತ್ಮ‌ಹೇಳಿದಂತೆ ಇಲ್ಲಿ ಎಲ್ಲರೂ ಸತ್ತಿರುವವರೆ

ಸತ್ಯವಿಲ್ಲದ ಜಗತ್ತಿನಲ್ಲಿ ಬದುಕಿರೋರು ವಿರಳ. ಸಾವು ನಿಶ್ಚಿತ ಆತ್ಮ ಅಮರ. ಶಿಕ್ಷಣ ಶಿಷ್ಟಾಚಾರದ ಕಡೆಗಿದ್ದರೆ ಜನ್ಮಸಾರ್ಥಕ.

ಶಿಷ್ಟಾಚಾರದ ಹೆಸರಿನಲ್ಲಿ ಭ್ರಷ್ಟಾಚಾರ ಬೆಳೆಯಬಾರದು.

ಎಷ್ಟೋ  ಪತ್ರಿಕೆಗಳಿಗೆ ಲೇಖನಗಳನ್ನು ಕಳಿಸುತ್ತಿದ್ದೆ ಅಧ್ಯಾತ್ಮ ವಿಚಾರ ಸತ್ಯದ ವಿಚಾರವೆಂದು ತಿರಸ್ಕರಿಸಿದ್ದರು.ಈಗ ಕೇಳಿದವರಿಗಷ್ಟೆ ನಮ್ಮ ಅರಿವಿಗೆ ಬರುವ ವಿಚಾರ ಕಳಿಸುತ್ತೇನೆ. ಕಾಲ ಒಂದೇ ಸಮನಾಗಿರದು ಸತ್ಯ ಮಾತ್ರ ಒಂದೇ ಇರುತ್ತದೆ.ಆ ಒಂದರ ಕಡೆ ನಡೆದವರ ಮನಸ್ಸು ಒಂದೇ ಇರುತ್ತದೆ.ಹೀಗಾಗಿ ಎಲ್ಲರಲ್ಲೂ ಅಡಗಿರುವ ಶಕ್ತಿ ಒಂದೇ ಆದರೂ ಅವರವರ ಪರಿಸ್ಥಿತಿ ಒಂದೇ ಇರದು. ಒಗ್ಗಟ್ಟು ತತ್ವಜ್ಞಾನ ದಿಂದ ಬೆಳೆಸಬಹುದು.ತಂತ್ರದಲ್ಲಿ ಕಷ್ಟ.

ಸಾಧ್ಯವಾದವರು ಮನೆಯೊಳಗಿದ್ದು ಸ್ವತಂತ್ರ ಜ್ಞಾನ ಪಡೆದರೆ ಆಗದವರು ಹೊರಗೆ ಬಂದು ಸ್ವತಂತ್ರ ಜೀವನನಡೆಸುವರು.

ಹೊರಗಿನ ಸ್ವಾತಂತ್ರ್ಯ ತಾತ್ಕಾಲಿಕ ತೃಪ್ತಿ ನೀಡಿದರೆ ಒಳಗಿನ ಸ್ವಾತಂತ್ರ್ಯ ಶಾಶ್ವತ ತೃಪ್ತಿಯ ಕಡೆಗೆ ನಡೆಸುವುದು.ಇದಕ್ಕೆ ದ್ಯಾನದಿಂದ ಮುಕ್ತಿ ಎಂದರು.

ಒಂದೊಂದು ಯುಗದ ದೃಷ್ಟಿ ಬೇರೆಯಾಗಿದ್ದರೂ ಧರ್ಮ ಒಂದೇ .ಜೀವನದ ಗುರಿ ಒಂದೇ ಅದೇ ಜೀವಾತ್ಮನ ಮುಕ್ತಿ.

ಮೇಲಿರುವ ಅಸಂಖ್ಯಾತ ನಕ್ಷತ್ರಗಳಂತೆ ಸೂರ್ಯ ನೂ ಒಂದು  ನಕ್ಷತ್ರ.ಆದರೆ ಅವನಿಲ್ಲದೆ ಭೂಮಿಯಲ್ಲಿ ಮನುಕುಲ ಬದುಕೋದೆ ಕಷ್ಟ.ಹಾಗಾದರೆ ನಮ್ಮ ಜೀವ ಇರೋದು ಎಲ್ಲಿ?

ಜೀವನದ ಗುರಿ ಯಾವುದು?

ಅಂತರಕ್ಕೆ ಅಜ್ಞಾನವೇ‌ ಕಾರಣ

ಎಷ್ಟು ಅಂತರವಿದೆ‌ನೋಡಿ. ಒಬ್ಬ ರೈತನಿಗೂ ಒಬ್ಬ ವೈಧ್ಯನ ಸೇವೆಗೂ ದೃಷ್ಟಿಯಲ್ಲಿ ಅಂತರವಿದೆ. ರೈತನೂ ವರ್ಣದ ಪ್ರಕಾರ ಶೂದ್ರನೆ ವೈಧ್ಯನೂ ಶೂದ್ರನೆ ಇಲ್ಲಿ ಶೂದ್ರನೆಂದರೆ ಸೇವೆ ಮಾಡುವವರಾಗಿದ್ದಾರೆ. ಪರಮಾತ್ಮನ ಸೇವೆಗೆ ಯಾವುದೇ ಬೇಧವಿಲ್ಲ.ಮಾನವನ ದೃಷ್ಟಿ ಯಲ್ಲಿ‌ಬೇಧವಿದೆ.ಹೀಗಾಗಿ ಭೂ ಸೇವಕರಿಗೆ ಬೆಲೆಯಿಲ್ಲವಾಗಿದೆ. ಒಬ್ಬ ರೈತನ ದುಡಿಮೆಯಿಂದ ಸಾಕಷ್ಟು ಜೀವ ಉಳಿಸಬಹುದು ಹಾಗೆ ಜೀವಕ್ಕೆ ರೋಗ ಬಂದಾಗ ಉಳಿಸುವ ವೈಧ್ಯನೂ  ನಾರಾಯಣನ ರೂಪದವರೆ. ರೈತನ ದುಡಿಮೆಯಲ್ಲಿ ಲೋಪಧೋಷಗಳಾದರೆ ರೋಗ ಬರೋದು.

ರೈತನಿಗೆ ಸಿಗದ ಗೌರವ ವೈಧ್ಯರಿಗೆ ಸಿಕ್ಕರೆ ಓದಿ ವೈಧ್ಯರಾಗೋರೆ ಹೆಚ್ಚು. 

ರೋಗ ಬರೋದಕ್ಕೆ  ಮುಂಚೆಯೇ ಆರೋಗ್ಯದ ಕಡೆಗೆ ಗಮನವಿಡಲು ಯೋಗಿಯಾಗಬೇಕು. ರೈತರನ್ನು ಯೋಗಿ ಎಂದು  ಕರೆಯುವರೆಂದರೆ‌ವಾಸ್ತವದಲ್ಲಿ ರೈತರ ಸ್ಥಿತಿಗೆ ಕಾರಣವೇನು? ಜನ್ಮ ಪಡೆದಾಗಲೇ ಭೂತಾಯಿಯ ಸೇವೆಗೆ ಅರ್ಹತೆ ಪಡೆದವರಿಗೆ ನಮ್ಮಲ್ಲಿ  ಬೆಲೆ ಕೊಟ್ಟು ಸಾಲದ ಹೊರೆ ಹಾಕಿದರೆಬನ ಸಾಲ ತೀರಿಸಲು ಭೂಮಿ ಮಾರಿ ಹೋಗೋದು  ಸಹಜ. ಕೆಲವರಷ್ಟೆ ಸೇವಕರಾಗಿದ್ದಾರೆ ಹಲವರು ಸರ್ಕಾರದ ಹಿಂದೆ ಹೋಗಿ ಸಾಲದ ಸುಳಿಯಲ್ಲಿರುವರು. ಹೊರಗೆ ಕಾಣುವ ಸೇವೆಗೂ ಒಳಗಿನ ಸೇವೆಗೂ  ಅಂತರವಿದ್ದಂತೆ ರೈತನ ಸೇವೆಗೂ ವೈಧ್ಯನ ಸೇವೆಗೂ ಅಂತರಬೆಳೆದಿದೆ.ಯೋಗಿಗಳ ದೇಶವನ್ನು ರೋಗಿಗಳ ದೇಶವಾಗಿಸಿರೋದು ಅಧರ್ಮ ಅಜ್ಞಾನ. ಕಲಿಗಾಲದ ಕಲಿಕೆಯ ಪ್ರಭಾವ  ಕಲಿಕೆ ಶುದ್ದವಾದರೆ ದೃಷ್ಟಿ ದೋಷ ನಿವಾರಣೆಯಾಗುತ್ತದೆ.

ರೈತ  ಕರ್ಮ ಯೋಗಿಯಾದರೆ  ಜೀವನ ಸಾರ್ಥಕ. ವೈದ್ಯನೂ ಯೋಗ್ಯ ಚಿಕಿತ್ಸೆ ನೀಡಿದರೆ  ಜೀವ ಉಳಿಸಬಹುದು. ಆದರೆ ಇಲ್ಲಿ  ವ್ಯವಹಾರಕ್ಕಿಂತ ಧರ್ಮ ವೇ ಮುಖ್ಯವಾಗಿದೆ. ಹಣದಿಂದ ಧರ್ಮ ಉಳಿಯದು  ಸತ್ಯಜ್ಞಾನದಿಂದ ಉಳಿಯುವುದು.

ಭೂ ತಾಯಿ ಸೇವೆ ಮಾಡೋದರಿಂದ ಭೂಮಿಯ ಋಣ ತೀರುತ್ತದೆ.ಸೇವೆ ನಿಸ್ವಾರ್ಥ ನಿರಹಂಕಾರ ದ ಜೊತೆಗೆ ಪ್ರತಿಫಲಾಪೇಕ್ಷೆ ಇಲ್ಲದೆ ಇರಬೇಕೆಂದರೆ ಈಗ ಸಾಧ್ಯವೆ?

ಹಣಕ್ಕಾಗಿ ಭೂಮಿ ಮಾರೋದು  ಹಣಕ್ಕಾಗಿ ಹೆಣವನ್ನು ಮಾರೋದು  ಕಲಿಗಾಲವೆನ್ನಬಹುದು.

ದೇವಸ್ಥಾನದ ಹಣ ದುರ್ಭಳಕೆ ಆಗುತ್ತಿದೆಯೆ?

ದೇಗುಲಗಳ ಹಣ ದುರ್ಭಳಕೆ ಆಗುತ್ತಿದೆ ಎನ್ನುವುದು ವಾದ ವಿವಾದದ ಹಂತಕ್ಕೆ ಬಂದಿದೆ. ನಿಜವಾಗಿಯೂ ಇದು ಸತ್ಯವಾಗಿದ್ದರೆಬನ ದೇಗುಲಗಳ ಹುಂಡಿಗೆ ಹಾಕುವ ಹಣ ಯಾರ ಆಸ್ತಿಯಾಗಿದೆ? ದೇವರದ್ದೋ ಭಕ್ತರದ್ದೋ ಎನ್ನುವ ಪ್ರಶ್ನೆ ಬಂದಾಗ ದೇವಸ್ಥಾನಕ್ಕೆ ಭಕ್ತರು ಹೋಗಲು ಕಾರಣ ಸಮಸ್ಯೆ ಯಿಂದಮುಕ್ತಿ  ಪಡೆಯಲು. ಆದರೆ ಅದೇ  ದೊಡ್ಡ ಸಮಸ್ಯೆಗೆ  ಕಾರಣವಾಗುವುದಾದರೆ  ದೇವರ ಹಣ ದುರ್ಭಳಕೆ ಆಗುತ್ತಿದೆ ಎಂದರ್ಥ.

ಯಾರ ವಶದಲ್ಲಿದೆ ದೇವಸ್ಥಾನ ಎಂದರೆ ಹಲವು ಸರ್ಕಾರದ ವಶದಲ್ಲಿದ್ದರೆ ಉಳಿದವು  ಖಾಸಗಿಯವರ ವಶದಲ್ಲಿದೆ. ಎಲ್ಲಾ ಕಡೆ ದೇವರಿರುವುದು  ಸತ್ಯವಾಗಿದ್ದರೆ ಖಾಸಗಿ ದೇಗುಲಗಳ ಹಣ ಸದ್ಭಳಕೆ ಆಗಿದೆಯೆ ಎನ್ನುವ ಪ್ರಶ್ನೆಯೂ ಬರುತ್ತದೆ.

ಕೆಲವು ಸ್ವಚ್ಚವಾಗಿದ್ದರೆ ಹಲವು ಅಶುದ್ದಿಯಾಗಿದೆ.ಎಲ್ಲೆಂದರಲ್ಲಿ ಹಾಕುವ ಹೂ ಅರಿಶಿನ‌ಕುಂಕುಮ ಎಲೆ..ದೇವಸ್ಥಾನದ ಪವಿತ್ರತೆಯನ್ನು ಹಾಳು ಮಾಡುತ್ತಿವೆ.ಆದರೆ  ಅದಕ್ಕೆ ಸರಿಯಾದ ಜನ ಸಿಗುತ್ತಿಲ್ಲವೆನ್ನುವುದು ಉತ್ತರ. 

ನಿಜವಾದ ಭಕ್ತ ದೇವಸ್ಥಾನವನ್ನು ಸ್ವಚ್ಚಗೊಳಿಸುವವನಾಗಿರುವಾಗ ಅವನಿಗೆ ಸರಿಯಾದ ಹಣ ಕೊಡದ ಕಾರಣ  ಜನ ಸಿಗುತ್ತಿಲ್ಲ.ಇದು ಪ್ರತಿಯೊಂದು ಕ್ಷೇತ್ರದ ಕಥೆ.ಕೆಳಗಿದ್ದು ಸಹಕಾರ ನೀಡುವವರಿಗೆ ಮೇಲಿನವರಲ್ಲಿ ಗೌರವವಿಲ್ಲ ಹಣವೂ ಕೊಡೋದಿಲ್ಲ ಬದುಕೋದು ಕಷ್ಟ. 

ಎಲ್ಲಿನೋಡಿದರೂ ಅಶಾಂತಿ,ಅನ್ಯಾಯ ಅಧರ್ಮ ಎದ್ದು ನಿಂತಿದೆ ಎಂದರೆ ದೇವರಿರೋದು ಹಣದಲ್ಲಲ್ಲ ಧರ್ಮ ದಲ್ಲಿ ಸತ್ಯದಲ್ಲಿ ಎಂದರ್ಥ.

ಹಾಗಾಗಿ ನಮ್ಮ ನಮ್ಮ ‌ಮನೆಯ ಶಾಂತಿ ಸುರಕ್ಷೆ ಸಮಾಧಾನಕ್ಕೆ ನಮ್ಮೊಳಗೇ ಇರುವದೈವತ್ವ ಅರಿಯೋದು  ಅಗತ್ಯ. ನಂತರವೇ ಹೊರಗಿನ ದೇಗುಲಗಳು ಸ್ವಚ್ಚವಾಗಲು ಸಾಧ್ಯ.

ಯಾರದ್ದೋ ದುಡ್ಡು ಯಲ್ಲಮ್ಮನ ಜಾತ್ರೆ ಆದಾಗ ಹಣದ ಮೂಲ ಭ್ರಷ್ಟರದ್ದಾಗಿದ್ದರೆ ಅಲ್ಲಿ ಯಲ್ಲಮ್ಮ ನ ಎಲ್ಲಿ ಎಂದು ಹುಡುಕಬೇಕಷ್ಟೆ.

ಹುಂಡಿಯ ಹಣ ದುರ್ಭಳಕೆ ಆಗುತ್ತದೆಂದು ತಟ್ಟೆಗೆ ಹಾಕಿದರೆ ಸದ್ಬಳಕೆ ಆಗೋದಾದರೆ ಹಾಕಿ.ಅಲ್ಲಿಯೂ ದೇವರು ಕೊಟ್ಟರೂ ಪೂಜಾರಿಬಿಡದಿದ್ದರೆ  ಹಣಸಂಪಾದನೆಯ ಮಾರ್ಗ ಬದಲಿಸಿ  ಶುದ್ದವಾಗಿಸಿಕೊಂಡರೆ ಇದ್ದಲ್ಲಿಯೇ ದೇವಸ್ಥಾನ. ದೇಹವೇ ದೇಗುಲ ಎಂದಂತೆ ಒಳಗಿರುವ ಎಲ್ಲಾ ಅಂಗಾಂಗಗಳ ಶಕ್ತಿ  ಸತ್ವಯುತವಾದರೆ  ದೈವತ್ವ ಒಳಗೆ ಇರುತ್ತದೆ. ಆಗ ದೇವಸ್ಥಾನದ ಸ್ವಚ್ಚತೆಗೆ  ಉತ್ತಮ ಜ್ಞಾನದ ದಾಸೋಹ  ಮಾಡುವ ಶಿಕ್ಷಣಕೇಂದ್ರವಾಗಿಸಬಹುದು.

ಮಕ್ಕಳ ಜ್ಞಾನವೂ ಬೆಳೆಯುವ ಜೊತೆಗೆ ಪೋಷಕರ ಹಣವೂ ಶಿಕ್ಷಣಕ್ಕೆ ಬಳಸಬಹುದಲ್ಲವೆ?

 ಎಷ್ಟು ಮಠ ಮಂದಿರಗಳು ಹಣವನ್ನು ಶಿಕ್ಷಣಕ್ಕೆ ಬಳಸಿದ್ದಾರೆ?

ತನ್ನ ತಾನರಿತು ಬಾಳುವ ಶಿಕ್ಷಣವೇ ನಿಜವಾದ ಯೋಗ ಶಿಕ್ಷಣ.ಯೋಗ ಮಾಡೋರೆಲ್ಲ  ಯೋಗಿಗಳಾಗಿಲ್ಲ ಆದರೂ ಉತ್ತಮ ಆರೋಗ್ಯವಂತರು.ಆರೋಗ್ಯವಂತರಲ್ಲಿ ದೇವರಿರುವರೆ  ಅಥವಾ ದೇವರೇ ಆಗಿರುವರೆ? ನಮ್ಮ ಆರು ಗುಣಗಳಾಗಿರುವ ಕಾಮಕ್ರೋಧ ಲೋಭ ಮೋಹ ಮಧ ಮತ್ಸರವೇ ಅತಿಯಾದರೆ ರೋಗ. ಇದು ಒಳಗೇ ಇದ್ದು ನಡೆಸುತ್ತದೆ. ದೇವರ ಹೆಸರಿನಲ್ಲಿ ಇದನ್ನು ಬಳಸಿದರೆ  ಮುಗಿಯಿತು ಕಥೆ. 

   ಎಲ್ಲ ಇರೋದು ದೇಶದೊಳಗೇ,  ಹಣವೂ ದೇಶದ‌ಜನರದ್ದೆ ದೇವರೂ ದೇಶವಾಸಿಗಳೇ  ಶಿಕ್ಷಣ ಮಾತ್ರ ವಿದೇಶಿಗಳ ವಶ  ಹೀಗಾದರೆ ಅನ್ಯರನ್ನು ದ್ವೇಷ ಮಾಡಿ ಉಪಯೋಗವಿಲ್ಲ.

ಅವರು ಅವರ ಶಿಕ್ಷಣ ಬಿಟ್ಟು ಧರ್ಮ ಬಿಟ್ಟು ದೇವರನ್ನು ಬಿಟ್ಟು ನಡೆದಿಲ್ಲ.ಆದರೂ ಅವರು  ತಮ್ಮ ಧರ್ಮ  ಉಳಿಸಲು   ಹಿಂದೂ ಧರ್ಮ ದವರ ಸಹಕಾರ ಪಡೆದು ದೇಶದೊಳಗಿದ್ದು ಜನರ ದಾರಿತಪ್ಪಿಸಲು ಹಣ ದುರ್ಭಳಕೆ ಮಾಡಿಕೊಂಡು   ಶಿಕ್ಷಣವನ್ನು  ವಶಪಡಿಸಿಕೊಂಡು ದೇಶ ಆಳಿರೋದು  ದೇಶವಿರೋಧಿ ಕರ್ಮ. ಹೀಗಾಗಿ ಯಾರಿಗೂ ನೆಮ್ಮದಿತೃಪ್ತಿ ಸಿಗದೆ ಅತಂತ್ರಸ್ಥಿತಿಗೆ ಜೀವನ ತಲುಪಿದೆ. 

ಹಣವಿದ್ದರೆ ಯಶಸ್ಸು ಎನ್ನುವ ಭ್ರಮೆಯಲ್ಲಿರುವ ಮಾನವ ಜ್ಞಾನವಿಲ್ಲದೆ  ಹಣವನ್ನು ದುರ್ಭಳಕೆ ಮಾಡಿಕೊಂಡರೆ ಅದಕ್ಕೆ ತಕ್ಕಂತೆ  ಶಿಕ್ಷೆಯಿದೆ.

ಹಿಂದೂ ದೇವತೆಗಳ ಹಣವನ್ನು ಅನ್ಯಧರ್ಮ ದವರು ಬಳಸಿದರೆ ಅಧರ್ಮ ಹಾಗೆಯೇ ಅನ್ಯರ ಹಣವನ್ನು ಹಿಂದೂಗಳು  ಪಡೆದರೂ ಅಧರ್ಮ. ಮತಾಂತರಗಳಿಗೆ ಸಾಕಷ್ಟು ಹಣವನ್ನು ಬಳಸಲಾಗುತ್ತಿದೆ ಎನ್ನುವುದು ಸತ್ಯ ಹಾಗಾದರೆ ಆ ಹಣದ ಮೂಲ ನಮ್ಮದೇ ಅಥವಾ ಪರರದ್ದೆ? ಮತಾಂತರಕ್ಕೆ ಮಸೀದಿ ಚರ್ಚ್ ಗಳಿಗೆ ವಿದೇಶದಿಂದ ಸಾಕಷ್ಟು ಹಣಬರುತ್ತಿದೆ ಎಂದರೆ ವಿದೇಶದಲ್ಲಿರುವ ಹಿಂದೂಗಳ ಹಣವಂತೂ ಇರೋದಿಲ್ಲ. ಹಿಂದೂಗಳೇ ಅವರ ಕೈಕೆಳಗೆ ದುಡಿದಿರುವಾಗ ಅನ್ಯರ ಹಣವೇ ಬಳಕೆಯಾಗಿದೆ ಎಂದರ್ಥ. ಹೀಗಾಗಿ ದೈವಶಕ್ತಿಯ ಹೆಸರಿನಲ್ಲಿ ವ್ಯವಹಾರ ಮಿತಿಮೀರಿ  ಜನರನ್ನು ದಾರಿತಪ್ಪಿಸುವ‌ಕೆಲಸ ಜೋರಾಗಿದೆ.

ಇದನ್ನು ತಡೆಯಲು ಇದ್ದ ಒಂದೇ ‌ಮಾರ್ಗ ವೆಂದರೆ ನಮ್ಮವರಿಗೆ ಸರಿಯಾದ ಸಂಸ್ಕಾರದ ಶಿಕ್ಷಣ ಕೊಟ್ಟು ಸತ್ಯ ಯಾವುದು ಮಿಥ್ಯ ಯಾವುದೆನ್ನುವ ಅರಿವುಮೂಡಿಸುವುದಾಗಿತ್ತು ಆಗಿದೆ. ಈಗಲೂ ಎಷ್ಟೋ ಮಠ ಮಂದಿರ  ಶ್ರೀಮಂತ ವಾಗಿದೆ. ಆದರೆ ಅದರ ಪಕ್ಕದಲ್ಲಿ ಇರುವ ಸಣ್ಣ ದೇವಸ್ಥಾನಕ್ಕೆ ಸಹಕಾರ ಕೊಡುತ್ತಿಲ್ಲ ಆ ಸಣ್ಣ ದೇವಸ್ಥಾನದವರು ನಡೆಸಲಾಗದೆ ಸರ್ಕಾರದ ವಶವಾಗಿ ಇದ್ದ ಅಲ್ಪ ಶಕ್ತಿಯನ್ನು ಕಳೆದುಕೊಂಡು  ತಮ್ಮ ‌ಬದುಕನ್ನು ನಡೆಸುವ ಸ್ಥಿತಿಗೆ ಬರುತ್ತಿದ್ದಾರೆಂದರೆ ನಮ್ಮಲ್ಲಿ ದೇವಸ್ಥಾನಕ್ಕೆ ಹಾಕಲು ಹಣವಿದೆ ನಮ್ಮವರ ಸಮಸ್ಯೆಗೆ ಪರಿಹಾರ ಕೊಡಲು ಜ್ಞಾನವಿಲ್ಲವಾಗಿದೆ. ಇಂದಿನ ಜೀವನ ಮುಂದಿನ ಜನ್ಮವನ್ನು ನಿರ್ಧಾರ ಮಾಡುತ್ತದೆ. ಅತಿಯಾದ ಶ್ರೀಮಂತ ‌ಬಡವನಾಗಬಹುದು ಅತಿಯಾದ ಬಡವ ಶ್ರೀಮಂತ ನಾಗಬಹುದು. ಇವೆರಡರ ನಡುವಿರುವ ಮಧ್ಯವರ್ತಿ ಬಿಕ್ಷುಕನಾಗಲೂಬಹುದು ಅಥವಾ ಜ್ಞಾನವುಳ್ಳ ಬಿಕ್ಷುವಾಗಬಹುದು. ನಮ್ಮ ಹಣ ಸ್ವಚ್ಚವಾಗಿದ್ದರೆ ಸುಜ್ಞಾನ.ಭ್ರಷ್ಟಚಾರದಲ್ಲಿದ್ದರೆ ಅಜ್ಞಾನ.

ದೇವರಿಗೆ ಗುಡಿಗೋಪುರ ಕಟ್ಟಲು ಹಣ ಬೇಕು.ಅದೇ ನಮ್ಮ ದೇಹವನ್ನೇ ದೇಗುಲವಾಗಿಸಿಕೊಳ್ಳಲು ಹಣವನ್ನು ಸದ್ಬಳಕೆ ಮಾಡಿಕೊಳ್ಳುವ ಗುಣಜ್ಞಾನವಿರಬೇಕೆನ್ನುವ ಮಹಾತ್ಮರನ್ನು ಅರ್ಥ ಮಾಡಿಕೊಂಡರೆ ಅವರು ದೇವರನ್ನು ದೇವಸ್ಥಾನದಲ್ಲಿ ‌ಮಾತ್ರ ಕಂಡಿರಲಿಲ್ಲ. ದೇವಸ್ಥಾನದ ಪವಿತ್ರತೆ ಉಳಿಯೋದು ಅಲ್ಲಿರುವ ಜ್ಞಾನದಿಂದ ಹೀಗಾಗಿ ಹಾಳಾಗಿರುವ ಶಿಕ್ಷಣವನ್ನು ಸರಿಪಡಿಸುವ ಶಿಕ್ಷಣ ಕೇಂದ್ರ ದೇವಸ್ಥಾನದ ಮುಖ್ಯಭಾಗವಾದರೆ  ಪೋಷಕರ ಹಣದ ಜೊತೆಗೆ ಮಕ್ಕಳೂ ಸಜ್ಜನರರಾಗಬಹುದಿತ್ತು. ಈ ವಿಚಾರ

ಮೊದಲಿನಿಂದಲೂ ಬರವಣಿಗೆಯ ಮೂಲಕ ಹೊರಹಾಕಿದ್ದರೂ ಈವರೆಗೆ   ಹಿಂದೂಗಳು ಎಚ್ಚರವಾಗದೆ ದೇವಸ್ಥಾನದ ಹಣದ ಬಗ್ಗೆ ಹೊರಗೆ ಹೋರಾಟ ನಡೆಸಿದರೆ ಅನ್ಯರಿಗೆ ಇನ್ನಷ್ಟು ಶಕ್ತಿ ಬರುತ್ತದೆ.  ಶಾಂತಿಯಿಂದ ಸತ್ಯ ತಿಳಿಯಬೇಕು ಕ್ರಾಂತಿ ಯ ಮನಸ್ಸಿಗೆ ಅರ್ಥ ವಾಗದು.

ಅಸುರರ ಸಂಹಾರಕ್ಕೆ ಕ್ರಾಂತಿ ಅಗತ್ಯವಿದೆ.   ಶಿಕ್ಷಣದಾಸೋಹಕ್ಕೆ ಹಣ ಬಳಕೆಯಾಗುವಾಗ ಶಿಕ್ಷಣದ ವಿಷಯ ಸತ್ವ ಸತ್ಯ ತತ್ವದಿಂದ ಕೂಡಿರಬೇಕು.ಅದೂ ಆಂಗ್ಲರ ವಶದಲ್ಲಿದ್ದರೆ  ತಡೆಯೋರಿಲ್ಲ.ತಲೆಗೆ ಹಾಕಿರುವ ವಿಷಯವೇ ನಮ್ಮದಲ್ಲದ ಮೇಲೆ ಆತ್ಮನಿರ್ಭರ ಆಗಲು ಸಾಧ್ಯವಿಲ್ಲ.

ರಾಜಕೀಯದ ವಶಕ್ಕೆ ದೇವರನ್ನು ಬಿಟ್ಟರೆ ಆಗೋದೇ ಹೀಗೆ.ಭಕ್ತಿ ಆಂತರಿಕ ಶಕ್ತಿ. ಇದನ್ನು ಯೋಗದಿಂದ ಬೆಳೆಸುವ ಯೋಗ್ಯ ಶಿಕ್ಷಣವೇ ದೈವಶಕ್ತಿಯಾಗಿದೆ. ಇದಕ್ಕೆ ಹಣವನ್ನು ಬಳಸುವುದೇ  ದೇವಸ್ಥಾನದ ಗುರಿಯಾಗಿದೆ. ಭಾರತೀಯ ಶಿಕ್ಷಣ ಯಾವತ್ತೂ ಸ್ವತಂತ್ರ ಜ್ಞಾನದ ಕಡೆಗಿತ್ತು.ಮಕ್ಕಳ ಜ್ಞಾನ ಪ್ರತಿಭೆ ಆಸಕ್ತಿ ಗುರುತಿಸಿ ಕಲಿಸುವ ಶಿಕ್ಷಣದಿಂದ ಶಿಷ್ಟರು ಬೆಳೆಯಬಹುದು. ಇದಕ್ಕೆ ವಿರುದ್ದ ಕಲಿಸಿದಷ್ಟೂ ಭ್ರಷ್ಟರೆ ಬೆಳೆಯೋದು.

ಕ್ಷಮಿಸಿ, ಸತ್ಯ ಕಠೋರವಾಗಲು ಕಾರಣ ಅದನ್ನು ತಡೆಹಿಡಿದ ರಾಜಕೀಯ ಬುದ್ದಿಯಾಗಿದೆ.ದೇವರು ರಾಜಕೀಯದಲ್ಲಿರುವರೆ? ದೇವಸ್ಥಾನಗಳು ರಾಜಕೀಯಕ್ಕೆ ಒಳಪಟ್ಟರೆ ಅರ್ಥ ವೇನು? ನಿಜವಾಗಿಯೂ ದೇವರು ಇರೋದೆಲ್ಲಿ?

ಯಾವ ಸರ್ಕಾರ ಬಂದರೂ ದೇವಸ್ಥಾನವನ್ನು ಬಿಡುಗಡೆ ಮಾಡಲಾಗಿಲ್ಲ.ಕಾರಣ ಅದರ ಸಂಪತ್ತು  ದೇಶದ ಸಂಪತ್ತು.

ಆದರೆ  ಅದನ್ನು ದುರ್ಭಳಕೆ ಮಾಡಿಕೊಂಡಷ್ಟೂ ದೇಶಕ್ಕೆ ಆಪತ್ತು. ಸತ್ಯ ನ್ಯಾಯ ಧರ್ಮ ನಿಷ್ಟೆ ಯಿಂದ ಹಣಗಳಿಸುವುದು ಕಷ್ಟ ಹೀಗಾಗಿ ಅಸತ್ಯ ಅನ್ಯಾಯ ಅಧರ್ಮ ಅನೀತಿಯ ಹಣವನ್ನು ದೇವರಿಗೆ ಅರ್ಪಿಸಿ ತಮ್ಮ ಪಾಪ ಕಳೆದುಕೊಳ್ಳುವವರಿಂದ  ದೇವಸ್ಥಾನದಲ್ಲಿ ದೇವರು ನೆಲೆಸುವರೆ ಅಸುರರೆ? ದಾಸಶರಣ ಸಂತ ಮಹಾತ್ಮರುಗಳ ತತ್ವಜ್ಞಾನ  ಏಕತೆ ಐಕ್ಯತೆ ಸಮಾನತೆಯ ಕಡೆಗಿತ್ತು. ಈಗ ತಂತ್ರವೇ ಮುಂದೆ ಹೋಗಿ  ಅನ್ಯರ ದಾಸರಾದವನ್ನು ಜನರೆ ಎತ್ತಿ ಏರಿಸಿದಾಗ  ಜನರೊಳಗಿದ್ದ ದೇವರು ಕಾಣೋದಿಲ್ಲ. 

ಒಟ್ಟಿನಲ್ಲಿ ದೇವರ ಹಣವನ್ನು  ದುರ್ಭಳಕೆ ಮಾಡಿಕೊಂಡರೆ ಮಾರಿಹಬ್ಬ. ಇಲ್ಲಿ ಪ್ರಜಾಪ್ರಭುತ್ವ ಇದೆಪ್ರಜೆಗಳೇ ದೇವರು ಎಂದಾಗ ಜನರ ಹಣ ದುರ್ಭಳಕೆ ಮಾಡಿಕೊಂಡರೆ  ಸಾಧನೆಯಲ್ಲ.

ಇದು ತಲೆತಲಾಂತರದವರೆಗೆ  ಹೋಗುವ ಪ್ರಾರಬ್ದಕರ್ಮ.

ಇದು ಎಲ್ಲಾ ಧರ್ಮ ದವರಿಗೂ ಅನ್ವಯಿಸುತ್ತದೆ. ವೈಭೋಗದ  ಆಚರಣೆಗೆ ಬದಲಾಗಿ ವೈಚಾರಿಕತೆಯಹಿಂದೆ ಇರುವ ವಿಜ್ಞಾನದ ಅರಿವಿದ್ದರೆ ಹಣವಿಲ್ಲದೆಯೂ ದೈವತ್ವ ಪಡೆಯಬಹುದು.

ದಾಸ ಶರಣ ಸಂತ ಮಹಾತ್ಮರು,ಭಕ್ತರು ಜ್ಞಾನಿಗಳ ಹೃದಯದಲ್ಲಿ  ಪರಮಾತ್ಮನಿದ್ದನು ಪರಮಾತ್ಮನ‌ಹೃದಯದಲ್ಲಿ ಲಕ್ಮಿ ಯಿರುವಳು ಅಂದರೆ ಮಹಾಲಕ್ಮಿ ಕೇವಲ ಹಣವಲ್ಲ ಜ್ಞಾನದೇವತೆಯಾಗಿ ಎಲ್ಲರ ಹೃದಯವಂತಿಕೆಯಲ್ಲಿರುವಾಗ

ಅವಳನ್ನು ಹೊರಗೆಳೆದು  ಆಳಲು ಹೋದರೆ  ಹೃದಯಹೀನ ಬಾಳಾಗುತ್ತದೆ.

ಎಷ್ಟು ಧನ ಸಂಪತ್ತು ಇದ್ದರೂ ನೆಮ್ಮದಿ ತೃಪ್ತಿ ಸಿಗದಿದ್ದರೆ ಅದು ಪರಮಾತ್ಮನಿಗೆ ಅರ್ಪಣೆ ಆಗಿಲ್ಲವೆಂದರ್ಥ.

ಹಾಗೆಯೇ ದೇಗುಲಗಳ ಹಣ ಸಂಪತ್ತು ದುರ್ಭಳಕೆ ಆಗುತ್ತಿದೆ ಎಂದರೆ ಅಲ್ಲಿ ಅಸುರ ಶಕ್ತಿ ಅಡಗಿದೆ ದೇವರಿಲ್ಲ ಎಂದರ್ಥ.

ಒಳಗೆ ಶುದ್ದಿ ಮಾಡದೆ ಹೊರಗೆ ಹೋರಾಡಿದರೆ ಉಪಯೋಗವಿಲ್ಲ .

ಮನೆಯೊಳಗಿನ ಸಂಬಂಧ ಕ್ಕೆ ಬೆಲೆಕೊಡದೆ ಹೊರಗಿನ ಸಂಬಂಧ ಬೆಳೆಸಿದರೆ  ಹಣಕ್ಕಾಗಿ  ಜ್ಞಾನ ಕಳೆದುಕೊಂಡಂತೆ.

ಪ್ರತಿಯೊಂದು ಕ್ಷೇತ್ರದ ಸಮಸ್ಯೆ ಇರೋದೇ ಹಣದಲ್ಲಿ. ಇದರ ಮೂಲವರಿಯದೆ ಬಳಸಿದರೆ ದುರ್ಭಲತೆ ಹೆಚ್ಚುವುದು.

ಕಾಯಕವೇ ಕೈಲಾಸವೆಂದ ಶರಣರನ್ನರಿಯದೆ ಅವರ ಹೆಸರಿನಲ್ಲಿ  ವ್ಯವಹಾರಕ್ಕೆ ಇಳಿದುಹಣಮಾಡಿದರೂ‌ಜ್ಞಾನ ಬರದು. ಮಹಾತ್ಮರ ನಡೆನುಡಿ ದೇವರ ಗುಣಜ್ಞಾನ ಅರ್ಥ ಆಗಲು ಉತ್ತಮ ಸಂಸ್ಕಾರದ ಶಿಕ್ಷಣವಿರಬೇಕಷ್ಟೆ.

ಅದೇ ದಾರಿತಪ್ಪಿ ಅಡ್ಡದಾರಿಹಿಡಿದು   ಮಕ್ಕಳ ಜ್ಞಾನ ದುರ್ಭಳಕೆ ಆದರೆ ಸಮಸ್ಯೆ ಒಳಗೇ ಬೆಳೆದು ಹಣವನ್ನು ಹೇಗೆ ಬಳಸಬೇಕೆಂಬ ಅರಿವಿಲ್ಲದೆ  ಹೋಗುತ್ತದೆ ಜೀವ. ಇದರಲ್ಲಿ ತಪ್ಪು ಹುಡುಕುವ‌ಬದಲು ನಮ್ಮಲ್ಲಿ  ತಪ್ಪು ಹುಡುಕಿಕೊಂಡು ಸಂಪಾದನೆಯ ಮೂಲ ಸ್ವಚ್ಚ. ಜ್ಞಾನದಿಂದ ಆದರೆ  ದೇಹವೇ ದೇಗುಲ. ದೇಗುಲಗಳಲ್ಲಿ ದೇವರಿರುವರು. ದೇಗುಲದ ಹಣವೂ  ಸದ್ಬಳಕೆ ಆಗುತ್ತದೆ.

ಆಚಾರ ವಿಚಾರ ಪ್ರಚಾರವೆಲ್ಲವೂ ಹೊರಗಿದೆ ಆದರೆ ಒಳಗಿದ್ದ ಜ್ಞಾನದ ಸಂಸ್ಕಾರ ಮಾಡುವ ಶಿಕ್ಷಣವಿಲ್ಲದೆ ಭ್ರಷ್ಟಾಚಾರ ಬೆಳೆದಿದೆ. ಮೂಲ ಸ್ವಚ್ಚ ವಾದರೆ ಮೇಲಿನ ಹಂತಕ್ಕೆ ಏರಬಹುದು. ಎಲ್ಲಾ ಕಲಿಗಾಲದ ಮಹಿಮೆ. ಕಲಿಕೆಯ ಮಹಿಮೆ. ದೊಡ್ಡ ದೊಡ್ಡ ಬಂಗಲೆ ಕಟ್ಟಿದರೂ ಒಳಗಿರುವವರಲ್ಲಿ  ದೈವಜ್ಞಾನವಿಲ್ಲವಾದರೆ ಭೂತಬಂಗಲೆ. ಅದರೊಳಗೆ ಸೇರಿ ಕೆಲಸ ಮಾಡುವವರೂ ಹಾಗೇ  ಇರುವರು.ಇದು ದೇವಸ್ಥಾನ ದೇಗುಲ ಮಠ ಮಂದಿರಗಳಲ್ಲಿ ಆಗಬಾರದಷ್ಟೆ. ಸತ್ಯ ತತ್ವ ಸತ್ವ ಇರುವ ಕಡೆ  ದೇವರಿರುವರು.

ಹಾಗಾದರೆ ಇದು ಹೊರಗಿದೆಯೆ ಒಳಗೋ? ಸಂಶೋಧನೆ ಒಳಗಿನಿಂದ ನಡೆಸಲು ಹಣವನ್ನು ಸದ್ಬಳಕೆ ಮಾಡಿಕೊಳ್ಳಬೇಕು. ಸದ್ಬಳಕೆ ಮಾಡಲು ಸತ್ಯಜ್ಞಾನವಿರಬೇಕು.

ಸತ್ಯಜ್ಞಾನವು ಸತ್ಯದ ನಡೆ ನುಡಿಯೊಳಗಿರಬೇಕು, ಕಣ್ಣಿಗೆ ಕಾಣದ ಸತ್ಯ ಕಾಣುವ ಅಸತ್ಯದ ನಡುವೆ  ವ್ಯವಹಾರಿಕ ಸಂಬಂಧ ಹೆಚ್ಚಾದರೆ ಹಣವೇ ಸರ್ವಸ್ವ. ಹೀಗಾಗಿ ಜ್ಞಾನ ಕುಸಿದು ಹಣ ದುರ್ಭಳಕೆ ಆಗುತ್ತದೆ.

ಯಾವುದೇ ಧರ್ಮ ದವರಾದರೂ ಭೂಮಿಯ ಋಣತೀರಿಸಲು ಸತ್ಯ ಜ್ಞಾನ ಅಗತ್ಯವಿದೆ. ಎಲ್ಲಿಯವರೆಗೆ ಅಸತ್ಯ ಅನ್ಯಾಯ ಅಧರ್ಮ ದ ರಾಜಕೀಯಕ್ಕೆ ಸಹಕಾರ ಇರುವುದೋ ಅಲ್ಲಿಯವರೆಗೆ  ಸತ್ಯವಿದ್ದರೂ ಮರೆಯಾಗಿರುತ್ತದೆ.ಅಸತ್ಯ  ಒಮ್ಮೆ ಹೊರಬಂದಾಗಲೇ ಒಳಗಿದ್ದ ಸತ್ಯದರ್ಶನ. ಹೀಗಾಗಿ ಎಲ್ಲರ ಹೃದಯವಂತಿಕೆಯನ್ನು ಹಣದಿಂದ ಅಳೆಯಬಾರದು. ಹೃದಯದ ಕಸಿ ಮಾಡೋರು ಇದ್ದರೂ ಹೃದಯವಂತಿಕೆ ಬೆಳೆಸೋ ಶಿಕ್ಷಕರು  ಗುರುಗಳು  ಇಲ್ಲವಾದರೆ  ವ್ಯರ್ಥ.