ಧಾರ್ಮಿಕ ಸ್ವಾತಂತ್ರ್ಯ ನಮಗೆ ಸಿಕ್ಕಿದೆಯೆ?

"ಧಾರ್ಮಿಕ ಸ್ವಾತಂತ್ರ್ಯ ನಮ್ಮ ಜನ್ಮ ಸಿದ್ದ ಹಕ್ಕು"

 ಇದನ್ನು ಈಗ ಬಳಸಬಹುದೆ?.ಆದರೂ ಇದರಲ್ಲಿನ  ಒಳ ರಾಜಕೀಯವಿದ್ದರೆ  ನಷ್ಟವೆ ಗತಿ.

ಪ್ರತಿಯೊಬ್ಬರಿಗೂ ಅವರವರ ಮೂಲ ನೆಲ,ಜಲ,ಧರ್ಮ ಕರ್ಮ ಹುಟ್ಟುವಾಗಲೆ  ಭಗವಂತ ನೀಡಿ ಹುಟ್ಟಿಸಿರುವಾಗ

ಪೋಷಕರಾದವರು ಅದಕ್ಕೆ ವಿರುದ್ದದ ಶಿಕ್ಷಣ ನೀಡಿ ಹೊರಗೆ

ಸ್ವಾತಂತ್ರ್ಯ ಬೇಡಿದರೆ  ಸಿಗುವುದಿಲ್ಲ. ಇದೇ ಕಾರಣಕ್ಕಾಗಿಯೇ

ನಮ್ಮ ಹಿಂದಿನ ಸ್ವಾತಂತ್ರ್ಯ ಹೋರಾಟಗಾರರಲ್ಲಿನ ಮಹಾತ್ಮರು  ಸತ್ಯಾಗ್ರಹವನ್ನು ಆಧ್ಯಾತ್ಮಿಕ ಮಾರ್ಗದಿಂದ

ನಡೆಸಿ ಕೊನೆಯಲ್ಲಿ ಸತ್ಯಕ್ಕೆ ಜಯ ಸಿಕ್ಕಿತು.

ಆದರೆ, ನಂತರದ  ರಾಜಕೀಯದಲ್ಲಿ ಬೆಳೆಸಿಕೊಂಡ ಹಲವು

ವಿದೇಶಿ ರೀತಿ ನೀತಿ,ವ್ಯವಹಾರ,ಶಿಕ್ಷಣದಲ್ಲಿಯೇ ದೇಶವಿರೋಧಿ ನೀತಿಯಿದ್ದರೂ  ತಿಳಿಯದೆ ಮುನ್ನೆಡೆದ

ಪರಿಣಾಮವೆ ಇಂದಿನ ಪರಿಸ್ಥಿತಿಗೆ ಕಾರಣ. ಇದನ್ನು ಯಾವ

ರಾಜಕಾರಣಿಗಳೂ ಸರಿಪಡಿಸಲಾಗದು.ಹಾಗೆಯೇ ಯಾವ

ಪ್ರತಿಷ್ಟಿತರೂ  ಸರಿಪಡಿಸಲಾಗದು.ಪ್ರಚಾರ ಮಾಡಬಹುದು

ಅದನ್ನು ಜನಸಾಮಾನ್ಯರು ಎಷ್ಟು ಅರ್ಥ ಮಾಡಿಕೊಂಡು

ನಡೆಯಬಹುದೆಂಬ ಅರಿವು ಅಗತ್ಯವಿದೆ. ಇರುವುದೊಂದೆ ಮಾರ್ಗ  ಶಿಕ್ಷಣದಲ್ಲಿ  ಬದಲಾವಣೆ .ಇದಕ್ಕೆ ಪ್ರಜೆಗಳು ರಾಜಕೀಯ ದ್ವೇಷ ಬಿಟ್ಟು ಸಹಕರಿಸಿದರೆ  ನಿಜವಾದ ಸ್ವಾತಂತ್ರ್ಯ ದ ಉತ್ಸಾಹ, ಉತ್ಸವ  ಮುಂದಿನ ದಿನಗಳಲ್ಲಿ

ಕಾಣಬಹುದು.

ಭ್ರಷ್ಟಾಚಾರ. ಬೆಳೆದಿರೋದೆ ಭ್ರಷ್ಟರ ಸಹಕಾರದಿಂದ. ಇದು

ಎಲ್ಲಾ ಪ್ರಜೆಗಳಲ್ಲಿ  ಕಾಣದೆ ಅಡಗಿರುವಾಗ  ಸ್ವಾತಂತ್ರ್ಯ ಕ್ಕೆ

ಮಹಾತ್ಮರಾಗಬೇಕು. ಸತ್ಯಾಗ್ರಹ  ಈಗ ಅಸತ್ಯದವರಿಂದ

ಹೆಚ್ಚಾಗಿರುವಾಗ. ಶಕ್ತಿ ಎಲ್ಲಿಂದ ಎಲ್ಲಿಗೆ ತಲುಪಿದೆ?ಆಂಗ್ಲರು

ಬ್ರಿಟಿಷ್‌ ರು  ಎಲ್ಲೂ ಹೊರಗಿಲ್ಲ. ನಮ್ಮ ಶಿಕ್ಷಣದಲ್ಲಿಯೇ

ಇದ್ದು ದೇಶದ ಮಕ್ಕಳನ್ನು ,ಮಹಿಳೆಯರನ್ನು  ಹೊರಗೆಳೆದು

ರಾಜಕೀಯದಲ್ಲಿ ಮುಳುಗಿಸಿದ್ದಾರೆ. ವ್ಯಕ್ತಿಯ ಒಳಗಿನ  ಶಕ್ತಿ

ನಮ್ಮ ಮೂಲವನ್ನು  ತಿಳಿಯದೆ ಹೊರಗೆಳೆದಾಗಲೆ ಸ್ವತಂತ್ರ

ಜ್ಞಾನ ಹಿಂದುಳಿಯುವುದು.

ಜ್ಞಾನದ ದೇಶ ವಿಜ್ಞಾನದ,ವಿದೇಶದ ವಿಪರೀತ ಜ್ಞಾನದ ಶಿಕ್ಷಣ

ಪಡೆದ ಪ್ರಜೆಗಳ ಪ್ರಭುತ್ವದಲ್ಲಿದೆ.ಸಾಮಾನ್ಯಜ್ಞಾನದ ಮಾನವ

ಧರ್ಮ ಎಲ್ಲಿದೆ?

ನಮಗಿನ್ನೂ  ಸ್ವಾತಂತ್ರ್ಯ ದಿನಾಚರಣೆ ಆಚರಿಸಲು ಅವಕಾಶ

ಇದೆ ಎಂದರೆ ನಾವಿನ್ನೂ ಪೂರ್ಣ ಪರತಂತ್ರರಲ್ಲವೆಂದು.

ಇದು ಭಾರತಮಾತೆಯ ಶಕ್ತಿ.ತಾಯಿಯನ್ನು ಆಳೋದೇ ಅಧರ್ಮ. ಅದರಲ್ಲೂ ಅಧರ್ಮದಿಂದ ಆಳಿದರೆ ಬಿಡುವಳೆ?