ಮಾನವ ಜನ್ಮ ದೊಡ್ಡದು

ಭೂಮಿಯಲ್ಲಿ ಮಾನವ ಜನ್ಮ ಪಡೆಯಲು ಎಷ್ಟೋ ಜನ್ಮದ ಪುಣ್ಯವಿರಬೇಕಂತೆ. ಪುಣ್ಯಮಾಡಿದವರಿಗೆ ಮಾನವ ಜನ್ಮ ಬರೋದಾದರೆ ಪಾಪ ಮಾಡಿದವರಿಗೆ ಯಾವ ಜನ್ಮ?

ಮಾನವ ಜನ್ಮದೊಡ್ಡದು ಹಾಳು ಮಾಡದಿರಿ ಹುಚ್ಚಪ್ಪಗಳಿರಾ

ಎಂದು ದಾಸರು ತಿಳಿಸಿರೋದರ ಹಿಂದೆ ಜನ್ಮ ಪಡೆದು ಪರಮಾತ್ಮನ  ತಿಳಿಯದಿದ್ದರೆ  ವ್ಯರ್ಥ ಎಂದು. ದೇವರನ್ನು ಬಿಟ್ಟು  ಯಾರೂ ಇಲ್ಲ. ಹಾಗಂತ ದೇವರನ್ನು ಎಲ್ಲಾ ಒಪ್ಪಲು

ಕಷ್ಟ. ಇಡೀ  ಬ್ರಹ್ಮಾಂಡವನ್ನು ಆವರಿಸಿರುವ ಅಣು,ರೇಣು,ತೃಣ,ಕಾಷ್ಠ ವನ್ನಾವರಿಸಿರುವ ಸರ್ವವ್ಯಾಪಿ ಶಕ್ತಿ

ನನ್ನೊಳಗಿಲ್ಲವೆನ್ನುವ ಮಾನವನಿಗೆ  ನಾನೆಂಬುದಿಲ್ಲ ಎನ್ನುವ

ಅದ್ವೈತ ವನ್ನು  ನಾನಿದ್ದಾಗ ತಿಳಿಸಲಾಗದು. ನಾನು ಹೋದರೆ

ಅಲ್ಲಿ ಉಳಿಯುವುದು ದೈವ ಒಂದೇ. ಜನನ ಮರಣಗಳ ನಡುವಿನ ಜೀವನದಲ್ಲಿ ಸಾಧನೆ  ಭೌತಿಕ ಜಗತ್ತಿನಲ್ಲಿ ಕಂಡರೆ

ಅಧ್ಯಾತ್ಮ ಜಗತ್ತು ಕಾಣೋದಿಲ್ಲ. ಹೀಗಾಗಿ  ನಮ್ಮನ್ನು ನಾವೇ

ಒಳಹೊಕ್ಕಿ ನೋಡಿಕೊಳ್ಳಬೇಕೆನ್ನುತ್ತಾರೆ ಮಹಾತ್ಮರು.

ಹೊರಗಿನ ದೇವತೆಗಳನ್ನು  ಹೊರಗೆ ಬಿಟ್ಟು  ಒಳಗಿನ ದೇವರನ್ನು  ಕಾಣೋದಕ್ಕೆ ಪ್ರಯತ್ನ ಪಟ್ಟವರಿಗೆ  ದೇವರ ಅಸ್ತಿತ್ವ  ಸ್ಪಷ್ಟವಾಗಿ ಅರ್ಥ ವಾದರೂ  ಒಳಗೆ ಕಾಣಿಸಿದ ಶಕ್ತಿ

ಹೊರಗೆ ತೋರಿಸಲಾಗದೆ ಮೌನವಾದರು.ಇದನ್ನು ವಿಜ್ಞಾನ ಜಗತ್ತು  ಸೋಲು ಎಂದರೆ ಗೆದ್ದವರು ಯಾರು? ವಿಜ್ಞಾನವೆ,?

ಮಾನವನ ಅಜ್ಞಾನದ ಮಿತಿಮೀರಿದ  ಆವಿಷ್ಕಾರದಿಂದ ಭೂಮಿ ತನ್ನ ಪವಿತ್ರತೆಯನ್ನು ಕಳೆದುಕೊಂಡರೂ  ಅದರ ಮೇಲೇ ನಿಂತು ರಾಜಕೀಯ ನಡೆಸೋರಿಗೇನೂ ಕೊರತೆಯಿಲ್ಲ. ಕೊರತೆಯಿರೋದು ಜ್ಞಾನದಲ್ಲಿ .ಹಣದಿಂದ ಋಣ  ಬೆಳೆಸಿಕೊಂಡು  ಜನ್ಮಜನ್ಮಗಳವರೆಗೆ ತೀರಿಸಲಾಗದೆ

ಅತಂತ್ರ ಆತ್ಮಗಳನ್ನು  ಕಂಡವರ್ಯಾರು?

ದೇಹದಲ್ಲಿ ಚೈತನ್ಯಶಕ್ತಿ ಇರೋವಾಗಷ್ಟೇ ಅಧ್ಯಾತ್ಮ ಸಾಧನೆ ಸಾಧ್ಯ.